船皇 (大埔超級城) (已結業)

大埔一直都係收埋好多好野食嘅地方。呢間船皇起香港好似都有幾間分店，我之前起第二間分店飲過佢嘅泰式奶茶，好正宗，所以今次黎試埋佢嘅泰式食物，希望唔會失望～呢度嘅枱都比較多，容易搵位，枱之間又唔會太近，所以感覺都幾安全去過泰國嘅話就一定會認的呢隻羮，起泰國嘅街邊檔成日都係用呢一款嘅羮呢啲調味料都係泰國街邊一定會有嘅，鍾意濃味嘅我梗係全部都加晒落去就係為咗呢一杯野先黎，同上次飲一樣咁好味，佢仲要係冇冰，本身已經雪凍咗，所以慢慢飲都唔怕船麵係必食嘅，係佢呢間野最出名嘅食物，湯底好濃好稠，落足料，好夠味，而且配料都好正宗呢個炒金邊炒係大埔限定，即叫即炒，所以等耐咗少少，但係值呀，因為好夠鑊氣呢個都係大埔限定，椰汁俾得好夠，所以成個飯都夠甜串燒燒得夠火候，所以表面都幾脆咁樣打卡啲人以為我去咗泰國hahaha

叫左一個豬肉船麵同肉碎蛋飯，麵得個辣又唔夠湯，豬肉有8成係豬腩肉，兩點幾又話冇豬潤。飯就好油同冇味，得一只手咁大，成個份量少。總結冇味道可言服務態度差，逼人坐門口位，問個職員佢話要等出面啲人安排，但個陣根本冇人係出面櫃枱，收銀又忙住落單，最後好似孤兒仔咁坐番門口位，去KFC 食好過佢，起碼有得揀位。。。周圍有人食完野未帶口罩又咳。自助形式叫餐但收坐係到食既價錢，要自己攞餐具同攞水。結論係兩個字，唔抵！

住大埔的朋友同我講大埔超級城有間泰國菜唔錯，話要帶我去大埔食飯，餐廳係先排隊落單俾錢再拎個會响既機去個位到等取餐，呢度係自己揾位坐，有梳化位坐都幾舒服嫁，我地叫左船皇湯麵，麵既份量都幾大碗而且都幾多料嫁。仲加左$1和牛，令到碗麵味道層次更豐富左，仲有叫左碟泰式炒金邊粉，金邊粉炒到好香口，仲有叫左串燒菠蘿串好甜，牛肉丸串細細粒彈牙爽口，沙爹雞肉好淋，仲有泰式蝦卷炸得香脆可口，泰妹雞翼都一樣好香脆，最尾我地叫左杯泰式紅豆冰好香椰子味，泰式奶茶都好好味好濃茶味好香滑。

2020年02月10日今日同同事做野做晏左就出左大埔中心食下午茶。船皇開左咁耐都未試就決定同同事試下佢。一入去坐低係諗叫咩既時間發現。佢出面勁多人排隊。原來佢地今日派口罩。派左籌，之後再番黎拎。啲人拎完籌都入左黎坐。突然變得勁熱鬧因為係自助形式。要出去叫同比錢。等佢整好再自己出去拎！啲人係咁讚佢。可能因為我唔係好岩食越南野。我覺得好普通。食一次試下就夠。啲豬潤超級硬！又干。啲豬肉又冇乜特別。最特別係佢個炸豬皮。但唔知係咪會放得有啲耐。好有咬口。如果你喜歡越南野，我相信好岩你。

放工係大埔行街購物有驚喜，原來开左間新既泰國野，不過唔係食冬陰公，而係食泰式車仔麵喎，成个麵的賣相都好靚，大若七十零蚊左右。主要係佢啖湯夠濃夠鮮味，泰國黎香港开店，應該是過江龍吧，有返咁上下功夫同財力先开到門做生意既。

大埔其實都有好幾間泰國餐廳，佢哋嘅菜式選擇都幾多，但係如果以泰國船麵為主嘅，我諗暫時就仲係得呢一間選擇咋，如果鍾意食船麵嘅大家都可以試一試呢間 船皇 位於商場地下嘅其中一個角落頭，不過眼利嘅朋友，一眼就會睇到佢嘅存在，因為門口就擺放着一間泰國嘅篤篤車，夠晒有代表性啊餐牌都有個放大版放喺門口，望落非常清晰，當然佢哋以船麵為主，仲有撈麵，食類，串燒，及多款小食，當然仲有好多飲品嘅選擇佢哋嘅模式都幾特別，喺呢個櫃檯位置點完餐之後，你就可以自己搵位坐，店員亦都會比一個響鬧裝置你，當你食物做好嘅時候，行返出嚟呢個櫃檯拎就可以啦，都可以講係半自助形式，不過都有好處，就係佢嘅收費都真係比較平啲介紹翻我今晚叫咗啲咩食先，當你以為呢碗係碗湯嘅時候，咁就真係有驚喜啦，因為佢哋係飲品嚟㗎，分別係前面嗰碗，一睇就睇得出係 泰式奶茶，後面果碗就係 凍柚子檸檬梳打，兩款都好有泰國味道架主食都黎啦，兩碗好吸引既船麵，顏色同賣相都同泰國當地嘅船麵好相似，而且見到上面大量嘅配料，都幾吸引係香港有好多泰國餐廳都有船麵食，但係佢哋嘅表現都係有啲強差人意，好多時見到個湯嘅顏色，都可能知道佢嘅味道好唔好食，呢一個湯底嘅顏色夠晒

原來船皇大有來頭，泰國的過江龍，在泰國有近50間分店與泰國同樣的餐單，所有材料、調味料均由泰國直送重點的是價錢也很親民湯麵1號 – 豬肉+豬肉丸+豬潤湯麵 - $48選了金邊粉和小辣獨有船麵湯底配方和泰式調味料都由泰國總店提供湯底先煲牛骨三小時，再加入班蘭葉、香料、香葉、枸杞等秘製藥材膽，熬製八小時，故湯底十分之濃郁豬潤很嫩滑，金邊粉很吸收湯汁，充滿泰國獨有醬汁風味，味道惹味刺激，辣度可選高一點湯麵3號 – 牛腩+牛肉片+牛肉丸湯麵 - $52選了金邊粉和不辣牛味很濃郁，建議可加些泰式酸汁和選辣味，香辣更開胃串燒沙嗲牛肉(2串) - $32串燒沙嗲雞肉(2串) - $28新鮮燒起，惹味濃郁的沙嗲醬，甜甜的，帶點花生香味，令人回味無窮串燒牛舌(2串) - $36可選燒汁/沙嗲醬香濃惹味的泰式燒汁，牛舌厚大而不韌，惹味泰式炸蝦卷(3件) - $22酥脆香鮮，再蘸點泰式甜酸醬更美味泰式菠蘿冰 - $18盛載飲品的碗充滿泰國風格，風味十足菠蘿冰清熱解暑，果味十分突出泰式龍眼冰 - $15龍眼清甜，透心涼的感覺

今日約左個住大埔嘅 friend攞野，所以 lunch 走左入大埔同佢食。近近地走左入大埔超級城，我friend介紹我去食船皇，我話ok。行到門口，有一架篤篤，好有特色。啲枱唔會放得好密感覺比較舒服。Lunch menu 都係四十幾至五十幾蚊不等，好抵食，不過唔包野飲。我叫左個牛腩牛肉牛丸湯河，個湯底好濃。仲有兩塊炸豬皮，不過我不嬲到唔食呢啲野，所以無食到。牛肉略嫌肥左啲，但牛丸好有牛味。值得一試！

餐廳有個皇/王字嘅為食妹👧🏻都想試。早兩日入大埔超級城見到有間「船皇」。裝修都幾靚仔。心痕痕黎咗試。🤪嗌咗碗船皇湯麵。貪佢夠多料。🤩一🥣有齊「牛腩+牛肉片+牛肉丸+🐔絲+🐔翼+🐷肉+🐷肉丸+🐷潤」😱😱開心到不得了。🐷肉生菜🥬包～係*大埔限定*。肉碎+埋辣椒炒。好惹味😛泰妺🐔翼～嘻嘻🤭最近❤️上食🐔翼。睇落乾爭爭。食落又唔係wor。👍🏻泰式龍眼冰～細細杯幾的骰。唔太甜。解膩一流。👏🏻

最近因為疫情影響， 旅行都冇得去，超級掛住泰國嘅船麵! 所以即刻search下香港邊度有得食， 結果就嚟咗大埔喇！行自助模式，入到去先買飛同畀錢。裝修都幾舒服，仲會有啲卡位添！啲嘢食齊曬，就會用震震機提醒客人自己去攞。用泰國嘅餐具盛載飲品，真係非常特別！！ 龍眼冰仲用咗兩種龍眼去做，一種係乾龍眼，一種係鮮龍眼！！ 個味都零舍唔同㗎！小食都有多種選擇，而我最highlight嘅就係單骨雞翼，香脆肉嫩，加埋泰式汁簡直一流！主角嚟啦 ！！期待已久嘅船麵！！ 我再注重嘅就係個湯底，其次就係餸菜多元化！！ 個湯非常之濃郁夠味， 餸菜方面，我會highlight 肉丸， 真係非常之彈牙！！係傳統泰式肉丸嘅質量！！除咗湯嘅船麵之外，仲有撈嘅船麵，兩者都不遑多讓。麵底方面，都有幾個唔同嘅選擇，當中我叫咗河粉同埋金邊粉， 河粉並唔係潮式一般食到嘅貨色， 而係泰式，非常粗身吸湯！yummy!!

依家泰國嘢人數唔多，但係淨係因為呢個原因，所以先嚟呢度。所有嘢都唔貴，非常平民，加一碗麵都係40幾蚊咋！味道未算好食但亦都唔難食。我最鍾意食嘅係佢嘅串燒豬頸肉同埋芒果次飯🤗佢嘅泰式奶茶都唔差㗎！推介！

平時食泰國嘢都好貴每個餸都要$100上落 但呢間就好平同埋性價比都好高我哋叫咗個招牌船皇河粉 佢有齊晒豬牛雞肉 所以可以試晒唔同嘅餸 我最鍾意就係個牛腩 好入味好香 又好炆得好「淋」啲河粉係好闊嘅 唔同平時茶記食嗰啲幼身嘅河粉 河粉煮得軟硬適中都幾好食之後我哋仲叫咗個泰式炒金邊粉 覺得佢陣味係偏向酸嘅（比起我平時食嗰啲）同埋冇咁甜 金邊粉真係好大碟 我地兩個人都食唔晒😂之後仲叫咗個泰式炸春卷 佢入邊係有炸蝦嘅所以食唔到泰式蝦餅（賣哂）都算滿足左食炸蝦嘅願望😂🤣佢個春卷皮好薄 食落去脆卜卜都幾香口㗎我哋仲叫咗串燒牛舌同沙嗲豬肉 牛舌雖然食落去係幾彈牙但都易咬開😀至於沙嗲豬肉真係好正🤩佢啲沙嗲醬好濃郁 而且條串燒好大唔 係就咁幾啖肉 兩啖就冇個種🙂🤨之後仲叫咗個芒果糯米飯做甜品 啲飯稍為硬身咗啲 如果可以軟啲就更好啦 不過啲芒果都甜嘅 同埋椰汁呢都食得出唔係用果隻罐頭嘅椰汁 陣味係比較新鮮😉糯米飯嘅甜味都剛剛好👍🏼☺️嘢飲方面叫咗杯泰式熱奶茶同埋龍眼冰熱奶茶好滑好香唔會太甜👍🏼👍🏼龍眼冰都好Fresh 食完啲油膩野就最啱飲佢㗎啦🥳

攞完嘢 7 點幾，諗住求其食個快飯就打道回府，入咗呢間船皇。餐廳以自助形式，買食物比個電子感應牌，食物做好個牌就響，然後自己去領取食物。香葉肉碎炒飯，有隻荷包蛋，肉碎好多好香，但跟上的青檸就乾爭爭唧唔出汁 🤦‍♀️ 金邊粉酸酸甜甜幾開胃，有 5 隻中形蝦仲好爽口添 👍另外叫咗杯檸檬茶，茶底夠香夠厚。由坐底到離開唔過一小時，快靚正，下次可以睇吓有無其他食物試吓。

今日去大埔超級城行街，經過間餐廳門口有架篤篤，好特別～原來係食泰國菜，店舖光線明亮，乾淨企理，環境舒適，一於試試佢。先於收銀處點餐付款，之後會收到取餐器，再搵位坐底，當取餐器震動就可以出去取餐，自助形式免收加一都幾好！餐牌選擇多，有麵食(湯麵&撈麵)，麵底可選蛋麵、米粉、金邊粉、河粉，仲有期間限定、串燒、小食、飲品等。豬肉+豬肉丸+豬潤湯麵 HK$48黑色湯底味道濃香，金邊粉Q彈，盡吸湯汁精華。豬肉嫩滑帶嚼勁，豬肉丸口感扎實，好有傳統地道風味呢！香葉肉碎飯HK$58香葉肉碎飯屬期間限定，肉碎經爆香後惹味香口，將流心蛋刺穿再撈飯一流!令人回味無窮～同屬期間限定既豬肉生菜包 HK$58混合多種香料，辣度適中，豬肉肥瘦均勻，生菜新鮮爽脆，兩者一同食用可中和炒肉碎的油膩感。泰妹雞翼 HK$22/5隻 單骨雞翼方便食用，新鮮炸起既雞翼肉質嫩滑，充滿肉汁，啖啖肉好JIUCY!沙爹雞肉 HK$14 沙爹豬肉 HK$14 醃得入味，外皮香脆，肉質同樣爽嫩，沙爹醬汁提升味道層次。泰式龍眼冰 跟餐+HK$15味道清甜，解膩又清新，仲有大大粒龍眼肉，透心涼～

今日同朋友去咗大埔咁就想食碗粉，試咗呢一間叫船王嘅餐廳，因為其實自己鍾意食河粉咁就試下， 咁我同我朋友就叫咗少少嘢食:朋友叫左碗雞絲雞翼湯麵我就叫佢個招牌船王套餐， 套餐有牛腩牛肉片雞絲豬肉同豬肉丸， 咁我覺得都幾特別啲河粉，就比較粗粗地但係都幾爽滑同埋個湯底味道特別， 幾有泰國風味特色嘅河粉就好似喺泰國街邊食嗰啲粉一樣，但係佢亦都將個味道調教到有香港特色嘅泰國河粉，啱返我哋香港人口味。我哋除咗嗌咗啲粉之外亦都叫咗啲串燒其實每一串串燒都燒得唔錯，大家可以睇下我啲相。 正所謂有圖有真相。而我亦都介紹佢嗰杯奶茶，因為佢杯奶茶 有別於香港嘅奶茶， 佢嗰種茶味比較獨特應該係用咗一啲獨特嘅茶葉去沖，會比香港嘅奶茶會濃少少味， 所以我覺得佢杯奶茶係幾值得試下嘅。最後如果大家行開新界呢一頭嘅話你又想食碗河粉又或者飲杯奶茶，大家可以試下船王因佢有別於出面嘅泰國河粉而我都幾鍾意佢個種獨特嘅湯底同茶味。