良辰吉時 (已結業)

又係經過路德圍既日子了 咁多間珍珠奶茶舖實在太方便 太難忍了🤷‍♀️🤷‍♂️ 所以又同男朋友幫襯左良辰吉時🙆‍♂️😂😂成三十幾蚊一杯都唔算平💁‍♀️🤔 奶味的確係幾濃幾rich既 男朋友超欣賞🙆‍♂️💁‍♂️💁‍♂️💁‍♂️ 掛杯紋路都好靚 適合女仔用黎打卡一流阿！💁‍♀️💁‍♀️黑糖珍珠都幾有咬口既💁‍♀️ 飲到尾都仲食到珍珠 份量都佔咗接近杯既一半 合格✅✅ 不過佢冇得揀甜度 我個人就覺得甜左少少💁‍♀️

本身經過係想試下佢杯髒髒茶架 點知無得賣 唯有試下杯啵爆黑糖厚鮮奶😌拎上手個黑糖珍珠超熱😍 面頭有一層燒香過既黑糖 飲落好香口 飲落珍珠口感不錯 夠煙韌 但係的確有d過甜 甜味蓋過左奶味 不過都唔算太差既 反而係價錢偏貴😆

終於有機會試吓啦！平時排隊排到隔離鋪，老虎堂響附近開咗，人就自然少咗，買杯野飲唔洗5分鐘~😌宇治抹茶玉露鮮奶($32)誠實，我覺得只係一杯普通到唔普通嘅鮮奶加綠茶粉......濃嘅，不過冇咩特別，玉露用糖水煲過，好甜，甜到有d漏.... .自㩦杯去冇托手踭，不過店員就唔係太識用，見佢不斷拎住杯身，淋嗰個位，飲品就不繼漏出黎🙈即刻走上前，話俾佢聽，揸白色嗰個硬膠就唔會漏啦🙈各位戰友，真係要帶多啲自㩦杯出街買嘢飲丫！

今日去咗荃灣諗住買杯台式飲品 成條街開咗好多間台式飲品舖 有老虎堂、沐白、東喜茶......選擇困難症發作比較咗幾間嘅台式飲品舖見到良辰吉時話係用明治鮮奶 咁就試下啦我點咗一杯熱嘅抹茶珍珠鮮奶茶嘩！伏到喊！我從來未飲過咁難飲嘅台式飲品第一啖飲落去係完全冇抹茶嘅味道話用明治鮮奶喎 可能本人味覺有問題啦 我完全飲唔岀有鮮奶成杯野就好似一杯溝咗好多糖水同珍珠嘅紅茶嘥咗我26蚊真係好伏！ 無下次！貢茶都好飲過佢好多！

近日天氣轉涼，以往由排隊直到拿到飲品都要需時20分鐘，現今5分鐘就可以完成。良辰吉時帶着台灣藝人的店舖光環，這次就點了招牌作‘‘啵爆黑糖厚鮮奶’’，店舖的黑糖珍珠比坊間一般的茶飲店更甜，且不能減糖減冰，但無可否認它的珍珠非常有嚼勁，平時喜歡吃珍珠或喜歡有咬口的人應該都會感覺不錯。不過，份量小，價錢確實稍貴！另外，身為抹茶控的我其實一直心思思想點抹茶類飲品，也許下次應該要試一下它的抹茶珍珠或者火龍果珍珠，希望會為我帶來驚喜！

🥴良辰吉時🤩《啵爆黑糖厚鮮奶》✍🏻 「良辰吉時」號稱地表最強的手搖飲料店，由台灣知名主持人納豆創立。天氣太凍又餓，🐷🦁決定叫咗一杯熱一杯凍珍奶試下。·🐷 💭奶既口感綿密，珍珠軟硬適中，不過我覺得茶味欠奉。熱飲黎講都叫幾好飲。🦁💭幾好飲，好飲過老虎堂，老虎堂太甜，反而呢個甜度適中～·～·～· ～·～·～· ～·～·～·～·～· ～·～·～· 📍 良辰吉時 (荃灣）荃灣荃興徑2-8號昌泰大廈地下4號舖

呢間野開咗一段時間，之前成日見排長龍，已經打算等佢過一段冷河至試吓幫襯，今日路經此地，真係冇人排隊，就打算試吓啦！見到海報主打畫符水同檸真幽墨，本來想試檸真幽墨，但係賣哂，問店員畫符水係咩成分，黑曬面咁勁唔願意答你，再問檸真幽墨有咩成分，可能佢見呢隻賣哂，所以直情答都唔答你擰轉面行開。好啦之後排隊買野飲，佢地可以行行企企，又同啲野飲影相，傾計。都唔同客落單，好似想故意製造人龍，大佬啊～生意呢家野，有就有，冇就冇架啦！一眼望哂，扮咩上菜。叫咗杯芭樂梅(見佢有打星推介)，店員話等叫號碼，我就等啦！見個戴口罩女店員叫165，我169咁就等啦！之後出咗好多杯野飲，就冇人再叫過號碼，原來其實我杯都出咗好耐，佢地成班係掛住傾計，照鏡，理得你攞唔攞杯野飲，唔休做咁嘅款，真係好野。埋去攞叫佢入袋，仲好似要求佢咁超不願意，出到嚟試咗一啖，講真，好普通，不值得排隊。不過佢地咁嘅態度，真係請都唔會再飲。

相信大家近期對黑糖珍珠鮮奶一啲都唔陌生自問無乜耐性排老虎堂 而見到良辰吉時既呢杯髒髒茶非常吸引重點仲有我最中意既鮮奶既然係咁 點都要飲返杯先跟得上個潮流既🤤從店員手接過嚟 嘩 個底辣手架喎証明佢真係好新鮮整出嚟 絕對無hea個客而呢杯嘢如我所講有濃濃既鮮奶再配有彈牙既波霸珍珠面頭仲有美國百年品牌HERSHEY'S既古古力😍成個感覺真係好甜好滑好香濃而佢個黑糖做得好好 唔會過甜整體嚟講好味度: 😋😋😋😋 (5😋滿)

荃灣開左好多珍珠奶茶店，選擇真係好多。有d仲好多人排隊！今次揀左良辰吉時的黑糖珍珠鮮奶，因為之前都未試過。。我係叫左少甜的。先講賣相，通常其他店都會用黑糖掃一掃杯邊，令佢有花紋，但依度冇睇到好清楚上層鮮奶，下層係黑糖珍珠。。。。。。我有揭蓋先喝一口，上面有一啲碎冰，拎ge時候店員提醒要攪勻才喝。不知是否因為少甜關係，黑糖味不重，反而鮮奶味重，珍珠不太彈牙，我覺得普普通通。。。。。。。。。。。。。。。。

個日去開荃灣諗住去搵啲野飲下喇因為佢附近都開左唔少手調飲品嘅舖頭咁見佢唔洗點排隊而且之前又飲過一次髒髒杯咁今次去飲就諗住試下啲新野喇咁見佢杯魔神仔鬼畫符個賣相唔錯而且又好似幾新奇咁樣因為唔知佢係咩味咁就買左黎試下喇咁一拎左杯野就覺得佢同張圖有啲出入喇不過依個都唔係重點喇咁拎左野飲就搖一搖佢喇飲落第一啖係黑芝麻味但佢嘅黑芝麻味嘅feel係好淡好似溝左水咁樣姐係芝麻糊溝水咁樣飲落真心覺得麻麻地但又未至於差到飲唔到個啲但佢啲白色珍珠我諗應該係庶糖珍珠喇啲珍珠有啲硬仲有啲痴牙一啲都冇q彈嘅感覺同我第一次黎飲個感覺相差都幾大下😂

好記得e間台式飲品店剛剛開張嘅時候，果條長龍直頭排到出去大馬路，打幾個蛇餅，講真當時都好想一試啦，但係就真係唔想等，直到有間x虎堂開左之後，生意俾人搶左好多，係啦，機會黎啦！果晚泊低左架車之後，見到都無人排隊之後就買左杯o波爆黑糖厚鮮奶啦，見到佢地都係用d靚料，用日本明治鮮奶，但係感覺上衛生意識就差少少，見到佢幾包開左嘅鮮奶就咁放係度，正常係應該雪住佢啦！咁等陣一陣，沖好啦，試下先啦！黑糖珍珠都幾煙韌，好有口感，而且都好重黑糖味，唔錯唔錯，但係杯奶整體上就淡味左d, 奶味都唔夠，感覺上係黑糖加水，36蚊一杯咁嘅野就真係期望過高啦，唔怪得之隔離果間咁旺啦！下次都係試下隔離果間先！

暫時沒有銅鑼灣的鋪頭資料，所以借這個位置寫一下，因為今日有買一送一優惠所以來幫襯一下，看一看是不是好像評語寫得那麼差，來到鋪頭門面招牌還是用紅紙蓋着，可能未正式開張緣故，先去買兩杯奶蓋波霸奶，不需要浪費太多時間購買但是等待就大約要兩個字的時間，兩個之後嘢飲整好，店員再三吩咐我們先攪勻再飲，為咗試飲緣故當然我哋係唔會攪勻，先是第一啖真係好甜，珍珠好軟滑，我覺得不錯，之後再攪勻，冇之前咁甜，但是整體都是比其他同類型店舖甜，但不至於食評說到那麼差

良辰吉時的飲品種類繁多，今次嘗試了宇治抹茶玉露鮮奶（$32） 。一向是抹茶控的我，對這飲品十分期待，但最後換來的是一點失望。鮮奶面上加了抹茶粉 ，而珍珠也是以抹茶製成，但只有淡淡的抹茶味， 一點也不香濃。而鮮奶也是坊間一般買到鮮奶的味道，普普通通，性價比不高 。而這些指定組合的飲品，是不能選擇甜度和冰塊的 。若以32蚊的價錢，可以有更多高質素的選擇。

近排愛上咗飲台灣飲品，尤其係黑糖珍珠鮮奶茶😎😎😎今日黎試另外一個出名個品牌，睇下掂唔掂先例牌又要排隊，但可能荃灣多左好多台式飲品揀，今次都係排左5分鐘到，加埋拎嘢飲就大概10分鐘，唔算等得耐。今次我買左一支啜爆黑糖厚鮮奶。賣相唔錯， 面頭淋上一層黑糖。但我覺得奶蓋部分太厚，厚到令人越飲越覺得膩。甜度、冰度都唔可以轉，所以整體黎講，我覺得成杯嘢都偏甜。珍珠方面，我覺得都有咬口，唔會太淋，又唔會太硬。

無錯又係良辰吉時！但今次倖存者對佢嘅厚鮮奶期待過高.......呢期興黑糖，咩都加黑糖，倖存者見到佢地有啵爆黑糖厚鮮奶（已經內含珍珠）即刻想試！但飲落略嫌奶味淡淡，珍珠可以更軟，不過黑糖味都夠嘅。啵爆黑糖珍珠 $36份量有點細，本身預期會大杯啲，但黑糖份里足夠，只係奶味略淡，黑糖味覆蓋咗奶味，成杯略過甜，珍珠份量多，但口質唔軟，新鮮出爐還可，一凍咗就會變硬倖存者下午黎買，好彩咩人，等候時間唔長，好快就拎到!