良辰吉時 (已結業)

係路德圍台式飲品開到周圍都係，但次次行過都見依間次次都有條人龍係門口震住，其實想試下係咪咁堅好耐，但奈何無咁既耐性去等一杯飲品三個字以上。適逢今日打風又落雨，雖然人龍仲係有，但已經少過平時好多，得三至四個係我前面，一於睇下係咪值得為左杯野飲可以令大家去到咁盡！排隊果陣睇過下食評有咩推介，本身想飲黑糖珍珠奶茶，但好多食評都話係隱藏價，太貴啦。其他都係話伏既居多，排左隊都係要自己試下先心熄。點左火龍果珍珠奶茶，貪珍珠顏色勝在夠特別。少甜，甜度係偏淡，但都ok。奶茶完全無茶味，只飲到甜奶水既感覺。珍珠既色係幾靚，認真去𡁻係有少少既火龍果味，但我唔知係真火龍果定色素加調味劑，但口感完全唔掂，咬落去完全無煙韌既口感，實啲啲一咬就散開。飲到一半已經頂唔住丟左佢，真心唔明點解長期咁多人排隊。見咁多人話係伏，自己試完終於心熄！如果你又係排緊隊買而參考食評睇下飲乜好，千奇千奇千奇唔好好似我咁硬係唔信人，要自己飲過先死心！

黎到荃灣路德圍,為食既心又起了😆,當然要試下新野,之前黎既時候已經見到呢間手調飲品好多人排隊,但都知我岩岩先完sem得閒少少,之前點會花時間排呢！見今日黎到,就試試四眼哥哥係咩味😆今次叫左最多人買既黑糖珍珠鮮奶,有好多人話邊間邊間好飲,邊間邊間原創,邊間邊間出左新野,你話個個一樣又唔係,但某d鋪頭我自己覺得係過份吹捧既,相反,我覺得呢間良辰吉時比較踏實,珍珠,黑糖味夠,煮得熱,配合奶味調較剛剛好,位於路德圍呢個地方,都有生存既地方,已經唔簡單👍🏻

食完下午茶之後想去飲杯珍珠奶茶，所以就去左荃灣食街路德圍幫襯「良辰吉时」一去到都仲有微微雨，但有好多人排緊了👍🏻 果然係厲害，其他鋪都冇人排，佢就好多下我叫咗其中一個招牌啵爆珍珠厚鮮奶，之前飲過鮮奶，都唔錯，未知厚鮮奶好冇飲～ 呢度等既位置好少，所以落雨就有啲唔方便🙈 好彩，等咗5分鐘就拎得 太大雨，我就拎走返家先飲！果然，好好味！珍珠超彈牙又好多份量，配合淡淡地既奶，啱啱好👍🏻👍🏻 好夾！因為珍珠嘅甜美重，奶味淡就啱啱好夾到 好味～ 值得再飲✌🏻

每次都見排長龍 見聞下台灣藝人納豆開的茶飲寫明話用日本牛奶，當然想試下係咪咁值得排 見今日落雨排隊人唔算太多咁就一於試一試最後都選擇 試近期比較hit黑糖鮮奶豹紋黑糖珍奶 價錢都唔係太親民 36hkd等左約15分鐘期間見最多人都買呢杯 黑糖賣相都唔錯面頭係有層奶泡 都有些焦糖 係有落功夫去整杯野飲落去 面層奶泡加焦糖 唔算太甜 面層入口感覺唔錯黑糖珍珠份量都好足下。之後用飲管由底部飲起，入口本身好甜，因為未完全搞勻啲牛奶。黑糖珍珠比較軟身，有嚼感，之後整體唔算太甜，飽肚感好足。呢陣黑糖風氣唔知會再hit幾耐，不過下次應該會試其他飲品。

今日去咗荃灣路德圍搵朋友，就見到下面好多新開嘅台式飲品，有啲分店好多嘅，我本身就有啲後口渴，所以就揀咗間其他地方比較少分店但荃灣先有既 「良辰吉時」! 見咁多間，最多人排隊就係呢間！行到埋去，因為睇唔明個餐牌有咩特色，所以直接問店員有啲咩招牌🤣 佢就同我講招牌就係波爆黑糖厚鮮奶😊咁我就諗住試吓，所以就買咗冇問價錢，因為佢話係menu既隱藏版，所以後期知道左之後都覺得有啲貴，希望真係唔錯等咗大概5分鐘左右，就已經整好左！一拎上手，下面嘅珍珠係熱嘅，上面奶係凍嘅~ 好似喺網絡社交平台成日見到呢個樣 不過，一飲落口，就覺得普普通通，有啲似好出名嘅鹿角！但係奶就再談啲，黑糖珍珠係幾大粒但係黑糖味唔係好重，我覺得唔係太值呢個價～

今日行開荃灣 就決定試下依間 上次黎戈陣岩岩開張 勁多人排隊 今次終於少左啲人排 位置上都好易搵 可能因為上次去過對面間珍珠奶茶店買過 所以行一陣已經到左飲品款式都幾多 基本上如果想點珍珠奶茶既款式唔算好多 但如果係另加既都可以 飲品價錢都唔算貴 最平既$15都得 依次我點左抹茶珍珠鮮奶茶 本身以為係抹茶味奶茶 原來係指抹茶珍珠（好蠢呀我） 其實唔算等得好耐既 好快已經有杯野唔算話好甜 甜度岩岩好 但係抹茶珍珠真係冇乜味 似普通珍珠 。

其實早係上年同男友台灣旅遊既時候，我地已經唔小心試過良辰吉時😝😝但當時係見啲台妹個個都買粉紅野🤭我地又學下人地，所以當時無飲過佢黑糖飲品💁🏼‍♀️ 啵爆黑糖厚鮮奶💰HKD36影相又真係幾靚既📸😝有淡淡既黑糖味，但唔算太濃珍珠做得幾好，有黑糖既甜香，煙韌度適中。🥤不過呢杯無固定甜度固定冰量，愛甜既人就可能會略嫌淡口。HKD36一杯中size飲品都有啲貴，如果路過少人排隊都會再encore既☺️

一場去到荃灣，就試吓呢杯黑糖珍珠奶茶，搵哂個Menu都冇呢杯黑糖珍珠奶茶嘅價錢，menu最貴嗰杯都係$2x，心諗都應該差唔多，點知去到俾錢佢話$36，排咗咁耐隊唔通唔要咩，問過店員點解唔寫價錢，佢話因為呢杯係”特飲”....關咩事。。🤔講返杯珍珠奶茶，係好飲嘅，冇得少糖少冰，黑糖味唔算太甜，鍾意多奶嘅人會幾like, 但係珍珠就有啲”林”...

黑糖奶冇黑糖味道，仲要叫左少珍珠都係比正常珍珠，買左兩柸用膠袋袋住，点知放係椅子上一陣成袋跌落地，一柸即刻個蓋飛左出黎另一柸就冇飛蓋流左d出黎。因蓋頂有一個小孔。唔明個柸蓋設計非常失敗。蓋唔實個柸已經賣得比其他貴仲因爲個柸蓋有問題變左$72蚊一柸又唔可以搖暈柸飲品未見過甘失敗失敗。

前人的劣評不是誇大！今日試了招牌之一的黑芝麻珍珠奶茶，正常甜度及正常冰，$26。就如自家沖紅茶茶包加淡奶，沒茶香，不甜，如奶水。珍珠沒味道，質感偏軟。未知是否太多評價寫太甜，店員沖調有所改變，今日這杯不甜。排隊落單到取飲品約10分鐘。如招牌飲品也是如此，絕對無下次，也不推薦別人來試！

已在這店幫襯了7次，第一次飲啵爆黑糖厚鮮奶勁超甜，簡直不是人飲，俾左錢就努力飲下啦…結果飲左一半掉了，實在太甜，頂吾順。第二次飲抹茶不過不失，但太普通了，不值再試這個味道。第三，四次，驚喜來了，終於飲到好好味嘅啵爆黑糖，第五，六開始一杯比一杯淡，今天簡直要上黎寫下食評，太過份，簡直無黑糖味甜味特跌...平日又話吾可以少甜架喎，結果佢地沖就可以少甜多甜，由佢公司話事，隨便一杯街賣嘅奶茶咁，仲要隻杯爛㗎，邊行邊滴。終結就係，好彩嘅話就會買到一杯好飲嘅，只要你肯努力嘗試買5次就有1至2次係好好飲的，祝大家幸運。

朋友介紹說很有驚喜，一定要試試。所以在荃灣看到就去買了一杯招牌珍珠奶試試。去到店舖，排隊的人看多，排了15mins 才到我們點餐。Order 了一杯招牌黑糖珍珠粉，廣告牌上的幾吸引的，黑糖鋪滿成杯。但店員說要等半小鐘。好吧，那就先行街。行到累又口渴，滿心歡喜有凍飲，解解渴。準時回到良辰吉時，但店員說要多等半小時...我在廣州生活了一段時間，喜茶剛做網紅我也等過，但也只等了一小時。這店的人龍又沒有喜茶長，但也要等一小時，太慢了。味道我覺得一般，奶香不足，珍珠還可以，但出來的樣子沒有像廣告一樣鋪滿黑糖，黑糖味還好，也不是很香。還是喜茶的好喝🤫

星期一既晏晝慕名而來，終於可以試試佢既 ‘啵爆黑糖厚鮮奶’，唔係好駛排隊喎，幾好丫。對於想要既野一向唔睇價錢，買兩杯要收我$72大元，確實呆了一下，但抱住‘如果係好野貴一d都值’ 我對杯飲品充滿期待⋯⋯再等多大約5-6分鐘， ‘啵爆黑糖厚鮮奶’終於到手，可惜，兩杯嘅其中一杯已經冇哂黑糖紋掛杯，另外果杯就只剩少量紋，攞起手唔夠15秒，連紋都冇埋喇， so sad~味道尚可既，黑糖珍珠又夠咬口，不過已經夠晒失望，$36/杯 但製作馬虎真係唔抵，飲其他好過啦。

琴日算早食完晚餐，所以九點幾又想飲杯野。上次第一飲叫左個冷門嘅宇治抹茶，好淡味，今次決定再試呢間，比多個機會佢。我地叫個最多人買嘅招牌啵爆黑糖鮮奶。依舊都係等左十幾分鐘左右，拎到杯飲品，但個樣好似無人地果啲咁靚，不過都唔緊要，味道好就得，但結果令人有啲失望。首先因爲未攪勻，第一啖好甜，之後攪勻佢，係無咁甜，但仍然係甜，飲到中後都係得奶水味，係無咩奶味，而且佢份量又細，要$36，所以下次應該唔會再幫襯呢間了。

荃灣路德圍新開左一段時間嘅良辰吉時，到而家雖然人龍比初初少左人，但都仍然好多人幫襯。今日同朋友講起，先知呢間係台灣藝人納豆開嘅珍珠奶茶店，唔怪得咁多人黎飲。今次我地買左宇治抹茶奶，都要等大概十分鐘，不過天氣唔算太熱，所以企喺度等都還可以。一路等，見到原來其他人主要都叫果個啵爆黑糖奶，賣相都唔錯，有啲啡色紋咁，好吸引。到我地果個抹茶奶出黎，因為顏色淡啲，而且無珍珠，所以個樣好普通。飲落有抹茶味，但整體味道偏淡，又無咩奶味，可能我個人比較重口味，所以覺得呢個一般，不過唯有諗佢味唔濃，應該無咁肥嘅... 下次都係再試下其他味～