良辰吉時 (已結業)

荃灣係一個不夜城,以不夜城其中一個聖地就係路德圍,當中林立左6-7間手調飲品店,要係到佔上一席位都唔係一件易事,其實呢間良辰吉時都開左一段時間,每次行過都有好多人排隊,試過見到佢排到差d圍左一個圈出黎,勁誇張,隨住時間既過去,香港人都係貪新鮮,所以終於等地佢少d人可以去試試喇😆😆😆第一次當然要試佢既鎮店之寶,黑糖珍珠奶茶,等野飲既期間仲要有綜藝節目睇都幾好呀😂等左大概五分鐘就有,果然工多藝熟,之前多人排長龍練到一身好武功😊一拎上手,黑糖珍珠超燙手👋🏻本身仲擔心好熱會好甜,但又唔會喎,同埋佢奶茶味都調較得幾好,我自己鍾意飲d茶味出d既,唔怪得佢開左咁耐都咁多人排隊,抵讚👍🏻

近排放假四出搵嘢食， 突然愛上咗飲黑糖珍珠鮮奶， 已經試過坊間好評嘅店舖， 心目中已有高低之分， 今次去到荃灣見到呢間良辰吉時, 未睇價錢已經嗌咗啵爆黑糖厚鮮奶， 盛惠為36蚊。店員用掃喺杯入面塗上黑糖， 再加入珍珠然後再倒入明治鮮奶， 最後加上一啲脆脆，就完成喇。呢間都算係我呢排飲嘅貴價黑糖珍珠鲜奶， 所以好有期望。 店員好細心咁提我要先用飲筒搞下先飲，點知一入口發覺黑糖實在太甜， 珍珠就不過不失， 但如果呢一個價錢，應該係可以有更好嘅水準。

呢間一直都係超長龍店，上星期日經過見唔係好多人十個左右，就排黎試下啦，買咗佢嘅招牌啵爆黑糖厚鮮奶，因為怕太凍想要少冰，個店員即反白眼🙄話無得少冰少糖，第一次飲唔知道唔使反白眼呀嘛？！然後飲咗居然唔夠甜，亦唔夠凍，明顯無其他網友po嘅咁多黑糖，結論係老虎堂好飲啲

話說最近突然愛上左飲黑糖鮮奶(肥仔水)又去開荃灣就諗住試試良辰吉時! 去到唔算多人但愈排就愈多人!!!排左一陣就到我啦個個都係買呢杯，心諗應該唔錯🤔不過36蚊就貴左d黑糖都熱，🍼都夠涷🤓攪勻先一入口，太多冰啦冇左鮮奶既濃厚，黑糖唔香，死甜珍珠冇味，又煮得"琳"一d都唔煙韌，cp值偏低唔會再用36蚊飲囉!!!試過就算囉!!!去荃灣餃子屋食碗餃子好過囉係飲都去迷夏客飲啦 (唔係賣廣告，只係小妹既個人意見)😉

今日黎到荃灣 行行下見到間之前新開張勁長龍既台式飲品店 今日經過見無乜人 於是決定同friend一試！啵爆黑糖厚鮮奶無得揀甜度同冰量 拎上手杯底仲熱既 黑糖味夠 帶少少焦味 甜度尚可接受 鮮奶唔算好濃厚 珍珠量多 都算煙un但唔夠入味 同埋竟然有一大舊珍珠解唔開🙄痴到實一實 食都食唔到！ 宇治抹茶玉露鮮奶同樣地無得揀甜度同冰量 飲落去竟然仲甜過杯黑糖鮮奶！而且抹茶味欠奉 奶亦唔濃郁 似杯甜奶水多過抹茶😓珍珠方面又凍又硬 唔多掂過江龍飲品店要做得起唔容易 因為香港愈開愈多間 競爭好大！呢間店價錢又貴 份量亦唔算多 質素又一般 需要好好改善

※本文以用餐當日的環境、服務和食物質素為準，口味亦因人而異，文章只作參考之用。-台式飲品過江龍來勢洶洶，開完一間又一間，除左老虎堂外；由台灣藝人「納豆」所開設既「良辰吉時」，都係香港連開兩間分店！（荃灣及元朗）仲記得佢地個花紋紙杯真係影相一流。仲記得荃灣店新開張又排到癲左咁滯，大熱天時，願意一杯飲品等成個鐘以上既人一定唔會係小妹。事隔唔使一個月長龍已消散，小妹當日平日六點去到，只有約十個人排隊，但足足等左成15-20分鐘先到我落單，裡面人手充足（成7-8個店員），條隊卻郁得好慢，令我一度懷疑長龍既原因只係因為收錢收得慢！餐牌上飲品款式選擇多，不過睇過唔少評論，奶茶似奶水，珍珠又無味，所以男人想叫多杯有味珍珠黎飲都被我否決左！最終都係要左杯餐牌上無，但廣告牌上有既「啵爆黑糖厚鮮奶」，杯黑糖奶價錢仲貴過老虎堂，到底值唔值呢？啵爆黑糖厚鮮奶 $36標旁用100%日本明治鮮奶，無得調冰或糖，拎上手個黑糖底好熱下。唔明有好多人都話點解黑糖珍珠係熱既，連埋珍珠新鮮煮出黎梗係熱啦，去台灣飲都係熱架（用普通糖漿圍邊同煮定既珍珠咪唔熱囉！）上面仲有層厚奶霜同灑上脆脆黑糖，奶霜搭配下飲落奶味比較醇厚（第一

星期日中午食完飯諗起荃灣新開咗依間台式飲品店於是特登行過去湊熱鬧.飲品選擇都算多有D眼花繚亂買咗杯依間推介o既抹茶珍珠鮮奶茶（$26）（佢有抹茶珍珠、白玉珍珠、黑芝麻珍珠、火龍果珍珠揀）雖然人多但等咗十分鐘就拎到.杯奶茶唔好飲我揀咗微甜，但佢都依然甜到好似半甜以上抹茶珍珠一D都飲唔出抹茶味.我地已經即拎即飲完可惜飲完我就肚痾咗大半日不停痾水男朋友飲咗幾啖都中招又係肚痾咗一次.中伏不會再回購請各位排隊前三思

今次真係中伏遊！最衰買之前無上嚟睇睇先！原來有成廿幾個喊面！其實之前已經想試，但見勁多人排，所以諗著等下先，終於今日俾我見到無乜人排，但原來話啲黑糖煮緊，要40分鐘後先有！無問題，都喺係附近行街，邊行邊等。40分鐘後終於開始沖出嚟。甜度問咗無得揀，但洗唔洗甜成咁⋯黑糖係重要，但都唔洗多到完全飲唔到奶味⋯頂唔順⋯叫佢加冰，但加完都仲係好甜⋯唔知係咪因為杯奶太甜嘅關係，條脷麻目咗，啲珍珠食落反而無乜味⋯煮咁耐真係唔知煮乜！唉！36蚊掉咗一半！失望！咁多間入面調得最差！

經過荃灣，見到得5個人排隊，就諗住一試.因為諗唔到飲乜好，就試下佢既宇治抹茶玉露鮮奶 $32.結果，中伏了！成杯野一飲，首先成啖都係碎冰，只有頭幾啖有綠茶粉味，之後用飲管吸嗰d 綠茶珍珠，一吸真係不得了，成啖珍珠竟然夾雜咗d 砂糖😱😱😱！乜料啊！之後搞匀全杯野再飲，証實成杯野係冇味架！所謂的綠茶珍珠，冇綠茶味不特止，連d 珍珠係未煮熟架！個心係實架🤮🤮🤮🤮！而個奶係似加咗大量水既奶，冇乜奶味😓😓😓😓。總結一句，垃圾！

和友人們去荃灣吃飯，見到這間由台灣藝人納豆開的「良辰吉時」手搖飲料店竟然在荃灣也有分店，見很多人在排隊，心思思想試試，但同時又擔心中伏，因為之前親自試一芳和春風撞奶等都中哂伏，上網睇呢間嘢又好壞參半，最後決定集體飲一杯（係，好衛生又環保♻️😂）lets try try ma😝😝 我地點左杯啵爆黑糖厚鮮奶，成$36/杯一點都唔便宜，依家開飲品店真係好好賺，排隊排左10分鐘，😅網上很多人說很甜，我們想調較甜度店員卻說fix死左不能調較，巧驚驚😵大概又等左10分鐘，在不抱很高期望情況下拿到手了，拎上手有啲微暖，應該係煮好嘅黑糖珍珠，攪拌一下之後溫度就變得啱啱好啦！一啖飲落去有幾好飲喎，d奶又真係幾有奶味喎，唔似得某撞奶店啲奶好似水一樣無味，重點珍珠係非常之軟林，不會太硬身卻又有𡁻頭，食落唔算好甜，愈𡁻啲黑糖味就會出，成杯嘢飲落好順，係我鍾意嘅口感和味道😋👍同行的友人們都覺得這杯黑糖珍珠厚鮮奶不錯哦！不只是我說哦，哈哈👍👍👍 飲到不伏的東西已很好彩😋！可惜世界上太多伏東西😢______________________________店名: 良辰吉時 (荃灣)環境：7/10服務：7/10 價錢：6

一句說話總結《愛情動作草莓牛奶》：剛開店時要喝一杯良辰吉時如非碰到良辰吉時絕對要花上一個小時多虧今日一場大雨替我沖走平日那些賴死唔走的人群才有幸點杯愛情動作草莓牛奶外表吸睛襯上幾片草莓絕對是打卡影相呃Like的好材料但相信僅限於影相不供食用因為密封的杯蓋要吃草莓也不是一件易事更甚者是喝到一半便要不停搖擺杯身才能溶解沙冰繼續飲用或因過程動作惹人遐想才因而得名總結是買來影相還可以但口渴的人就毋須花時間了！

良辰吉時係間設計、包裝、行銷都做得好好既舖頭，一開業無時無刻都好多人排隊，經傳媒落力介紹下，想飲多次都飲唔到⋯但最近再經開荃灣，竟然發現星期日晚飯時段都已經冇咩人排隊！所以立刻黎試我想飲好耐既「啵爆黑糖厚鮮奶」。最上面係一層cream，因為飲黑糖鮮奶要攪勻先飲得黑糖同牛奶，一攪，就將啲cream都攪埋入鮮奶，飲落好膩。（同奶蓋茶一樣，攪勻飲就好膩）幾乎冇咩黑糖味，珍珠又好硬好麻麻⋯價錢仲咁貴😓😓 之前都飲過一次佢地既抹茶奶蓋茶，得個甜字，冇特別。睇黎呢間舖頭會紅都係因為名星效應，等熱潮過左之後唔知仲有冇人黎飲。

之前試過一間內地台式飲品鋪既烏龍烤奶之後就愛上左烏龍奶，想係香港都搵到好飲既烏龍奶，所以呢排都試左幾間，第一次係香港見到烏龍烤奶，諗都無諗即刻叫黎試下。同埋見呢間野都幾多人排隊，諗住應該都唔差，而且價錢都唔算太貴。今次叫左杯黃金烏龍烤奶$22，平時叫開半糖少冰或者走冰，見呢間有得揀微冰就叫左半糖微冰，但我覺得其實微冰都唔少冰，飲到尾啲冰都未融晒，加上佢杯野本身就偏淡，可以再少啲冰都得。杯野無論茶味定烏龍味都唔夠濃，不過半糖個甜度唔錯，整體而言只可以叫唔難飲，見到啲人話要排好耐隊我覺得唔值得，隔離貢X重好飲。而且飲完呢杯，係完全無興趣試埋其他野。唯一比較出色既係杯野幾靚，影下相都ok既，味道方面如果少啲冰濃啲應該會加返啲分。

濃厚啵爆黑糖厚鮮奶$36呢間由台灣藝人開ge飲品店殺到黎荃灣區身為荃灣區居民當然要搶先試啦去到門口已經發覺長長人龍亦點咗最多人手上拎ge.......珍珠新鮮熱辣，有𡁻口。黑糖味突出，間中仲會咬到少少黑糖碎，不過甜度固定無得揀，所以味道會太甜。奶感濃厚，不過奶味會俾黑糖味遮蓋。未飲過ge 值得一試 但唔會再飲了（太甜啦）

平時真係好少會走入荃灣今日約左friend喺附近打波 所以先嚟到路德圍呢度覓食行過呢間台式飲品舖見到唔係好多人一於試下啦記得之前見過d報導話呢間過江龍成日大牌長龍所以見到唔係好洗排隊都幾surprise呢間既飲品都幾特別 茶類同鮮果飲既款式都幾多我就梗係試啵爆黑糖厚鮮奶啦呢杯野要$36 好似係我喺香港飲過最貴既黑糖系列飲品甜度冰度同size都係固定既我自己覺得偏甜左少少 但係真係好濃既黑糖味而且厚鮮奶好濃味 飲落口又會覺得好滑另外個friend果杯好似好靚咁 我唔記得佢係叫咩茶 但我覺得淡左d 可能因為我飲完黑糖啦但d黑芝麻珍珠就真係唔及格啦冇咩黑芝麻味而且d珍珠好硬 有d似味熟咁總結覺得呢間飲品舖中規中矩價錢除左黑糖果杯之外其實唔算貴 但珍珠質素就有待提升