良鮨壽司

营业中

休息中

終於都放假，今日專登入到大埔墟見朋友朋友話有間新開嘅日本野想試吓所以就選擇咗依間良鮨壽司❤️入到去 侍應安排咗我哋坐bar枱位可以望到魚生食物製作嘅過程 非常衛生同安心依度係scan QR code落單嘅朋友一開始已經被門口冰櫃嘅生蠔所吸引所以我地叫咗兩件試吓 另外仲叫咗啲刺生日本北海道仙鳳趾生蠔 超大隻面頭個啲係檸檬果凍 仲有啲魚籽 好精緻～雖然我本人係唔食生蠔 但係朋友大力推介話一睇就知好新鮮最後都係一人一隻試吓Wow一試真係顛覆咗我對生蠔嘅負面印象依度嘅生蠔一啲腥味都冇 係好重鮮味而滑漏 個口感好特別 有種濃郁嘅感覺難怪啲人話生蠔係海中牛奶原來高質嘅生蠔係咁好食🤣之後我地仲食咗鮮帶子 一樣係超大片 厚切🤤唔算好鮮甜不過口感好軟韌 不過不失啦牡丹蝦 好肥美😍口感細軟甘甜 有種係口到慢慢融化嘅感覺值得一試中拖羅魚香同油脂香味好重 😍口感適中 唔算太腍身魚生推介：仙鳳趾生蠔⭐️⭐️⭐️⭐️⭐️⭐️⭐️必食推介！！牡丹蝦⭐️⭐️⭐️⭐️⭐️好鮮甜😋中拖羅⭐️⭐️⭐️⭐️⭐️鮮帶子⭐️⭐️⭐️⭐️之後我哋仲叫咗鮨壽司定食 跟細烏冬份量超豐富 大滿足❤️烏冬湯底好味 但烏冬質地唔算特別彈牙壽司 蟹柳同玉子比較平淡但除此之外 每 一 件

💛💛💛新開業黃店日本餐廳🥰💛💛💛初初被店名吸引，又睇見價錢都幾抵，就走左去食三色魚生丼($88)十分抵食～特別欣賞佢嘅三文魚🍣油份充足又夠軟腍，而蝦、帶子都非常鮮甜👍🏻👍🏻💕食落有種幸福嘅感覺🤣🤣安格斯牛肉烏冬($88)都十分推介～🍜湯底唔會太重味，牛肉嘅肉同脂肪比例剛剛好，食得出唔少牛肉嘅香味而烏冬都好彈牙又好滑😍壽司船(必食！)大拖羅油份好夠😍😍非常香口👍🏻海膽亦都好鮮甜，食到停唔到口！師傅仲同我地講，鮮赤貝前排唔夠新鮮，所以佢地無論如何都唔攞出嚟，而今日係啱啱番貨，所以我地真係好lucky🤣🤣好爽口彈牙👍🏻💕總括而言，啲魚生勁鮮甜😍👏🏻而且又唔貴，真係值得入大埔試下👍🏻

外賣火灸角切魚生丼$65，首先接order姐姐話多謝$58.5，到收錢哥哥收我$70找回$5，解釋午市套餐沒有9折(O晒咀 姐姐應該是新員工)。色、香、 味都欠奉。賣相唔得，沒有三文魚既油脂香味，火灸 - 不論視覺同味覺都唔發覺有火槍高溫燒焦既效果。反而隨餐送既麵豉湯頗為滿意，沒有死咸，豆腐粒同海帶份量都比較多。

大埔墟唔算多日式餐廳，好多都係茶餐廳或者粉面鋪，所以我通常都出九龍食日本野，最近竟然開咗間壽司舖，好興奮呀！良鮨壽司拼盤個壽司拼盤擺盤好令，成架船感好震撼😍入邊每一樣壽司都好新鮮，想讚個海膽壽司，平視我唔係特別鍾意食海膽，但係呢個海膽真係好鮮甜，完全冇苦澀味！個大拖羅壽司真係無得頂，BABY PINK顏色好吸引，食到天然魚油脂的甘香，入口即溶，脂肪精華味道濃郁！廚師仲好有心機最後幫我地炸番個蝦殼食～星星眼指數：🤩🤩🤩🤩🤩-日本蠔 獨眼龍好鮮甜而且淡淡肉！餐廳好有心思，平時食生蠔配檸檬汁，今次佢竟然準備左檸檬啫喱伴蠔，個口感同蠔好接近好夾。星星眼指數：🤩🤩🤩🤩-鰻魚牛油果卷牛油果卷好新鮮！個鰻魚味偏濃，搵番d牛油果平衡岩岩好。星星眼指數：🤩🤩🤩🤩焦糖鵝肝壽司、蟹膏軍艦鵝肝口感嫩滑入口即溶，再用焦糖煮佢不得了～甜甜的感覺幸福。蟹膏壽司好足料，蟹膏味濃郁，真材實料。星星眼指數：🤩🤩🤩🤩🌟整體評分：4.386/5🥢良鮨壽司 大埔廣福道77號地舖.#Paintin_TaiPo#Painthe_日式

成日想食日本嘢，但係又唔想去到尖沙咀，銅鑼灣咁遠。於是呢我發現屋企附近，竟然有一間高質、隱世日本餐廳，於是呢我就同朋友一齊去試吓啦。良鰭壽司拼盤（$539)呢個拼盤都係好抵食，而且食材超級新鮮，睇住師傅即刻切魚生，即刻整，非常吸引！有海膽、牡丹蝦、油金魚、中拖羅等等，可以一次過食晒想食嘅嘢呀，呢個拼盤性價比真係非常之高。大家一定要試吓呢一個壽司拼盤。海膽壽司賣相非常吸引。中拖羅壽司肥美入口鮮甜新鮮美味唔食生嘢都唔緊要呀，有好多壽司都可以單叫，而且係熟嘅。蟹膏軍艦（ $22 ）焦糖鵝肝壽司（ $42 ）火炙燒蟹棒壽司（ $17）厚燒玉子（ $28 ）鰻魚牛油果卷（ $35 ）日本蠔獨眼龍（ $130兩隻 ）呢個係師傅特別推介嘅，上面黃色嘅檸檬啫喱呢係舖頭特別自己做嘅。連埋蠔一啖食，唔單止有檸檬嘅酸甜，而且生蠔都係非常鮮甜新鮮。蒲燒鰻魚飯（ $88 ）鰻魚超厚超好味。除咗壽司同埋定食呢仲有串燒呢個係頭先壽司拼盤入邊嘅黑頭，師傅幫我地炸左，椒鹽蒜香味嘅蝦頭，入邊仲有勁多蝦膏

本身唔係好知「鮨」點讀，因為好似有幾個讀法 (特登去查字典😂) 廣福道依間新開既壽司店，教識左我對讀💛 睇到鋪面大家就明嫁啦💪🏻依個三色丼lunch set ($68) 真心幾抵食，有厚切三文魚、帶子、甜蝦😍 仲好鮮甜好爽口，食魚生真係最緊要新鮮😋 丼飯都好好食，軟硬適中好香🍚 美中不足係飯既份量有點少，或者係我太肚餓🙈 嗌多份卷物就感覺滿足啲，lunch set仲奉送沙律同麵豉湯😉 期待下次試埋熟食，見到隔離枱食燒安格斯牛都好似好吸引👀PS 好少食到咁香咁濃郁既wasabi😊 同用粉開既真係有好大分別，細節位更加睇到餐廳既用心😎

新開張去試吓，十分驚喜，性價比好高，服務幾好，食物新鮮好味，價錢最平可以去到$7一舊壽司，師傅專業，講真唔係好想寫呢個食評，因為驚遲啲會排長龍，不過大埔開咗間正野冇理由唔分享，壽司郎排晒長龍嘅時候可以過嚟試吓😋😋😋😋😋外賣仲有九折！扣分位：1，通往洗手間環境不太好，洗手間都好細好窄但尚算衛生乾淨2，洗碗阿姐喺洗手間門口洗碗，感覺上不太衛生。

💛💛💛見大埔有間新開良心小店☺️仲係試業期，有機會當然要去支持下💪🏻💪🏻壽司吧有四位師傅主理，而熟食則由廚房一位師傅負責燒物料理😯眼見店舖大約可容納20-30人👨‍👩‍👧‍👦刺身🐟魚類刺身十分新鮮☺️☺️非常厚切！！！完全一條筋都食唔到👍🏻👍🏻啖啖肉得黎，入口滿佈魚鮮味👍🏻👍🏻 即開原隻活赤貝亦十分新鮮🤤🤤咬落勁鮮甜！！🤤🤤🤤鮮帶子則由壽司吧師傅推介👍🏻勁大隻！！直徑有兩個一蚊銀咁大😻😻😻😻又係超新鮮超鮮甜🤤🤤🤤🤤$82深海池魚(3切)$132中拖羅(3切)$58油甘魚(3切)$48活赤貝(1隻)$45鮮帶子(1隻)$140日本岩蠔-寶蠔(2隻)即開日本寶蠔真係必食！！！🤤超超超超大隻🥰🥰一啖倒入口勁滿足！！😍當然極鮮甜，上面仲加埋柚子蒟蒻☺️陣陣酸味更加突顯出蠔的鮮味💯💯大滿足！！$35鰻魚牛油果卷(4件)牛油果🥑上枱並沒有氧化影響觀感👍🏻鰻魚份量都冇因為價格而偷工減料👍🏻👍🏻👍🏻清新～🥰$35蟹籽軟殼蟹卷(4件)軟殼蟹即叫即炸，即使掛住相機食先都依舊脆卜卜🤤加埋蟹籽食又多一層口感👍🏻$84焦糖鵝肝壽司(2件)鵝肝大大件🤤🤤🤤輕輕焗熟加埋焦糖，成件事好法式🤤一放入口，真係大叫癡線😭😭好食到癲