良鮨壽司

营业中

休息中

平日夜晚去大埔揾食，朋友推介呢間日本野，餐廳外表都幾街坊，望個餐牌都有好多款式，又有套餐，價錢都唔貴。入度去職員好親切招呼我哋👍🏼 坐低掃QR code落單，真係好多野㨂，本來想叫過二人餐，但始終未食過唔知水準，散叫算。鮨壽司盛（$158）有三文魚，鯛，池魚，帶子，蟹棒，玉子，海膽😍同三文魚子，啲食材好新鮮海膽好出色，好足料，好飽滿，好食😋帶子鮮甜肉厚 👍🏼其他水準正常，唯獨玉子對我黎講有啲甜同老左少少海膽爆丼飯（$188）嘩，超多海膽，大半都係海膽，仲好新鮮同肥美💕，仲有拖羅蓉，蟹肉，三文魚子同蟹子，拖羅蓉唔錯，都幾多👍🏼但蟹肉有一小塊碎殻🙈好彩唔係好硬另外仲叫左和牛（$68）同牛舌（$38）串燒個和牛燒得好好食，外層香脆，食落口油脂入口即溶🤤👍🏼👍🏼肉質好soft,有牛味😋😋牛舌就韌左啲，但都𡁻到嘅。推介海膽同和牛👍🏼👍🏼會再黎試下佢個二人餐，個餐都好吸引

放工入大埔搵朋友食飯，黎左呢間食壽司。就咁睇Menu, 食物種類都幾多元化，價格都相宜。Menu菜式賣相都幾吸引，我哋兩個人就叫左兩個主食（一壽司盛，一丼飯），一個手卷，兩客串燒。飲品就按原本餐廳提供既熱日本綠茶。蟹膏手卷 $28味道都幾香濃，蟹膏肥美。鮨壽司盛 $1588件壽司：三文魚、金目鯛、縞池魚、帶子、蟹棒、玉子、三文魚子軍艦，同埋海膽軍艦。食材好新鮮，好好食，帶子好鮮甜，海膽都好好食。連平時我比較少食既池魚同鯛都好鮮美。玉子就甜甜地幾好食。海膽爆丼飯 $188丼飯有蟹肉，蟹籽，拖羅蓉仲有好新鮮既海膽，連挑剔既閨蜜都話好食。基路仔都出黎陪我哋食壽司。牛舌 （左）$38；鹿兒島A4和牛 （右）$68牛舌有濃郁既燒烤風味，和牛就肥美，入口即溶。

家人生日去咗食良鮨壽司慶祝🎉今次叫咗佢地嘅「#良鮨冬季二人餐」因為師傅推薦呢個餐最多人叫👍🏻而且睇落份量都好豐富🥰.「良鮨冬季二人餐」➖💲688首先端上前菜，🧈磯煮鮑魚冷豆腐，用醬汁以慢火炆煮，醬汁香甜滲入肉質柔嫩的鮑魚中，加上新鮮鮑魚的鮮甜口感。咬下去非常有彈性，鮮嫩多汁。加上滑嫩豆腐，加添清新感。🦪刺身生蠔，見住師傅即開，味道新鮮。生蠔身段飽滿厚肉，淡淡海水味。🐠三文魚2切及大拖羅2切，厚切刺身甘腴肥美，咬落口好滿足，魚油香味充滿口腔。超美味。🍣時令飛機魚壽司，每天不同，當天有鯛魚、池魚、炙燒鯖魚、炙燒黑鯥。新鮮刺身味道鮮香，尤其喜歡炙燒黑鯥，炙燒過後釋出的魚油更香。🍲魚奶湯，奶白色的湯頭，濃郁的魚味。🍢 燒物🐮安格斯牛肉金菇卷，濃郁牛香，金菇有爽嫩口感。🐣鹿兒島雞翼，簡單鹽燒，肉質嫩滑。🐮厚切牛舌有嚼口。🧆海膽海鮮炒飯，炒飯呈金黃色，粒粒分明，上面放有一瓣甘甜細膩的海膽，而且炒飯亦有不少海膽同海鮮，味道好香。【 #良鮨壽司 】📌 #大埔廣福道77號地舖

封左咁耐堂食，一開番就一定要去番我嘅飯堂支持下。平時食開lunch set, 真係咁好抵食。今次豪一豪佢，食dinner天氣不似預期，好大雨不過都唔阻我想食日本菜嘅心平日，咁嘅天氣，都坐爆。大家記得要預約，我就一早約左海擔唔洗講，兩個字新鮮一入口就溶，味道唔太濃，不過夠fresh壽司基本野，填下肚不過師傅唔馬虎，水準高上串燒個蝦就ok,朋友好蝦多過我。個免治雞肉串好高汁，同d 高級日本餐廳差唔多，有咬口卷物都係飽肚嘅食物有軟殼蟹 同 蝦兩種都正常，價錢唔貴燒蠔愛蠔者必食好新鮮，好多汁d 蠔嘅質素好高，師傅d 貨源好靚燒魷魚唔un, 送酒一流。份量夠天婦羅新鮮勁熱咁上個蝦超好食，唔食蝦嘅我都好鍾意。蝦頭都食得，好脆牛肉飯安格斯牛，牛味重。勁大碗飯個汁好過出面果d X 野家所以越簡單嘅野係越難煮得超好食。師傅可以煮到咁，大顯佢嘅功力最後每人$300 左右性價比唔洗講大埔街坊個個都識依間野。日本菜其實唔嘅排隊攞飛咁sad,打個電話，book位就得

今日黎大埔，已經唔係我細個嗰陣嘅環境，食肆好多選擇，上網留意呢間良鮨壽司店，介紹店內師傅全部都係擁有十多年日本料理經驗。咁我就試吓，今日天氣比較熱，我就叫呢個磯煮鮑魚冷豆腐，鮑魚彈牙配搭滑豆腐，唔錯喎！時令生蠔兩隻，都幾大隻。三文魚、大拖羅，又其拖羅有魚香和油花，多幾件就好了。叫左池魚壽司、伊左目壽司、金目鯛壽司、鯖魚壽司，池魚同金目鯛魚味比較濃，我鐘意。魚奶湯，望落去牛奶色，已知道魚味濃，好正。安格斯牛肉金菇卷，表面上已有醬汁，好味。鹿兒島雞翼，唱。。。燒雞翼我鐘意食，但我開始飽啦⋯⋯重有海膽海鮮炒飯，我唔會將海膽溝埋d飯食，海膽一啖放曬入口，好有滿足感，海鮮唔多但炒得好乾身，食咗兩碗，飽飽啦！

餐廳喺廣福道,一出門口就有巴士站幾方便,夜晚呢頭食飯都算係旺中帶靜裝修簡潔,bar枱得10個位,所以一定要提前訂位,尤其係食廚師發板今日午餐食得比較飽,所以今晚淨係叫咗啲小食同埋卷物. 第一道菜就食海膽, 手掌咁大隻, 少少海水味,唔算太creamy但係都好食 合理價錢叫咗炸蝦卷同軟殼蟹卷,飯團比較細,不過炸物好鬆化,冇油溢味. 天婦羅🍤就唔使講啦,好食. 鍾意食仲可以食埋蝦頭燒蠔有少少蔥花點綴,飲埋啲汁好爽免治雞肉棒有軟骨,係好食嗰種,不過調味比較鹹牛肉飯有成三碗半飯,男朋友食唔飽打底一流,牛肉同洋蔥份量係成正比, 唔係好多洋蔥嗰隻,牛肉汁有少少清酒味,不過多咗少少汁,所以個飯冇咁煙靭另外在叫咗魷魚同埋壽司整體來講成餐飯嘅感覺都好好性價比高又好食

好鐘意食日本野嘅我，最近經開大埔墟發現咗呢間新開咗無耐嘅日本餐廳，所以今日就約埋朋友一齊嚟試下。午市套餐非常抵食，而且星期六都有優惠非常好 😊 自己同朋友都叫咗午市套餐，另外再叫多咗幾款小食。每款午市套餐都跟沙律同麵豉湯，而且呢度嘅麵豉湯同坊間果啲好唔同可以話係自家製，用料有冬菇、魚肚及素翅，味道幾清甜。一口芝士($32/5件)，吉列廣島蠔($38/3件) : 廚師油炸技術一流，將兩款小食炸得酥脆而不油膩。一口芝士超邪惡，芝士味超濃郁，吉列廣島蠔非常大隻酥脆。白鱔($48)，牛舌($38) : 白鱔魚皮燒到脆卜卜，鱔肉燒至金黃之時，就是上佳之作，白鱔嘅魚香令到對魚無興趣嘅朋友都話要食就知有幾吸引。😝蟹子軟殼蟹卷，芝士吉列蝦卷(每款 $35/4件) : 兩款卷物味道都唔錯，而且售價亦相當吸引。日式鵝肝飯 ($108) : 用上秋葵、黃蘿蔔、沙律菜作為伴菜，配上四件相當厚切嘅鵝肝，鵝肝外層煎至焦香，內裏細膩柔滑，簡直係人間美食，CP 值好高嘅選擇。

大埔良鮨壽司店，店內師傅全部都係擁有十多年日本料理經驗。今日食呢個二人餐，真係超值。磯煮鮑魚冷豆腐，鮑魚好鮮甜。日本直送時令生蠔（岩手縣）有海水味（加埋檸檬汁更清新)三文魚、大拖羅，又其拖羅有魚香和油花，必食之選。日本直送時令飛機魚壽司，4款魚，有池魚、伊左目、金目鯛、鯖魚，魚肉除咗新鮮之外，特別提提池魚同金目鯛，比較魚味香濃。魚奶湯，魚味濃豆腐滑，入面還有香菇，所以好好飲。安格斯牛肉金菇卷，外脆內軟嘅安格斯牛肉，唔使沾醬汁都已經好好味。鹿兒島雞翼又香又脆（佢有竹籤穿住雞翼，食完隻手都唔會污糟）最後餐牌上寫上👉🏻食事？🤔你地知唔知點解？登登登登。。原來係食飯嘅意思。海膽海鮮炒飯，鮮甜嘅海膽配上香滑炒飯底，炒飯粒粒分明，好食😋

🐭 米奇老豬Vol. 160 🐷［良鮨］@liangzhi_sushi 話說老豬其實好鍾意食日本野 不過好似都係第一次出post介紹日本餐廳🤪呢間係新開喺廣福里附近嘅日本餐廳有普通台同bar台可以睇住師傅切魚開蠔而且有個師傅非常好客 👨‍🍳同我地講解唔同魚生、生蠔嘅口感風味佢仲同我地講原來果個檸檬啫哩係佢經過多次改良先研發到出來㗎 🤩feel到佢嘅熱誠🔥 .🐖🐖《良鮨爆魚生丼》🐖🐖 🛑 8.8/10 🛑 💰$208 💰呢個有曬蟹籽、三文魚籽、拖羅蓉、海膽、甜蝦全部都好新鮮 海膽都算creamy拖羅蓉份量對得住個價錢 👍🏻.🐖🐖《飛機魚壽司拼盤》🐖🐖🛑 9/10 🛑 💰$188💰呢個拼盤係每日都唔同嘅視乎當日有咩直送飛機魚 🐟雖然老豬真係分唔到邊樣打邊樣但全部都好新鮮 魚油香好夠最驚豔嘅係個檸檬啫哩 🍋入口即融 口感超級特別 🤩配埋d青蔥 將每款魚嘅香味吊出連wasabi控嘅老豬都完全無落wasabi豉油都唔洗點！.🐖🐖《日本岩手縣米崎生蠔》🐖🐖 🛑 3/10 🛑 💰$75💰師傅話呢款生蠔海水味較濃而且我地見有「米奇」 所以就嗌左😂睇住另一個師傅開蠔都係用水喉水沖 有小小擔心 😓而且食落

叫左3個手卷 外賣份量少到極 平均一個要40蚊平時食半碗飯就飽 叫多左諗住可以分餐食 點知食曬3個手卷都唔夠飽。。。 圖可以見到蟹膏嘅量少得可憐，鵝肝又係得薄薄一片，卷埋咬開都差啲見唔到佢。完全覺得被敷衍睇食評個個都話良心食店，有啲唔知良心左啲咩。食材麻麻，調味又唔好，份量又細。就算同我講係堂食同外賣嘅分別我都唔會去試，外賣都係客，點解唔係同堂食嘅客一視同仁。就算味道會受影響，份量都應該確保一樣，食材都唔應該因為外賣就俾啲邊邊角角。

今日去咗大埔搵朋友，搵完朋友有點肚餓喺附近搵嘢食，看見有間日本餐廳，日本菜很久都沒有食，今日就決定食這間日本菜，入到餐廳環境舒服，空間感十足，地方寛倘，唔會好迫，佢呢間餐廳係用QR code落單嘅，都好方便又環保，細看餐牌有很多選擇，每一樣嘢我都很想食，我點了一個廣島蠔鍋，這個鍋的湯底用鮮魚熬製，鮮魚味濃郁，廣島號都好好味，鮮甜比我想像中肉厚，另外湯底都有鮮蠔同埋蔬菜嘅味道，難得都蠔鍋做得十分出色，我另外還點了壽司拼盤，每件壽司都是即時做的八爪魚壽司，食入口爽口有口感，蟹子壽司，入口卜卜脆10分新鮮，北寄貝壽司也很好味，因為他的食材新鮮，所以製造出來的都很高質素，我點了一個炸年糕，芝士年糕剛剛乍起，外層炸到金黃色，而且帶點脆的口感，食一口我唔要年糕中間啲芝士溶化龍龍的芝士味，加上年糕本身的軟硬口感適中，軟糯的感覺，我本身非常喜歡食，總括今日的食物新鮮，而且有質素食材選料有挑选，我會一定再嚟食

大埔鮮有日本質素既餐廳位置係廣福道兩旁 新開張半年裏面位置寬躺 有長吧台位置 亦有起碼廿張細枱點餐都係掃QR Code 不過都有menu貼係牆上落完單野食好快送到晏晝有午市定食 價錢親民 唔錯良壽司定食 $88所有午市定食跟蒸蛋同沙律8件壽司 有5件生壽司+3件熟壽司壽司質素唔錯 魚質夠新鮮 唯獨蛋壽司色香味都略嫌遜色 食得出比較老大拖羅壽司 $52/1件無失望 食落去 入口即溶 好香魚鮨味鰻魚牛油果卷 $35 /4件火灸芝士海老 $17/1件厚燒玉子 $28/3件日式煎餃子 $35/4隻小店撐得好辛苦 大家有得揀就唔好去連鎖店外賣做緊八折

身為壽司迷，困左喺屋企咁耐都要得閒食吓日本野獎勵下自己，話身心健康好緊要。"良鮨壽司"聽左排都未試，距離屋企又唔算遠，咁今次就去試下佢既壽司。睇餐牌見有樣好特別既「時令飛機魚壽司拼盤」聽落好吸引，即刻唔理咁多點左，再加左個至愛既帆立貝刺身(6片)過下口癮。聽個名，飛機魚應該係指日本空運黎既魚，呢個拼盤有4種魚，其中有池魚王、 金目鯛等，仲有一件係火炙，唔太認到最後2款。食得出真係好新鮮，唔會有腥味，口感極佳。上面加左少許蔥花同蘿蔔蓉提味，為魚生既鹹鮮味加了啲味道上既點綴。最後估唔到最驚艷既係帆立貝刺身，一碟就有成6大片，新鮮而且非常鮮甜，令我過足口癮！總括而言就係大埔既壽司店推介，屋企附近又多一間我既壽司店之選

今次要介紹既係位於大埔既日本料理良鮨首先叫咗幾款我鍾意食既壽司，有三文魚腩，三文魚，油甘魚，燒牛肉，火炙左口魚同埋海膽壽司。每件壽司都賣相討好，非常新鮮，左口魚炙燒後油脂滲哂出嚟，一定要黎試下，由其係海膽軍艦，海膽多到裝唔住，非常足料。之後師傅推介左兩款生蠔，即叫即開，鮮度十足，一款叫日本昆布森生蠔，味道較濃，有海水味，另一款叫日本北海道仙鳳趾生蠔，味道偏甜，鮮嫩多汁，兩款蠔均配上師傅特製即檸檬啫喱，酸酸甜甜，唔使再加其他調味，已經可以食到最原本既風味。師傅之後再推介左焦糖鵝肝壽司，焦糖非常之熱，入口前要小心吹涼，鵝肝味道濃郁，加上焦糖後完全冇油膩感，食多幾件都得。之後叫左幾款小食，有唐揚雞軟骨，牛舌串，鹿兒島A4和牛串，芝士年糕。全部都好好食，雞軟骨香脆可口，餸酒一流。和牛串都又淋又多肉汁。最估唔到芝士年糕係我食過最好味既，外層鬆軟，內層熱辣辣既流心芝士，俾到我驚喜同滿足感。

大埔不嬲都出名多野食，日本野都多，而今次係因為朋友推介黎食~ 環境都幾闊，位置算係幾易搵，係大街個邊! 壽司類既選擇都幾多，我地叫左火灸芝士蟹棒，鰻魚，玻璃蝦，帆立貝，火灸帆立貝，火灸三文魚，芝士蟹籽軍艦同埋腐皮壽司。火灸系列真係幾唔錯，燒得好香! 火灸三文魚仲保留到三文魚既油脂，又唔會燒到過左龍。食材都食得出係好新鮮，加上我地住吧台，仲可以望到壽司師傅切魚生~ 鰻魚牛油果卷都好好食，呢個配搭本身就唔會輸! 朋友仲大讚呢到既鰻魚好好食，好厚肉! 蟹膏蟹肉手卷好足料，咬落啖啖都食到D料而唔係得飯! 厚燒玉子甜甜地，幾好食。吉列紫薯餅好驚喜! 炸得岩岩好，紫薯好甜~ 唐揚魷魚鬚都好食~好香但又唔會炸物厚~感覺仲好岩配酒!