良鮨壽司

营业中

休息中

一路食可以一路睇到廚師準備的功夫👓其實間餐廳既menu 幾豐富，好想試個海膽丼，但賣曬了😭😭😭我覺得成間餐廳嘅價格普遍都唔算貴，間唔時食下都唔會肉痛叫左幾款壽司試下。左口魚壽司入口即溶，味道唔錯，有輕微火燒嘅香氣蟹膏蟹肉分量爆燈，太高味道鮮甜不苦澀👍 海膽壽司嘅份量一樣滿滿的燒魷魚香味十足，頭頂的部份燒得有點焦脆，但咬到中間又仲係好彈牙，如果d 汁再多d 就更正。份量好多，兩人分好滿足雞翼好嫩，外面焦香，不錯不錯。軟骨都ok

今日去開個頭做野，落曬大雨，就冇特登搵食咩好，見到依間轉左入黎，估唔到又幾ok場內有bar 枱都有普通桌椅位置，自己一丁友就坐左係bar 枱。影漏左張相，bar 枱啲凳底有籃比客人放袋，抵讚menu 都唔少下，仲有個set menu,感覺都抵食，下次可以約朋友一齊食但既然今日係自己一個，唯有睇番大menu餐廳係qr code 落單，落完好快就上菜海膽份量好足，層層疊疊，一啖放曬落口好正。紫菜仲好脆甜蝦好nice 咁剪左佢d 頭同腳。蝦嘅size 都可以接受，味道鮮甜。磯燒鮑魚好入味，鮑魚冇切得太簿，所以保留左個口感，好彈牙另外叫左個饅魚炒飯，估唔到飯量有咁足，我覺得兩個人食都飽🤣上枱個陣仲冒曬熱氣，入面有好多饅魚粒

行街行得多,都想行吓山第一次去大埔三門仔郊遊所以行左半日都好舒服,之後, 落番大埔區內的搵食,見到間良鮨日本菜睇下價錢, 有平有貴都可以,入面裝潢好簡潔雖然店舖細細但食物種類都不少因為太肚餓一次過叫了想食的食物蟹子軟殼蟹卷雖然細細件.外型不錯之餘料子都充足芒果三文魚卷酸酸甜甜芒果肉配上嫩肉三文魚少少醬油.滿足花之戀厚厚三文魚肉包圍住飯團好飽飽厚玉子燒必食.比一般厚身但不是死實感讚四款一次過食.超滿足之後食刺身活赤貝及帆立貝簡單講,夠大隻亦新鮮, 彈牙其實好想叫多一次怕吃太多刺身加上有三色魚生丼所以取消 再叫刺身吃三色魚生丼,碗仔細細,雖然太肚餓,但兩人分享絕對夠食. 食左不少生冷食物一定要食熱物串燒牛舌朋友仔講好味. 因為夠熱又”淋”串燒鹽燒黑豚五花腩有點點失色.因為冇肥膏所以少左油份最後大家都忍不住的美食.炸蠔外脆內嫩必備重點要有蠔味, 不是雪氣味.如果再大隻點, 就更美味整體來說, 比到驚喜我出單超快可以短時間內可以讓食客更快享受美食.自己沒有想過大埔都有不錯 水準日本美食.下次來, 都多一個選擇

今晚想食日本野，去屋企附近搵食，去左呢間餐廳，餐廳裝修似日本的居酒屋，好懷念日本餐牌有好多選擇：刺身、壽司、炸物、卷物、燒物、飯、烏冬，咩都有。食物好快到，胃口開動！蟹子軟殼蟹卷（4件），軟殼蟹不油膩，表面有大量蟹子，配上香軟壽司飯，好食串燒叫了幾款：牛舌、白鱔、雞軟骨、雞腎、黑豚五花腩，全部都好好食，不會太油膩，燒得很香，尤其是牛舌、白膳和雞腎特別出色，牛舌很有牛味，很淋身，白膳很肥美，很爽口，雞腎很juicy，很爽口，完全沒有蘇味。炸物叫了吉列廣島蠔和一口芝士，很喜歡吉列廣島蠔，很大隻，炸漿不會很厚身，很juicy，好食💯蒲燒鰻魚飯，蒲魚很肥美，很大件，好滿足。

呢日去大埔探朋友，佢知道我喜歡食日本菜，於是就帶我到呢間抵食又好味嘅隱世壽司店【良鮨】食晚餐，食物質素有驚喜~我地坐bar枱，可以望到師傅準備食材~先嚟啲香口野，【鹽燒黑豚五花腩】好香好肥美，【牛舌】爽口帶肉汁~【吉列廣島蠔】入口好鬆化，唔厚粉，爆汁~之後來些卷物，【蟹子軟殼蟹卷】軟殼蟹好香脆，面頭鋪左滿滿嘅蟹子，入口加倍卜卜脆~【芒果三文魚卷】鋪左芒果係面，特別清新~【花之戀】三文魚很肥美，一口一啖好滿足~【厚燒玉子】蛋好軟鬆，很新鮮~跟著就係最期待嘅刺身喇~【赤貝】同【帆立貝刺身】都好新鮮爽口~最後食埋好豐富嘅【三色魚生丼】就夠晒飽肚喇~呢餐真係好滿足，咁多野食埋單都不用$500，幾抵食，有驚喜~

好耐冇去揾黃店食啦今日終於得閒d😗就去左良鮨壽司💛💛芝士吉烈蝦反卷💛💛💛反卷炸得剛好3色魚生丼💛💛芝士年糕💛💛雞泡魚乾💛💛💛每次去居酒屋都會叫環境不錯 有bar枱好食嘅P.s 最緊要有良知喔

今日行去大埔，廣福道開了間壽司店，個名好好，良鮨壽司店。選擇太多都想試，今次就食良鮨冬季二人前。先嚟磯煮鮑魚冷豆腐，味道不會太濃。再來茶蒸碗，滑溜溜有鮮甜香海鮮味。刺身，壽司，生蠔繼續出場，刺身新鮮，不過點都唔及生蠔，鮮中帶少少海水味，二人前只分得一隻，真係唔夠喉。跟住來一碗暖暖嘅魚奶湯，沒有魚腥味，只有魚嘅甜鮮味，應該裡面加入左豆漿或奶嘅物質，有些滑溜濃郁。安格斯牛肉金菇卷，係同場最讚嘅食物之一，平時食都會出現牛肉韌口嘅問題，今次食嘅牛肉鬆化又唔黐牙。串燒雞翼同厚切牛舌，比較喜歡牛舌厚但唔會鞋口韌皮，雞翼皮脆口，肉汁多。最後海膽海鮮炒飯，唔知係咪想推介佢哋嘅海膽，雖然只有四片海膽放在飯面點睛，但一口即溶真係令人想叫原隻品嚐。雪糕作甜品係芒果味，這個牌子雪糕，亦值得推介。同場加插厚燒玉子。正！不錯質素的日本餐廳，服務質素亦滿意，值得再來光顧。

絕對係可以一試再試的日本餐廳因為有好多選擇 每一個選擇都係好食的日式刺身、串燒、壽司、沙律前菜 都值得幫襯。這間是大埔廣福道的小店，CP值相對高💌蟹子沙律作為前菜，好似係每一次食日本嘢都要叫的菜式👍🏻 小店做到份量好大抵食不論壽司和刺身，都係好新鮮👍🏻 值得下次再幫襯 咁多位香港人都可以支持大埔黃店💛💛💛

午餐時候勁大雨🌧🌧。咁岩行開廣福道準備返工前食野醫下肚🍽🍽。落雨🌧🌧嘅日子仲係令人心情煩悶。決定對自己好啲。良鮨平時經過都想試。今日趁呢個日子好好對下自己。我被安排坐到吧枱位置，咁就可以望住師傅🧑🏼‍🍳🧑🏼‍🍳製作食物。餐廳以QR code📱📱形式去點餐。鮨壽司定食跟細烏冬$128，套餐包左前菜蟹子沙律🥗🥗同茶碗蒸🥚🥚，八件壽司🍣除左有三文魚，蟹柳，玉子壽司等之外，竟然仲有海膽壽司。壽司食落好新鮮。烏冬🍜🍜用咗幼身烏冬。食落爽彈。另外我見佢生蠔🦪🦪堂食買二送一$120，於是點左，師傅會即場喺吧枱開生蠔🦪🦪，生蠔隻隻都有半隻手掌咁大，食落非常飽仲有淡淡的海水味。呢個午餐一流。

喺社交平台都見呢間壽司店嘅comment唔錯，所以今日中午剪完頭髮就嚟試吓。1:30入到去都仲有頗多座位，可能由於星期日沒有午市套餐，散叫相對較貴吧！午市套餐價錢的確性價比高散叫menu 價錢都算合理由於老公唔好壽司偏好刺身 ，所以order左刺身盛合，胡麻冷烏冬和手卷。兩個大蝦頭問左師傅仲可以幫手做成炸物，師傅話如果繁忙時間多人就唔可以咁做。蝦頭炸得香脆，可以整個食下刺身都新鮮，尤其拖羅色澤粉紅，油分適中而無筋，有入口即溶感覺。冷烏冬有很多配料，有玉子，蝦，蟹柳，蟹子埋單500多元，有點貴但高質！

平時搭車經過都見到這裡，今晚就早啲落車行去這裡，店舖在最旺盛嘅馬路旁，絕對方便！餐廳座位分為吧枱，同一般餐枱，今晚就係座在吧枱旁，落單都係掃二維碼，餐牌分類清晰，先點了壽司，大大隻肉質彈牙,晶瑩剔透的玻璃蝦壽司、腐皮壽司包裹醋飯，帶點甜帶點酸十分醒胃！而個辣味三文魚軍艦入口帶點香辣刺激一下味蕾、濃郁芝士味道嘅芝士蟹子軍艦，一啖入口芝士同蟹子混勻味道十分香濃！這個鰻魚牛油果卷亦十分好味，牛油果上加上蟹子襯托中間用壽司飯卷住燒香了嘅鰻魚，一口一件，陣陣香味在口中留香！主食點了個蒲燒鰻魚飯，大大塊蒲燒鰻魚放在碗中，蒲燒鰻魚夠晒肥美香口，加埋煙韌彈牙嘅米飯，真係絕佳選擇！認不住追加埋個汁燒魷魚筒，原隻魷魚燒，再切成一圈圈，入口香軟彈牙，送飯佐酒又係一個上佳配搭！今晚十分滿意，這裡價錢合理，質素高，可能食到接近閉店時間，見到師傅忙過不停出單，尤其是截單後，師傅認真清潔其用具，絕對讓食客食得放心！

琴日同朋友喺大埔食晚餐，之前停一晚時間我最想食返嘅就係日本菜，今次聽朋友介紹就試吓佢哋而家都幾出名壽司平靚正嘅餐廳！今次令我印象最深刻嘅有焦糖鵝肝壽司、一串白鱔、大拖羅壽司和火炙三文魚壽司！我本身就好鍾意食鵝肝，佢嘅鵝肝加埋焦糖燒，令到壽司有一浸淡淡的焦糖香味，中和返鵝肝嘅油膩感，我覺得可以一次食幾件都唔會覺得好肥膩😚另外覺得非常特別嘅就係佢哋嘅燒白鱔，平時好少會叫，但係見到佢哋都會推介依個，試咗之後覺得都幾好味！佢嘅大拖羅和三文魚都非常肥美🤤除咗依幾個之外，我哋仲叫咗花之戀、三文魚壽司、三文魚腩壽司、辣味三文魚軍艦、辣味三文魚手卷、芝士年糕兩件、吉列紫薯餅，都係非常好食，三文魚亦都非常鮮甜。芝士年糕亦都好煙韌，幾重芝士味！

今日同朋友入咗大埔，我哋去咗間朋友介紹的餐廳食日本菜，今次我哋見到唔同款式嘅壽司，食過一次之後絕對會想返嚟再食！焦糖鵝肝壽司、花之戀、三文魚壽司、三文魚腩壽司、辣味三文魚軍艦、辣味三文魚手卷、芝士年糕兩件、吉列紫薯餅、一串白鱔、大拖羅壽司和火炙三文魚壽司！每款壽司嘅刺身都非常新鮮， 尤其是三文魚腩和大拖羅非常肥美，一啖食好滿足😚佢哋嘅白鱔都非常好食，有少少攤銷嘅味道，魚肉嘅質地有少少彈牙，我非常鍾意食。除此之外芝士年糕亦都非常煙銀，食完之後十分滿足！另外不得不提嘅係佢嘅鵝肝壽司，入口即溶嘅感覺，再加上焦糖有微微嘅甜味中和肥膩嘅感覺，鍾意食鵝肝嘅朋友一定要試吓

三文魚（$48+1） & 油甘魚刺身（$68+1）好新鮮既厚切魚生 食落完全冇雪味食得好滿足🤤🤤唐揚魷魚鬚 （$48+1）魷魚外皮煎得香蘇爽脆 咬開後食到好彈牙既魷魚🫶鮨壽司盛 （$158 +1）有十舊不同種類比較常見既魚生壽司 材料非常新鮮 而且大過舊飯 絕對冇偷工減料🤗🤗厚燒芝士玉子 （$33 +1）甜甜既玉子加上燒得香脆既芝士 充滿口感 又唔會覺得太膩👍👍日式煎餃子 （$35 +1）淡淡嘅豬肉味加青菜配有餃子專用嘅豉油 餃子皮煎得香脆 唔油膩（不過我覺得唔點醬油更加原汁原味更加好食🥰）鰻魚牛油果卷 （$35 +1）& 芝士蟹子軍艦 （$10 +1）新鮮嘅牛油果入口即溶🫶配上鰻魚 配搭新鮮👏👏再加上香濃嘅芝士味&滿滿嘅蟹籽 食得好飽飽🥳☁️吧枱啲櫈有啲高（或者可以揀坐4人檯）但店員好樂意協助你👍👍仲會成日執檯 保持清潔 食得舒適 又衛生🥰🥰

今日同朋友一齊嚟到大埔食日本菜，我哋去咗廣福道嘅良鮨壽司店。店入面環境乾淨衛生，佢有分坐bar 枱或者普通座位。我同朋友就揀咗吧台坐喇，因為可以睇到廚師為我哋準備食物。我哋點咗鮨壽司盛，唐揚魷魚鬚，日式煎餃子，鰻魚牛油果卷，芝士蟹子軍艦，厚燒芝士玉子，三文魚刺身，油甘魚刺身。1 鮨壽司盛～包含多款壽司，有三文魚，金目鯛，縞池魚，帶子，蟹棒，玉子，海膽軍艦，三文魚子軍艦，全部都係非常新鮮，美味。而我對金目鯛更係印象深刻，因為佢肥而不膩，非常鮮美。2 唐揚魷魚鬚～炸得很香口，非常適合佐酒，而且送到我哋面前覺得仲有少少燙咀呢。3 三文魚刺身，油甘魚刺身～呢2個刺身好新鮮，好鮮甜，好好食呀，而且係極厚切（我自己個人非常鍾意喇！）食落口非常有滿足感。4 厚燒芝士玉子～有淡淡嘅芝士味又唔會太漏。5 鰻魚牛油果卷～牛油果係即切（因為我睇住廚師整），所以牛油果非常軟熟，而且同鰻魚都幾搭配。6 日式煎餃子～呢款餃子個底煎得好香，而今落口啲餃子皮就係有少少軟綿綿嘅感覺。呢個個餡有淡淡嘅豬肉味，適合唔係食得咁濃味嘅人。7 桃味梳打～因為唔飲酒嘅關係，叫咗呢款飲品，我覺得都桃味適中，唔會太甜。不過我就覺得一支