芋圓一

营业中

休息中

👉這裏🈶️別於一般糖水店，菜單只🈶️一版，糖水款式都是以芋圓為主，真是芋圓愛好者天堂。。。📌愛文芒甘露芋圓 $50 ～ 濃稠芒果汁做底，加入愛文芒果粒、愛玉、芋圓⋯香甜芒果汁跟配料非常搭，好味道！！👍📌椰汁海燕窩芋圓 $42 ～ 椰汁🥥不會太甜，配料🈶️海燕窩、雪耳、愛玉、芋圓⋯全部爽口又煙韌，是我喜歡的口感。☺️📌黑糖薑汁湯圓芋圓 $42 ～ 微微薑汁、甜度不太濃，2⃣️粒芝麻湯圓加上芋圓，淺嘗一下份量剛剛好。😍🏬 芋圓一 (西營盤）🚦  西營盤水街27號地舖

位於西營盤的甜品店，店如其名，主打的是芋圓甜品。店舖分兩層，第一層入去是點餐處及外賣，樓上則有座位，堂食的客人只需手機自助下單。餐牌選擇不多，另外還有些小食、糯米糍、桃膠雪燕及冷泡茶飲。除了有固定的配料外，還有一款是自選仙草，自由配搭配料、糖水底等，較高自由度。自選仙草：配料：台式粉粿、白玉、芋圓糖水汁：芋香汁 大大一碗，非常足料，底下全是仙草凍，清爽滑溜。白玉丸子兩粒，台式粉粿也有兩大塊，比平日吃到的更加有彈性，冰冰涼涼；芋圓有三色，每顆大小均一，口感粉糯、煙韌，加上芋香汁淋在上面，微甜，味道恰好。自選仙草：配料：桃膠、薏米、雪燕糖水汁：桂花汁這款所選的配料則較養生、滋補。桂花汁的味道清香，很突出。桃膠、雪燕晶瑩剔透，煮得軟身，入口容易化開。薏米是整碗甜品中較硬身的配料，蠻有口感。

西營盤站附近既「芋圓一」✨，位置旺中帶靜，餐廳以芋圓甜品為主🍡，仲有不款式既小食同埋糯米糍🍮，啱曬響附近大學既學生落堂後作為聚腳地。愛文芒甘露芋圓$50台灣特產愛文芒果鮮甜，果肉夠香，而芋圓煙韌有咬口，整體甜度適中，冰凍又好味😋。桃膠雪燕窩清心丸芋圓$47桃膠雪燕窩養顔，清心丸爽口彈牙，配合芋圓大滿足，熱食甜品🍮咁曬冬天食用。手工芒果🥭糯米糍$40一盒兩大件芒果糯米糍，芒果肉厚又香又甜，糯米糍皮厚薄適中，非常好味。👍🏻

芋圓西環西營盤水街27號地舖G/F, 27 Water Street, Sai Ying Pun, Western District食完晚飯, 突然很核吃點甜的, 因中菜味道比較濃同鹹, 要食返甜品平衡一下味覺。行返去MTR路上見到呢間食台灣芋圓糖水的舖頭,芋圓甜品共有 8 款, 糯米糍同冷泡茶, 而冬天仲有熱架糖水同小食, qr買完落好ORDER 可以上一層閣樓, 等店員把食物端上。$40傳統仙草芋圓 ,用料豐富，除咗芋圓、番薯圓、紫薯圓外，仲有仙草、紅豆、薏米、白玉、黑糖珍珠同大大粒嘅丸子，陣容非常鼎盛。$38 雪人樽好可愛，是桃膠，一粒粒滑入喉，冬天喝滋潤喉嚨。另外一枝是烏龍茶附近唔多糖水舖, 想食要認住佢呀, 糯米滋容易外帶, 好多時受歡迎的口味會一早絛曬, 想食到要碰碰運氣。閣樓仲有好多位，加上可愛黑白牆壁畫。

喺西環過咗一個頻撲嘅下晝晏晝都冇時間食…經過見到依間好別致既芋圓小店門口睇落，俾人舒服親切嘅感覺食碗芋圓當下午茶都好喎夠晒開心，又飽肚🥰🥰入到去就係開放式嘅廚房，可以上樓上搵位，掃QR code下單，店員就會將食物拎上嚟樓上都幾靚，幾舒服，仲有好多壁畫心大心細咗好耐，最後揀咗芋香仙草芋圓如果揀唔啱，佢哋嘅芋圓仲可以自由配搭，揀自己鍾意嘅配料👍🏼除咗芋圓之外，仲有一啲特色食品，同埋茶飲我實在係抗拒唔到香口嘢😋所以就點埋椒鹽花枝丸過下口癮～超級大碗，而且賣相好靚呀！面頭有一層傑傑地嘅芋泥❤️所有配料加加埋埋，口感非常豐富！做下午茶真係一流！芋圓、白玉都做到QQ口感黃黃地色，有少少透明狀嘅粉菓口感直頭係煙靭！都幾得意👍🏼👍🏼椒鹽花枝丸香氣撲鼻😌😌花枝丸又幾好食喎，入面真係有一粒粒嘅花枝肉，丸子上有少少椒鹽，成件事更惹味感恩遇上依間小店，環境舒適， 食物亦都唔錯，即刻令到忙碌嘅一日都開心返❤️喺生活上嘅小確幸🌟🌟

愛文芒甘露芋圓 ($50) ，去甜品店最鍾意點芒果甜品。呢個甜品好正係因為佢用楊枝甘露做底，再加芒果肉攪碎而成嘅芒果汁，用料超豐富。而且仲有台灣直送嘅愛文芒果粒，特別香甜美味，再有芋圓襯托，一啖每樣野都有齊，又幾適合。舖面有柚肉帶微酸，開胃清新。傳統仙草芋圓 ($40)，呢款一樣好抵食，首先見到舖面有芋圓、番薯圓、紫薯圓圍邊，D顏色相間配搭，盡顯心思。之後向下就係滑溜溜既仙草做底，再加上紅豆同黑糖珍珠帶出甜味。另外仲有薏米、白玉、丸子，一碗有好多唔同既口感、煙韌度同配料! 平時出面食要一款款配料加錢嫁!!糯米糍有幾款唔同口味，但去到既時候大部分已經賣晒，好受歡迎。所以試左3粒裝既芒果糯米糍。糯米皮夠薄同軟糯，但又有少少Q彈感。非常滿又大既芒果餡，咬落清甜多汁。下次要試埋特色既榴槤糯米糍!!!呢度都幾近香港大學站，2樓既座位坐得舒服，岩晒學生夜晚黎個糖水聚。

難得約咗個喺西環嘅舊朋友，食完晚飯都意猶未盡，就搵咗間喺附近嘅甜品店芋圓一。小店總共有兩層，下層係製作甜品同外賣counter，而樓上就有座位俾三五知己喺度食吓嘢傾吓計。芋香仙草芋圓係一個凍品，可以話係佢哋嘅招牌菜式，入面總共有7款材料，包括三色芋圓、仙草、紅豆、薏米、白玉、粉果、珍珠，再配以芋頭味嘅汁底，超大碗超抵食。另外就揀咗比較滋陰養顏嘅桃膠雪燕窩清心丸芋圓，暖暖嘅溫度再配合咁滋陰嘅材料，感覺真係非常養生。冷萃桂花烏龍茶充滿淡淡嘅桂花香，樽裝方便攜帶，堂食外賣都咁方便。最後仲買咗個愛文芒甘露芋圓外賣返屋企孝敬母親大人，食得出係真材實料嘅芒果茸，原來配埋芋圓口感更豐富，味道更佳。

芋圓一的芋圓都是每日手工製作，貓山王糯米糍更是限量鮮製，食材選料一點都不馬虎，難怪芋圓一在西環重開，吸引眾芋圓迷一而再，再而三來光顧。椒鹽海苔魷魚鬚是台灣人氣超高的傳統小食都能在芋圓一吃到，魷魚鬚大小適中，非常新鮮，外層沒有裹多餘的炸粉，炸到金黃香脆，撒上椒鹽海苔更能品嚐魷魚鬚的香氣，趁熱吃口感更佳，愛吃海味的人絕對會喜歡椒鹽海苔魷魚鬚。雪燕，桃膠號稱平民版的燕窩，其實它們都是植物膠原蛋白，可以養顏美容，愛漂亮的女性趕快來一口冰糖雪燕燉桃膠。桃膠琥珀色的光澤讓人看了整個食慾大增，呈現紅寶石般的高貴優雅，且滑溜有嚼勁，雪燕低熱量，吃來不會有負擔，桃膠與雪燕的香甜主要來自滋潤的冰糖。手工貓山王糯米糍只在星期五，六，日限量供應，所以貓山王控想吃的話請把握時機，記得周末來芋圓一啊，不然錯過又要等下一次。手工貓山王糯米滋皮軟糯不黏牙，餡料給得好不大方，一大坨貓山王果肉飽滿誘人，香甜涮嘴，嚐起來大滿足。椰汁海燕窩芋圓可以感受到滿滿的精華，椰汁與芋圓味道並重，私心超愛芋圓一的地瓜圓，咀嚼時有濃濃的地瓜香，粉粿挺有驚喜，軟彈軟彈的，桃膠膠質豐沛，絲絲的海燕窩咬感細緻，最後加入濃濃的椰汁，白雪雪的像極了

住西營盤既朋友知我鍾意食芋圓，先約我去食排長龍既坤記煲仔飯，之後行一陣再帶我黎呢間幾新淨既芋圓甜品店😁呢間係自助落單，上一層都有位坐，雖然樓底唔高，但都坐得好舒服，又唔會覺得焗促👍🏻食物款式都幾多，而且都超有質素！🤩我諗係我top 3至愛甜品店！✅椰汁海燕窩芋圓 ($42, 加桃膠+$8)呢個真係超級超級正，係每一啖都要“嘩”一聲，絕對無誇大！🤤🤤椰汁底好重椰香味，仲有我好鍾意既燕窩，好爽口。芋圓好爽口彈牙，好正，絕對係可以媲美鮮芋仙！😆再加埋口感十足既桃膠，超級完美！👍🏻✅多芒小丸子 ($45)芒果唔係旺季都好甜，好正！芒汁底超香芒果味，唔係單純得甜味，出色！👍🏻小丸子好彈牙，份量都好多😍✅脆炸薯格 ($28)薯格超級正！炸得勁脆勁香口，仲要熱辣辣，係即叫既炸既感覺且好重薯味，又唔會覺得鹹，調味做得好。😁✅冷萃白桃烏龍茶 ($18)白桃味都幾突出，烏龍茶味夠濃。食完薯格再飲，好爽好解渴🤪

呢間芋圓小店本身喺大角咀都幾有人氣 🐻都食過一次～上年結業好多人都話可惜(>_<)好彩佢早排喺西環重開啦！小店細細間 但有室外同閣樓座位～有芋圓、糯米糍、少量小食同特飲✨♡ 桂花仙草芋圓配料非常豐富啊 有芋圓、仙草、珍珠、薏米、白玉 仲有比較少見嘅粉粿 見到都開心☺️三色芋圓口感做得幾好～煙韌得黎唔會太硬不過糖水底嘅桂花味本身好突出 所以建議一黎先食幾粒芋圓 會更易食到原材料嘅味道啊.♡ 特飲｜椰汁海燕窩｜冰糖雪耳燉桃膠幸運地捉到聖誕嘅尾巴☃️遇見可愛到尖叫嘅包裝！甜度非常好 唔會好似飲緊糖漿咁～椰汁嗰款好香好清甜🥥桃膠就飲完有種滋補嘅感覺 加配埋芋圓應該都會夾（っ・∀・）

今天途經西營盤舊居，發現新開一間主打芋圓嘅糖水小店。手工芋圓、蕃薯圓同紫薯圓都係每日新鮮製作，此外還有糯米糍、冷泡茶、小食等。咁多選擇，一於試下。小店門面裝修骨緻，可是座位不多，難道要外賣？原來樓上還有個閣樓，由樓梯開始起，每幅牆身都有手繪圖案，上到去闊落得來又隱敝，坐得舒服。我們叫了兩款糖水，一凍一熱。💥愛文芒甘露芋圓（$50）汁底由新鮮芒果打成，又香又甜。新鮮芒果肉香甜多汁，還有柚子肉、芋圓、小丸子、粉粿、蒟蒻。芋圓彈牙有嚼勁，小丸子煙靭帶米香，粉粿大粒又滑又有口感，好正。💥桃膠雪燕窩清心丸芋圓（$47）天氣凍凍地，想食熱糖水。這碗糖水清甜，晶瑩剔透，有桃膠、雪燕窩、清心丸同芋圓。清心丸煙韌彈牙，桃膠軟綿綿，好味又養顏。

🎉人氣高企嘅手工芋圓店「芋圓一係西營盤，主打手工芋圓甜品。招牌的手工芋圓是店主每日新鮮製作，有芋圓、蕃薯圓和紫薯圓3款種類。另外糯米糍都係餐廳特食之一嘅推介🥰🥰店舖仲有熱食養心嘅甜品之外，仲有一啲小食添。愛文芒甘露芋圓用料非常之多，除咗有好大塊的新鮮清甜嘅愛文芒之外，仲有仙草，芋圓伴楊枝甘露，除咗好食之外，見到咁多唔同顏色嘅配搭，簡直係視覺嘅享受。手工貓山王糯米糍冬天都可以食到貓山王🥳，貓山王好食就唔使我多講，軟林林嘅糯米糍，再配埋口感好似雪糕cream清甜香口嘅貓山王👍🏻食完之後簡直樂而忘返。🍽餐廳：芋圓一📍地址：西環西營盤水街27號地舖🌐網址: https://s.openrice.com/QrbS0oRKB00~ul5DqAw#西營盤美食 #西營盤甜品店#偽文青 #搵嘢食 #捐窿捐罅搵嘢食 #foodforlife #foodphotography #foodie #foodshare #foodstagram #foodlover #foodpic #foodiegram #foodiegram #foodstyling #food #foodlove #foodstyle

If taro balls are your thing, then “TARONE 芋圓一” is going to be a dessert place you’ll want to check out.This lovely little place has a variety of taro balls desserts, from original and mango to coconut and more, there are so many irresistible choices that’s hard to pick just one!傳統仙草芋圓（$40）The bowl consisted of generous servings of grass jelly, taro balls, boba pearls, red beans, pearl barley, and aiyu jelly. There are so many different textures and flavors that come together and perfectly comp

過嚟西營盤探朋友，朋友知我係芋控，專登帶咗我去佢屋企附近嘅糖水店食芋圓，味道有驚喜喎❤️除咗樓下室內外座位，原來樓上都有卡位可以坐，點餐後，店員會幫忙送甜品上樓。✨芋香仙草芋圓芋香芋圓我都愛❤️芋香仙草芋圓啱晒我心意😍大大碗好足料，入面有三色芋圓、仙草、薏米、黑糖珍珠，小丸子，粉粿、芋香汁。佢地嘅芋香汁原來係每日鮮打，入口creamy，味道濃厚而且唔會太甜，係純天然嘅香味！芋圓煙韌Q彈，鍾意佢軟糯唔太硬嘅質感👍🏻薏米軟腍得嚟有咬口，黑珍珠/小丸子煙煙韌韌，仙草份量好多，味道清甜。✨冰糖雪燕燉桃膠朋友嘅冰糖雪燕燉桃膠，賣相充滿聖誕氣氛☃️雪人樽有聖誕帽又有聖誕頸巾，好有心思❤️入口味道清甜，仲食到一粒粒嘅雪燕同桃膠，啱哂冬天飲，可以滋潤下😋

啱啱喺附近食完車仔麵，天氣凍想食個暖笠笠嘅糖水平時都唔係好覺呢頭有糖水舖，咁啱見到有間新開嘅糖水舖專賣芋圓，好似好正見鋪面細細地以為專做外賣，原來樓上有一層for 堂食多芒小丸子$42自從許留山執咗之後，好耐都冇見過多芒小丸子終於可以重拾呢個兒時回憶，小丸子超級軟腍，系大食妹鐘意的口感芒果汁底比起原祖更濃郁，多芒無欺場真系鋪滿左成個面椰汁海燕窩芋圓$42近排喉嚨唔系好舒服，叫個椰汁底的糖水一定無得輸雪燕粒爽爽脆口，配椰汁底更滋潤芋圓其實系三色圓，可以一次過試曬三色口味，同小丸子一樣好好咬黎到芋圓一，真心要試下佢D粉圓類產品，真系好出色