芋圓一

营业中

休息中

芋圓一 西環西營盤水街27號地舖0+3 可以飛出香港去旅行同玩了, 因為未有得放假同機票仲是很貴的關係, 要年尾XMAS 或新年才計劃成事。我最掛住就是台灣的夜市美食。芋圓一以前是大角嘴架芋圓店, 我以前係旺角食完飯, 都會專登同朋友去食架, 而家開係港島區好方便我。用上白色主調Café風格$40就有一大碗手工芋圓啦, 仲有好多味兼唔同架糖水底,如MANGO, 芋泥,椰奶等。 要了個傳統芋圓。芋圓粒粒QQ新鮮煙韌,唔同顏色的芋圓組合, 是用了地瓜,芋頭加入糯米粉搓成一粒粒。入面仲有仙草, 意仁,紅豆, 丸子, 黑糖珍珠, 除了芋圓, 仲有糯米滋, 岩曬喜歡食軟軟QQ口感架人。選擇多當一班人來到每人點唔同款SHARE食好開心。食完一碗都好飽啦, 甜入心架台灣糖水

西營盤水街出名多嘢食，最近仲開咗一間芋圓糖水店添。小店名叫「芋圓一」，舖面裝修幾别緻，燈光明亮兼簡潔，同上一手飯店完全唔同🙈。顧名思義，呢度專賣芋圓，基本上每一碗糖水都配有芋圓🍠。佢定價OK，平均四十蚊一碗，加上附近冇乜同類型糖水食，所以佢都旺場。桃膠雪燕窩清心丸芋圓($47)，佢係三款熱糖水之一🔥，飲落清潤唔太甜。糖水附有大量配料，包括桃膠、雪燕窩、清心丸同芋圓，出手一啲都唔孤寒。桃膠煲至晶凝通透，而成碗最特別嘅非清心丸莫屬。❤️清心丸係潮州特產，喺市面上比較罕見，不過呢度竟然有得食！清心丸四四方方，形狀似椰果，口感帶微微爽彈。椰汁雪燕窩芋圓($42)，呢碗係凍食，糖水呈奶白色，未放入口經已聞到極濃椰香🥥，口感亦算順滑。糖水同樣附有好多配料，雪燕窩一疏疏，每啖都食得到，另外仲有明珠。主角三色芋圓無令人失望🍡，質感軟糯，富嚼勁，加上大小適中，食吓食吓，不知不覺間就全部食晒。手打芒果糯米糍($20/粒)，🥭芒果糯米糍大大粒，有小朋友拳頭咁大。糯米糍外層薄薄的，口感煙韌，啱啱好包裹到入面嘅芒果肉。芒果肉多到瀉晒出嚟，亦難得一啲都唔酸，大大啖食，滿足。菊花普洱茶($18)，無糖普洱茶底偏深色🍵

今日放假去左西環行山，行完山行經呢間專買芋圓既小店好chill咁😍入黎叫左2碗芋圓食，原來樓上仲有個閣樓仔，好自成一角feel 💪🏻。🥢傳統仙草芋圓 $40傳統既好抵食，有仙草、珍珠、芋圓、紅豆、薏米、大丸子… 芋圓口感好好食，夠煙韌得黎唔會好痴牙，好香芋頭同地瓜香味👍🏼👍🏼配料又多又大碗。。🥢愛文芒甘露芋圓 $50鍾意食芒果🥭既好推介！愛文芒甜得黎又好清爽，配埋彈牙QQ既芋圓。。除此之外，佢仲有冷泡茶賣，「菊花普洱茶 $18」同「桂花烏龍茶 $18」，清香解渴👍🏼

愛文芒甘露芋圓 $50招牌手工芋圓係每日新鮮製作 味道比出面食到嘅更真 更有咬口 芒果汁用真正果肉做 質地勁稠身 帶濃郁芒果甜香😋 芒果控必試✌🏻椰汁愛燕窩芋圓 $42私心推🤤 真雪燕配上雪耳 口感冰涼又有咬口 聽聞椰汁都係自家製 誠意十足🤩 椰汁唔會太甜膩 夏日炎炎食佢岩晒 仲有護膚作用😆😆桂圓紅棗清心丸芋圓 $42台式authentic甜品😙 料冇上兩款咁多 但勝在甜湯有巨量紅棗 仲有淡淡蜜香🍯清心細細粒 食落彈牙 口感更豐富🥢手工糯米糍（朱古力、芒果、貓山王）又有驚喜😛 本來嚟呢度食芋圓甜品 冇諗過竟然會有咁多款糯米糍 忍唔住嗌咗三款朱古力味似麥提沙糯米糍 一咬爆汁 有強烈朱古力奶香🍫 芒果味係用原粒果肉整成 最出色係貓山皇味 好似將成舊榴槤果肉pak入自己個口 享受味蕾嘅高潮🥵 必試

西營盤溫馨糖水小店西營盤呢間好溫馨嘅糖水舖，好台灣風味，有好多地道既仙草芋圓甜品。同朋友叫左一個芋香仙草芋圓，芋草好食，芋圓好彈牙，配合埋芋汁，好似係台灣夜市食緊宵夜呢！另外仲叫左個椰汁燕窩芋圓，燕窩真材實料，好多椰汁，幾特別。仲有叫咗我至愛的芒果糯米糍，大大塊芒果肉，好甜呢，可惜榴連糯米糍一早賣晒左，下次再試啦唯有。最後同朋友一人一樽茶，我揀左白桃，我fd 就菊花！呢個價錢好抵又幾好食，附近嘅街坊有口福了😊

之前大角咀店執左之後好傷心，點知聽到消息呢間店響西環捲土重來，梗係即刻衝過嚟試啦🥳舖頭響水街，位置比較少人，但係就偏偏好適合揸車嚟🤭 初初見到門口得四個戶外位，以為佢轉左型做外賣生意為主，點知原來樓上係有好多位嘅😀menu比之前少咗啲啲嘢揀， 但係水準keep住都係好好食， 料方面，好似仲比從前多咗少少嘢，總之超級大碗超級飽！😂可以當飯食芋圓係一如以往的彈牙有咬口🤤今次叫咗個芋香仙草芋圓勁多料！ ！大顛🥳🥳🥳不過略嫌芋香味無咩，同埋唔夠凍，但係每樣野都保持到舊鋪水平，😀特別喜愛中間青色果舊，唔知咩名😆另外叫咗愛文芒楊枝金露又係勁正，個芒果汁底係杰撻撻，絕不揸流攤芒果好甜 量亦唔少👍🏻希望下次有機會試埋佢d 糯米糍😋😋

一路食自家制芋圓，一路睇Netflix，真係人生一大快事。位於西營盤水街嘅芋圓一 @tarone 真心係芋圓界嘅世一，每一粒都食得出誠意，仲要好足料，看來我想減肥嘅口號都可以收埋一邊先！餐廳有門口高檯位置，樓上亦有雅座，最特別嘅係上面沿著樓梯有好多手繪塗鴉，可以一邊食一邊欣賞，原來係專門請人黎畫架！💛愛文芒甘露芋圓（推薦）$50🤍椰汁愛燕窩芋圓 $50😗期待下次試熱賣嘅手工貓山王糯米糍，不過個晚太遲了，無曬sosad～

芋圓一😋😋😋煙韌芋圓圓又圓香港嘅甜品店種類好多、中式、日式、美式、韓式、泰式、印尼式、仲有台式👍🏻👍🏻各式其式各有特色！🍨🍧以台式嘅風味襲港較為深遠！👍🏻👍🏻#芋圓一#以台式味道為主、配搭港人喜愛加以改良、搭出好味道😘😘🥭🥭愛文芒甘露芋圓$50⋯大大粒芒果肉、煙煙韌韌芋圓、台灣粉粿、蒟蒻、仲有柚子粒再配上香濃芒果打成芒果汁、又香滑+口感又豐富、真係超級享受😋😋椰汁愛燕窩芋圓$42⋯燕窩係香港人喜歡食嘅甜品、再加香滑椰汁配埋台式的粉粿、蒟蒻、芋圓、別有一番新風味chill😋😋手工芒果糯米糍🥭$20大$15細、超幼滑嘅糯米皮包裹着大大片芒果肉、真材實料、yummy yummy 😘😘😘冷泡茶$18⋯菊花味、🍑蜜桃味⋯簡單就是原味道、都唔錯👍🏻⋯⋯仲有白桃、桂花味添店內仲有好多甜品選擇；桃膠雪燕窩清心丸芋圓$47、黑糖薑汁湯圓芋圓$42、傳統仙草芋圓$40等等👍🏻👍🏻糯米糍都有好多味道、當然有貓山王、朱古力、紫薯😋😋仲有冰糖燉蛋$20原味道#芋圓一#甜品店🍮#西營盤#芋圓一西環西營盤水街27號地舖

久違嘅味道，個人認為係最好食最有Heart嘅芋圓！芋圓新鮮又夠Q ，個人比較鍾意佢啲白玉圓子非常煙靭好味！以前要專登搭的士去大角咀食，而家開喺港島十分方便！建議大家由上路向下行去店比較舒適！

揸車經過，眼見有幾個人等緊拿外賣，於是就同個friend入去坐低試吓！見到menu入面嘅款式，每樣都好似幾吸引，諗咗陣最後揀咗個「傳統仙草芋圓」，「椰汁愛燕窩芋圓」同埋「芒果糯米糍」。同行朋友話「傳統仙草芋圓」好清新，入面材料口感好豐富，甜度剛好，味道好好👍而呢個「椰汁愛燕窩芋圓」，個椰汁真係好香，芋圓好煙靭，又係好好食👍👍「芒果糯米糍」入面啲芒果好新鮮，啲皮好綿👍👍好食😋最後，店內有兩個後生仔主持，真係好有禮貌，又會講解吓唔同甜品嘅特式比我聽，亦係因為咁，我先會出個讚好po比佢哋！本地小店值得支持💪🏾💪🏾下次帶再帶家人朋友嚟試吓👍👍