芋圓圓 (已搬遷) 新店位置

我本身好鍾意食芋圓，每次去親台灣都要每天一芋圓。係香港都會成日搵嚟食，周圍去試。但係始終無台灣咁好食 （個人覺得）。今日終於搵到一間我認為有台灣的水準。今日試咗個紫米露， 個糖水一般啦，但係芋圓真係好味。仲可以買返屋企自己加落糖水添。我當然食完再外賣生芋圓啦。店舖唔大，所以見好多人都係外賣。

見到雜誌介紹，路過見到就試吓。主角芋圓真係超好食，煙煙韌韌，好多時食芋圓，出面軟但內𥚃會太硬，但係依間唔會，成粒都軟糯均勻。唔會太實或太粉又無糯米粉唔怕腰骨痛！甜度啱啱好。芋圓有幾款味道，五種顏色，全部用天然材料。不過我唔記得係邊幾種😬，不過都可以外賣返屋企自己煮。放雪櫃看門口啱啱好！見到有六款糖水選擇，今日食咗椰汁西米露，老闆話係最後一碗！好彩！其實仲有好多款糖水揀。環境衛生！會再嚟！不過食到一半先記得影相

雖然佢哋店面不大，但勝在你可以欣賞到佢哋用心㗎制作，每個程序如蒸到煮，每一個步驟你都可以觀看到，而且佢都仲有其他糖水種類給你配備，每碗都集齊三種或五種味道，而且數量相同，一定唔會某種多某種少，仲有就係佢哋有一款叫“竽圓糖不甩”，真係好好味。

黑糖桂圓紫米露分別28蚊碗包三色芋圓，有芋頭、紫薯、蕃薯另外加2蚊多4粒芋圓分別係芝麻同綠茶但食唔到綠茶嗰隻喎🤔🤔總結，芋圓係好色，夠煙糯有咬口，唔會只係成啖粉，味道也很好糖水可不吃建議買盒生的回家自行配搭糖水食

好味，買埋反屋企嗌左B同C，兩個都好味，因為糖水清清地，不會蓋過芋圓味道，芋圓煙韌軟糯好味，如果配紫米露或紅豆沙可能會蓋過芋圓本身的蕃薯或芋頭味，所以我選擇桂花雪梨和黑糖是很好的配撘👍🏻👍🏻👍🏻👍🏻👍🏻👍🏻黑糖那個有紅棗，很滋潤呢😄這個熱食很好老闆娘很nice，會問我喜不喜歡，好不好吃，重視客人，這份誠意和用心，我一定會再去，雖然寫是關11點，但他說有可能延長開店時間的，但有時真的賣完了所以關門，所以即使11點，你們也可以致電過去問問喔

鋪頭細，樓面超混亂見有條隊，問堂食定外賣店員十問九唔應，叫你出面企，飛都冇之後有條友一野入鋪頭坐低左出邊嗰個on居居繼續企忙到冧檔，店員仲可以吹水黎d嘢食全部錯單漏單鋪頭冇風扇又熱成間野不知所謂！冇 下 次！嬲！😡😠😤

喺香港食芋圓食到有心淡嘅感覺，邊間話自己又自家製又超彈牙，食完之後都係慢慢的心淡，心諗已經唔會喺香港搵到好味嘅芋圓㗎喇今日經過太子，心情不佳，食碗芋圓睇吓會唔會心情好啲。小店嘅style，冇裝修可言，幾local不過有嗰份人情味。兩位店員忙住煲好多煲糖水，又忙住切芋圓，睇住一大舊圓切成好多好多粒圓，真係好想講不如你唔好切，成舊俾我咬好無？睇個樣非常吸引，希望食落唔會失望，始終喺香港實在失望過太多次！未睇menu前，心諗又要食豆腐花？晏晝先食完，好在呢度有6種糖水選擇，同埋最重要嘅係每款入面都有3種口味嘅圓！今日分別有糖不甩、黑糖桂圓、桂花雪梨海底椰、西米露、紫米露及喳咋，全部都係$28，有黃薯、紫薯及芋頭味嘅圓，另加$2就可以試埋綠茶及芝麻圓(各2粒)。仲可以買返屋企煮，最少300g起，有3種味或5種味，仲有教學教埋點煮桂花雪梨海底椰 ($30)熱熱哋，試個凍嘅先！小店嘅關係，等咗一陣先有。睇落非常足料，桂花味好濃，整體甜度適中，雪梨好大塊，總之成碗都好滿咁嘅樣，想淨係放啲圓喺羹度影相都唔得，因為總會有啲雪耳夾雜喺中間。先試一粒紫薯圓，口感的確非常煙韌彈牙，食咗第1下有啲失望，好似無味

偶然一次行過柏樹街，遇見一間好似新開既店舖，上前望下，原來係食芋圓既，心諗一下，今次又冇我份啦，一直以為芋圓係用糯米做材料，但又唔憤氣上前問一下，店舖老闆娘究竟芋圓是否用糯米整的嗎？經過老闆娘清晰地解說之下，才發現芋圓是用木薯粉加黃薯，紫薯，芋頭，綠茶同芝麻等材料所製成的，所以我又可以放心一試，誰不知一試難忘，老闆娘既詳細介紹，細心既款待，而家既店舖已經好少有，所以大家有時間的話，真係要去試下，糖水每日都有唔同配搭，例如有黑糖桂圓紅棗，桂花雪梨海底椰芋圓，紅豆沙芋圓，綠豆沙芋圓，椰汁西米露芋圓，喳咋芋圓，竹庶馬蹄雪梨芋圓，紫米露芋圓，腐竹白果芋圓，芋圓糖不甩等等。堂食有黃薯，紫薯，芋頭三味，外賣就有綠茶及芝麻味，所以最近為左多些人可以試下芝麻及綠茶味，只需要加2元就可以試齊五款味道既芋圓啦，我就愛上了，你地有興趣的話，就快些來試下。

係幸福既味道呀芋圓黎講，呢間係暫時係香港食過最好食既一間有五色芋圓，紫薯，黃薯，芋頭，綠茶，芝麻，全部都好有咬口，好好食又唔貴最正係仲有生芋圓賣，可以買番屋企煮老闆好好人