芋圓圓 (已搬遷) 新店位置

簡單一碗咋喳芋圓，等上45分鐘，湯都燉完，不值得等。他們每碗從雪櫃拿來加熱，見到都覺得慢。糖水底一般，喳咋的豆不夠淋。芋圓都還可以，有芋頭味。如不需等45分鐘的話會再來

突然醒起細妹經常讚口不絕呢間嘅芋圓，難得係女人街整完頭髮就行過黎試下啦！睇地圖百痴既我，夜媽媽左兜右兜，幾經辛苦終於搵到呢間舖今晚星期六勁旺，我10點55分到(收11點) ，已經排緊隊買糖水，出面重要20幾30人等緊糖水等左20分鐘先有得拎，食好野等下都值既！叫左3款糖水： 糖不甩芋圓，西米露芋圓，喳咋芋圓。西米露同喳咋好足料，好香芋頭味同椰汁味，唔會水汪汪實在好耐冇喺香港食過咁好食，咁有誠意嘅糖水！聰嫂,佳記完全行埋一邊！上次佳記食到我把鬼火！水汪汪又冇味又貴！講返正題,呢度既糖不甩既花生醬椰絲料混合得啱啱好，配搭芋圓又幾夾喎最重要既主角，芋圓小姐煙韌得黎又唔會咬到你牙痛，唔會淋bet bet細味會食到每款 芋圓嘅香味唔怪得我妹令個星期都要黎食一次啦！希望小店一直保持水準，業主唔好加租！

同事極力大推，一齊坐的士前一嚟一試。雖然非喜出望外但以小店standard 已相當不錯。又或者者咁講，太子旺區（金鳳附近），先三十蚊食碗足料甜品，有何求呢我食嘅係鮮奶燉桃膠芋圓，有紅棗蓮子龍眼肉，再有三色芋圓。真係不得了好味🥰又滋潤芋圓同普遍有點不同，不是硬bang bang 嘅軟...soft and gluey.糖水有熱有凍，每款都跟芋圓，吃不下的可要求走芋圓減兩蚊。但如果想加芋圓，綠茶味芝麻味又係畀返兩蚊，任君選擇配搭自由。比較多附近鄰居排隊買外賣，建議等枱時已可問定落單安排，人手只有三個，眼見他們都忙～但仍然用心堅持每碗即製💞

老婆好中意食芋圓，如果有睇我之前食評都有講過！我對芋圓有一定既要球！之前其實有買過芋圓圓既糖水！一試難忘！因為佢整得有QQ既口感亦不失芋圓既味道（地瓜、紫薯同薊芋頭），因為唔似得出面其他鋪冇左原材料既味道（好多時其他店整到顏色唔同但味道一樣）今次我特登去買生芋圓自己整！5點鐘去到岩岩開鋪已經有人排隊！小店可以做到咁，証明有實力！其實本身佢地整既糖水都好食，不過今次唔係即食。尼到有3味同5味揀，我唔太好芝麻所以揀三味夠啦！尼到有埋教你點整，簡單又而明。最好返屋企煮，我只不過用維他命做底！已經好好食！煮熟芋圓唔要D水，煲一煲維他命！推介！芋圓最強！！係好好食！

對吃芋圓的慾望是永不止息，湊巧好友提起又有空，周六晚先是在附近嚐餃子，轉個彎再來吃芋圓，簡單又滿足。 小店坐位只有八個，主力做外賣，感覺家常。甜品有八、九款，全是經典中式糖水配芋圓，有冷熱可選，除鮮奶椰汁桃膠那款賣$32之外，其餘一律售$28。 喳咋芋圓(熱) $28各款豆類煲得稔身，椰香十足，甜度稍高；芋圓、地瓜圓和紫薯圓三款都能嚐出各自淡淡的味道，大小合適之餘質感煙韌Q彈，十分討喜。 紫米露芋圓(凍) $28 +$2綠茶圓、芝麻圓各兩粒黑糯米略帶韌勁，甜度恰到好處，額外加的綠茶圓和芝麻圓味道皆很突出，綠茶甘苦、芝麻濃香，不過還是鍾情於最原本的味道。 越吃越滿足，暫時榮登我最喜歡的芋圓店。

飽餐後行過，之前已經聽到佢大名🤩🤩今日7點零，舖仔得兩個客堂食吔緊👧🧑 全間舖其實一眼晒，6個位，一個雪櫃，埋面潷糖水同搓今晚主角：芋圓🌟男老細忙到甩碌，不停搓麵粉🍞 將佢變成一盤盤粉團🥟再變成細細粒既芋圓🍡落左個芋圓西米露，加埋芝麻同綠茶🍵芋圓，連埋本身既地瓜（蕃薯🥔呀死蠢），紫薯，芋頭；儲齊一套做五色戰隊🌈🌈🌈🌈🌈 舖頭有每位20蚊既低消，加上飽餐無耐，決定買外賣😀隔咗半粒先番到屋企，打開無變水，芋圓無大發漲，保持完整💪💪 糖水底香芋，有切細粒既芋頭，西米亦都晶瑩剔透，中心無硬🔮 重點係五星芋圓，最香既芝麻，咬開中間好似芝麻糕質地咁；紫薯，黃薯煙韌🥔；綠茶就似平時去壽司舖落綠茶粉重手咗沉底個陣味🍵粒粒咬落佢都好似食緊糕點咁，自製果同零舍不同，出面個啲其實粒粒只係唔同色，但一樣味🙄🙄好耐無試過咁有誠既糖水，經過真係要一試，雖然細碗啲，但大約30蚊呢個價，一杯🌟巴克都唔止😂😂

之前同朋友傾計搵糖水食，講開話好耐冇去深水埗果間幾出名既糖水鋪食芋圓，然後朋友就介紹左，最近太子都新開左一間芋圓糖水鋪。聽講間鋪本身係網店，生意唔錯，所以做埋門市。雖然細細間（店內只可以坐兩張台既客人），但係夜深同埋weekend會係條街開多幾張摺台，同埋暫時人流唔係太多（通常買外賣多），所以waiting time都可以接受（10分鐘左右）睇menu其實糖水都係普通款，但係芋圓口感岩岩好，有咬口！而且熱食更好食🤭再加上，芋圓口味幾創新，加少少錢仲可以試埋芝麻味、綠茶味芋圓。E. 紫米露芋圓C. 桂花雪梨芋圓同朋友各點左一份糖水，$28@份而且仲可以買唔同口味既芋圓返去自己煮

自己對芋圓認識唔係好多，黎到太子聽女朋友講芋圓圓幾好食就近近地黎食下。講真細細間鋪頭有幾多種類既糖水都覺得好犀利，佢個廚房係開方式既，你可以睇到入面點樣整呀，衛生情況都唔錯。芋圓可以配好多款既好似西米露，紫米露甚至可以配啲熱既中式糖水，我個日就揀左西米露紫米露兩款，整體黎講就好味道，又甜又煙un其實係咪每間都差不多份量就比較細碗，我個人堂食既但堂食都會用外賣膠碗個啲，我唔係講環唔環保，係個人感覺上用翻平時屋企用個啲碗好似會冰凍啲自己覺得姐糖水真係唔錯，係間鋪好細好逼同個姐姐無乜禮貌

《💁🏻‍♀️太子小店。自家製芋圓👍》之前食餃子成日經過，見到佢講「自家製芋圓」就好想試試🤤～———————————————-其實依度無咩選擇😏，就每日6款糖水，都會包埋芋圓係入面～ 想再試埋🍵綠茶同芝麻芋圓就再加錢～木瓜雪耳芋圓 🍡 $28- 木瓜雪耳糖水中規中矩，芋圓煙煙韌韌，有芋頭紫心蕃薯同黃蕃薯🍠3種口味；- 但其實要好專心咁食先食到芋頭蕃薯味- 口感一流，味道無咩特別，可能我對芋頭幻想太多，總覺得無咩味咁- 不過建議食熱既，因為凍食口感偏硬而更加無味*🤫背後小故事：其實依間小店一d都唔小，佢除左有堂食糖水外，仲批發芋圓比其他糖水鋪（某西貢糖水店都係依度攞貨咖！）；另外，佢仲有生芋圓賣，不過芋圓唔放得太耐，我就無買喇～大家可以去佢IG 店睇睇～😔可惜既係，估計同牌照有關，堂食都係用外賣盒，極之唔環保♻️，令我有d卻步唔想再食～———————————————-💁🏻‍♀️芋圓圓 (太子)太子荔枝角道88A號地下3號舖

聽聞太子有間芋圓幾好食，於是晚上食完晚餐，行一陣落下格再戰芋圓糖水。叫左一碗紅棗玫瑰芋圓(好像是)，同桂花蘋果芋圓。紅色碗的糖水係紅棗水，黃色碗的糖係桂花有少少少少酸，個人鐘意黃色的糖水，加上蘋果係煮得恰好，唔會硬好似冇煮過，又唔會煮太耐令蘋果變得酸苦。所有糖水都有芋圓如果唔想要的話可以走芋圓，每碗減8元。 佢哋有自家製芋圓畀你買返屋企自己煮。而芋圓唔係用糯米粉而係用木薯粉整，老人家都食得，唔會太甜。

之前試過紫米露，味道好一般。今次就試喳咋，完全不覺自己吃的是喳咋，水和豆是分開的，完全沒有煮到起沙，而喳咋精髓——芋頭椰汁存在感近乎零，椰香芋香都不足！雖然芋圓才是主角，但沒有出息的配角主角亦難免失色。幸好芋圓夠煙韌彈牙，用料天然又足料，而且數量多，一點也不吝嗇，加上一碗都不過是$28，可以滿足下我這個芋圓控的心癮還可以的！

近年香港興起一股台式芋圓嘅熱潮。香港人創意將芋圓由配角變成主角，衍生上各式各樣芋圓食品，今次味體驗主角是 由 IG 小店 變成位於太子的實店 【芋圓圓 Sweet Taro Taro】，這一份創業精神，實在值得嘉許。創業精神嘉許還嘉許，成為推介陀地之選一定是講求食物質素。本人認為一粒好芋圓，可以從 3 方面去評分。口感 — 取決於選擇原材料是水芋還是山芋。芋圓通常會以山芋制作，由於質地較鬆，很容易就化開，加上木薯粉來達到爽口煙靭，且帶芋頭小顆粒的粉糯感。味道 — 只是餡料是真材實料，會嚼到芋香清新淡緻。配搭 — 雖然開首 陀地哥 稱將芋圓由配角變成主角，但芋圓始終不能齋食，需要其他配搭才提升食物層次。正所謂鮮花再好，也需要綠葉扶持。就讓 陀地哥 證實它是 真真正正的主角，還只是 K 哩啡； 是名副其實，還是有名無實。鋪頭位置不算多，大概 8 至 10 個位左右，等了不久就坐下，還點了喳渣和桂花雪梨各一碗陀地哥就以上那 3 點來評分，口感食落爽滑而煙韌，可惜芋圓則是嚼極都無味，而它獨特的芝麻味芋圓值得推介，反之綠茶味芋圓是不論不類的組合。它的配搭組合是不錯的，一共 7 種口味，分別是糖不

呢間店係由又ig shop變實體店的，既然係咁又來試吓先😬😬😬鋪頭面積唔算大，得大概8至10個位！一入到門口已經見到有個開放式廚房，見到有位男士喺度將啲芋頭打成茸☺️☺️☺️將完成左嘅生芋圓由條狀切成一粒粒...佢當時切緊嘅係黃色，應該係番薯味芋圓！我當日要左碗椰汁紫米露加咗兩粒黑芝麻芋圓同埋兩粒綠茶芋圓！我當日食嘅芋圓有少少軟硬不一☹️☹️例如綠茶芋圓比較硬左少少，但係佢嘅綠茶味係有既！ok既！黑芝麻味芋圓係我最欣賞既芋圓！因為黑芝麻味好重👍🏻👍🏻而且食嘅時候食到一粒粒嘅黑芝麻😬番薯味嘅芋圓，原材料味道都比較重！而芋頭味嘅芋圓都食到有少少芋頭味，但比較順面嘅味道就有啲遜色☹️☹️而最食唔到有任何味嘅芋圓係紫薯🤷🏻‍♂️🤷🏻‍♂️🤷🏻‍♂️佢哋呢度仲有生芋圓比你買返屋企自己煮，你可以自己加入你自己鍾意嘅糖水入面Tim~👍🏻

食完飯，甜品一定唔少得🙈所以決定去試一試呢間專食芋圓嘅芋圓圓😊其實旺角太子附近都有好多甜品舖，今次想試試係因為呢間係自家制芋圓☺️入到舖頭入面會見到製作工具同材料😊同朋友一人一碗糖水芋圓加2蚊☺️加2蚊嘅意思係多芝麻同綠茶味各2粒，如果唔加係唔會有呢兩種味嘅芋圓，所以建議可以加2蚊試一試😎🔺桂花雪梨海底椰秋天係要潤一潤❤️如果鍾意清清甜甜就可以選擇呢個😊🔺喳咋我比較鍾意呢碗😆因為加埋芋圓一齊食係好有口感👍🏻🔺椰汁西米露同喳咋一樣咁好味😋西米煮得剛剛好😊總括嚟講：1️⃣值得加2蚊去試試芝麻同綠茶味芋圓，因為兩隻味都好出。2️⃣自家制芋圓，口感好好，煙煙韌韌。3️⃣糖水唔會過甜，三碗嘅甜度剛好。4️⃣如果唔鍾意食芋圓，可以淨食糖水。5️⃣可以再幫襯嘅芋圓舖😊6️⃣如果對手工芋圓有興趣，可以買返屋企，有埋教學。

食完飯口㾗試下呢度嘅芋圓先~本身鐘情於煙煩韌韌嘅product😋第一次嚟食，跟住個google map行都差d搵唔到😂鋪頭喺轉角位，店內嘅枱唔多，menu共有6種口味畀客人選擇我就揀左芋圓桂花雪梨海底椰，男朋友就揀芋圓喳咋，每碗都係$28前者清甜好fresh嘅感覺，唔太甜啱啱好後者足料，西米大大粒，好多唔同種類嘅豆，滿足芋圓有3隻味道，包括蕃薯、芋頭同紫薯，彈牙有咬口，唔淨至係粉團，仲食得出蕃薯、芋頭同紫薯味！嫌唔夠喉可以買一大包芋圓番屋企自己煮！😋