芝士面

营业中

休息中

今次去芝士面lunch試下其他嘢。繁忙時間本身兩個人被安排坐Bar枱位，但係太逼，店員好好人，見我地坐得甘辛苦，安排我地坐番落樓下d枱。👍👍 Nice!俾個餐牌俾大家睇下，仲有個lunch set餐牌tim!今次我點了lunch set A2 (芝士焗墨西哥辣肉醬意粉配煎蛋)，d lunch set 送飲品，凍熱均可，特飲只需加$1! 其實已經好抵，學生仲要減3蚊，真係好抵食! (唔怪得之午餐時間好多學生黎😂)佢個煎蛋係太陽蛋，如果要熟蛋記得出聲!肉醬唔係好辣，但好香好“野味“!🤤 總括而言， 價錢平民得嚟，又有質素，份量又多，真係好抵!👍👍

難得遠道來到天水圍 無論如何都要試試小店 雖然位置比較隔涉 要轉乘輕鐵 但芝士控對於主打芝士撈麵的小店 真的沒有抗拒的能力豬頸肉芝士撈麵🐷豬頸肉煎得很香 外層微脆 調味不錯 肉質軟熟 但甚少肥膏 而且份量頗多 吃到最後一口 都有豬頸肉送麵🧀芝士醬看上去有點稀 但入口確實有芝士味 未算太濃郁 但芝士醬不算太多 剛好能夠撈暈整碗麵🍜麵煮得剛好 不會太淋🤰🏻吃到最後會有一點膩 很滿足焗豬扒飯 配日式咖喱汁剛剛焗起 熱騰騰🧀咖哩汁甜甜的 頗濃郁 上面更有芝士🥕蘿蔔鮮甜有咬口🐷未到厚切 但鬆軟不會太韌🍚炒飯底富蛋香 份量很多 很飽肚煎薄牛扒意粉 配煎蛋🥩牛扒很多筋 即使很薄 也很難咬得開🥣黑椒汁很少 意粉本來也沒有調味 整個味道很淡不推介 雖然意粉份量真的很多 煮得剛好 不會太淋整體感覺比較普通 環境唔係特別舒服有啲迫 偶爾經過天水圍可以嘗嘗 不用刻意遠道而來

熟悉新北江格局嘅朋友都知道 新北江成條路都係食店 諗唔到食咩行到過去 真係花多眼亂心大心細🙊 今次就試下芝士面 本身對芝士冇乜興趣 但係見到佢lunch menu竟然有咖哩😍 二話不說就入左去😂 一睇餐牌就畀佢芝士漢堡扒吸引住😋 上菜速度好快😂👍個飯好大碟😂 除咗漢堡扒仲可以揀多一個配料 咖哩真係少少少少辣(。。唔辣) 甜甜地幾好餸飯😍 小朋友都岩食👍 如果芝士漢堡扒好厚 入面夾住芝士 一切開有拉絲😍 有肉汁 即叫即整👍 聽老闆講 係新產品 唔係成日有😍 如果下次再來要再食😍

黎食過好幾次，每次嘅水準都保持到，餐廳食物種類款式好多，主打係食芝士撈麵，但基本上我每次嚟呢度都會鋸扒，以七十零蚊嘅價錢，仲要係大大份，真係性價比高呢，雖然環境坐得唔係好舒服，地方亦都好逼夾，亦冇乜服務可言，不過以咁嘅價錢食到咁嘅質素，都可接受啦叫咗個肉眼扒拼帆立貝，配意粉。肉眼扒就叫咗五成熟，肉質都OK，而且仲有三塊，不過個帆立貝就唔多掂，好重雪味，肉質亦好霉，想試帆立貝嘅朋友可以唔使叫，免中伏

芝士麵無咩特別 反而炒公仔麵好食D 好耐都無去過新北江的鋪仔食野啦，今次特登約個天水圍個friend食個lunch 聚下舊! 我個friend話呢間芝士面食過炒野ok咪試下囉! 我叫生個雞扒芝士汁撈公仔面，朋友叫了個豬扒炒公仔面，大家share，講真豬扒芝士汁撈公仔麵，無咩特別，個芝士汁好咸好膩，重要係撈公仔麵，好快你會極飽，但D麵好彈牙，但太膩，扣晒分了! 雞扒煎得好香皮夠脆又入味，D扒好食呀。 個炒公仔麵好正，D麵炒到夠干身，又香，但有醬油味，不過無加芽菜，加埋口感更Perfect，另外塊豬扒入面，好食又了uicy，炒野好食過D芝士汁撈麵多多聲啦!

北江商場呢間芝士麵食過好多次，第一次寫食評，食之點左個雞翼芝士麵加大，加一杯凍檸水，好似係$50左右，另外點左碗炸魚柳芝士麵再加一罐汽水（只有可樂或雪碧，無第三個選擇）大約$45左右。雞翼都幾好食，味道算中上，無雪味，至於個麵夠彈牙，火候剛剛好，唔會太琳，至於主角芝士醬都幾有芝士咪，唯獨芝士汁偏少了一點，食碗麵食到大半就唔多夠汁，勉強撈埋碗邊D 汁才食埋碗麵，真係食到個碗乾乾淨淨另外碗魚柳炸得剛剛好，魚柳還Juicy, 唔會太乾，外皮都幾趣，好食。至於飲品最好飲住汽水，其次係檸水，跟以往經驗，佢地D特飲真係普通到唔普通，奶茶就削到唔多掂，檸檬茶個茶底比較喼，飲品真係唔多得至於最經典一定係收錢的老闆娘，經常都係黑口黑麵，粗聲粗氣，講句多謝都唔會，落單講慢D都悔悔氣氣，食左幾年都係咁，可能係人的性格問題，未必關心情差事。

吞拿魚蟹柳芝士撈丁烤豬頸肉芝士撈公仔麵(大: $44 (160g)，小: $39 (100g)) 🧀芝士撈公仔麵係冇可能難食，雖然食材平凡，但係真係comfort food!!! 講左個吞拿魚蟹柳撈丁先，份量多到嚇親我，好似倒左成罐吞拿魚落去咁🤣至於豬頸肉撈丁，豬頸肉烤到兩邊金黃，不過略嫌唔夠肥美，食落似食緊豬肉乾，如果芝士味再濃d就仲正。其實簡簡單單都可以好滿足🤤個人鐘意第2碗多d-好味指數: 6/10賣相: 7/10性價比:7/10

久仰芝士麵但其實鐵板餐更出色的小店🤣係呢間芝士麵，你幾乎會見到每張枱，每個客人嘅面前都會有一份鐵板餐。而我試嘅鐵板燒就係肉眼扒餐，份量達7安士（大約等於1隻成年男人的手掌那麼大），另外在配送薯條粟米，再加上一碗飯另外加＄5可以加凍飲，加＄6可以加杯特飲。黑椒汁味道亦很濃，好推薦大家試吓！

如果喜歡食芝士既真心要黎呢度一試佢提供好多set可選主要都係焗飯焗意粉為主其實我每次都係選魚柳意粉可選唔同既汁每個餐都係剛剛焗起所以上碟時真係好熱既而且份量真係好多我一個女仔都食唔哂，多數都要再分啲俾男同事食呢間真心值得推介

果日行過新北江，見有間芝士面想入去試，本身同朋友講緊野，坐底唔夠一分鐘，就比個呀姐打斷問食咩，態度仲要勁惡超差。本身忍左啖氣，望下個餐牌，點知望唔夠兩分鐘，又比佢打斷我講野，問食咩，又係超差勁惡嘅態度，跟住我即刻走，隔離求其揾一間都好過你。大佬，第一次行入你間餐廳，你叫人三分鐘內決定食咩，仲要咁嘅態度？！你趕住收工都唔係咁，何況果時先係七點幾。真係食左識飛？呢間野比錢我唔會再入去！

天水圍新北江 出名似葵坊一個商場 好多野食仼你揀要行哂食哂就要花啲時間啦！一落輕鐵 樂湖 過一條馬路就到！入到去 再上一層 已經有好多食店芝士麵 薯粉 車仔麵 焗飯 韓國野 台灣野小行入面仲有啲小食我係芝士控 見到芝士麵個招牌名 仲唔快快腳行入去😋全店都係得十幾個位 人多就要等下不過真係要搵位又唔係難 始終午飯時段人人當快餐店甘 好快有位1:00去到 唔洗等就有2位豬頸肉芝士撈麵 店舖推介 必食 (小$39/大$44) (飲品+$5,特飲+$6)大食當然要叫個大 好食食哂無問題豬頸肉肥瘦適中 分量足夠！芝士一點都不馬虎 可以撈足全碗不過芝士濃烈點會更好 有點水Y1. 雞扒意粉 配墨丸 豉油汁 ($40) 送飲品嘩！ 真係好多！ 女仔食實夠！大食嘅都會飽！炒意粉 撈汁會好正煎左嘅墨丸 又多又入味嘅雞扒 仲有啲瓜菜好滿足

同朋友去 叫左炒公仔麵&金菇豬頸肉炒飯價錢同野食正正常常 但位阿姐啲態度好差 好似得罪左佢咁落單語氣唔好都常見 😲埋完單找錢比我個陣係劈比我🌝態度真係有待可善😩😩😩

在天水圍新北江想吃過晚餐，很多餐廳都是40至50元以上。 真的很貴呢。在眾多選擇下，便決定點了 芝士焗肉醬飯加煎蛋 $40。外賣另加一。一打開， 半隻蛋在錫紙的外面。令人有點無奈。而打開後，濃濃的芝士肉醬香味飄到我的鼻中。 蛋原來是太陽生蛋。 喜出望外的是，它有很多芝士肉醬呢!而它的芝士也算多，可以看到它的拉絲不斷。而焗得飯有點冧，有點濕濕的。而整個份量還可以，大算大。食得都算飽。服務上，員工態度有點串。而等候的時間真的太久了，等了超過15分鐘，其他同事在其他店，已經拿著他們的外賣在等我。我有禮貌地問員工，是否流單了，可是她卻有點惡地說:「整唔洗時間架?!」 真的令人無言，她可以以較好的態度回應呢。

餐牌，食食都係掉落枱面！👎未完全食完，問都冇問行過順手收埋碗和筷子，又要攞多對筷子再食過！唔會再坐低食，除非朋友想試（都只限外賣）。唔通同地區有關係，唔好把天水圍攪到咁差形象。

在午餐焗反餐單中我選了A. 芝士焗肉醬意粉/飯+煎蛋意粉也是我的選擇這個意粉完全配合其店名：芝士雖然芝士都腐固成一團團的形狀但是芝士味相對較濃撈上意粉與肉醬汁混合味道挺好煎蛋的蛋黃也是尚未熟透把它打穿後也可以把蛋黃汁撈在一起美中不足的是撈肉醬和蛋較難控制蛋白較難切碎而肉醬因芝士的影響起初只能撈5-6成意粉最後卻出現肉醬過剩這樣情況在我品嚐其他餐廳的食物時比較少見也許我吃得較急吃完意粉和未飲盡熱飲時竟有飽至作嘔的感覺即使意粉份量一般但是芝士把我的胃塞滿了最後我呼吸數次才舒緩了胃部不適的感覺由於這個餐送飲品結帳時付40元頗為抵食