芝士面

营业中

休息中

芝士面呢間鋪頭開咗兩年左右，一向都有幫襯，佢新開張嘅時候，都覺得好興奮，天水圍竟然有芝士麵同埋扒餐咁抵食，所以平均一個月都有幫襯一次，老闆娘都好好服務，雖然啲位係迫啲，但係都keep住好有人氣！而家都係好多人幫襯，但係我今日食完，我以後都唔會再去，服務態度超級差，我入去幫襯既時候都見成間鋪頭坐滿晒人，咁我就安排入咗去坐一個好近收銀嘅位置，出出入入都會俾人撞到，但係呢一個都唔係最主要嘅問題！因為坐之前都知道我個位都預咗會俾人撞到。但個收銀係咁挨住係我隔離，我都驚我個鐵板辣到佢囉！快快食完，見到佢咁多人等位，我都諗住快快脆脆食完比個位出嚟，咁我話埋完單，行左兩步，發覺佢找少左錢，返轉頭問下佢個餐係幾多錢呀？佢就口噏噏，之後找返＄10俾我，仲要撻係枱面嘅！唔講以為我做錯囉！呢啲咁樣嘅服務質素我睇佢仲可以保持條人龍幾耐！

剛剛中午放學去新北江搵野食，跟住有人話食芝士面，於是就入去食，我叫咗個焗雙重芝士豬扒意粉配蕃茄汁，野飲就叫咗芒果乳酸，一落order就好快杯野飲到，但飲到最後會覺得無咩味，我個意粉可能係豬扒要整耐啲，所以比較遲來，到咗時，個賣相都幾好啊，食落去同普通意粉無咩分別，不過芝士都唔係好入味。

友人話呢間芝士麵係佢男友最愛，就入左去試，個服務員d態度有點差，我就叫左個照牌豬頸肉撈芝士麵(小) $38，食落普通，無咩芝士香，豬頸肉反而香脆內軟友人點了豬排炒出丁$40超普通同屋企炒無分別，我偷食左2啖不太健康的快餐 不會再吃了

豬頸肉撈公其實真係估唔到天水圍有芝士撈公食第一次入天水圍印象加分！（如下圖）芝士味好濃郁！又唔係太膩豬頸肉唔會Overcooked ！ 咁既價錢仲想點！

新北江始終比較多人，每間店舖大多都需要等待。即使平日亦需要等待。芝士面是最近一兩年為出現的店舖，與其他店舖相比之下比較突出。因為其他店舖大多都是中西的小炒或是炒粉麵飯。所以在新北江的食街中我比較喜歡這間食店。每次來到這店舖總少不了食有芝士的食物。好多時都覺得來到芝士店不吃芝士就等同去麵店叫飯食一樣奇怪。這店的staff 總比較忙，只有兩人，卻要應付整個店面的客人。所以好多時只能耐心等待。我同朋友叫左兩個燒豬頸肉公仔麵，一來是招牌菜，二來其他菜式太貴了，不想食太貴。等了一會，麵終於到。芝士沒想像中的多，但芝士的確香噴噴，非常開胃。燒豬頸肉肉質煙韌，表面仲脆脆地。食起黎感覺極佳。可能租金增加左，價錢都貴埋，但食落仍然有芝士麵一貫的水準。下次會再黎食 ^^

星期六在屋企附近商場吃下午茶，平時餐廳有下午茶優惠平Ｄ,我去了成個新北江服務差又貴茶餐廳，芝土面在新北江開了1年左右，我甚少來這間,星期六間間坐滿人,唯獨這間少人我不想四處找餐廳，我問店員有冇下午茶餐牌,老店員用一個十分不禮貌語氣話冇下午茶優惠，只是下午茶送飲品,我点了魚皮餃撈麵，但是個汁好咸 ,公仔麵煮得好難吃，服務態度好差,我不會再來這間

此店開了一段時間, 行過很多人, 見到份量好足, 今次终於試到啦 豬頸肉芝士撈丁 - 豬頸肉幾入味, 肉較乾身. 芝士味濃, 都不錯鐵板牛扖 - 牛扖要5成熟, 來到偏熟, 呢D快餐形式, 不會太要求. 只係D牛肉肉質超唸, 係用鬆肉粉效果個種, 所以食落有D太唸的感覺, 來到一大pad 黑椒汁, 杰他他……真的麻麻地焗牛柳意粉 - 也是同樣的牛肉感覺, 只係將佢切條上. 意粉一般快餐店貨式, 還算可以除了份量大外, 不要有任何要求, 我認為比一般快餐店差………地方又迫, 服務態度又差 

一個人的晚餐想簡簡單單又便宜，便選擇了來芝士面用餐。焗咖哩海鮮意粉雖然這餐廳出名的是芝士麵，但我卻想試試它的意粉。這意粉香氣迫人，一來到的時候嗅到香濃的咖哩味，令其他食客也看看我吃的是甚麼。這意粉有薯仔粒、蟹柳、魚和八爪魚。老實說，各樣材料未見特出，不過不失。意粉未能做到al dente，但還算是可以的。雖然材料和意粉都是普通，但那咖哩汁為這意粉取回了很多分數。咖哩汁香濃而不辣，非常惹味。可惜是咸了一點，但這晚餐令我吃得飽飽才40多元，不要要求太多了。下次可以試試它其他的食物，看看是否會更好。