芝士面

营业中

休息中

早陣子同男朋友去開天水圍 佢帶左我去新北江商場搵小店食lunch
第一次黎呢個商場 都好逼下 但原來入面有唔少黃店💛
今次見到芝士面就比佢吸引左~店舖好細 一眼睇晒 店員係典型茶記呀姐😂
keep住都好忙咁 搞到我叫慢啲都有d淆🙈————————————🥢炒牛柳絲芝士撈面 ($43)
細 100g $43, 大 160g $48/今次叫左細既 因為加埋芝士其實都幾飽🤰🏼
/原來牛柳絲同牛扒都係一樣既野 不過不失 普通茶記薄牛扒質素 但係份量好多 食極都仲有咁
/芝士既份量一啲都唔孤寒! 幫你撈勻晒 每條麵都有掛到芝士🤩/芝士味少少咸, 唔算好杰身 整體黎講都幾好食😋
🥢沙爹牛扒炒公仔面 ($45)/沙爹味幾香 公仔面都算彈牙 炒得夠乾身 好惹味🥰 呢個啲牛有一齊炒 更加有沙爹香😌
/相比之下 中意食沙爹呢款多d 芝士容易食多幾啖就開始滯
🥢炸雞中翼 ($26)
/雞翼有4隻 真係即叫即炸 拎出黎出晒煙 好香脆 must eat!😋

店面比較小，新北江商場裡面的路比較窄，去到有時要等，吃了幾次，比較推薦豬頸肉，超好食😋，價錢也實惠，食量大的人可能要加個小食才夠，個人比較推薦雞翅，好食係好食，不過服務一般，不是那麼熱情，也還行啦

呢間開左好耐啦 呢間個老闆娘好有性格架 但芝士麵都真係好好食 我次次去都係食炭燒豬頸肉芝士麵 仲要加底添 所以食完一碗都已經飽全日啦🤣另外佢焗飯都唔錯既 不過個人鍾情芝士麵多啲 話晒招牌菜麻 野飲我會選擇薄荷雪碧 二個字‘舒服’ 去新北江可以試吓👍👍

呢間係我成日食鐵板餐既店，原因好簡單-可能係我食過最抵食😂我只係食過雞扒，牛扒。🐓雞扒五十幾蚊有三塊、有啲薯條、有啲粟米、有碗飯（仲想點？）🥩西冷/肉眼七十幾蚊老練咁大塊、一樣薯條粟米飯（啲肉醃過）雞扒正常發揮、牛扒醃得好味👍（唔知用咩醃）間唔中食下都可以服務態度方面，我個人覺得正常。因為佢地店細地方細，客人多單多，實在熱鬧忙碌。可能店員大聲啲、趕急啲，👌我覺得可以接受。（但我去過幾次，😂廚房入面都嘈緊交）總括來說一句，抵食。（但真係好趕時間就唔好試了，因為好多時都好旺）

經過左幾年終於戚起條筋試吓先唔講佢態度有幾差 講吓嘢食先我同朋友排隊嘅時候見到人哋兜肉醬飯好正所以我哋就嗌左一個肉醬飯一個芝士麵🙈先睇吓個肉醬飯其實我唔明點解隻蛋係長方形因為我見到隔離枱係圓形😂😂😂雖然隻蛋衰左但係個肉醬飯其實好好食😋😋係超級邪惡 😈肉醬同芝士係完全可以覆蓋晒每一粒飯🙈啖啖濃郁😋然後呢個芝士麵其實都唔差 但係比起肉醬飯我會鍾意食肉醬飯多啲😂😂芝士麵有啲”漏” 食2啖已經唔想食 🙈如果鍾意食勁heavy嘅人一定會好鍾意之後就講吓佢態度有幾差先唔講問佢兩句就bad面同佢講話凍檸茶少甜 佢就一句話啲嘢沖定晒係咁㗎啦仲要加埋黑人憎嘅姿勢😂😂😂 真係典型茶記阿姐 不過嘢食真心OK如果大家唔介意態度差都可以去試吓👍🏻

特登開帳號黎講一講首先我叫左個七成西冷黑汁同焗薯仔味到係不錯同好大份，不過食到最後個意粉都無比到我，因為我無問佢拎？咁就錯啦我係廢事比佢插多一野。首先個服務員係個啊姐，樓面執野一腳踏，都好似唔多想做你生意咁，我被安排坐張六人枱（我兩個人），我坐正中間，左右都有人坐，完全係食野會手撞手，見到有第枱食客走就行過去問（啊姐啊唔好意思我想轉一轉位) ，佢好唔願意咁答我：（你都啦我都無眼睇)叫佢收一收野，佢就發悔氣話到收個下好心遞一遞比佢，佢都會插你一野，唔好郁啦，即刻火都黎比錢個下多謝都無句，唔知佢係客定係我係客呢？咁嘅鋪頭真係多得呢個啊姐唔小啦

冇試過比負評餐廳。夜晚放工滿心歡喜幫襯呢間芝士麵，我明白收銀員好忙，但我比之之後，找續時一手掉上我手，多謝/唔該都唔講。好了，呢樣我算！我當佢太忙，冇心情同知客講唔該/多謝。明明我個芝士麵同凍檸茶廚房好快整好，但等左成15分鐘都未比我，侍應繼續上菜比其他堂食客，但冇理過我。到佢上哂菜比堂食客，先拎外賣比我。返到屋企碗野凍哂！花1分鐘都可以包埋外賣交比我啦！偏偏就唔比袋野我！所以堂食既人先係客，外賣既人唔係客？？？

〖 北江篇 -- 芝士面 〗⁣⁣⁣⁣⁣💛 我最喜愛嘅邪惡芝士面🥇 🥰⁣🍝 烤豬頸肉芝士撈麵 (大) -- $48⁣🍹 青蘋果乳酸 -- 免費跟餐⁣⁣🧀 提起芝士面，可能唔少人會諗到荃灣/尖沙咀嘅新記(都係黃店💛)，但係我想講，近在天水圍已經有更好味更抵食嘅黃店芝士面💛⁣⁣🍝 首先係芝士撈麵，放入口嗰下幸福感爆棚🥰 芝士味超香濃，係每條麵都有芝士味的！諗返新記50蚊碗豬頸肉芝士撈麵，只係淋咗芝士汁喺麵上面，芝士味亦都遠遠唔及新北江呢碗~ 我比較喜歡濃厚芝士味，更邪惡！👻⁣⁣🥢 我上網睇，佢地嘅整法同新記唔同，佢地喺煮麵嘅時候已經有加芝士，最後再撈芝士汁，難怪條條麵都滿滿芝士味啦！⁣⁣🤤 其實正常人叫細碗43就夠架啦！大碗48蚊真係好滯好飽🤣 同埋凍飲都唔使加錢，真係好正🤤🤤 飲品就正正常常啦~ 不過有青蘋果/芒果乳酸，珍奶等等特飲揀都幾正！都係免費跟餐！⁣⁣💰 人均消費: $40-50⁣⁣🥡 皇遞: 未有🙅🏻‍♀️ (好想快啲加🙂)⁣⁣~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ •⁣⁣⁣⁣⁣⁣⁣⁣📈 評分⁣⁣⁣⁣⁣⁣💗 幸福感

提到芝士麵，大家會諗到尖沙咀嘅新記，如果入到天水圍，就搵到呢間新北江商場嘅街坊小店，用芝士麵做埋招牌，舖名就係叫「芝士面」。一場嚟到試咗佢哋招牌豬頸肉撈，同尖沙咀新記嘅唔同，佢哋煮麵時已經加入芝士成份，所以每條有芝士味，然後上碟時再加上秘製芝士汁，但整體味道又會剛剛好，唔會過龍。烤豬頸肉個人覺得反而先係主角，有别一般茶記嘅備用豬頸肉！據說經過長時間慢烤，盡量keep住肉汁！剛烤起好香口，咬落鬆化爽口，燶邊位好正！

港式鐵板，相信好多香港人都食過，淋汁渣渣聲，白煙迷離倍增食慾今日我介紹呢間位於天水圍嘅芝士面，佢夜晚先有鐵板餐，我通常都係夜晚先黎食店面唔大，我黎到通常都坐高櫈位，獨立感強啲我叫左西冷配帆立貝，五成熟，黑汁，配意粉，飲凍檸樂凍檸樂加$6黎到，扒大大塊，佢廚房幫你淋埋汁，好處係汁唔會彈到你黑汁辣辣地，黑椒味重我食嘅次序係薯條先，到帆立貝再食意粉，最後食扒意粉口感啱啱好，唔會過淋，淋啲黑椒汁好正真係5成熟，應該都有用少少鬆肉粉，因為肉質都淋，但肉味尚存，塊扒質素唔差$105 呢個間絕對可以接受，幾個月食一次絕對唔過份，最緊要入到口，食得過

叫咗勁耐，舉手舉咗幾分鐘都冇人落單，服務態度非常惡劣。環境衛生差，枱長期有汁冇人清潔。當叫野食既時候又咩都冇，叫杯走糖既涷檸茶既時候用非常之惡劣既態度同我講呢度d野食冇得走甜，簡直不知所謂。

芝士麵其實我就成日食，但好似又係好試過食其他野。襯星期日假期就去幫襯下啦。真係好多人...叫左個日式咖哩雞扒意粉。焗得夠香，個咖哩汁唔係其他餐廳啲頹爆螢光curry sauce，睇落去好似唔夠汁，但其實真係岩岩好。個汁同埋翠玉瓜好夾喎。焗洋蔥汁雞扒飯都幾出色。洋蔥汁係我好懷念嘅舊式洋蔥汁，但同時又好真材實料地加入好多真洋蔥。個飯我個人黎講就覺得差啲啲，未係好做到粒粒分明嘅效果。That being said 其實都係我近期食過最好味嘅焗豬扒飯。

呢間食店係主打售賣芝士撈麵，而係晚市亦會售賣鐵板餐，聽聞質素亦都唔錯。呢次我係午飯時段去食芝士撈麵。用餐方式：提供堂食 或 外賣自取。輪候時間：平時約10-15分鐘；午飯時段及晚市時段，人流比較多，需要排隊而且輪候時間會較長！食品方面：肥牛芝士撈麵（大）（$45）： 分量充足，芝士味道香濃。肥牛都算多，算係好足料！整體來講，好好食，鍾意食芝士撈麵嘅你不妨試吓呢間食店！推薦👍👍加飲品要加$5 ，咁呢次我就冇加到既。環境方面：由於小店面積有限，座位唔算太多。人多嘅時候需要拼枱。價錢唔貴，人均消費：40-60蚊左右。總括而言，算係天水圍南入面唔錯嘅食店，值得一試

行到新北江，想鋸下扒，所以揀左呢間芝士面！因為除左芝士面外，鐵板扒佢都係好高質！牛扒，嫩口多汁，配上黑椒味勁重既黑椒汁，正呀！薯條又脆又香，配是黑椒汁又係世界級！再有小小粟米點綴，帶來一點清新。

支持天水圍小店，平靚正之選！天水圍新北江一樓成條街都係餐廳，呢間芝士面係其中一間推介之選。想食下扒餐可以揀芝士面，大件夾抵食，七十幾蚊可以食到大大塊厚身肉眼扒，肉身夠曬軟淋又多汁，水準一流！仲要配粟米薯菜之餘可以再揀跟飯定意粉，飽上加飽！牛扒揀左配飯，輪到雙重芝士焗豬扒就揀配意粉。芝士汁香濃而不油膩，豬扒已經貼心切好一舊舊，即刻食得！野食大讚，但始終環境衛生有改善空間，鋪頭細細間環境擠迫啲，鋪面得一個婆婆執枱送餐，但感覺佢已經好用心快手，值得欣賞體諒！小店經營不易，靠大家好好支持啦！