芭提雅燒烤美食坊 (已結業)

今次係我第二次幫襯e間鋪頭,記得上一次幫襯係2,3個月前既事,服務態度極差,店員講野超大聲,無一個舒適的環境,今次再幫襯係因為我見d人好似唔同曬,我沽且入去再一試!果然有意外驚喜!樓面的兩個男仔講野斯文有禮,水吧個肥哥哥播d音樂好輕鬆,令人可以輕鬆一下講返食物個方面先^.^ ,可能轉左廚師,定係咩,今次比上次好味得多,我今次叫左一碟海南雞飯$35加$7轉左杯紅毛丹冰,加多左一隻生蠔$35首先講下個海南雞飯先,比上一次個飯香好多,金黃色既雞同飯,賣相金碧輝煌,味道就當然ok啦,紅毛丹冰就無咩點變,但d果肉好好味!生蠔新鮮可口,值得一試(推介)我會再黎塙襯!^v^

果日本身去灣仔188同298買野, 買完就諗住邊行邊搵食, 路過見佢茶餐廳既外表, 寫住有海南雞飯, 咪諗住去食啦, 點知行到埋去, 見佢外面冰鎮住好多海鮮, 又話BBQ, 好似好吸引咁, 就走左入去試啦.最後我係冇食到海南雞飯, 不過我見隔黎枱叫左海南雞飯同果個唔知咩脾飯, 聽到佢地講都好似幾好食, 有機會都會想再去試返個海南雞飯.因太肚餓, 最初唔記得影相, 食晒落肚先記得, 所以只影到兩張當晚點左 串燒雞肉 (肉質都幾嫩) 串燒羊肉 (同牛差唔多既質地, 要好認真咁食先食得出佢係羊) 燒聖子 (呢個超正, 好新鮮, 面頭舖上炸蒜、蔥...好好食, 但$35一隻貴左少少囉) 燒大蜆 (都ok抵食, $35/碟, 都有4隻ga, 張相就因為食左一隻先記得影) 泰式生蝦 (蝦新鮮度一般, 靠點個汁, 但個汁又只屬一般, 冇特別出色, 可接受範圍內囉!!)總括黎講都ok既, 但坐位就嘛嘛啦, 店內太細, 如果一大班朋友去就好迫啦

常常經過但都未曾光顧，於6月20日晚終於同屋企人去試試。餐枱分設店内二旁，中間是通道，加上店内面积不大，感覺迫夾。我們点了泰式海南雞飯、虾醬炒飯、泰式炒金邊粉和香矛豬扒湯金邊粉。泰式海南雞飯是不夠熱的，所以要求翻熱，到再送来時，除了飯加熱外，發覺雞件都少了。虾醬炒飯沒有虾醬味，泰式炒金邊粉都是一樣，無味，感觉像是求其炒成一碟就是。香矛豬扒湯金邊粉，豬扒是斬件上的，約有五小片，其中两片都是骨，味道一般。另外我們叫了一些串燒，有雞軟骨、燒鱼并、虾膠包皮旦。全部味道一般，最差的是虾膠包皮旦，雖話是串燒，但上枱時明顯是開邊跟油炸的，皮旦味苦，虾膠有異味，差！另外，因有些食物是套餐包飲品的，我們点了凍奶茶。奶茶很淡沒有茶味。另因燒烤廚房設於店中,所以滿身盡是油煙味。全單約180元試後感:幫親只此一次!

三人點了海南雞飯雞好滑,但我最愛係個點雞個汁,酸酸辣辣好送飯唔知咩豬脾飯炆得好淋,但唔夠味!另外友人食到有毛...哈哈...酸辣鳳爪好洋蔥,蔥,蕃茄等配料,好FRESH!蝦膠皮蛋我肯定炸過先至燒...唔好食...豬頸肉串普通

十月下旬•晴 這個舖位的流動性也是超密，一年多又換招牌了，這次是一間打著賣泰式燒烤的店子。 午市來到，看看午餐餐牌，真正泰式的食物不多，驟眼看，似是港式西餐廳還多一點。要了個茄汁牛腩飯，而這一味好像是越南菜吧。 茄汁牛腩的賣相也很不錯，牛腩肉質很軟熟，炆得很夠「身」，近邊的位置是爽口鬆化，連廋肉也不韌的，好吃。茄汁底味道濃濃的，下飯一流，一碟大飯，轉眼便清了碟，好吃！ 連凍飲一杯，埋單34蚊，在這一區吃飯，不便宣的。

幾次食完臭豆腐同飲完珍珠奶茶經過呢度都想入去試下..奈何時間唔岩同埋真係想坐定定食海鮮@@ (門口好多海鮮放係度)今日下午食唔飽 食晚又食搵野食 於是就走入去@_@ 入去個陣都有幾台係度 但好彩唔駛同人迫..門口d 燒烤咁吸引就緊係要叫海鮮啦..叫左虎蝦一隻 60$大蜆 30$ 有5隻雞肉一串 10$牛肉一串 10$煙肉芝士腸 12$同埋一隻蟶子 唔記得左幾錢...海南雞飯 35$先來個飯 ok多..雞都唔錯 只是皮d肥油多左d A_A...但反而要讚個點雞既汁 酸得來又辣 好好味 飯都唔錯牛雞後到 都好好食,,又係讚下點個醬 真係唔錯之後來大蜆 我地選左蒜蓉 好香 好味.除左我食既只中一隻有沙..再來煙肉腸..唔記得影相 ..幾好食 但煙肉全肥邊..蟶子冇選咩燒 但佢有D炸乾蔥 (林左) 既上面同唔知咩醬 食落更惹味..最後虎蝦出場喇! 好多膏 好香 肉質好正...但好快食晒 招呼都OK啦.. 其實都11點幾 仲好多人...愈行愈多人入來..出面又有人等..所以D野食要早叫..同埋廚房收爐 11:30 所以有D野要早叫..燒烤就2點....最好既係我地可以係旁邊間野買野過來飲..珍

坐巴士回家時，都會途經這灣仔道這新開的泰菜館，環顧同區都沒有相近的店子，無論是山寨稱王，還是真的獨特之處，都有興趣令我去一趟，正好襯新年將至，就此相約同事一起試菜。門口擺放烤爐和各式食物，落單後即叫即燒，頭輪之下點了多款燒烤，其雞軟骨熱辣香口，雖然略為硬身，但口感仍然不失爽脆，燒魚的價錢談不攏，改為厚身的串燒風鱔，原本也很惹味，可惜中間還未全熟，有點微酸，以致略為失色。其原隻的燒海虎蝦，體型十分巨大，肉質很有彈性，味道鮮甜之餘，其頭部和中間的蝦身，更吃著紅膏；叫了兩隻泰式的烤釀皮蛋，吃後大家都相繼讚好， 固然大件厚身，其蝦膠更是真材實料，好多時在坊間吃到的，都是滲了粉和其他東西，加上烤過之後更添食慾，高下立見。想回味拆骨的糯米燒釀雞翼，叫了三隻，斬件之下發覺份量頗多，至於味道.........不是說它不好吃，起碼外皮香脆，也吃著飯身的香糯，可惜採用「先炸後燒」的方式，弄得較為乾身，以前旺角那間大曼谷，其糯米燒釀雞腿，香口依然，但肉質仍然十分juicy，這裡相比之下，真是遜色了一點。中段下叫了兩款非燒烤的食品，馬拉盞炒芥蘭清甜爽脆，如果馬拉盞重手一些更佳。當今水門雞飯大行其道，這裡的出品

Got a take out, as I did'nt want to sit in this open restaurant right infront of a congested road with car fumes and smokers.Ordered two Hainan chicken's with rice, however when I opened the boxes, I realised they were both completely different.The way the items were packed was disastrous, the lids of the soup were not even put on the bowl properly, so all the soup spilt, and looked more like a bag of soup when I got back.Tastewise the food was average.This place is a totally a different place d

由男友發現o既新搵食點1/1/10宵夜地方店細細, 不過門口放左好多食材同炭爐你經過都會俾佢吸引住, 有相為證!!! 由於已經太夜, 凌晨12點幾, 所以只得串燒同湯麵, 想食炒野都冇不過都order左好幾款串燒 $20一隻o既帶子同扇貝, 各要一隻試下味!!! 佢o既烹調方法係選用冬菜, 所以都幾特別, 而且好鮮味, 一流~~~ 最鍾意佢可以逐隻order, 靈活度高 $12一舊魚肉包皮蛋, 仲可以order另一款o既蝦肉包皮蛋tim....佢大大隻就一開二去燒, 味道幾得意嫁, 不過仲可以熱d, 可能會更加好味!!! 唔記得幾多$$ o既蝦餅, 第一啖咬落去係覺得好好味好彈牙, 但第二啖已經覺得有d"lum" 味道唔夠鮮, 唔通因為太夜所以質素變差, 不過佢d醬汁就非常好味 其他串串: 羊肉、腎、雞軟骨, 好似$10-12一串, 味道都好出色, 不過都好似唔算好夠熱, maybe趕收工啦~ 再熱d會更好~幾唔錯o既食串燒地方, 你可以望住o黎order, 增加吸引度!!! 下次會早d再去試~~~