花丸 (已結業)

係寶勒巷附近經過見到呢間餐廳有得自製章魚燒😆就拉埋朋友入去玩下環境裝修幾靚、好似去左d小店cafe咁原來除左章魚燒，仲有好多唔多種類既食物，可以燒牛肉燒香腸等等，不過我都係最想玩燒八爪魚丸🤣🤣呢張就係教你燒小丸子既步驟，圖文並茂好詳盡，舖頭入面部電視仲會有Video教學，包你一定學得識😆😆店員推介後叫左呢個八爪魚花丸燒，材料當然係有八爪魚啦，仲有櫻花蝦，紅薑等等，重點係有日式麻糬！！第一次食小丸子入面會有麻糬😍😍落哂材料落去望落好豐富呀😍其實一路整既時候店員都會過幫一幫手，教下你點整，又會講d tips你知，包你一定唔會失手，服務態度值得一讚👍🏻👍🏻👍🏻製成品！ 整好之後自己加想要既汁同埋海苔就大功告成喇😍有得玩又有得食，好正😋不過淨係食小丸子唔夠飽🤣叫左個蒲燒饅魚，呢款就係廚房燒埋俾你，唔洗自己落手，燒得好香，好好食😋仲有玉子燒，配埋沙律醬好邪惡🤤野菌炒麵都好好食🤤炒麵都可以自己負責炒，不過我地懶，叫廚房炒埋俾我地😆😆最後叫左杯菠蘿可爾必思同青蘋果可爾必思😋酸酸甜甜好解溜！

成日都好想試吓真實嘅cooker mama，今日終於約埋個friend一齊去玩，初初仲怕D嘢會唔好食，因為人哋提供材料自己煮得唔好都無得怪人，總要唔可以浪費食物。去到先揀咗我哋最想玩個個章魚燒，大阪燒同埋叫份雜菌嚟玩，初初叫完仲同個friend講笑一陣燒到D嘢濃灑都唔知點算，為咗安排起建每人叫杯 蘋果專門菠蘿乳酸飲，諗住食唔落都有杯嘢飲吓隔咗無耐D材料到啦，侍應仲好細心講解點整，再加上有圖教學，個章魚燒我都做到，材料份量剛剛好，所以連我依個煮飯白痴都做到好食嘅章魚燒，而個大阪燒一樣咁好食，整完出嚟仲可以用沙律醬畫公仔，食完依兩款再用牛油煮埋個雜菌好好味，先放個牛油落個鑊再放埋所有嘅菌落去，炒炒咁見到就嚟熟再放埋醬油落去就食得，仲被個friend讚我煮嘢有天份。

今天放假，並可優閒地享受美味的晚餐，我帶了媽媽去左尖沙咀（花丸）這裏可以經自己一手燒出來的小丸子，特別好味道，這樣也能夠令到媽媽欣賞我的廚藝 使她十分開心及滿意。飛魚小丸燒$98，店員會給一些器皿，再給一些材料等，而材料包括有： 粉漿、章魚粒、麻薯粒等整成一粒一粒的小丸子，數分鐘後就會在你面前製成，特別有喜悅感，零舍好味道飛驒和牛芝士漢堡扒$68，和牛漢堡肉質軟鬆化，再夾流心的芝士，十分美味。盛合炒麵$98製作方法好簡單，餐廳會給一張製作過程指南，供大家參考製作。

超好玩日式自製料理，章魚燒大阪燒日式炒麵同燒肉一應俱全，今次就玩咗其中幾款😛必玩一定係章魚燒，畢竟冇乜人會為咗玩呢個而專登買部機返嚟😂 呢度好貼心咁將所有材料幫你分門別類好，好細心咁教你點整，整完出嚟個成品有板有眼，連地獄廚神嘅自信心都即刻返晒黎😂 章魚燒有八種口味，我揀咗招牌花丸燒，除咗八爪魚粒之外仲有麻糬，食起上嚟更加煙韌✨另一款好玩之選日式炒麵，能夠滿足兜下兜下嘅快感又唔會好似大阪燒咁複雜😂 佢仲有五款可選，揀咗安格斯牛柳條，啲牛都幾靚，同埋製作過程中落醬份量都係自己決定，可以落勁多醬同紫菜碎，最開心係蛋黃醬都可以任你吱😏小食方面點咗碟鹿兒島產黑毛和牛牛柳粒，初時見佢明明係和牛但賣四十幾蚊應該好細粒，但個份量有幾OK，肉質靚就唔洗講，最重點係佢個自家製燒肉醬油係超好味，就連柚子控嘅我都覺得呢個醬油好食過隔離個柚子醬好多😍 最後仲叫多個豚平燒，啲料似日式炒麵但走麵，重點係上面個蛋，影完相店員會響中間切一刀，然後入面啲單張好似瀑布咁流出嚟好正囉😍又有得玩之餘價錢又唔貴，食到飽咁樣都係三百零蚊，又坐得舒服，好過去連鎖果啲排餐死😌

來就喜歡食日本料理，經朋友推介後就 試下花丸，體驗另番自助日本風味。餐桌佈滿了種種的日本特色菜，最吸引的是桌上果個圓形的烤爐，平時在網絡上介紹烤爐就多，第一次在餐廳裡見到，完全充滿好奇 。經過店員介紹，才知道波波形烤爐是製作丸 的!! 店員送上材料後，會一個個步驟教授如何製作花丸 ，非常特別。製作丸的過程一點都不簡單⋯⋯先係放上蛋漿，然後放上配料 ，等佢地慢慢煮熟後，將佢地製成波形，然後將佢地反轉⋯⋯⋯看似簡單，實際都幾繁複的，幸好店員都會耐心協助， 我諗15-20分鐘後，終於可放進口中。 淋上桌上既蛋黃醬，小丸子醬同和風海棠後，美味的小丸子就完美誕生。食完丸會轉換平板，就可以剪牛柳粒食，大約煎到6-7分熟後，入口即溶，美味可口。 另一重點是製文字燒 。文字燒同 鐵板燒、廣島燒不同之處是燒完出來會係比較為黏性，入口溶化咁，雖然燒完既外觀不太美，但味道還是好好的！總括今次體驗好有趣新奇，食物味道香口美味，不過如果當十分肚餓既朋友可能打左少少底先上去玩會比較好，因為製作需時，怕 家可能會在等待過程中餓親呢~~

呢晚一早同朋友約左去食呢間餐廳，主要原因係朋友網上面見到呢間有得整小丸子既餐廳，就話想試下食自己整既小丸子，七點左右上到餐廳都唔洗等位住。不過呢間餐廳位置並唔係咁易搵到，距離尖沙咀站A2出口都有一段路，靠google map我地搵左一陣終於上到餐廳。餐廳環境:餐廳環境正正常常，都幾日本風，餐廳入面有播日文歌，另外裝修位置都有日本餐廳應有既感覺。枱上面主要係有個爐，個爐可以換盤，用黎食唔同既食物。餐廳餐牌:餐廳主餐牌主要分為正反兩頁，一面係介紹招牌花丸同大判燒，有唔同種類既花丸同大判燒選擇，而另一面就係肉類同小量海鮮。除左仲有飲品menu呢d之外，仲有兩塊牌係教要點整花丸同大判燒。八爪魚花丸燒 $65:我地揀果款八爪魚花丸燒 係招牌黎，主要係入面有麻糬，見到有麻糬實在太想食了，加左麻糬之後入面係好煙軔，超級好味，同埋可能係因為自己整，所以食落係會特別好味。花丸既詳情呢到唔同大家多講，如果到時唔會可以問下店員，不過我個人覺得要整小丸子其實都唔容易，最難係落左蛋汁之後放完材料，要反轉果下真係唔簡單，我地都需要店員多加提點先ok，中期一度融融爛爛，但後面經過店員既搶救係可以的！海鹽黑毛豚肉 $

同幾個朋友去尖沙咀食飯，有個朋友突然之間好想食鐡板燒，皆因近排好興食半自助鉄板燒，所以就揀咗呢一間日式鐵板燒環境都唔錯，所有座位都係沙發座，每一張枱都有一個燒烤爐，自己點自己燒，原來除咗燒肉之外仲有好多其他放題嘅食物可供選擇。所有爐都係用名牌爐，爐身又靚又好用。鹿兒島和牛粒呢個鹿兒島和牛粒一定要點，你一睇佢個脂肪分佈，真係好似霜降一樣，分布平均，一擺落個爐度煎，好香，入口好滑，好香牛肉味，一定一定要點呢一個！厚切和牛粒好有口感，亦都好有牛肉味，不過知你呢個一口牛肉粒，個時間就要耐少少，要煎哂四面先得，咁就可以鎖住肉汁係入面。菠蘿煙肉腸/蒜味雞肉腸非常欣賞個菠蘿煙肉腸，好好味，估唔到菠蘿同煙肉既味道係如此夾；蒜味雞肉腸都好好食香草燒雞，用左餐廳秘製香草同醬汁醃足一晚，所以非常入味，仲有口感彈牙，肉質夠嫩，係好味道既雜菜炒麵先炒雜菜，熟左後再加入炒麵，再到炒麵差不多熟哂時再加炒麵醬拌勻，完成後再加上沙律醬目海苔碎，因為所有醬料自己加，味道可應自己口味調節，所以味道好好食，而且可以一顯身手，上演美女廚房~ 又好玩又好食，而且餐廳位置方便，價格好抵食，值得再去

今晚老公神神祕祕話帶我去一間又得玩有得食既餐廳原來係我鍾意既章魚小丸子仲有燒餅呢度除左章魚，仲有腸仔+芝士、飛魚子章魚小丸子、芥末醬章魚小丸子、富士蘋果小丸子，都好特別蛋漿、章魚、腸仔、芝士，齊哂！開動員工教左點整，先落蛋漿，然後加材料，至外層微微焦黃，就轉90度，再注入蛋漿。完成後加上蛋黃醬、小丸燒醬同大量青海苔，美味平時街見師傅整得好快，原來自己整都唔容易，不過真係有得玩有得食，真係幾好玩食左小丸子，仲點左芝士蛋捲、壽喜燒及燒餅如果一班朋友黎，一定好好玩

朋友想食日本野，見到呢間餐廳可以自製章魚小丸子及御好燒，所以就book左呢間~ 揀左八爪魚花丸燒，有麻糬~之前喺朋友屋企試過整，所以今次跟住說明，好易就整到~賣相都唔錯~再加埋醬汁配料，食落同喺大阪食嘅章魚小丸子一樣咁好味~由於朋友唔食豬肉，所以叫左牛油粟米御好燒~將所有材料攪拌好就可以倒落去初初都整得好靚，但一反就散左... 一分為二...但經過修飾後，都見得下人~ 食落都唔錯~ 好味~另外，叫左塊牛肉，set有白飯，2個人share，剛剛好~牛肉好味~ 有得玩又有得食~ 好滿足~價錢亦都唔貴~ 不過每人最低消費$100

朋友去過話嘢食ok同有得自己整八爪魚丸幾好玩，諗住試吓新嘢啦，點知book6位，夠鐘去到佢哋俾咗張4人枱我哋，心諗：點坐呀?大佬！個職員仲要話6位係坐呢張枱，最後我哋轉食放題，橫豎要比錢梗係揀間坐得舒服啲㗎啦！

小編們係平日嘅六點去食，唔洗等位😋侍應強調用餐時間為90分鐘，所以唔係好夠時間😫提下大家一坐低就好叫野食同唔好慢慢磨😂我地叫左三樣野，然後慢慢煮，拍下片，影下相咁，食完第一樣已經過左一粒鐘🤨1⃣飛魚子小丸燒 $75 (3/5)一開始會上哂所有材料俾您，整小丸子嘅過程大約要30分鐘。小編就放左啲蟹子入去小丸子同脆米入面整，口感方面會更有層次👍🏻另外餐廳會提供醬料比你自己加😋但係餐廳調嘅麵漿比較咸。明明已經整左30分鐘但小丸子都仲係流流地心，有啲古怪🤷🏼‍♂🤣2⃣韓式泡菜御好燒 $88 (3.5/5)喺烹調嘅難度黎講，御好燒就比小丸燒更簡單，就咁將啲材料撈完扔落去燒就得😂同小丸燒一樣，粉漿都係徧咸同搞左好耐都係唔太熟🤢而口感方面有泡菜同椰菜令到好爽脆，不過味道方面就淨係食到泡菜味同咸味，無咩特別🤷🏼‍♂3⃣原隻魷魚 $78 (2/5)咬落去幾爽，係新鮮嘅👍🏻味道方面係好X咸呀大佬，真係搞唔掂，下次唔會再叫👎🏻🔸總結:🔸✅整小丸子幾得意✅環境唔錯，幾闊落✅店員服務態度幾好❎野食好咸❎用餐時間比較短🚦地址: 花丸 (尖沙咀)尖沙咀寶勒巷10號8樓

今晚二少大顯身手，親自下廚整小丸子😆好多款都好吸引，最後揀左飛魚小丸燒、四重芝士麻糬御好燒、飛驒和牛芝士漢堡扒、鹿兒島牛柳粒同蜜糖黑胡椒豚肉：店員一開始會教我地點整，亦會間中黎望下我地整成點。第一次整算係咁喇🤣 自己整出黎既小丸子特別好食～無咩芝士同麻糬味🤔 但好香櫻花蝦味漢堡扒好juicy😋 真係要試下！唔靚既牛柳粒會好韌好難咬，但呢個牛柳粒完全唔會，易入口又juicy，好正👍🏻👍🏻豚肉都唔錯，不過無牛柳粒咁驚喜整體黎講幾好食，但小丸子有啲貴，純粹係可以玩下開心下～ 雖然係咁，都會再有下次既！

琴晚約左友人去花丸試下，一去到，我們兩人都無book，但友人未到，個單工好nice咁同我講睇下願吾願意同人share，如果吾係就要等，當然我無所謂，其實都差吾多😛入到去，我地當然叫左小丸子自己燒，同板燒同牛柳粒，我叫左個花茶，吾錯。開頭都吾識自己整小丸子，因為兩個都未整過好彩個度有張小卡同電視加員工會講解，所以都燒得吾錯，可能因為自己整嘅關係，所以覺得特別好食。😋😋😋之後到牛柳粒，真係好好食，可能友人燒得岩岩好，口感真係好中意，吾太生吾太熟，正😋😋😛😛😛😛最後到個板燒，當然又係人手自己make啦，又當然整完好滿足，好靚啦。真係覺得可以推介一下，地方雖然吾大，但員工都好nice , 好friendly, 野食吾錯，又有得自己整，可以玩下咁🥣食到好飽

呢間餐廳最近都好出名呀聽講係又有得玩又有得食，今日專程過來試下佢先！每張枱嘅中間都有一個燒八爪魚丸嘅工具所以..... 我哋今日主要係嚟自製燒八爪魚丸嘅～「八爪魚花丸燒 $65 + 追加 章魚粒 $15」呢款八爪魚丸入面有麻薯粒，特別啱晒喜歡食煙韌嘢嘅姊姊！每張枱都有一張製作指南，新手可以跟住嚟整～材料如下：有粉漿， 麻薯粒，章魚粒，紅薑粒，脆米粒小貼士：1. 倒粉漿嘅時候建議喺四格中間倒，咁樣會平均啲2. 唔好心急反，如果唔係個皮唔夠脆最後因個人喜好，擠上自己喜歡嘅醬汁咁就完成啦～「海鮮御好燒 $98」同八爪魚丸一樣，每張枱都有一張製作指南～製作方法比起八爪魚丸容易得多唯一要注意係反轉嘅時候要小心，動作要快如果唔係就天一半地一半啦～我地仲叫左杯「紀洲梅酒 $38」同「花丸梅子梳打 $32」，正呀！總括而言，後生仔女一定鍾意呢度又有得玩，又有得食，開心！

有時淨食飯真係覺得好悶，要搵間有娛樂性嘅餐廳。唔想去Cafe玩board games ，真係諗唔到可以去邊！咁岩知道尖沙咀有一間可以自己整小丸子同大阪燒嘅餐廳！！！happy Friday 即刻同朋友去玩玩！大阪燒同小圈子嘅選擇有好多，心大心細真係唔知整邊隻好🙈除咗大阪燒、小丸子，仲可以燒肉同燒海鮮😝唔使食小丸子咁寡🙈🙈🙈我哋揀咗八爪魚小丸燒小丸子材料裏面，除咗八爪魚，仲有天華同埋麻薯！天華其實油脂，燒丸子受熱嘅時候脂肪就會融入小丸子裏面，令到小丸子更加香口！小丸子製作嘅程序教學圖我哋好容易咁就整到，似模似樣？😝😝😝燒得咁上下成形啦，就可以放到碟上！之後就可以加上自己想要嘅醬汁！小丸子就可放落口度品嚐啦！口外脆內軟，因為有麻薯喺度，感覺QQ嘅🤩🤩🤩因為唔算太同我關係我哋做帶咗個涼拌小食係八爪魚番茄沙律🥗酸酸地好開胃！黎到就順便整埋大阪燒，材料已經準備好，係我地面前！攪拌好就可以擺落去平板度先煎！亦係因為有大阪燒教學，我哋都整得好成功！😎😎😎再放埋木魚同埋醬汁就可以品嚐啦！個人呢就唔喜歡落太多醬，因為大阪燒本身已調味，夠哂味！整體來講一餐一個鐘嘅飯，我哋足足整左三四個鐘！完成一個好充實嘅