花斑茶社 (Smithfield Walk) (已結業)

難得到堅尼地城， 有中段有時間空間先再辦事！ 四圍逛下， 見到呢間手足茶舍， 剛有點口乾。 見有香桃烏龍茶.....兩樣都摯愛！ 只不過$26.-， 坊間來說是好平！ 收到後發玩紙杯設計她靚， 她文青！ 馬上試飲一口， 好有驚喜。 試過好多間， 茶底不是淡淡的， 就是根本喝不出茶味。但花斑茶舍的夠濃！ 喜歡它有足夠茶味之餘， 白桃的味也好出！間中會啜到白桃肉粒， 好療癒呀！而且收銀的靚女小姐態好好， 好多人幫襯她都笑笑口！ 下次有藉口木探朋友喇！😝😝😝

【黑糖珍珠烏龍奶茶】💰$26 係我最鍾意嘅珍珠奶茶黃店💛 嗌咗走糖 但有黑糖掛杯 所以甜度啱啱好👌🏻 黑糖甘甜有少少蜂蜜味🍯唔係化學死甜味👅 用上鮮奶同烏龍茶底🍵 好濃厚😍 茶味好岀但都冇蓋過奶香味🤤 最驚飲水汪汪嘅珠珠奶茶🤢 但花斑嘅奶茶係飲到底都好濃郁🥰 珍珠Q彈黑糖味濃 粒粒分明super chewy🤩 唔會煮到一patpat🧋 之前做過學生優惠只係$18一杯 嗰排成日飲變🐖 經過嘅話可以支持下 🎗 另外仲有四間分店：尖沙咀荃灣北角新蒲崗🤙🏻📍花斑茶社 (西環)西環堅尼地城士美菲路45-51號Smithfield Walk地下5B號舖

叫外賣試左花斑茶社嘅芋泥鮮奶甜度冰度都無得揀黎到都好好Keep到夠凍芋泥鮮奶勁足料睇到七成係芋泥但可惜芋泥略甜即使係加鮮奶都好甜甜得濟唯有得啲冰溶咁啲先再飲不過口味確實人人不同當我覺得太甜嘅同時同事覺得好好味😂正到下次仲encore左

😈黑糖珍珠烏龍奶茶 ($26):依排飲得太多台式飲品，今次叫咗走糖，但甜度反而剛好。烏龍味唔係好出，但奶茶嘅茶香味都出，奶味濃郁，似用鮮奶沖。黑糖好香，甘甜，唔會死甜、化學味重，黑糖仲有少少蜂蜜味。珍珠Q彈， chewy ， 煙韌度適中，但如果叫凍飲可能珍珠會硬d，因為我朋友飲凍，佢話珍珠好硬😂.總括黎講，味道中規中矩，依個價錢飲黑糖珍珠奶茶，我覺得性價比高，去開附近不妨試試❣️ 依排疫情嚴重，建議拎返安全地方先好飲，係街到就唔好除罩，為己為人！

花斑茶社 （西環店）原本打算黎西環 同朋友睇海同埋 影相 結果連個天都唔鍾意我...😫😂未去到已經落緊細雨 唯有行商場 花斑茶社嘅地上面嘅貼紙 引導左我過黎（邊行邊有貼紙 覺得好得意 一定有好多低頭族幫襯） 牆上面都係文宣 同埋香港人打氣嘅MEMO 係間好黃嘅黃店 多次參與罷工 所以即刻入去幫襯 同埋避雨 同樣嘅錢肯係要幫襯返同路人啦 黑糖珍珠厚鮮奶 $30必定好飲嘅配方 同埋佢哋黑糖嘅紋路 整得好靚 🤤 黑糖珍珠部分算多 值得一讚嘅係 珍珠煮得好 因為咬落口彈牙煙韌 完全唔會霉爛（之前中伏太多 其他鋪頭會一直用黑糖煮珍珠 擺起度又唔理🌚） 同埋黑糖同埋鮮奶嘅比例做得啱啱好 唔會太甜至於 黑糖香 唔會掩蓋 奶味濃厚 香滑 飲過咁多鋪頭 佢已經係頭幾甲 推介大家試飲 鳳梨多多（少糖） $26 店員話佢地新出左 「益力多」系列 分別有：綠茶 鳳梨 草莓 柳丁 四個口味 益力多幾乎係每個香港人嘅童年 就咁飲係好甜帶酸 配上菠蘿 加左好多分 口味更加清爽解渴 同埋散發清香 菠蘿味 好夏日 真材實料 邊飲邊吃到「菠蘿仔」好過癮🤣 有乳糖不耐症嘅 絕對要嗌杯試下 同朋友飲完之後心情都

喺一個小商場嘅角落見到人潮，行埋去睇吓，原來係台式飲品店！望一望Menu，其實選擇同一般珍珠奶茶店無異，不過見到有樣嘢好吸引，就係飲品可以免費轉脫脂鮮奶，感覺更健康，喝下去都無咁大負擔。我同朋友叫咗杯黑糖珍珠厚鮮奶，由於甜味係基於本身煮咗嘅黑糖珍珠，所以就無得調較，但為咗唔想咁儲脂肪，就轉咗做脫脂奶。飲品嘅分量剛剛好，賣相亦都好靚，個人感覺是偏甜既口味，如果係螞蟻人或者愛甜之人一定會好鐘意，另外都好欣賞佢嘅珍珠好煙韌。另一杯我哋叫咗無糖四季春加芝士奶蓋。濃濃嘅茶香，加上creamy厚實嘅奶蓋，超正！順帶一提，店員好貼心，因為當時落緊雨，主動問我地需唔需要膠袋，等我地拎走既時候方便啲，抵讚！

考完試即刻狗衝落堅尼地城買珍珠奶茶佢又真係好準時11:30就開門喎(((o(*ﾟ▽ﾟ*)o)))-📌黑糖珍珠可可🍫鮮奶🥛✨微糖(💰32)用明治4.3特濃鮮奶 正💕本身想飲黑糖珍珠厚鮮奶🍼但係因為個杯甜度fixed🥺所以就飲咗依杯可可味都幾濃 💕-📌白桃烏龍加寒天🍑✨微糖（💰26+3）好多粒粒桃肉果肉 好清香寒天又有口感 有少少嚼口有少少爽口 又低卡🤫-有得揀脫脂奶嫁🤩啱晒要減肥嘅女仔飲10分推薦寒天✨✨✨💕黃店又好飲 快D大大力支持💛 話說佢最近仲開咗度側門有木牌俾大家寫上對香港嘅祝福(⁎⁍̴̛ᴗ⁍̴̛⁎)💛好有心好靚啊💛話說其實想試佢最新嗰個芋頭鮮奶下次試😂-

美食星球為你速報美食 不專業 但很嘴饞🤪 💛花斑茶社 | #西環 良心小店當然要支持，平日中午黎都有好多人排隊！不過寫下memo好快就有得拎！好中意佢地的新包裝！ 仲可以寫字添呀！仲淨係介紹珍奶未免太無誠意啦，今日揀左夏天必備冰茶！好飲到我決定要試哂佢所有味鳳梨🍍冰茶不過今次留意到可以加配料，我以$3的價錢加了寒天 叫左少甜走冰 紅茶底 茶味香濃 有新鮮波蘿粒 非常解渴 寒天外型似珍珠 質地比較爽口 但同鳳梨非常夾 必叫之選黑糖珍珠烏龍奶茶叫左三分甜 走冰 奶茶香滑 烏龍茶味出

好飲到值得encore嘅珍珠奶茶店！前幾日喺尖沙咀經過，試過佢嘅黑糖珍珠厚鮮奶已經覺得好正，今日喺西環見到有分店，就即刻試吓佢其他產品！叫咗杯名間四季春加芝士奶蓋走甜，不過店員話本身個茶已經係無糖！等左15分鐘，終於有得飲啦！好欣賞佢嘅茶味夠濃但唔澀！至於個芝士奶蓋，係好creamy、好香！唔會太甜！所以杯野好快就比我K.O.左了哈哈。menu仲有介紹其他茶葉嘅分別，下次試下先！至於我朋友，就聽店員推介，試咗新出嘅大甲芋頭鮮奶。因為唔想太甜，所以叫咗微甜同轉咗做脫脂奶。佢嘅芋頭係芋蓉，但都好有咬口；雖然都好飲，但我都係欣賞杯四季春多啲。

一間沒有華麗裝潢嘅小店，但見到超多人排隊，所以就走咗去湊熱鬧。除咗做醫護人員有八折嘅優惠之外，因為母親節關係，買滿$50有得送輕菓茶未講飲品質素之前，一定要大讚下店員嘅服務態度！雖然人多，但店員都唔會話好炆憎，反而好有耐性解釋同埋介紹產品！由於珍珠奶茶真係度度都有，所以今次想試吓啲特別啲，就叫咗杯烏龍奶茶。雖然係正常甜度，但係可能佢夠茶香，所以都唔會令人覺得好甜膩，好飲！包裝仲好得意添。另外再叫咗杯紅豆奶茶，紅豆軟綿綿得來唔會話好爛，依然好有咬口，清清地都好好飲。

我真係好鐘意西環嘅花班茶社，通常會買杯黑糖珍珠厚鮮奶去海邊放狗，花班唔係用奶精係用明治特濃鮮奶，珍珠好有咬口又唔太甜。推介呀👍🏻最近天氣比較熱想試下新出嘅柳丁多多，今日5.1做八折優惠所以特別多人，店員服務好好一早提醒要等20分鐘。終於有嘢飲，柳丁多多唔會有香精味好清新，夏天飲就最啱啦😋，下次想試下岩鹽珍珠口鮮奶。會唔會再幫襯？答案係《會》

趁假期同老公去咗周圍行記得呢度附近有間花斑茶社，一心諗住行完海皮就過嚟買嘢。心目中已經諗定左要宇治抹茶紅豆鮮奶，因為我絕對係一個抹茶控，之前幾次經過荃灣分店都想買但係都係食到好飽，話飲唔落。今日終於飲咗啦但係令到我有啲失望因為我完全飲唔出有宇治抹茶味，完全冇嗰種草青同苦澀味好似飲緊紅豆冰....至於老公飲個杯黃金烏龍除咗甜之外都冇乜茶味！支持黃色經濟圈，但係有啲失望！

其實同朋友都成日番學飲依間，因為佢有得係App外賣好方便不過最近停課好耐無飲今日有野做經過就即刻去買黎飲門面好大塊連儂牆又多文宣好吸睛好靚嗰度嘅店員都好nice我勁多要求，又要少冰日又要少甜，佢地服務態度依然一流價錢都唔貴，好抵飲出面好多珍珠奶茶店都會落好多奶精，但依間就用4.3明治特濃鮮奶我就叫咗黑糖珍珠鮮奶，同埋幫朋友叫左杯蜜桃烏龍加寒天。黑糖珍珠好煙 韌好有咬口，又唔會太甜，重幾重黑糖味用鮮奶果然好飲好多白桃烏龍茶茶底好香入邊好多蜜桃肉兩樣加埋好清香寒天好清甜爽口，連鐘意食珍珠既我都愛上左寒天白桃烏龍真係好特別，推薦各位都要去試吓

同朋友影完一輪打卡相之後，我地就黎左呢度嘆茶xpp之前有係其他分店飲過佢地既茶飲同鮮奶系列，覺得質素有保証~~今次就要左杯葡萄柚冰茶加寒天朋友就聽我介紹要左杯白桃烏龍：）係等候飲品期間，我地都有細閱一番牆上既便利貼；）仲發現有相關既產物出售，朋友仲買左張明信片添=］因為外賣人數都比較多，大概等左十分鐘左右先有齊兩杯飲品~~之前飲過佢地既白桃烏龍覺得好清香，呢次朋友試飲都話覺得正：）而自己今次所揀既葡萄柚冰茶都好岩我心水！！帶酸既葡萄柚飲落好fresh，配埋有微甜既Q彈寒天一齊飲真係好解渴，仲好好o趙添xpp呢日我同朋友都有寫下鼓勵字句，希望天佑香港，大家加油！！！

去過花斑茶社嘅尖沙咀同北角分店，第一次嚟西環分店，都容易搵，一出c出口行一兩分鐘就到。 依家分店人頭湧湧，要排一陣隊order，好受歡迎👍。叫咗期間限定嘅黑糖珍珠厚鮮奶岩鹽，呢款想試好耐，見到廣告牌好吸引。呢款係固定糖固定冰， 飲落奶味好滑溜，有黑糖嘅香甜，試真啲仲有鹹鹹哋嘅鹽味⭐。另一杯試下黑糖珍珠烏龍奶茶，茶味好出，烏龍茶夠甘香，配上彈牙嘅珍珠，好好飲。店員仲送咗一包口罩畀我，真係好窩心❤️。