花月居酒屋

营业中

休息中

冇呃你，呢度真係成個定食嘅全部！平時好少有得出街食lunch，見同事話試下呢間日本嘢，咪一齊去食啦，坐低叫咗呢個價值$128嘅手握壽司定食，諗住點都會有幾款唔同嘅壽司食下，點知等了又等，等咗差不多半個鐘，有同事都已經食完，我呢份咁嘅「手握壽司」先嚟，佢放低我一望，唔係呀嘛，得嗰4舊壽司，仲要係三文魚同x魚（驚寫錯），其中一塊係全筋咬唔到嘅，再加一舊卷唔到三角形嘅三文魚手卷（塊紫菜係林嘅），一碗麵豉湯，$128就係咁樣，堅係勁嬲！呢幅相係佢一放低，我乜都冇掂過嘅情況之下影嘅😤個侍應到我地食完執枱時自己話，因為今日個壽司師傅放假，呢個係替工，所以啲壽司整得冇咁靚，我反映返呢個完全唔係整得靚唔靚個問題，係本身呢一個餐嘅壽司款式嘅問題，佢話不嬲都係呢啲款式喎，我覺得根本冇可能囉！！我平時都冇寫過食評，今次決定要寫我第一篇嘢，就知我真係有幾嬲😤

因為遲左book，平安夜晚好多地方都無位但呢到比我地攝到個位，大滿足！餐廳有個唔起眼既入口，但一入門口就好似去左另一個環境咁密密麻麻既menu寫滿牆身，中間仲有電視播放日本電視台節目仿佛去左啲日本小店咁🗾聖誕節無加價，價錢合理，而且種類好多，刺身串燒天婦羅🍤麵食同鍋物都有，仲有自家制梅酒🥃即刻叫番杯試試，口味偏甜，會令人唔覺唔覺就似哂😂食身方面都中規中矩，試左壽喜鍋、串燒，冷烏冬、天婦羅其中串燒白鰻好白好好味，燒到脆口但入面仲好滑！唯一有樣意見就係店內通風麻麻，有陣油煙味

🇭🇰花月居酒屋·壽喜牛肉野菜鍋$83次次入到黎呢間居酒屋聞到佢浸壽喜燒味都會想食呢個 不過其實佢午市定食超多選擇既 我之前食過佢個花月定食都唔錯😈😈佢個湯底甜甜地咁 幾好食既 而且佢入面超多牛肉同野菜 整體水準都唔錯😎不過如果壽喜燒既話我覺得附近既龍驤再好食D 佢D菜甜D 而且個湯有層次D 不過呢間就平D 而且佢有雪米糍食 開心😍😍📍尖沙咀尖東加連威老道96號希爾頓大廈1樓2A號舖

係尖沙咀同朋友去食飯search到呢間花月 見好評OK就走去食叫咗碟刺身 未見過海膽係彈牙 用筷子界唔開刺身好唔新鮮第一次食海膽要同朋友講「可唔可以幫我扯一扯舊海膽」吉列豬排都一般般基本幾款小食上 冇一樣係有水準的即使係串燒都好一般 叫咗牛舌串 食起來有雪味仲要口感好韌好似食緊柴咁口感極差4個人各一杯酒+刺身盤+6、7款小食 埋單2000 仲衰過食爭鮮服務上都係一般有一位識日文嘅同一位靜係識得講普通話嘅阿姐呢個價位食放題都好過食呢間不會再有下次

唔知有幾多年無食過呢間屋酒屋，可能有三四年吧，時間真係過得好快。12:30嚟到都坐咗2／3, 都幾多人，午餐選擇好多好多，綠色menu 主要係炸物我麻麻，同事要咗個天婦羅配湯烏冬98蚊，我就睇另一個menu , 有26個選擇😅, 真心多，好彩我無選擇困難症，好快揀咗個燒雞扒70蚊。天婦羅先到，賣相都唔錯，壽司五件， 天婦羅同事話炸得一般，用料都相對經濟，唔係用日本南瓜。我個定食好快都有👍，雞扒都燒得幾靚，個面微脆嘅，不過就有少少雪味，個燒汁都麻麻，唔特別香。職員廣東話麻麻，睇唔出係邊個國家嘅人。埋單只收現金，有少少唔方便🙄。

早排同事生日，諗住去食好啲，就去咗另一位同事介紹嘅「花月居酒屋」，佢話呢道嘅套餐唔錯，而且午市有九折。餐牌上主要有刺身丼、定食同埋鍋物，因為餐廳冷氣都開得幾大，有啲凍，所以想食啲熱辣辣嘅嘢暖下肚，就嗌咗個「壽喜牛肉野菜鍋」。壽喜燒好快有得食，熱辣辣之餘，材料亦非常充足，除咗牛肉，仲有冬菇、豆腐、黃芽白、金菇、芋絲同埋一隻生雞蛋。另外跟餐會有一碗白飯同味噌湯。飯後仲有雪米糍個甜品，埋單折埋等於免加一，等天氣凍可以再嚟食。

跟朋友尖東覓食，午餐時間選了隱蔽得日食店。店舖位於商場二樓一角位，非常不顯眼。門口貼滿是日午餐選擇林林總總，決定好進店。點了滑蛋豬扒飯定食，額外要求滑蛋煮熟一點，侍應似有還無的回應，最後送上枱又真的是煮熟。滑蛋汁不錯送飯一流，豬扒肥瘦適中但略嫌有一點點豬酥味。介意慎點。朋友點的竹篋魚定食，炸魚炸得香脆，但朋友說有點腥。

早前有同事介紹「花月居酒屋」嘅lunch set唔錯，而且午市有九折，今日lunch一於拉埋teammates一齊試吓！呢個商場人流唔多，行到入嚟忽然有種浸浸涼嘅感覺🙊 一行四人都話要食返啲熱野暖下肚！餐廳以木色為主，裝修簡約；約三十個餐位；幾位店員有咁上下年紀，媽媽嘅感覺🤣 整體環境幾溫馨～餐牌中、日文對照，午市以鍋物、刺身丼飯、定食為主；亦有外賣自取定食套餐，價錢相宜。我哋不約而同揀同一款食物，「四個壽喜牛肉野菜鍋，唔該！」=========================【壽喜牛肉野菜鍋】$83熱騰騰嘅鐵鍋裝住半生熟牛肉片，中間放着一隻生嘅蛋黃，配料份量幾多，有豆腐、金菇、黃芽白、芋絲、冬菇，浸在壽喜燒湯中，蔬菜吸滿湯汁甜甜的～牛肉片偏厚偏硬，混合生雞蛋後，整體更香滑。壽喜牛肉野菜鍋配有漬物兩款同白飯；食量細嘅朋友，只食牛肉鍋唔食白飯都夠飽！最後仲有維記芝麻雪米糍作甜品。整體而言，店內座位寬敞，折後等於免加一，呢間居酒屋係午餐嘅好選擇。=========================花月居酒屋📍尖沙咀尖東加連威老道96號希爾頓大廈1樓2A號舖

這家店去過好幾次，食物OK，但冇特別驚艷。最大問題就係服務，太散漫，無論人多人少都慢悠悠。人係外面等，同冇睇到一樣，只顧忙自己嘅嘢。今日先發現外賣更有問題，根本冇合適外賣袋，好大一個塑料餐盒，叫客自己揸住攞返去要做外賣，至少準備個合適袋子吧！週五更誇張，人最多時候，如果係外面等，根本冇人理。建議換個手腳利索嘅收銀接待，慢悠悠不理外面客戶，每次都埋頭整電腦，不知道還以為是會計，有幾多帳要入⋯一般都不評論，第一次有家店叫我想寫咁長差評。

之前曾經去過一次花月居酒屋食lunch，當時覺得食物味道唔錯，而且店員原來仲識講日文！由於朋友生日，所以決定同佢地黎試食晚餐！果晚我早到半個鐘，店員好好，比我地入去先坐低傾下計！之後，佢地拎左毛巾比我地抹手！牛肉壽喜燒！牛肉唔會太多肥既部位，我本身唔太中意食太肥！湯底唔錯，我忍唔住飲左半碗！鰻魚飯！有兩大塊鰻魚，份量可以再多點，我比較貪心！燒墨魚！我地食到有少少炭燒既味道，不過唔係好夠熱！天婦羅！主要係有炸南瓜、炸茄子同埋炸蝦，都幾鬆脆！

朋友特別介紹黎食 因為正宗日本人開既小店買少見少價錢中尚 唔算平民價 但味道樣樣都好食 推薦👍🏻👍🏻人流唔太多 環境清靜 適合同朋友慢慢暢談蟹肉蟹籽沙律 （沙律醬分量適中，有啖啖蟹肉）燒牛舌 （非常鮮嫩多汁）鹽燒雞翼 （皮脆 入面都夠juicy)雜錦天婦羅 （炸物都好出色，炸粉夠薄，有炸蝦，茄子，蕃薯，小青椒。天婦羅汁係熱上）最後主食壽司，肥美三文魚腩，特大甜蝦同吞拿魚蓉香蔥卷🍤🍣👍🏻👍🏻👍🏻 其實兩個人都夠飽 買單$5xx左右聽職員講係日本廚師主理😊部分待應都係日本人 感覺特別正宗支持小店

2019年7月13日，因為夜晚要去紅館睇演唱會，就諗住近近地搵間餐廳晚飯，與一位孕婦朋友同行。夜晚六點半坐底，睇左menu 就落order（10分鐘內落單），當時客人唔太多，我地叫左一個雜錦烏冬，一個牛肉壽喜燒，4款串燒。去到七點三， 我地見d 野食仲未到，就問一問阿姐，阿姐好輕描淡寫咁答我，今日廚房得一個人，要等多半個鐘，我地話趕住去睇演唱會，佢没俾反應我，就走開左，跟住行返埋黎話有款串燒賣晒，其他野要等等，又行開左。過左15 分鐘我再問佢，如果d 野出唔切我就去食其他野，個陣七點半我仲趕得切出去第二度食，佢就出左個烏冬同壽喜燒俾我，再行埋黎話没辦法，佢問左，今日得一個人做野，佢唔知d 野幾時做好，廚房咁答佢，佢就咁答我，我未開口講野佢又行開左，跟住隔多一陣又話有款串燒又冇，我話咁d 串燒我全部唔要啦，又唔知要燒幾耐，又冇呢樣又冇個樣， 就算係冇都唔係等左一個鐘先話講我知，佢答好，又即刻行開左。我地食完就叫埋單，佢出張單仲要話我食左串燒，我真係火都黎。呢間野既食物質素ok， 但係我真係唔知個阿姐想點，問佢又唔答我，直接行開就當冇事發生，如果大家大把時間，又唔介意等同俾阿姐無視就去幫襯

之前同同事黎食過一次lunch, 覺得幾好食，同埋都頗多選擇，所以再黎翻jap!入到餐廳裡面較暗，不過座位算多同闊落，坐都舒服。Lunch menu都有好多選擇！有廿幾項比客人揀😜而且每項都配有白飯（麵類除外）、漬物、面豉湯。我就叫左個牛肉壽喜燒雜菜鍋！價錢約八十幾蚊，lunch黎講算頗貴，不過尖沙咀呢區又度度都差唔多，更貴既都有。一黎到，即刻兩眼發光！（因為實在太肚餓 哈哈）牛肉既份量都非常多！加埋個汁撈飯真係好好食！壽喜燒汁唔會太甜，牛肉亦都唔會好老柴但油脂又唔係太多（本人好怕食油脂極多既牛肉）。不過食晒牛肉到食菜就稍微覺得略甜，因為菜都容易索左啲湯既味道更加入味，不過都可以接受既！提提大家呢度lunch既白飯係可以任裝架😛下次會再黎試下其他野食！見到同事食個安格斯牛扒都好吸引😣

之前有朋友介紹尖東依間居酒屋可以坐得耐又高質，有日見想食日本野就嚟依到試吓。可能係平日夜晚加上地點都唔易發現所以都唔多人，仲有得坐梳化位添！待應姐姐仲好好咁介紹今日嘅推介，所以我地嗌咗好幾樣野食！馬份海膽以前唔係好鍾意食海膽，因為覺得個口感怪怪，但自從去咗日本食過入口即溶既海膽就返唔到轉頭喇！雖然依板海膽未算係好入口即溶果隻，不過都食到海膽果種鮮甜味，配埋紫菜食又係另一個食法，不過個人就鍾意就咁食多啲！生蠔生蠔都係我鐘意食既海鮮之一，依兩隻都算肥美的，仲食到果浸海水味，肉質係爽口，係唔錯既！什錦刺身有吞拿魚、三文魚、八爪魚、油甘魚、元貝、池魚，有六款都算多！三文魚魚脂分佈得都幾均勻，食落仲有啲油香添！元貝都好鮮甜！油甘魚同池魚都好厚身。個人就不太愛吞拿魚，所以就俾埋朋友食。牛油果軟殼蟹卷軟殼蟹唔算多，食落又唔係太脆口，所以普普通通！清酒煮蜆清酒味十足，雖然啲蜆唔係話好大隻，但都算多，又唔會話有沙，係新鮮既！燒白鱔燒白鱔係我嘅favorite，基本上食親居酒屋都必嗌，依到嘅燒白鱔都冇令我失望，塊皮係脆脆的，肉都好Juice，唔會話好油膩，燒嘅時間岩岩好！野飲嗌咗白桃乳酸梳打同巨峰提子乳酸

小妹妹帶我去試新餐廳 (對我嚟講係新啦, 第一次去 ma 😂😂)小小的日式小店, 位於商場1樓再轉角的隱蔽位置, 老實講, 唔係個妹帶我去, 都好難發現有呢間店! .吉列黑豚肉定食講講沙律菜先, 菜係新鮮爽脆嘅, 配上2片青瓜 + 1粒車厘茄, 令到成件事無咁油膩, 不過...一碟都係水 😂😂🐖 再嚟吉小🐷 ...炸粉唔厚, 脆身唔油膩! 豬扒炸得唔乾, 係個肉本身有少少乾, 點埋醬汁食剛剛好!🍲 麵豉湯, 好淡, 比清水多左少少味 😂😂🍚 飲軟熟, 整體感覺唔錯!