花月居酒屋

营业中

休息中

同事今日提議一齊食午餐，我從來都唔知原來哩個商場有間日本料理餐廳，仲要有日本人serve你，感覺特別地道。午餐時段頗多客，但地方夠大，所以都唔駛等位。午餐有兩個餐牌，大致無乜分別，只不過有一個係每日精選。每份set包湯及配菜，份量十足！另外附送甜品雪米糍，但如果包杯咖啡更好！價錢每份大約$85左右，已計加一，非常合理。朋友話食過晚餐，比較起黎午餐超抵食，份量又大大家一致認為食物味道有9分以上，下可以再黎

呢間日本居酒屋呢一年來已經嚟過幫襯n次，對於我呢個鐘意試新野ge人嚟講(又唔係住附近)，呢度絕對係我ge飯堂。呢度成為我會成日嚟ge食店，無他，就係呢度幾方面我都幾buy首先，呢度係尖東，對於新界火車友定九龍港島的地鐵隧巴友都非常方便而我嚟親都係晚飯時間，但無論weekday 、星期五晚，定weekend，佢都九成有位，咁最大可能係佢應該做附近office午市生意為主而且老闆(應該係）係日本人，所以感覺好用心實在，佢都有唔少日本客幫襯。今晚同老表倆都係臨時轉地方，係尖沙咀區一諗就諗到過嚟呢度。我哋本住飲酒傾計，所以一定要叫返支dame,呢支720ml ge 係一丿藏，算辛口味，亦是我ge口味。要飲酒，咁一定要食味淋雞泡魚干，佢係我最愛的佐酒小食，少少濕腍的口感，食到魚肉的一絲絲，甜甜哋。我本人只會間唔中先點吓沙律醬，因為覺得佢本身已經好夠味。酒盜芝士又係我另一必點的前菜！我試過好多間居酒屋，唔係間間好味，而且呢度好ge係如果梳打餅唔夠，可以問佢添幾塊，好flexible（當然，唔夠夾先問，我相信唔會有人嚟貪餅食ge）炸芝麻雞翼是呢度必食菜式，我覺得我一個人都可以食3、4隻添呀，一睇佢果

做嘢做到好攰，我們想在附近食餐好啲啲。這兒海旁的商場外經常有大陸旅行團排隊。在某處見到個大媽靠牆沒有排隊，但拿著塊大招牌，而塊牌就是這餐廳的廣告。😂雖然表面吸引力有點欠奉，但我們都不打算再行太遠。於是就來試下。在繁忙的商場外，裏面的店舖竟然比較靜，餐廳內的人也不多。可以坐耐啲傾偈👍🏻地方都算闊落。枱和枱之間有些空隔。我點了鯖魚定食。魚皮煎得都幾香脆。很滿意它沒有漏掉蘿蔔泥。麵鼓湯和醃漬蘿蔔都和現成製的差不多。沒什麼失誤。朋友點的牛肉鍋。雖然我知道本身就係想佢以生肉形式慢慢煮，但鍋未係好夠熱。要花點時間才煮熟。唔算多筋，都有肉味。這個照燒雞定食，有點變了港式燒味雞肉的感覺。有少少偏油而且燒汁都唔係好夠。但肉質都幾不錯，唔老。好滿意餐廳會附送一個甜點，雪米糍的誘惑真的抗拒不了。價錢係繁忙地段都算收得合理。我應該工作疲累後，得閑都會再來吃一吃。

「海膽、海膽、海膽！我鍾意食海膽呀！」小姪女唔停咁對住我講！唔洗緊張，我呢個二妗母點會唔記得呢，陪妳shopping完就去食啦，我最鍾意見到妳果個好好味嘅食相！

今日行開尖東在希爾頓中心1樓發現有間花月居酒屋入到I去好寬敞叫左6串雜锦串燒份量十足好香好好味食左個鲭鱼定食再同店员倾偈發現原來厨師D師傅剛到一個月D餐牌加左好多新菜式周圍都有日本人食反飲酒服務員都係日本人多好地度觋下次會再來幫襯

今日約個同事食午飯，因為呢個同事比較多主意，所以地點食物由佢決定！行行吓去到尖沙咀東，喺鐵牛差唔多地方嘅樓上一樓就係依間花月居酒屋。入到去見到得兩個客，本身有少少擔心， 因為始終未食過。之後叫咗個鰻魚飯，味道都OK喎，不過份量就真係少咗啲！最後仲陸陸續續坐滿九成客添！

昨晚，我們一行五人為友人慶生，見這裡食評很好，便選擇了這裡。我們點了一個特盛刺身，一客卷物，患燒和一些飯麵的主吃。先説食物，我只可以用不過不失來形容，一個480元的刺身拼盤，份量很少，而質素大約和元氣差不多😭。卷物還可以，其他也是不過不失。我只可以説同一價錢比之好的，實在多的是。但最令人失望的，是那位侍應嬸嬸和上菜速度！問那個侍應一些有關食物的問題，一概不知或之悟以對。溜單！就那樣兩台客人，一個麵也等了30分鐘！難怪晚飯也沒有客！

唔知呢間野係咪新開呢，入內環境覺得坐得幾舒服，人不多，真係旺中帶靜，隔離枱坐住幾個日本人，大家都唔聽得明大家講咩，除此以外就冇其他人啦。首先叫咗個鱈場蟹肉沙律蟹肉嘅份量都幾多，青瓜絲好爽口，仲有啲脆卜卜嘅魚子吊下味，口感亦好好。雜錦刺身就精彩啦！有成九款咁多，其中我最鍾意當然係海膽啦，幾鮮甜。三文魚腩亦都夠晒肥美，軟軟的三文魚肉，好香溜。拖羅出現了！爭食是無可避免的。黑豚肉朝鮮醬鍋講到明係朝鮮，咁應該唔係正宗日本野，但係我都幾欣賞呢個菜式，可以玩下fusion，醬汁甜得來幾香濃，啲黑豚肉幾爽滑，而且放入鍋之前已經煎香過，特別香口。啲菜煮得好入味，吸晒啲湯汁的味道，好惹味。雞翼燒得幾香，啲肉都夠乾身，外皮當然燒得好趣啦！真係食白果啊！原來燒白果食都幾得意嘅。雞肉紫蘇葉卷，估唔到紫蘇葉燒起上嚟咁香。

今個月最難捱的日子，最終在樣樣衰衰的情況下渡過，既然無穿無爛，好好歹歹也要慶祝一番。這間位於尖東的居酒屋，地點便利，只是它藏身的位置有點不顯眼，所以人流較少。我們也樂得可以慢慢坐、慢慢吃、慢慢傾，輕輕鬆鬆無壓力。餐廳空間感足，毫不焗促，裝修洋溢濃濃的日本風情，四處又擺放了各式酒瓶、東洋飾物，挺有氣氛。下班後獨自前來喝杯清酒、吃串串燒，也未嘗不是一件樂事。想吃最時令、最新鮮的刺身，當然要請師傅發辦。眼前四點全是店家精心挑選，包括魚($120)、三文魚($75)、伊佐木($180)及黑松露火炙帆立貝($85)。它們擺盤精美，而且表面都閃著一層光澤，品質應該不俗。切得透薄的魚質感柔韌，入口無渣，魚味不算太濃，以紫蘇葉包著吃，更能突顯那份鮮美。厚厚的三文魚腩很受歡迎，瞬間被大家搶清。三文魚魚脂分佈均勻，油香豐腴，十分肥美，放進嘴巴後即能感受那份潤澤，叫人滿足。伊佐木刺身白裏透紅，肉質緊緻且有彈性，略帶嚼勁，輕怡清淡。黑松露火炙帆立貝粒粒飽滿，表面燒得焦香，裏面仍然鮮嫩，配上馥郁的黑松露醬，味道頗重，適宜放到最後才進食。大家可以紫菜卷著刺身同吃，不過未知是否放久了，變得稍稍腍軟。胡麻雞翼($

特選什錦壽司 $388壽司款式豐富 材料亦好新鮮有金目鯛 吞拿魚 三文魚甜蝦 帶子 魷魚非常鮮甜仲有大大塊海膽 食落甘甜魚子好結實 食落口卜卜聲細卷鋪滿松葉蟹肉 非常抵食黑松露醬墨魚棒 $72/兩件口感好彈牙 仲保留到墨魚本身肉質既特點再加上黑松露醬作點綴 效果唔錯黑豚肉朝鮮醬鍋 $82食日本野點可以唔食鍋物呢不過今次搞搞新意思 加入左朝鮮醬豚肉肉質幾鮮嫩 而且份量都唔少架 鍋既湯底幾惹味 令人一試難忘 清酒煮大蜆 $78清酒湯底非常甜 雖然略帶酒味但唔會感覺太苦澀蜆肉雖然唔算大粒 但係味道鮮甜 燒茄子 $48上碟時已經去左皮同切左件 方便進食值得一讚而且茄子燒得唔錯 唔會太乾 醬汁配搭得好好

個人推介指數分7(10分為滿分)- 店內有不少日本來的客人, 通常他們也會點一些佐酒小吃, 然後把酒言歡, 或許給他們一份親切的感受吧. 筆者很少光顧居酒屋, 感覺有點新鮮, 好像至身日劇裡. 食物方面, 確是和一般和食有點分別, 好像每款食物也造得精細一點, 份量雖不多, 但頗有水準. 又是和太太拍拖的時間, 很想和太太坐在悠閒優靜的地方, 好好享受時光, 今晚我便精選了間位置便利(回家), 環境說不錯的居酒屋, 希望太太會滿意我的小安排. 店內空間寛闊, 佈置清雅, 最重要是那時人流不太多, 十分優靜.時令食物, 老闆娘(應是日本人, 但會說流利廣東話), 會寫在白板上以供客人參考老闆娘今晚十分好客, 先為我兩送來一個凍蕃茄, 蕃茄肉身比較爽, 味道清甜, 十分醒胃, 筆者認為盡量不沾旁邊的岩SALT更好. 先來一個鱈場蟹肉沙律, 老實說, 蟹肉份量不會太多, 但比例上剛剛好, 以胡麻醬加木魚絲混和, 又是一道清涼的餐前小食. 再來已是今晚的主角, 新魚的精選什綿壽司. 恕筆者不材, 有不少食材我也不太懂, 這裡有拖羅, 三文魚, 帶子, 海膽, 甜蝦, 深海沲魚, 金線調, 眼仁

好耐都未嚟過尖東呢一邊，估唔到尖東多咗好多遊客，開左好多藥房，小食店都不小。但今日就係想同朋友坐低喺度慢慢食吓野，所以就揀咗一間日式嘅居酒屋。唔好以為日式居酒屋要夜晚先至適合食，其實午餐佢亦都有好多唔同嘅選擇，今日又唔算係好肚餓，所以我哋就散叫。先來一個池魚嘅刺身，平時其實好少食池魚，通常就係食三文魚又或者係吞拿魚比較多。今日食左呢個真係另有一番味道，原條的刺身大概有20件，份量大。魚味好濃，肉彈牙，亮點係點豉油加薑，非常夾，比起芥末來得好。豬頸肉串燒，望落好似好瘦咁樣，但係咬落去好軟熟，油脂分泌剛好。鰻魚串燒，用左白鱔，無乜骨。個皮燒得不錯。價錢來講雖然略為貴左d，但係環境寧靜舒適，不錯。

巨峰提子汁梳打: 沒有巨峰提子汁味道, 只是很普通而且偏淡的提子汁味道, 外觀與內裏都不太吸引... 鱈場蟹肉沙律: 沙律醬與青瓜絲等配料混合得很融入, 蟹籽和青瓜絲都一樣卜卜脆的, 鱈場蟹啖啖肉, 蟹肉一絲絲的!!! 讚!!! 黑松露帶子: 帶子很巨型肥美的, 經微微輕煎過後, 再配上黑松露, 那股香氣是直撲我們的鼻孔!!! 軟殼蟹天婦羅: 炸得不是很乾身, 吃得滿口都是油!!! 泡菜炒豬肉: 豬肉肉質幼嫩, 熟的程度剛剛好, 配合偏酸的泡菜, 很開胃!!! 碎吞拿魚卷: 對比上面的食物, 這是一道很清淡的卷物,  沒有特別的驚喜... 串燒: 豬大腸燒得外脆內軟, 但豬大腸體積可以切細小一點, 和牛就燒得過熟了, 完全失去入口即溶的口感!!!

今日約了一個朋友去尖沙咀傾訴心事，朋友介紹這間位於尖東的居酒屋，就在4D奇幻館對面。餐廳人流不算多，適合聊天。我點了一碗三文魚茶漬飯，紫菜切得很細，三文魚份量不多，但價錢只是50左右，抵食。飲品方面，我選了巨峰提子乳酸飲品。提子味道濃，飲品不太甜。天婦羅及酸八爪魚味道都不錯，酸八爪魚味道較濃，適合一邊喝飲品，一邊吃。不過，其實醉翁之意不在酒，我們到這裏的主要目的是傾計，環境舒適，對我們而言才是最重要！

特選什錦壽司（$388）什錦壽司款式好豐富🍣，而且賣相精緻，有帆立貝、三文魚籽，碎蔥吞拿魚，仲有海膽同拖羅，拖羅食落有入口即融嘅口感🤤，油脂係口入散開，味道好香，司令都幾鐘意食帆立貝壽司，肉質厚實，味道鮮甜。-豬大腸串燒（$32/一串）豬大腸燒到漲卜卜，外皮帶金黃色🌝，以為食落會偏硬身，點知咬落外皮香脆，內裏軟熟，味道鹹香帶點椒鹽味，不過食太多感覺都幾油膩😂。-黑豚肉泡菜鍋🐷（$82）湯底飲落有淡淡嘅泡菜味，仲有小小豬骨嘅鹹香，味道都幾開胃，中間加入左唔同嘅配料，有金菇、菜等等，吸哂湯底嘅味道，倍加美味。