花見月 (已結業)

今日朋友專程由科學園外賣魚生飯比我，衣間日本野lunch hour都幾多選擇，有日式定食，拉麵，魚生飯，淨係魚生飯都有好幾款可以揀，由於我有選擇困難症，就揀左個雜錦，唸住乜都試下雜錦角切魚生飯，外賣都幾底，八十幾蚊，份量幾足，都多飯，有玉子，三文魚，油甘魚，帆立貝，魚生都算厚身，配料有薑，成個飯性價比幾高，d魚生食落唔會話好唔新鮮，果道幾好，撈埋鼓油wasabi好正好好食，而且好清淡，好岩d想食得light d既

趁天氣好好到戶外呼吸一下新鮮空氣, 由沙田行到大埔就最啱我, 行到攰就響科學園午餐小休一下.呢間日本野環境好舒服, 午餐有多款定食選擇, 飯或麵食都有.我選擇左火炙三式丼定食, 包括有火炙左口魚邊, 帶子及油甘魚腩, 係三款無咁濃味既刺身.帶子最吸引我, 豐厚而肥美, 有口感. 鮮味洋溢響口腔, 火炙後亦無影響新鮮度.油甘魚腩亦夠厚切, 魚脂充足, 左口魚邊口感彈牙, 鮮甜味十足.

科學園有好多餐廳, 有時間都會過黎食午餐, 人無咁多又可以泊車.最鍾意食日本野, 所以再黎花見月.呢度既刺身夠新鮮, 所以揀左七式魚生丼, 其他小食或者刺身亦可以追加.七式魚生有吞拿魚, 油甘魚, 三文魚, 帶子, 甜蝦等等, 集合左唔同味道既海鮮, 幾款魚刺身既油脂豐富, 入口夠嫩. 最鍾意甜蝦夠鮮甜, 彈牙, 好有蝦鮮味. 帶子亦好新鮮, 令人回味.簡單既一款魚生丼, 已經可以食到幾款唔同既新鮮味道, 確實令人滿足.

上OPEN RICE 搜查科學園餐廳, 見這間日本餐廳所以試一試, 入坐時只有2 枱客, 當時也有一點卻步, 但山長水遠開車過來也懶得去找其他, 於是冒險一試.  餐廳環境與大學飯堂相近, 我們叫了3個晚餐, 汁燒牛扖, 生薑豚肉, 北海井及刺身并盤, 叫了不一分鐘已送餐, 好明顯是一早煮定的飯堂2餸1湯白飯任裝 style.  所有的熱菜是冷的, 飯湯都是暖的, 我的北海井上面的魚生只有3片三文魚及一篤5毫子咁大的海膽及幾粒三文魚子, 這在超市$68的貨色在這裡要$198.  最重要那壽C飯是已結了一大舊, 看似已放在碗裡雪了2天似的. 埋單$9XX 以後都不會來.

🍴菠菜豚骨湯炸雞叉燒拉麵賣相恐怖的青bb湯底令我有點卻步，不過叫左都要食。食落不錯，菠菜味濃，不似人工調味，有點可惜的是點解炸雞唔另上呀。。浸稔晒啦🤯。拉麵口感彈牙，無䅐水味。叉燒都好好味。炸雞叉燒各三塊，都算合理，不過拉麵等候時間較耐。🍴吉列厚切黑豚扒定食反觀同事點的吉列豚就好吸引。真係好厚，外脆內軟。不過炸粉厚左啲。另外跟餐會有2款前菜，一般般。🍴檸檬水檸檬水細心的去皮，唔怕澀，抵讚。

今日路过帶侄子出黎食飯，系科學園就黎左泥間花見月，日本餐廳食飯，因為唔係好想食太多飯，之後就試左佢地新出既假期兒童餐叫卑小朋友同我一齊食。食物🌟🌟🌟🌟照套餐計算其實好平，之前夜晚黎食散叫壽司一件都係12蚊左右，比起出邊居酒屋二十幾蚊一件壽司算平。雖然係兒童餐，但玉子都係大大舊，腐皮壽司熟蝦壽司都唔細，都有返咁上下質素。包埋橙汁一杯烏冬一碗同小食，量又唔少，我比較中意牛肉薯餅不會太鹹好岩小朋友食。🌟餐牌係分好嗮有三個套餐分別係 櫻，藤，葵，但問返侍應好似六日假期日先有得食環境🌟🌟🌟🌟環境黎講泥度風景都好靚，落地窗係環狀既，可以見到出邊科學園design既涼亭最後埋單237$，好值得一試，因為都幾豐富下，一個餐當下午茶都已經可以食得好飽，下次經過會再食。

平時好少黎科學園, 因為想視察下隔離既新樓, 所以特別過黎行下. 星期六日好多踏單車或散步既途人, 不過地方好多, 唔會覺得擠迫. 餐廳都幾多種類, 口味, 唔錯.入左呢間日本野, 都好多人, 不過坐位好多, 唔洗等.午餐主要係定食之類, 我要左火炙三式丼, 可以食到魚生之餘, 又唔怕太生肚痛.三式有帶子, 油甘魚, 左口魚, 三樣我都鍾意.左口魚唔係度度有, 食落好爽口, 味道夠鮮. 帶子大大粒, 夠肥夠厚, 入口特別滿足, 好鮮甜. 油甘魚腩, 夠晒肥美, 油脂特別豐富, 但唔覺油膩, 個魚皮燒到燶燶地脆脆地, 特別香口.飯底係珍珠米, 一粒一粒, 不經不覺已經扒晒入口.

放假日很想慢慢享受時光, 散步來到科學園午餐, 這里有好多餐廳選擇.最後選擇這間日式餐廳, 環境很舒適, 落地大玻璃, 很悠閒的感覺.要了海膽特上什錦刺身定食, 剌身擺位很精致吸睛.先嚐一口海膽, 很滑溜, 味道鮮甜不腥, 很細膩的.帶子跟甜蝦也很彈牙, 鮮味十足, 沒有一點冷藏味.魚分別有三文魚, 吞拿魚及油甘魚, 三款都係軟嫩, 很不錯.白飯很大碗, 女生吃不完. 還有漬物, 食完減少飽濟感.

去完沖繩都幾個月了, 果度真係好多出名既食物, 有苦瓜, 海葡萄, 黑糖, 紅芋,蕎麥麵等, 一次旅程都食唔完.今日午餐地方竟然有沖繩苦瓜, 二話不說就決定揀呢個苦瓜炒豚肉定食.沖繩苦瓜脆綠, 切得不會太薄, 食落有咬口, 爽脆的.至於味道甘甘甜甜, 不會有苦澀味, 平時無食苦瓜既同事都話好易入口, 而且加左蛋一齊炒, 更提升甜味.豚肉亦夠軟嫩, 唔韌, 很香的肉味.食完令我更回味沖繩美食, 下次會再黎回味.

很久沒有來這這邊數碼港遊玩了，數碼港這邊現在發展得很好，以前這邊很寧靜的，現在假日都很多一家大細來這邊遊玩，因為平時都在市區比較密集高樓大廈，但這邊比較近海邊比較舒服，玩完咁梗係要搵返啲嘢食醫下肚啦，搵左呢一間日本餐廳，叫咗個金槍魚三式丼定食（金槍魚腩、金槍魚、金槍魚腩蓉）魚生最緊要新鮮，如果唔新鮮咩都係假嘅，食落夠凍，一定係雪櫃攞出黎的，魚生鮮甜入口溶化不會太多根，尤其預覽部份特別肥，肥瘦文都出晒黎。叫咗個天婦羅，皮炸得鬆脆，咬落不油膩，蝦爽口鮮甜。

天婦羅最緊要就系個炸粉，炸粉唔靚炸真系講咩都無用，炸粉不能太實，太實粉就會搞到硬到死，就無左鬆化既感覺，還有要炸得外乾內濕，外面一濕炸粉就會林左，所以一定要乾不能油，內裡一乾，食物就會變得乾到無晒肉汁煮得太老既感覺，所以今次呢個天婦羅就做到呢個感覺，吃落鬆脆既炸粉，蝦炸得剛熟蝦肉好彈牙好鮮甜，水潤度很高。炸南瓜，炸番薯夠粉內裡炸得夠林，南瓜甜甜的。呢度好岩會開車既人士，因為好多位泊車，又可以黎踏下單車。

科學園系一個可以放電的好地方，空氣清新遠離市區繁囂，放鬆一下心情的好去處，一家人去仲可以帶小朋友沿海踩下單車，晚飯時間更系會去附近食下野，小朋友都喜歡吃日本野食，甘就去試下食啦，價錢又合理，不太貴最好味柚子醬燒雞定食，上台已經好香煎雞味，望落一點也不會油膩，雞肉吃落嫩口，一點也不會鞋口，吃落口唔會乾爭爭甘樣，有豐富肉汁，雞肉煎得外胞嫩口的感覺，吃落口酸酸甜甜的，不會過多柚子令到苦澀，配上飯吃會吃不停

最近天朗氣晴，想感受一下太陽又想遠離繁囂，特意來到科學園。餐廳面積很大，天花很高，走簡潔風，正門一大落地玻璃，能感受自然光又可看到外面樹景👍🏻👍🏻食物價格合理，我點了七色魚生丼定食 (HKD112)🍱 雖然食物質素一般，但其勝在環境十分舒適，另外這裡客人不多，可以逗留好幾個小時，十分適合假日想慢活的人😊

第一次嚟科學園，就食呢一間。好似係唯一一間食日本嘢。先講味道，其實就一般般，唔好諗住會好有驚喜或者好好食，而份量嚟講都夠食。杯嘢飲就細左dd，但幾好飲嘅。咁當然，呢度嘅環境搭夠，全部落地玻璃，食個午餐或下午茶都唔錯。遠遠望出去，一個優閒嘅下午就咁渡過。除左環境外，服務態度幾好，大家都好有禮貌，上菜速度都幾快，如果係心急食嘢嘅人都無問題。總括嚟講都不過不失，如果咁岩嚟科學園又想坐低食下嘢，都係一個唔錯嘅選擇。

我從不寫評語，但這個地方太令我失望！話說今天中午十二時我們是第一枱客，叫一碗拉麵說明要好熱好熱湯，來到不夠熱再煮後，啲面還是一餅，豬軟骨是硬的！我都沒有再換了，叫咖啡的時候，女侍應問我是不是要好熱好熱的咖啡？？？最後杯咖啡來的時候，是倒咗一半再加熱水的咖啡⋯⋯因為杯邊是倒過的痕跡，咖啡顏色也是像涼茶一樣，我問女士應是否這樣做這杯咖啡，她呆了⋯⋯答咖啡是即磨的，她是否想香港人是非常愚笨，還是她忘記這是香港地呢⋯⋯我並不歧視中國同胞但也是文化差異！很同情老闆這時代是很難找到好員工，可真浪費了這地方