花見月 (已結業)

去科學園玩完肚餓，行到熱辣辣可以食埋先走唔使又出去同人迫， 呢間日本野星期六/日都開真係好估唔到呢到竟然都有刺身食真， 大熱天時好想食d凍野開開胃。 d魚生好厚，係腩位又叫左個鰻魚飯定食，跟個好大件嘅炸雞沙律， 鰻魚都好厚身值得一讚。不過如果定食跟埋個蒸蛋就更加prefect, 可惜要另外叫， 不過係幾滑。友人試左個"牛肉稻庭烏冬"我覺得可以改名做"超級肥牛稻庭烏冬", 因為d肥牛超大塊， 仲大塊過去食火煱個d 。另一佢仲有好多款串燒同埋幾款特選嘅日本啤酒，夾晒。

遊車河路經此地，不如在這裡覓食？晚上的科學園，營業的餐廳並不多，選了燈火通明，門面簡潔明淨的花見月。點set dinner 已有三款刺身，可謂划算至極！雖然為跟餐的前菜，但質素絕對沒有"揸流攤"！三文魚的色水超靚！顏色橙白分明，肉質有光澤。味道豐腴有魚油香。重點是厚切，口感頗佳。食放題分分鐘都唔會有帆立貝食，反而在這裡跟餐都有得食！ 帆立貝size 得體，肉質柔嫩，味道鮮甜。甜蝦同樣有光澤，味道甘甜可口！一人定食的沙律竟然是大大的一碟，怕你吃不飽似的。沙律入面有superfood -羽衣甘藍，好健康，不過羽衣甘藍是一種令人非喜即惡的蔬菜，我就是不太喜歡那種有"餘韻"的苦澀味。但其他沙律菜都好好味，醬汁是黑醋汁加點芥末籽，酸酸辣辣，挺開胃。更有炸雞兩顆，同樣誠意滿滿，炸得外脆內嫩。北海丼定食（海膽，北海道帆立貝，甜蝦，三文魚）（$198)色彩繽紛，令人食慾大增。有同樣高水準的三文魚，帶子及甜蝦。更有海膽及三文魚子。三文魚子也是很新鮮，粒粒飽滿和甜美，而且很好"下飯". 海膽的份量也不少，但味道不如前者的刺身般甜美，但最少也不腥。照燒澳洲和牛定食（$258)牛扒外層已經熟成，但內部仍然是嫩

今日老公約我去沙田科學園晚餐。地方雖然比較偏僻，可以在沙田火車站轉小巴，到達後看到綠油油草地樹木，心曠神怡。而且環境很清靜，可以很浪漫2人散步到餐廳。餐廳正門餐廳用落地玻璃，天花很高，吊燈設計長短不一，而且地方潔亮，還可看到外面樹景。餐具很精緻，服務員先給我們綠茶。我們分吃點了2款主食，3款小吃。蒜香醬油义燒拉麵$88很驚喜的义燒，非常軟滑入口感覺很奇妙，义燒厚身有3片。醬油湯濃郁，有粟米粒，木耳絲，芽菜， 生蒜，炸蒜。味道很香蒜味，拉麵煙韌有咬口。七色魚生丼定食$188有三文魚腩，鮮帶子，大隻size甘蝦, 金槍魚，白鯛魚，吞拿魚，蟹子。炸雞沙律，雞肉炸得外脆內軟，有3件配沙律菜。麵豉湯魚生又厚又肥，三文魚腩爽口，鮮帶子極鮮甜，甘蝦很甜，金槍魚彈牙，吞拿魚軟腍，白魚甘香，全部無雪味又夠凍，讚另外我們點了小吃築地佃權魷魚餅$48魷魚餅賣相黑了些，但很脆，內裡十份軟綿綿有大量菜和魷魚粒，有點像章魚小丸子變奏版。圖中還有一卷物為:花月月特色魚生卷原來用三文魚，吞拿魚，白魚共3款，上下以火灸燒，做到半生熟效果，香味提升。幾特別芥末醬軟壳蟹天婦羅$68真的很吸引，一隻開2，中間見到黃油膏，沙律

又到左我們的紀念日啦今次一於揀一間靜靜地又有少少浪漫嘅餐廳🍴餐廳個名好配合環境，科學園就係一個花園咁，周圍都係講環保、節能，又有好多植物。而今晚又真係睇到月亮。餐廳好高端時尚，簡單嘅裝潢都已經令整個氣氛好溫暖，好光猛。門口有每日嘅晚市套餐，有少少設計之外，又唔會好死板沉悶。睇得出好有心思。點了一份北海道丼定食。呢款定食集齊晒我最愛嘅魚生，包括海膽、三文魚、帶子、甜蝦。真係好豐富。三文魚非常厚身，而且都好新鮮，啖啖都口感豐富。而帶子都好滑好有口感。另外，晚市套餐是有刺身做前菜的，呢個份量是兩人的，有甜蝦、三文魚及帶子。其實全個晚市套餐係有沙筆、刺身前菜及主食，相當豐富，性價比高。而且餐廳絕不吝嗇，份量十足。小食方面點了一份魷魚鬆餅，是餐廳推介的招牌菜。內餡非常多魷魚，而且唔會好乾身，果然是值得一試呀

星期日沒有落雨又放假，在大學站開GOBEEBIKE踩單車到科學園吃晚飯，避開鬧市既人群，才帶一絲放假既感覺。單車經過這裡，第一眼以為自己到了輕井澤，那落地大玻璃加上前面既榕樹根，這個角度完全不屬於香港。這是一間日式既餐廳，面積算大，樓底好高，就算這晚近7成滿座都不嘈吵。檯與檯之間的空間感算足夠。三文魚牛油果沙拉，身為牛油果控，沙拉上的牛油果還沒有到達１００分熟成的狀態，以致牛油果的味１未能完全展現，有點可惜，三文魚在遜色的牛油果陪著下，也只可默默地做好本份。我們兩個都叫了丼飯，不過說實在魚生的睇頭略遜，這個金槍魚三式丼定食定$158 ，附上蕃薯和紅白蘿蔔漬物，麵豉湯一碗，湯內配料好多，有豆腐有菇菌，魚生亦算新鮮但未算肥美，對於這個價錢的晚餐，無論飯或魚生都可以多一點。北海丼定食$198 ，這是主餐牌以外的MENU，除了魚生飯外，還有一小碟刺身 (雖然跟魚生飯上的刺身款式一樣)，也有麵豉湯，炸雞沙拉等。沙拉算正常，沒有太大驚喜，伴隨兩件炸雞，口感像麥樂雞，唯沙拉汁份量未夠，菜吃起來比較乾。刺身飯，有三文魚，帶子，甜蝦，海膽等，所有刺身都是一口份量，不過三文魚稍稍厚切，脂肪分怖干均，假如另

日本的春天是沐浴在粉紅的櫻花海中，香港的春天.....好像沒有。自從得知科學園栽種了幾棵櫻花樹，春天總會偶意想來這邊逛逛既然有櫻花，那少不免食返一餐日本菜，配合一下花見月，很優雅的名字餐廳採光十足，主色調為白色，配襯木系桌椅前菜味付螺頭及 木耳螺頭是大路款式，木耳即有點出乎意料火炙三色丼定食內有 油甘魚、帆立貝及左口魚邊這是三色嗎? 看上去全部都是白色(笑)或者是叫三式比較啱吧油甘魚味清，帆立貝經輕輕火炙後，鮮甜依然左口魚邊入口油脂夠香北海丼定食內有海膽、帆立貝、甘海老、三文魚賣相一流海膽及帆立貝的鮮甜味充足，海膽質地不會一PATPAT甘海老沒有坊間那種入口很黏的感覺以往即使食魚生丼，也不愛拌以薑片但今次之後令我喜歡上薑片的微辣，更能帶出海鮮的鮮甜味呢

假日踩單車踩到科學園金蛋附近，就開始肚餓啦！望下錶都成一點幾，係時間搵吓嘢食，喺科學園入面見到依間日本餐廳冇乜人，就入咗去試吓啦！入到商場，依間餐廳分開兩面，一面行快餐路線，一面行高檔路線。我地當然要快靚正，快d醫完肚就繼續踩去大埔方向🚲🚲。快餐果面，選擇都幾多！最後決定試下個魚生飯，午市$54，依個地方收依個價錢真心唔係貴！比預期中有驚喜，每款魚生都有兩片，而且好新鮮，喺科學園入面，依個魚生飯真係抵食，出面市區都唔只依個價！ 但係飯量比較少，女生食就岩岩好，男生就有機會唔夠飽啦，仲要踩左半日單車先黎到補給能量😆

難得入科學園揾朋友食飯，梗係揾間坐得舒舒既依間餐廳啲位都幾闊落，不過個價錢當然比出面個啲貴少少啦。泡菜豬肉定食個賣相一般，不過味道都幾好泡菜辣辣地，幾開胃~ 成碗飯食哂可以選擇再來食

約個朋友食飯, 佢響中文大學返工, 方便D就黎左科學園食飯, 呢度多選擇, 而且人唔會太多.日本野大家都啱食, 除左正常既壽司, 刺身, 串燒之外, 冬天仲有幾款特式鍋物.壽喜燒較少食, 所以選擇左呢樣.個湯底係洋蔥加甜豉油, 加左洋蔥感覺清新, 溝埋甜豉油甜甜地, 可以中和洋蔥既辣味, 之後仲加埋生蛋, 一路滾越黎越杰身.美國肥牛唔會太薄, 脂肪比例平均, 入口夠軟腍彈牙, 牛肉味濃香.個鍋仲連埋一盤菇類, 豆腐等野菜, 食到咁上下加埋落湯, 索下有肉汁既甜湯, 更加好味.個餐仲包埋稻庭烏冬或者珍珠白飯, 食埋夠晒飽, 亦唔會太濟.

最近，真的很有食神，整個禮拜都在吃新鮮的海鮮，真令人興奮。這是，我與友人到了科學園吃日式晚餐，進入餐廳後，感覺餐廳環境非常雅緻，以木色為主色調，而且設計優雅，座位挺舒適。等待所有朋友到齊後，我們立即看餐牌，餐牌上的食物選擇非常多，經店員推介後，我們決定吃壽喜燒、壽司和串燒。壽喜燒火鍋這間餐廳提供的壽喜燒是比較港式的壽喜笑火鍋，湯底是甜豉油日式濃湯，有一大盤野菜及一碟肥牛，另配生雞蛋一隻，湯底甜甜的，味道正常，肥牛沾上生蛋黃汁來吃，味道更香更滑。壽司壽司質素正正常常，最值得推介的是三文魚子軍艦，三文魚子粒粒晶凝通透，味道鮮美香甜，而且充滿彈性，非常不錯。串燒朋友幫我們額外order了幾款串燒，有雞翼串燒、牛舌串燒、燒秋葵及冬菇等。最喜愛吃燒秋葵串燒及冬菇串燒，冬菇仍然保持濕潤，而秋葵的質感則非常特別，推介喔。總括來說，這間餐廳的食物質素不錯，環境挺舒適，價錢不算昂貴，科學園的員工到這裏用膳非常方便。

放假帶阿女去放電，千里迢迢來到科學園。到海邊跑步，到睇下金蛋，已經無力。見到呢間餐廳環境好靚，落地大玻璃！食物選擇多，價錢合理！同阿女一齊食—豚肉生薑定食，再追加茶碗蒸。個汁太甜，唔夠薑味。蒸蛋好滑好香！

今天下午去了科學院拍照，冬天特別容易天黑，不到六點便不能拍了。入夜後，寧靜的科學院別有一番情調。找了花見月這一間優雅的日式 fusion 餐館，進去後便馬上被她漂亮的燈光吸引了。悠揚嘅音樂襯托，好有mood. 天氣凍凍的，不如就食佢哋嘅冬日火鍋精選吧。前菜有夢白、蓮藕漬，甜甜的^_^胡麻豆腐沙律，細細份剛好，因為重點是肥牛火鍋！三品刺身甜蝦、帶子、三文，不錯！來一杯清酒先！牛肉壽喜燒 HK398 (2人前)今晚選擇牛肉壽喜燒 ，有美國肥牛肉片、雜菜、大葱、豆腐、葛粉絲等。再可選擇稻庭烏冬或珍珠白飯。壽喜燒湯底係洋蔥加甜醬汁。加粒生蛋。美國肥牛肉份量不少，夠新鮮，牛味香！重可以加價追加。大量野菜好健康！甜品是柚子雪芭，酸酸甜甜， fresh!!呢個餐都幾抵食，一定飽肚。肥牛無得輸！

呢間餐廳其實成日踩單車經科學園都成日撞到佢嫁啦,今次第一次試食, 環境算OK不錯的,可惜的是今次炸爐壞左~好多野試唔到~SUSHI方面, 整得不錯的, 飯少,菜多, 米係普通白飯(有些餐廳會整成紅米調左汁先)米夠痴夠凍, 所以完全無問題!三文魚好味, 有小小溶的感覺, 味道濃. 上面有d魚子, 夾埋食都係唔錯,整體呢到既sushi水平都係偏高~刺身算新鮮, 我覺得呢到比較主打係 刺身,sushi等,所以大家食呢間餐廳時可以優先選食sushi/刺身.烏東個湯係醬油湯, 牛肉無整到太熟, 味道正常, 我個人覺得樣樣都ok, 如果配料可以加多小小會更好, 因為就咁望落去有d單調!蛋唔錯, 入面有d菇, 食落主要好滑同埋比較香,份量正常SIZE.牛扒, 約6成熟左右, 但係有點偏硬, 味道就幾濃牛肉味, 肉質應該算靚,會配碗白飯俾你食, 有汁可供客人點用!

上兩星期同朋友係大埔踩單車踩到咁上下又曬又熱就入咗科學園抖一抖兼食下野呢間叫花見月既日式餐廳甫入門已覺得裝修好明亮，用左落地玻璃，望到科學園既內園景觀利用日光把整間餐廳照亮了，感非常悠閒寫意店員奉上餐牌還有假日餐牌原先點了霜降吞拿魚沙律配稻庭烏冬可是剛巧賣光了，店員說只可配雜錦魚生沙律，我地一樣照點了食物上枱時目測到份量都挺多呀！左邊的刺身份量一點都不吝嗇呀跟餐配的蒸蛋及三文魚壽司加＄10還點了一款明太子雞翼雞翼炸得香脆而不乾身，明太子帶點辣味，10分惹味甜蝦egg benedict實際是非常吸引因為外面的餐廳甚少有甜蝦benedict 配上炸薯角及沙律朋友點了澳洲和牛定食配白飯和牛肉質帶點微紅，但食落有點韌魷魚餅這款小食是挺失望的，外皮煎得很燶其實類似大阪燒，入面有椰菜、魷魚及粉醬整成最後還點了Latte & 玫瑰果jam牛奶果Jam牛奶幾特別👍🏻👍🏻又不會太甜整體黎講呢間餐廳俾我既感覺好relax 係同朋友chill 一個下午既好地方

平時10年都唔入一次科學園，今次難得同朋友過嚟一於搵吓有咩新餐廳食先😽😽 經過見到呢間門面好靚同埋個名好有詩意💗餐具靚真係令人食慾大開☺️☺️我哋叫咗個三文魚牛油果沙律，三文魚同埋牛油果好夾加埋佢嘅沙律醬好開胃🎶因為我哋三個都係女仔所以食嘅嘢比較健康，我哋仲叫咗個沖繩苦瓜海葡萄沙律😁係我第一次食海葡萄啊！好有海水嘅味道🙈係咪證明佢新鮮 哈哈洋風燒帆立貝，本身我以為佢係燒熟晒嘅，結果原來係半生半熟😸唔好以為唔好食，其實佢咁樣口感反而仲特別😋 我仲加埋海葡萄同佢一齊食，海鮮加海水味，其實係別有一番滋味😆牛油蘆筍炒野菌，蘆筍係好健康嘅食物💗加上佢呢度嘅蘆筍好鮮嫩，完全唔會有渣嘅問題😁😁柚子炸雞，早排好興飲韓國嘅柚子蜜，原來可以用黎配炸雞食！😄味道仲好夾添😋最後因為驚唔夠飽仲叫咗個海鮮天婦羅定食，佢嘅天婦羅炸粉好薄，唔會食到成口都係粉☺️☺️ 我地三個人仲爭食隻炸蝦，哈哈呢度環境好靚坐得好舒服，同埋出面個景都唔錯架，我哋叫咗兩支啤酒一齊飲，因為佢呢度嘅係手工啤酒所以我哋要試吓😁我哋試呢兩款有果香味同埋比較淡，都適合女仔飲😉😉