芳華絕代 (已結業)

✏️P仔飲食台🇭🇰🎗芳華絕代🥘🧑🏻‍🎓間唔中P仔都會突然間好想食餐泰國嘢，好似燒豬頸肉、蝦餅，仲有一定要飲嘅泰式奶茶。喺太子就有一間好啱打卡嘅黃店泰國餐廳 — 芳華絕代，好啱去試吓！🍽之前P仔同朋友去食嘅時候就叫咗2個一人套餐同一個二人套餐。一人套餐就會有一個小食拼盤、一個主菜同一杯嘢飲；而二人套餐就會有會多一碟海南雞同湯！🦐首先講下佢哋個小食拼盤，入面會有4款唔同嘅小食，包括蝦餅、雞翼、雞卷丸同素菜春卷，全部都幾香口幾唔錯，不過P仔最鐘意嘅都係蝦餅，蝦肉幾彈牙好好味，而其他三款就普普通通！🥩至於燒豬頸肉就幾香，有少少甜甜哋嘅香茅味咁，唔會好乾好韌，不過如果可以再脆少少就好啦；至於海南雞份量都唔算少，食落好滑，去曬骨啖啖肉都幾唔錯，點埋個酸酸辣辣嘅汁都幾開胃。🍛P仔就比較鐘意個馬沙文咖喱牛腩，唔會好辣但係咖喱味好香，牛腩唔會好鞋好韌，配埋飯食都幾唔錯幾好食，好快就會食曬碗飯！🥘冬蔭功湯就好香濃，但係又唔會好嗆，P仔最驚就係飲完喉嚨會嗆到有少少痛嗰啲，但係呢個又唔會，入面仲有蝦，所以個湯都幾唔錯；而泰奶就都係正常嘅泰式奶茶味，甜甜哋咁仲有佢獨特嘅味，係正常嘅好飲！

冬陰功湯好濃郁 唔會話好辣飲完之後都好滿足小食拼盤 望落去雖然唔係好多嘢食 不過兩個人都夠食 推介一定要食海南雞 海南雞超滑 再點埋個醬真係超級好食 我哋兩個人嗌咗呢一台嘢食 食到超級飽！

今日去朋友推介嘅泰菜食生日午餐🥣由於依家6點後冇堂食，只好係晏就食生日飯。我係前一日bk定2點半去食，到達發現店內人客唔多，可能已經過左午飯時間啦。一入去要量體溫同搓手液左先可以入場，之後員工好快俾咗水我哋，員工態度都還可以。依間店冇下午茶應該，咁我地就叫左2個lunch set — 金邊粉同冬陰功車仔麵（金邊粉配扎肉炸魚皮同豬頸肉），野飲我地叫左美祿同珍多冰（需額外加錢），另外我地加左小食蝦餅。等左一陣就到左野飲同小食，小食蝦餅比起平時見嘅蝦餅唔同，呢度蝦餅比較扁身，味道還可以。 野飲方面: 美祿正常，珍多冰覺得椰汁冇咁濃，感覺水左小小。之後冬陰功車仔麵到先，冬陰功味道唔錯，但俾我平時食嘅泰國菜嘅冬陰功比較冇咁酸同辣，所以唔食得辣嘅人可以試吓，另外炸魚皮味道唔錯同夠脆。其後金邊粉到，金邊粉味道出奇地入味，而辣椒粉撈埋一齊都唔錯，所以兩個主食中我比較鍾意金邊粉。由於唔多人所以應該而家冇特別限時，如果第二次食我應該唔會再嗌珍多冰，因為比我期望差啲。總括而言，兩個主食同飲品都還好，價錢大嘅$200-210左右。

呢間想食好耐啦 今次終於去到打卡！！門口有「芳華絕代」餐廳入面有「風月 」既霓虹燈裝飾超級搶眼嘢食方面 春卷炸到岩岩好 夠哂脆 另外雞肉串就吾係即叫即燒 似係整定 偏鞋口 有小小失望～另外叫左個豬頸肉炒金邊粉 撈埋哂啲花生 辣椒粉超級惹味呀 不過越食越辣 都飲左好多杯水呀最後係個青咖喱 個肉都係有啲鞋口既 但好在有個汁搭救撈飯食泰國奶茶同青檸梳打都好好飲超級解渴~整體感覺都好好架啦 呢個環境 呢個價錢 絕對值得再試

呢間餐廳好早就聽過，餐廳裝潢幾有特色，好適合喜歡打卡嘅你！🤫當時可能係兩點幾嘅關係，唔係太多食客。.「滷水豬髀飯」$70🍽：午餐份量都算多，有好多酸菜，個人唔太喜歡食豬髀，感覺太肥膩。男朋友話味道唔差。😂.「泰北海南雞飯」配油飯 $70🍽：海南雞真係令我有啲失望，肉質唔滑，同其他泰國餐廳比較，呢個真係好一般。.午餐會包一杯餐飲，環境係舒適嘅，餐廳職員亦都好熱心，會加水同收拾餐具。可能其他嘢食會好味啲！？大家可以試下。

食佢係因為佢lunch平靚正咁又係黃店，個食後感就係真係平靚正而且啲員工由我打去開始已經feel倒服務態度係幾咁好🤙🏿見唔見倒啲飯嘅光澤！😂😂😂😂😂叫左個芒果糯米飯幫朋友補祝生日，有牌同蠟蠋🥰預早book位仲會有折！

呢一間餐廳外牆嘅霓虹燈10分吸精，而食物亦都絕不馬虎，難怪長期都打晒蛇餅咁排隊。芳華絕代一開頭聽個名唔知食咩菜，見到餐牌發現佢主打泰國、馬來西亞、新加坡等的東南亞菜式。今日叫咗一個船麵，坊間嘅船麵較為細碗，但呢一間無論麵嘅份量或是餸菜嘅份量都偏多！湯底濃郁，香葉味亦都滲透落到湯底！正！再叫咗一個炒金邊粉，略嫌有少少太濕，但味道絕對可取！餸菜絕不吝嗇，配上一小舊青檸，啱晒鍾意食酸啲嘅朋友仔！飲品方面叫咗米淥恐龍，超級超級好味！（雖然有少少甜得濟），但等冰塊稍為融化就啱啱好！午市套餐可以加配蔬菜或者小食，價格不算太貴，小食份量適中！

每次經過芳華絕代，總見人頭湧湧😳。早排的起心肝訂位，終於有機會一試😎。研究餐牌，發現一人套餐比二人套餐抵食，於是就叫咗兩個一人餐。首先上枱嘅係小食拼盤（呢度係半份，另一半已秒速被人幹掉😆），有蝦餅，雞卷丸，素菜春卷同雞翼，全部都炸得香脆熱辣辣，個人較喜歡蝦餅同雞卷肉，頗惹味😋，雞翼就略嫌乾咗少少。主菜揀咗去骨海南雞配香油飯，雞肉頗為嫩滑，油飯充滿雞湯香味，唔錯。另一個餐係泰式鮮蝦炒金邊粉，蝦嘅份量出奇地多😮，亦夠鮮味，不過金邊粉嘅味道同平時食開嘅有啲唔同，甜酸味較弱，並唔係我最喜歡嘅味道。值得一提係灑喺碟邊嘅乾辣椒非常辣😵，如果唔係好食得辣，千祈唔好將佢撈勻。最後加錢食埋甜品，椰汁芋頭西米糕味道正常，椰青大菜糕入面嘅椰青絲有咬口，幾好食。總結而言，呢度嘅食物水準正常，但價錢略嫌偏貴，不過由於環境靚，如果鍾意打卡位嘅，都係唔錯嘅選擇。

想食泰國嘢又唔使走到去九龍城嘅上OpenRice見到呢間好多人又近近地一於就嚟呢度試吓啦訂位時冇留意原來有限時90分鐘到咗之後先發現但本身諗住都OK啦最多食完轉場去食甜品慢慢傾偈食泰國嘢一定要有青木瓜沙律酸酸甜甜幾清爽加埋啲魚露 真係好開胃炸蝦餅拎到過嚟時已經凍左炸嘢唔熱真係好扣分不過本身個蝦餅係好彈牙嘅豬頸肉pad thai豬頸肉笑得幾香口Pad thai又炒得夠乾身個菜都唔知點解又係凍嘅😓其實佢啲嘢味道係幾好食但可能因為太多人我覺得係煮完冇人拎出嚟卦我等嘅時間仲耐過食嘅時間佢又真係70分鐘左右就開始係咁黎收嘢下次試吓搵個少人啲嘅時段再嚟食過囉今次嘢食OK 但服務真係麻麻地

雙人套餐 $338泰式蠔蛋餅 $78炭燒豬頸肉 $78青咖喱牛腩飯 $78雙色芒果糯米飯 $78兩杯額外加泰式青檸梳打 $35杯一行四人朋友生日相聚嚟到旺角嘅芳華絕代（其實近太子）😂訂咗位唔洗等，上2樓望住街景，朋友係樓下都見到say個hi🤣叫咗以上嘢食，嘢食速度都嚟得幾快👍🏻唔洗等好耐先開餐！第一樣嘢係兩碗套餐冬陰公湯，甜甜哋但唔夠辣，本人鍾意食辣😝之後套餐海南雞嚟到，份量感覺上就偏細碟啲，但雞配上個汁好食，幾滑😛套餐小食拼盤份量就啱啱好，炸嘢都ok啦！套餐炒金邊粉好味都幾正宗！最好食就係單點嘅炭燒豬頸肉，燒得好好食，配埋個汁一流，份量4個人食都得！單點青咖喱牛腩飯就正正常常冇乜太大驚喜！單點嘅泰式蠔蛋餅就比較失望，雖然蠔仔都幾大粒，但比較少，好似食緊蛋餅咁🤪如果多啲會開心啲囉😛最後芒果糯米飯就出場喇，好味幾似係泰國食緊咁，芒果都幾甜，唔酸👍🏻

去到太子買花～本身想去食太子好出名的餃子店～但經過呢間芳華絕代俾佢嘅裝修吸引咗～就即刻衝左入去～去到先發現原來eatigo訂位係有折扣㗎～所以大家下次要來記得去eatigo訂咗位先 呢度嘅裝修好靚～好多霓虹燈管～絕對係好適合女仔過嚟打卡影相我哋去到嗰陣四點幾鐘咁岩有下午茶套餐～我哋嗌左個～泰式肉碎香葉煎蛋飯冬陰功車仔麵～泰式奶茶～熱Latte 個冬陰功車仔麵超好食～佢嗰啲泰式香料味超濃郁～我食完啲粉同配菜連個湯底都飲埋～個肉碎煎蛋飯辣度好適中～好開胃～但係令我最驚喜嘅就係個杯Latte~估唔到泰式店嘅咖啡都幾好飲～仲有一個唔錯嘅拉花～我下次一定會再過嚟試吓佢嘅晚餐

叫左碗ton yum soup noodle 食物味道一般。好彩有book 枱因為都幾爆滿。樓面服務員好年輕，似唔熟營運餐廳，我企左門口等位10分鐘（冇其他客人等位）個服務員見到我都唔招呼。佢好在冇限時but overall 食物質素同服務品質都有待改善。

幾個朋友約旺角食飯,要有feel又好坐,於是我提議去太子呢間餐廳,因為我好喜歡佢霓虹風格的設計,而且有2層,上層可以同朋友認真吹下水.呢度主打泰國菜,選擇都算多,不過我覺得份量整體偏細,有男仔的話好容易好快會話肚餓-0-下層有好多酒類，我覺得黎呢度最好就係叫小食飲野，好似飛天通菜同小食拼盤都唔錯，前者好入味又爽口，而小食拼盤Ｄ食物都夠新鮮熱辣，蝦餅最高分，如果每樣再多Ｄ就仲好。正餐我地叫左泰式鮮蝦炒金邊粉同泰式菠蘿炒飯，金邊粉略嫌有Ｄ太濕，好快漿埋一齊，都油左少少；相反菠蘿炒飯真係炒得好入味，又有新鮮菠蘿粒同肉鬆加持，本來要share,但我一個人都食左半碟去XDD不得不讚100次個芒果糯米飯真係好好味，糯米飯飯粒超軟糯，加上椰汁真係好甜同埋熟透的芒果，就算分一小份食都會覺得好滿足！

芳華絕代 💛旺角黃店💛-Lunch set🔍 椰子雞湯車仔麵 $70超鍾意佢椰子雞湯個湯底😍 好香好鮮甜😍 有三款料可以揀, 最後揀咗豬頸肉, 牛腩嗰啲, 不過覺得牛腩同呢個湯底唔係咁match🤣-📍芳華絕代 (旺角)旺角界限街36號1-2樓

喺香港食到又平又好食嘅太菜都真係要花啲心機搵，估唔到今日好好彩食到呢一間性價比極高嘅泰菜餐廳！環境🌟🌟🌟🌟🌟相信有唔少人嚟呢一到其實最主要係因為呢一度店內嘅設計，唔單止入面設計得好60年代霓虹燈嘅風格，門口出面既 「芳華絕代」都真係唔少ig打卡嘅必到熱點，非常instagrable！食物🌟🌟🌟🌟今次冇叫到佢嘅晚餐，因為同朋友都唔係真係太肚餓，所以我哋都係分開叫咗一個泰式生蝦，雞肉青咖喱飯同埋padThai。泰式生蝦不過不失，識落唔算係特別新鮮，不過都冇話變壞，口感都彈牙。其餘兩款食物非常之有水準，先講吓佢嘅青咖喱，真係好適合配飯食，好濃味，但係又唔會過鹹，可以改善嘅就係如果多啲雞肉就好啦！特別值得一讚嘅一定係佢嘅padthai!!非常之有泰式嘅風味，濃味不特止，粉無粉味，都唔會過淋過硬！整體我相信之後都仲會再繼續嚟，大家有興趣都可以嚟試吓！