芽莊越式料理 (新城市廣場) (已結業)

上星期經朋友介紹下 去左呢間越南菜見門口排哂長龍 所以對佢好高期望呀😍😍一入到門口 講到餐單每碗面都要$80以上真係貴左少少😳😳朋友推介要食蝦餅同春卷撈蒙我就點左個豬扒河豬扒河一般 但勝在豬扒都大塊春卷撈蒙真心好食 同一般既春卷唔同好香口呀食落亦唔覺熱氣但價錢偏貴 值唔值就見人見志 唔岩長期糧尾既人食

病左好幾日仲頭暈暈，唔想煮飯又唔想去老遠搵食，花先生選擇左新城市，貪佢選擇多，雖然人都多⋯⋯今日我地早去到，唔算太多人，花先生揀左芽莊。等8張枱用左25分鐘左右，如果唔介意搭枱應該可以再快啲。坐底第一樣野見到張紙巾，好嘔心呀咩黎架⋯⋯ 跟住望下啲餐具，都唔係太乾淨⋯⋯ 同店員講請佢換張紙巾，佢係木無表情，拎走污糟個張然後比過張你就算，一句聲都無出過⋯⋯ 我感受到忙碌既工作令佢麻木。炸春卷 - 唔駛兩秒已上菜，不過都好熱。春卷都多料，賣相認真麻麻，太燶！好彩食落無咩燶味。伴有青瓜生菜，但塊生菜細過乜，大塊啲可以包到春卷會更好。芥蘭苗 - $46 算幾抵食，都唔細碟！有好多櫻花蝦同花生，全晚至like依碟菜！生牛河加牛丸 - 生牛是滑的，牛丸都重牛味彈口，河粉都細滑，但個湯頭認真麻麻，味精太重，食完花先生飲左5-6杯水！以前芽莊既湯底係正架，依家每況愈下⋯⋯燒雞撈檬 - 燒雞偏乾，味濃，調味落得幾重手。檬粉份量多，伴有蘿蔔絲青瓜絲等。相比從前，食物質素愈來愈下降⋯⋯衛生情況有待改善，唔只紙巾餐具污糟，其實地下都唔係好乾淨⋯⋯

軟殼蟹米紙卷的米紙頗薄，軟殻蟹炸得不錯，不過就不是平均分布在各個米紙卷，所以有的米紙卷感覺少點餡。燒蝦不算大隻，但味道不錯。頗有心思，好食。每次食越南菜都會飲蒸餾咖啡，味道正常。椰青水很是清甜。

之前已經食過一次 今次再encore 😍7點黎到已經見到出面排緊長長人龍決定用app拎位飛再行陣街先每次黎呢度我都只會叫呢個😋😋🤓河內蕃茄蟹檬🍅🦀 $68湯底超濃郁蟹同蕃茄鮮味但絕對唔會偏鹹湯底酸酸甜甜非常惹味 令人食指大動食食下仲飲哂成碗湯😋😋扎肉亦相當彈牙仲有幾隻蟹腳同蟹鉗可以食埋入面d肉😎😎所以要推介俾大家 一定要試呀🤓！！！提示: 可以先用沙田新城市app拎位唔係實排隊排到傻😂

My parent wanna have dinner here, as I was late, I rush to the restaurant and meantime saw a lot of negative comments on openrice. My parent told me the dinner time limited to 70 minutes ! It's crazy! I thought we could finish in 70 mins but I did not like the restaurant limited to 70 mins, it was not same service standard as the money needed to pay. Felt bad even not eat yet. Crab was soft enough to eat . Taste of deep fired stuff. Pork chop was ok, rice with coconut taste. Fish was different f

本身想去沙田試某一間餐廳, 但朋友去到見很多人排隊, 所以我們就轉場了~每次去芽莊都要等一輪的~今次等了大約15分鍾就有位了~可能太耐冇黎食了~居然連最愛既魷魚筒冇左都唔知..好想再食呀~叫左6樣野食~炒高麗菜, 豬頸肉青瓜沙律, 軟殼蟹卷, 牛油雞翼, 生加爽牛肉河, 拉椰葉燒牛肉炒高麗菜- 其實味道OK..但唔明點解洋蔥會多過高麗菜牛油雞翼 - 每次是必點的.. 但呢間舖既牛油雞翼整得不是太好~食完有油膩感.豬頸肉青瓜沙律 - 又一個為什麼~個人覺得青瓜會平過豬項頸肉~但係豬頸肉既份糧有點多~反而青瓜份糧極小軟殼蟹卷 - 在旺角分店食過一次..覺得不錯~所以今次再叫~軟殼蟹份糧足夠..但唔知點解食第二舊時有苦味生加爽牛肉河 - 平時食開生牛肉河~朋友話今次叫生加爽牛肉...個人覺得味道差不多.個湯好飲~但覺得啲配菜葉過多拉椰葉燒牛肉 - 10分有驚喜~ 估唔到係咁大粒~裡面係充滿肉汁, 好有牛肉味又夠嫩, 呢個係第一次食~下次會再叫~

今日又到朋友黎沙田搵我食飯，調番出市區終於有番啲人氣。但適逢開學周街都係人，都係上7樓人少少既地方食，就揀左芽莊。唔知係咪星期五，無午餐亦無下午茶，一入坐店員仲話得一個鐘頭15分鐘食飯時間，明明都無人，唔知點解要set時間墨魚餅好香，佢仲要將墨魚切到一粒粒，所以好有咬口，味道都夠，唔會太多香茅味搶左鮮味牛肉撈檬。配料非常多，牛肉唔會太硬，而且醃得好香好入味，不過我覺得檬粉太暖唔夠凍。朋友叫左牛爽腩湯河。牛腩就好鬼硬，個湯，我覺得同越棧差唔多。總括，太貴又無午餐又無下午茶，味道亦唔係太特別，下次我都係去越棧食個38蚊既下午茶算了。

如果想黎呢間餐廳食晚餐，我會建議平日一至四，因為五六日實在太多人等位。一行二人叫左4樣野食軟殼蟹卷 - 同一般越南餐廳食嘅差唔多，無中伏河內魚餅 - 可能因為個人因素（唔好鯪魚肉），覺得唔算太好味，而家4舊入面2舊有骨。不過上菜時熱辣辣，加分！牛肉串燒 - 呢個正，d 醬調得岩岩好，d 肉都夠焾。表面可以燒耐d 更好。蟹肉炒飯 - 食第一啖已經大讚D 米飯夠乾有𡁻口，個樣睇落好似好清淡，但其實有見得到嘅蟹肉絲！總括黎講都唔錯，中價價錢，上菜快（可能因為會限時一小時十五分鐘）。如果星期五六日黎，會有d 趕客feel。

今日走到去沙田搵野食，上到7樓原先打算食Mr.Steak但食完個兩人餐感覺會好漏，所以食越南菜了拎位等5個，都一陣就有位，但入座限時75分鐘就好似對晚飯嚟講真係短左少少入到去揭餐牌見價錢相宜就叫一個越南河粉，生牛肉爽腩河； 兩個小食，軟殼蟹卷同串燒雞生牛肉爽腩河，個湯好濃冇味精，牛肉份量亦有4大塊，爽腩都有3件，價錢$78，冇諗到份量都真係唔少，牛肉同爽腩好有牛肉味軟殼蟹卷就有4件，都係$68。應該似係用一隻去切開入面包雜菜再用越式米紙去包住至於串燒雞有3大串，都係$70。雞肉唔太乾好juicy, 但正常食串燒最想食最吸引應該會係醬汁，但配的係非常十分少，但味道好的食完剛剛好，冇追埋單，但都知咩事就自己走了

今天和同事都想試一下新口味，於是我們便去這間餐廳吃越式菜。環境方面，餐廳坐位十分舒服，而且十分乾淨，環境一流。河內生牛肉粉，湯底很鮮甜有牛味，生牛肉有點硬有點鞋，河粉是幼身的，尚算幼滑，個人喜歡在湯中加入青檸汁與辣椒片軟殼蟹卷的蟹淋而不脆同比較油膩，米紙厚左，影響了整體囗感河內魚餅係鯪魚肉加叼草魚餅，都幾大舊下，肉質煎得好鬆脆又唔會太乾身 ，吱埋少少青檸汁都0k環境衛生都幾好，不過價格偏貴而味道屬一般。用呢個價錢會有更多高質選擇呢個花茶最離譜，苦澀不清香，平平無奇咁就$36？！🤦🏻‍♀️

兩口子於星期六下午懶洋洋的到沙田逛街行下行下就肚餓，可惡的新城市廣場！到處都是人！下午3點半，要落場的餐廳已落場，剩餘還營業的選擇不多但等候的人更多到了芽莊門口，等候的人不多，所以就選擇進去了環境都尚算舒適餐具與餐廳格調一致先來個越式炸春卷，春卷送到來熱辣辣，香脆可口，附上九層塔、羅勒同生菜等包著來吃！使油膩感減少，更為清新牛油雞翼質素麻麻，炸漿「立」口，吃下去成口糊雞翼痴的我都無意慾再吃多一件生牛河送到黎啲牛熟哂，都唔個生左去邊爽腩雖爽但唔入味，湯底尚算濃郁。魚餅好咸，餅好淋，無彈性，撈檬質地尚可唔知係咪趕住落場，2個侍應一齊黎一次過上菜，一上上哂4樣野，仲要唔幫手執執擺位！死推爛推！你唔執啲位點夠位擺哂4樣野？我坐個張2人枱，有幾多位？

和老婆食呢間越南嘢，必食呢款番茄蟹肉湯檬，香味十足，番茄味濃郁，湯底材料豐富，絕不馬虎。串燒係兩人share食，好香口，熱辣辣，好啱夏天熱到無胃口的時候食。一碗湯檬的份量好多，食完都幾乎唔洗食其他零食🙊

上星期過黎甘岩裝修食唔到...今日再黎食..裝修完環境好似暗左少少..我地都叫左幾多野..呢個蒜香芥蘭睇落幾迷你..但食落都幾多..濟食無咩味..但撈埋d豉油汁就幾好味..椰汁豬扒飯..伴碟幾靚..但椰汁飯無咩椰汁味..飯都幾硬..好一般..個蛋餅無咩味..春卷都唔錯..都係要點好多甜酸汁..生牛肉同魚餅撈檬..要落好多汁先好味..但檬粉略嫌碎左少少..雞絲沙律.表面好多花生..仲有好多香料..入面仲有九層塔..食落好香👍🏽係個底好硬..望落好似火龍果..但其實好似係芝麻餅之類既野..最後果個燒雞好普通..好乾..d肉唔嫩..食左一舊就夠啦

西貢牙車快 $78.解釋唔到牙車快 亦都唔知咩係牙車快 食到隻牙就唔爽快 個底係一塊炸脆左既粉 厚厚地身 裡面仲有d芝麻 口感有d硬 無味道 唔好食 至於材料就有花生 雞絲 青瓜絲 椰菜絲之類 似撈起 似沙律 一定要加酸辣汁 唔係一定好dry 整個感覺我會選擇淨係試一次😂.香茅牛肉撈檬 $68.指定動作 一定要落酸辣汁(其實一d都唔辣 有少少甜) 大半枝落曬佢 唔落真係淨食乾既材料 d粉剪到好碎 碎到好似比bb食 完全夾唔到 牛肉都幾淋既 不過越南野好鍾意落香葉 九層塔? 唔得 我頂唔順個陣草味 太勁 食之前一陣要整走d草

之前已經食過一次覺得麻麻地😰但係沙田又唔知食咩好決定比多次機會佢 但仍然失大望而回😞今次黎到沙田呢間既芽莊等左一陣已經有位坐因為都晏食所以都拿拿臨落左單點知等左我碗撈檬等左大半個鐘....😓首先上菜既係⠀ 手切上等牛柳河粉 ($88)認真個牛都幾嫩滑既👍🏿不過真係好普通 完全唔值88蚊一碗😫之後嗌左一杯⠀ 特濃越式凍咖啡 ($45)個咖啡太甜 而且奶味又太重 好似飲緊個糖水溝咖啡咁😭唯一可取之處係真係好夠凍等到碗牛河都食哂 我都未見碗撈檬黎不停叫d店員 但都無人理我🙄🙄催左不下3次 碗撈檬終於到 唔知點解覺得係漏左單 ⠀ 燒雞撈檬 ($62)一食第一啖 真心食唔到落去點解會撈檬係熱既 完全唔係撈檬黎😭d燒雞就燒得幾好味既 不過個暖既撈檬真係破壞哂真係好失望d野食唔得 仲要貴 仲要服務差😞真係以後都唔會再食！