芽莊越式料理 (新城市廣場) (已結業)

平安夜同老公去新城市睇燈飾順便食飯，好彩有用新城市app提早拎定飛，如果唔係都唔知要等幾耐。用糯米炒飯，料唔多，得臘腸、蛋、同少少菜絲，個飯比較硬芥蘭應該係水煮，再加上豉油，上面加左啲芝麻同蝦乾，上面既配料好香，但同個菜就唔係好夾河粉好滑，牛肉肉味濃，但好碎，無咩口感每次黎都必點，鍾意佢個皮夠脆，又足料，連埋生菜一齊食無咁熱氣不過有野值得一讚，就係侍應服務態度好好，雖然好忙，但一留意到水杯少過一半水，就馬上幫我地加水，而且落單都好有耐性。

今日去沙田新城市影紫藍波，琉光星河在7樓，影完就覓食，位於7樓的芽莊越式料理，剛好不用等位，立即入去開餐，加上很耐冇食越南野。河內魚餅，有四大件，真係抵食夾大件。每件都要4-5口才食完，魚餅好香口，內有爽口馬蹄粒，增加咬口，魚肉彈牙又唔腥，仲有香料味，好正。越式鮮蝦米卷，用幾層紙米卷著蝦肉、香葉、米粉、青瓜、生菜、甘筍等等，仲有芝麻。沾甜辣的酸汁同食，層次口感好豐富，清爽不膩又夠飽肚。蝦乾芥蘭苗，好多蝦乾仔，仲有花生及芝麻。芥蘭苗較嫩較脆口，配埋勁多蝦乾，咸香惹味，仲有花生香，令蔬菜不再單調。炆豬腩肉，忘了菜名，但份量好多，有幾件大大舊豬腩肉，仲有隻雞蛋。豬腩肉炆得好鬆化軟腍，脂肪入口即溶好夠油香，肉味濃郁又夠入味，連個汁都咁正，好想伴白飯食，雞蛋也很入味。燒牛肉撈檬，細細碗，但也夠飽肚，女仔食最岩。加入大量甜酸辣汁撈勻再食，檬粉爽口吸哂醬汁的味，酸酸甜甜食再多都無負擔，加上微辣刺激更開胃。燒牛肉都好多，唔乾不韌，香口肉味突出，不是嫩嫩的，而是帶咬口的肉感。

今晚同朋友去行一田，諗起好耐冇食芽莊，見唔洗等位去食下。今晚叫了牛柳絲湯河，朋友叫了生牛河，我地再加左個河內魚餅。牛柳絲湯河d牛好碎，口感麻麻，湯底一般，至於魚餅份量好多好大件，不過冇乜魚味，而且不夠鹹。今晚呢餐有d失望，退步了，未必再來

好耐冇食過芽莊，今次食物依然冇令人失望~晚飯時間好多人排隊，等左九個字先有位坐，好彩啲嘢食都上得好快，托賴~每次黎都會必叫番茄蟹肉湯濛，蟹肉好鮮甜，蕃茄湯底好濃郁，配埋濛粉，一個字《正》！另外仲叫左撈濛，魷魚卷同沙律，味道都好不錯～😋

自己一個去食午餐 食湯粉都係我慣常選擇今日就去左沙田芽莊一向對芽莊印象都唔錯但今日就大跌眼鏡如常叫左沙律同生熟牛肉湯河沙律就好正常但係個河就林到唔正常湯底味無平時咁濃 唔夠熱好失望 d河粉好似已經浸左幾個字咁發到唔知點 即刻無曬胃

沙田餐廳多籮籮。單單一個新城市廣場已經有超過50間餐廳今晚走咗上7 /F 芽莊。天氣熱熱地order 咗個「烤牛肉撈檬」。牛肉juice 熱辣辣。份量出奇多仲好好味Tim 。配搭涼浸㓎撈檬超爽。撈檬份量size 滿足到七級肚餓嘅我

已經有好一段時間沒有來這間餐廳食飯, 因為同屋企人提前做節, 碰巧就腳, 就再來這裡用餐. 一行5人, 叫了多款食物, 打開餐牌有好多新款的, 之前沒有吃過. 所以亳不猶疑地點了來吃. 這個沙津清新得黎帶點香口, 作為前菜很好.之後上了一個煎魚餅及炒高麗菜, 魚餅煎得好脆, 咬下去裡面肉質不會老, 吃得出煮的時間控制得好好, 炒菜的味道合格, 不竟只是一道炒菜, 不用多說.這個咖哩蟹黃煲只能說配飯一流, 咖哩不算太辣, 有少許雜菜配料, 再加上蟹肉, 可以吃兩碗飯呢.還點了其他菜式, 味道都十分到位, 只能說從以前吃過一次, 到今次再吃, 感覺很新鮮, 味道有進步. 讚!

最近愛上越南菜式，試過之後更加難忘！價錢貴小小，但係食物質素唔錯，值得再試！推薦烤牛肉撈檬，夏天食最好！爽口開胃！一人份足夠食飽肚！貪嘴又試了炸魚餅，食到撐！但係都好好食！

越南河只有少量芽菜在碗內，又沒有送上青檸，問待應幾次佢表示已在碗內😥，再追問下終於送上一小碟青檸辣椒。 一切都是越南河基本配套，但未有齊全，當真令人失望。再說越南河的粉質非常厚。😔還說是每日限量的authentic 越南河😥西貢咖喱蟹肉煲，非常多汁，宜收汁，既然標價$188，理應配上麵包或薄餅。唯有自行加點「法國麵包」，確實無奈。粉卷的粉皮非常鬆散，根本無法用筷子夾。最後墨魚卷非常硬。😖芥蘭side 可以。唯獨環境舒適，但總括芽莊的翻尋味指數：1/5

探完朋友，顺便在樓下吃飯。芽莊 menu 字好細，圖片同文字介绍不歸一，其menu 設計甚差。點了一個豬扒撈檬60元，豬扒好juice，有咬口, 都算大件，不錯。撈檬加酸汁一流，但檬粉份量太少了。燒牛柳沙律90元，有大大粒青爪，又有洋蔥，牛柳好軟熟，但洋蔥太多，有點苦澀味。炸魚餅72元，好彈牙，魚肉好夠，好足料。

沙田人來人往，好不容易才找到位子吃晚飯。這兒的餐點選擇頗多，我同hubby 都心大心細，樣樣都想試。結果點了燒牛肉撈檬，蕃茄蟹檬，芥蘭苗同蔗蝦。燒牛肉超級好味，又有香草香，外脆肉嫩有肉汁！比起今天吃高級西餐的牛扒更有牛味！撈㩚配上花生芽菜撈汁，口感豐富，正！蔗蝦大大條有兩條。蝦膠爽甜彈牙，沾上沙爹汁，甜甜有花生香，別有一番風味！芥蘭苗：咸咸地有許多蒜片，而豉汁微辣帶香，唯芥蘭不是季節，有少許老。蕃茄蟹肉檬：兩粒蝦丸很有蝦味，足味蕃茄，湯底酸味醒胃又唔會太酸。唯蟹腳是有得睇，咬吾開。整體水準高，價錢唔貴，性價比高！推介！

Nha Trang is our go-to spot for affordable, yet authentic Vietnamese cuisine. Both times this year we visited, we were seated within five minutes by attentive employees (always a plus).We ordered the Cold Vermicelli Bowl with Hanoi Fish Cake ($65). The fish cakes were warm and crispy in the exterior, and seasoned to perfection. The vermicelli melded into the textures of the grated carrot, cucumber and radish, tossed in a fish sauce that brought everything together. A light, yet satisfying exper

沙田新城市食晚飯真係好難揾位！難得芽莊唔使等直入，就來一餐越南晚餐叫到成枱野食本身想食個雞絲湯檬， 店員主動講個湯有用牛骨。 好彩佢講講，因為我同朋友都唔食牛的， 抵讚所以就叫左個豬排撈檬，好耐無食撈檬，加左d 辣椒同檸檬汁，真係好正！越南double expresso, 無乜特別蝦乾芥蘭苗。 話就話係前菜，我覺得份量好多！個菜係暖暖地，唔係熱炒，味道都可以。 40 幾蚊我覺得好抵！越南春卷， 非常香口！特別在除左生菜，仲比埋青瓜同紫蘇葉你包， 好refreshing!最後仲有叫個腩肉， 味道麻麻，而且都幾貴， no good

星期五出左沙田，又掛住芽莊個湯底，就去左食。去個陣大約8點半，3個人等5張枱，等左20分鐘左右。每人叫左一個粉，另加軟殼蟹卷同雞肉串燒。 牛展河粉$60個湯底一如我上次食咁濃牛味，而啲牛展亦好軟熟，肥瘦適中，一共有5/6舊左右，都幾抵食。 軟殼蟹卷$78唔係即叫即炸，軟殼蟹確係有啲軟😢個卷皮有啲痴，痴住隔離個舊，而且仲有啲厚。但配合啲生菜食就幾夾，同減少肥膩感。雞肉串燒$68 3串雞肉唔肥，又好滑，同沙嗲汁配搭一流。 至於環境方面，比較吵，想傾計既朋友就唔太啱。人手方面就好充足，有6個樓面。食飯時間限60分鐘，都算充足，因為佢上菜都算快。

一早用app力左位都要等一陣 一到weekend就好多人出街食飯所以芽莊限時食60分鐘 食餐晚飯都好趕每人叫左一碗湯河再加左個菜 已經好足夠平時唔太中意係街食菜 但每次食芽莊都會叫芥蘭苗用甜豉油灼芥蘭苗 再加蝦乾、芝麻係上面 味道好配合不過芥蘭苗有點硬 可能灼得唔夠耐雞絲牛肉湯河 湯底味道好濃 雞絲同牛肉都好入味 而且河粉幼身 好滑 好好味食完河粉仲想飲曬D湯