芽莊越式料理 (已結業)

服務費照收但係冇服務可言，短髮高的藍衫女侍應全程黑面，而且佢整跌咗本身枱面嘅嘢，都可以見到完全都唔理直接望一望就行開，如果唔係假期，周圍都多人冇咩地方選擇先入去，如果唔係絕對唔會比貴價，但係食服務咁差嘅餐廳，味道一般，但係食個晏晝都成百蚊，仲要本身都唔跟嘢飲，出邊大把選擇，冇下次👎🏻👎🏻👎🏻

⭐️2/5-✳️越式糯米飯 👍越式臘腸香口，偏硬身，沒有台灣腸般柔軟，比廣東臘腸稍瘦，偏彈牙糯米飯加入斑蘭，米粒變奶綠色，少許斑蘭味，椰漿味較濃😍豬肉鬆香口，保留濕度豬腩肉肥美，不錯-✳️鑊仔海鮮煎薄餅 ❌海鮮肉質少許軟爛味道淡身，配搭獨特，不太合我口味薄餅超薄身，但味道不太融合，各種材料獨善其身後面的生菜難以理解😤😤 味道超重的薄荷葉、紫蘇葉、九層塔等...無法融合🧐🧐-✳️小食拼盤▶️蔥油豬頸肉 👍肉質厚身，軟熟少許彈牙，少許肥-▶️芝麻蝦多士 像蝦膠，加一塊超薄軟身吐司，反而芝麻很香😵‍💫-▶️香煎墨魚餅 👍厚身有驚喜，加入香料，味道豐富，與平日的墨魚餅有異，中間有少許肉粒-整體偏膩，飯後🧐腸道移動得較快🧐--⭐味道 1.5/5⭐️特色 3.5/5⭐️環境 3/5⭐️性價比 3/5 ⭐️服務 3/5

踏入新一年，就連下午茶原來有生牛肉河都改埋牛丸粉。他們以慳皮為大前提，價錢又冇變過。另外我幫襯過他們多間連鎖餐廳。員工的態度都係差，趕客趕收工咁！就算連外賣都一樣。搭正打去已經話截order,唔憂做！咁嘅服務態度咁嘅價錢，遲早玩完⋯⋯希望佢哋反醒下能作出改善

四個人街完街找餐廳吃晚飯，選了吃越南菜。餐廳有二人及四人套餐。我們不是很餓所以選了二人餐。頭盤，牙車快，春卷兩件，牛油雞翼兩件。牙車怏快醬汁酸酸甜甜，材料爽口。春卷炸得香脆，咬下去chop chop聲。牛油雞翼也是十分香口，外皮有牛油香，內層肉質保持水份，沒有變成乾巴巴。鑊仔牛柳粒，粒粒大細適中，醮上黑胡椒和少許青檸汁同吃味道更佳，肉質嫩易咀嚼。伴碟的沙律菜也新鮮。蒜子炒通菜梗，炒出來的通菜梗色澤油潤，味道不會太鹹。河內生牛肉粉，河粉滑滑，牛肉鮮味，湯底不過濃。燒雞撈檬，兩件燒雞肉燒得香香脆脆，檬粉上有青瓜絲，紅蘿蔔絲、沙律生菜，全部爽口，倒入魚露混和食材同吃，開胃。今日凍青檸茶有買一送一優惠，荼味雖然不太濃但也是可以，有點點青檸清香。這套餐份量充足，也許我們胃口細又不是太餓，我認為如果是兩人享用會吃得太飽，現在四人分享剛好。

110個餐都唔夠飽 個湯河份量少 味道一般 iced coffee ok 仲有碟菜 同春卷 地方大可以坐得舒服 但門口地下痴立立 但份量真係可以再多1/3 呢個似下午茶份量 應該冇下次

今日中午係荃新天地和家人諗下食乜嘢好, 家人揀左芽莊, 因為無乜人, 而且想坐得舒服d, 叫左兩個午餐套餐, 有椒鹽三文魚鰭撈檬, 檬粉份量少左d, 三文魚鰭都好味, 由於我唔想食牛湯底, 於是加錢叫左蕃茄蟹肉扎肉湯檬, 都ok, 不過感覺以前係尖沙咀食好味d, 入面有舊丸都唔知乜嘢來, 下次唔會叫, 套餐有一個菜一個小食, 由於有二個人, 可以大家叫唔同的野, 一個椰菜沙律加一個櫻花蝦芥蘭苗, 一個雞翼需加$配一個流心蝦丸, 如果大家去食, 叫櫻花蝦芥蘭苗, 配搭ok d菜夠嫩👍, 雞翼新鮮整都幾好👍, 另外每人加22元要左杯鹹檸梳打同越式凍咖啡, 二樣都好飲👍, 可能最後都要另加一服務費, 所以都係比附近其他舖頭靜😅

我和朋友遊玩咗一日，打算搵餐廳食晚餐，點知周圍都好多人，大家都決定外賣自取返屋企慢慢嘆，朋友選擇用網上外賣平台落單，我好想食柚子沙律，所以就選擇了芽莊，我哋選咗五樣嘢食。香煎墨魚餅、香茅串燒雞（3串）、清浣蒸粉卷、越南蜜柚燒大蝦沙律、芥蘭苗。墨魚餅：好豐富的墨魚肉，大大塊，口感好好。至於我最想食嘅蜜柚沙律，梗係好味到不得了，好多蜜柚，配上原隻大蝦（2隻），仲有燒過😋👍🏻。而串燒雞，雞肉一啲都唔韌，仲好嫩滑，再配埋沙嗲汁👍🏻。想再講講蒸粉卷，放咗一段時間，啲皮都冇話因為凍而靭。所以整體我覺得這間餐廳食物美味。

6個人去食，有5個食到又痾又嘔，塊豬扒未煮熟，仲有血🤮食物質素亦每況越下，唔值得再俾機會，唔怪之得無論晏晝定夜晚，每次入去食都係得幾檯客。服務質素極差，侍應黑口黑面，不禮貌回應客人的需求，大部分時間站在一起傾計，特別是穿白色恤衫的兩位女侍應，其他黑色衫職員無論是樓面或傳菜職員亦用同一惡劣的工作態度，令客人受罪。跟管理層反映，完全無視和不回覆客人的意見，所謂上樑不正下樑歪，既然無心搞好間餐廳，都唔會再俾機會，無謂令自己肚子受罪。

本身我係好鍾意食越南嘢，荃灣開咗芽莊，梗係要去試吓啦。我哋發現有二人餐，其他分店好似唔係好覺有，於是試吓。二人餐包一個小食拼盤（有越式炸春卷、牙車快沙律、牛油雞翼）、一份炒芥蘭苗、兩份湯河、燒雞或者燒牛肉，我哋揀咗燒牛肉。牙車快沙律，估唔到味道係咁清新，食落去好開胃。炸春卷，一直都係咁好味；最驚喜係牛油雞翼，充滿牛油的香氣，香脆可口。燒牛肉味道就一般，而且size 有啲細, 下次可以試吓燒雞。可能因為係二人餐嘅關係，兩碗河粉就比平時細碗咗，但係味道係一樣的，男士可能會覺得少咗D，兩個女仔食就應該啱啱好呢度環境好舒服，座位又闊落，啱晒傾偈

12月26號晚上8點45左右進入餐廳員工有溫提925分要離場當時唔喺好餓，只喺想簡單食個麵醫肚。所以答左話無問題，睇完menu 就馬上落單送餐速度都好快（當時都無咩人食，所以做得快？）全個用餐過程服務都可以，收嘢前都會問一問，埋單都算有禮。（但同行覺得員工有啲趕收工，可以再好小小）餐點部分就算可以，無咩特唔特別。份量夠。麵同餸份量都足，燒雞柳同雞絲都足（可能唔餓關係，都食得好飽）（最起碼唔會收您80幾蚊，但份量極小）當然啦80幾蚊一個麵食都唔平，但又喺特別好食。真喺純醫肚。另外一入門口個地板黐漉漉，清潔可以加強吓總結：唔會話太差，但無咩特別原因會回購

最近試了荃新天地芽莊越式料理，睇過餐牌，散叫的價錢較進取，午市套餐$108，包前菜、主菜和飲品，價錢較經濟合理。午市套餐$108前菜河內魚餅兩件相信用了多種魚肉打製而成，即叫即炸，外皮炸得金黃色，肉質彈牙爽口，魚餅份量驚人，兩個小拳頭的大少，非常飽肚，魚餅混合了大量香茅，香氣撲鼻。主菜燒牛肉撈檬魚露汁絕對是撈檬粉的靈魂，拌上大量的青瓜絲、炸蒜片、花生碎、醃酸蘿蔔絲及生菜，最適合在炎熱天氣品嘗，清爽又無負擔。往清涼爽滑的檬粉澆滿魚露蘸汁，酸甜醒胃，即時令人食慾大振。燒牛肉表面帶有焦香，肉質鬆軟富油香，牛味濃郁，和魚餅一樣加了香茅去燒，味道不錯。飲品凍青檸錫蘭紅茶

🥢 芝麻蝦多士💭共4件長條型既厚多士，蝦肉份量適中尚算彈牙，但細孖👷🏻‍♀️覺得落左少少麵粉💭芝麻就好慷慨滲得幾多，每一個立體面都有，幾香💭如果油整乾少少會更好👭🏻孖妹評分：🌕🌕🌕🌑🌑🥢香茅牛肉米紙卷💭份量比較少，一條卷好既米紙卷切成兩半變4條💭內有生菜🥬紅蘿蔔絲同牛柳粒💭幾light同fresh 👭🏻孖妹評分：🌕🌕🌕🌕🌑🥢堤岸炒米粉💭有蔥、韮菜、扎肉加埋米粉一齊炒💭豉油味極之重，冇技巧可言，而且米粉只係平時茶記食到個D，廚師應該冇將米粉過冷河，所以食落一Pat野🥲👭🏻孖妹評分：🌕🌑🌑🌑🌑🥢蒜蓉包💭有五大塊，每塊都搽滿蒜蓉醬，脆卜卜幾好味👭🏻孖妹評分：🌕🌕🌕🌕🌑🥢烤三文魚柳檬粉💭全餐飯最滿意既一道菜式，三文魚柳有兩大舊，兩舊都係厚肉💭廚師👩🏻‍🍳煎到魚皮好香脆口，三文魚冇腥，油脂豐富幾正💭檬粉份量十足，大大碗如果淨係叫呢碗粉都夠飽😆👭🏻孖妹評分：🌕🌕🌕🌕🌖🥢越式香蔥燒雞💭價錢相對昂貴🥹因為大約得半隻雞，好在餐廳都比左啖啖肉位置例如雞髀雞胸🐓💭肉質算嫩滑，雞胸位置會比較扎實D😅💭類似油雞醃法，鹹鹹地，加埋洋蔥韮菜一齊食味道會更好⭕️👭🏻孖妹評分：🌕🌕🌕🌕🌑🔸🔹🔸🔹🔸🔹🔸🔹🔸🔹🔸🔹🔸🔹🔸🔹✍🏻

嚟到荃新天地，見到有間好多木柱嘅餐廳😂 餐廳外有好多植物，初時都唔知係餐廳嚟😅 原來係一間越南餐廳；環境幾靚，幾好坐，地方都大，容易搵位，適合三五知己、朋友聚餐 😊牛油雞翼$82份量有四隻；外皮都鬆脆，但係感覺粉太厚；雞翼唔太入味，唯有配埋佢哋自家製蒜蓉辣椒醬，就比較好食，但提提大家呢個辣椒醬都幾辣㗎😅芥蘭苗 $68估唔到咁大碟 😱😱 份量超級大！如果一班人聚餐一定好夠食 😝 幾鍾意佢有花生碎粒同芝麻，食落好香口 😀燒豬扒撈檬 $88 豬扒都幾大塊，而且好入味！呢隻檬粉比較好食😋 算幾好！熱天食凍檬，真係比較舒服😌 河內牛湯河三拼 - 生牛肉、熟牛肉、牛肚 $128 佢地嘅熟牛肉，個樣有少少似牛𦟌，食落都係，有少少失望；其餘兩樣都幾好；另外唔太鍾意佢嘅河粉，感覺似米線，唔似平時食開嘅pho。青檸薄荷梳打 $48⭐️推介⭐️蘇丹王D24榴槤沙冰 $55男朋友好鍾意食榴槤，對於呢個榴槤沙冰讚不絕口 😂😂

太子, 葵芳食過幾次, 估唔到佢都膽粗粗係荃灣開鋪。荃灣OP入面有3位數好評食店簡直好多,  不論水分幾多, 無實力就無得留底。我住荃灣, 梗係開心, 唔使跨區環境闊落舒服。食品質素都好一致好食，有心有水準，因為價錢都偏貴‧推介: 燒牛肉沙律, 牛肉濱海頂過了疫情, 希望佢生意有返多D 起色，推多D 套餐優惠。我好想你留下來架，之前走左間"老趙"。 越南菜告你地接班係荃灣

🍗🍜香茅燒雞撈檬 ($80)有兩條大大既燒雞柳係面頭, 好lean好吸引, 檬粉仲有大量生菜絲, 配埋越式魚露個口感好fresh好健康。🍜河內雞絲粉 ($80)80蚊單點一個粉黎講, 雞絲略嫌有啲少。味道就正正常常一碗雞絲湯河, 無咩令人印象深刻既地方。🥦芥蘭苗 ($68)炒芥蘭苗係好食既, 唔多油, 但有味道。啲芥蘭苗都好翠綠好新鮮, 有咬口唔會話炒好左好耐先上檯咁淋晒。呢個值得推薦!! 👍🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾Ranking (5分為滿)卡路里爆標程度: 😈😈Cheat Meal 推薦程度: 😍😍等候時間: 0