苑記粉麵茶餐廳

营业中

休息中

其實大埔係有兩間，唔知點解就係覺得呢間牛腩，係比另一間好食。記得上次食另一間嘅時候啲魚皮係硬到咬唔開，但係呢間就好鬆脆。而且啲牛腩望落去一絲絲好似好嚡咁，但係食落去又好淋滑。腩汁底都算濃郁，再加埋個辣椒油將成件事升華咗。同埋呢間又大啲，又闊落，坐得舒服好多。下午茶唔係繁忙時間一個人坐一張卡位都唔太過分。不過炸魚皮個份量就少咗啲，可能係因為跟碗粉加錢嗌。而唔係完整叫一份嘅關係。同埋呢間又近街市啲，食完下午茶行過去直接買埋餸超方便。

朋友介紹我來這家店，話說得我心癢癢，而家到咗就講正經事喇🍜🥢。牛腩撈麵嘅牛腩賣相夠哂吸引，每一塊都煮得啱啱好，腍滑得嚟唔會太爛。撈上去嘅時候，麵條帶住牛肉嘅鮮味，一陣陣香氣，真係融化咗我嘅心！再者嗰個脆朱仔包，又脆又香，趁住熱辣辣咬一口，啖啖都係幸福感呀！🥖食完呢碗撈麵，我信手拈來咗個炸兩腸粉。個腸粉滑溜溜，又香又彈牙，中間嘅油條雖然冇噉新鮮，但總算唔算損害到整體口感。炸得金黃香脆，呢樣嘢做小食真係一流。😋人哋話，茶餐廳係港式魅力嘅一部分，今次嚟到這間，我覺得有啲經典味道保留得宜，可以話係食到真香港。服務態度都算舒服，令人一食再食。食完之後，覺得個口腔裏面嘅味道依然留存緊，真係食飽食滿，心情都隨之愉快起來！

無飯腳打邊爐轉戰煲仔飯，煲仔飯外賣點會好食！茶記靜蠅蠅，沿途食肆都冷冷清清既？聖誕前的最後堂食，梗係新鮮出爐最緊要。椒鹽田雞，乾爭爭乾過辣子田雞，鞋烚烚咸咸的食到滿口麵粉。排骨滑雞煲仔飯，涼浸浸突然想食飯，來兜滾熱辣包仔飯吧！製作需長時間心裡有數，誇張地噴著煙放上枱面，識食一定將甜豉油淋係滾燙的蓋上，再慢慢變暖滲入煲仔中，氣味更香更誘惑！硬覺得少點東西少點味道，消失的紅椒豆豉薑絲蔥段！難怪味道單調，好彩我識得撈辣椒油啫！本來只得兩粒星，撈埋惹味辣椒渣升一粒！排骨滑雞碎上？排骨勁細粒，滑雞骨杉杉無肉食，雞飯原來有骨架？仲要全部雞背脊。飯粒迷你瘦瘦不飽滿，高溫熱到想飈眼水，食完全身果真會暖笠笠。爽爽大白菜吸盡燶味，不甜不美有生水味。白鱔黃鱔煲仔飯，白菜仔比大白菜好少少，雖然不甜但起碼無生水味。白鱔嬰兒細細碌，結實彈彈及滲著甘甜油脂是新鮮的證明。幼幼黃鱔條，有微弱甜味，有輕微彈牙。思前想後點多道小菜配煲仔飯好無呢？諗住都應該夠肉食掛，但最終結果係飯多肉少，清晒肉仲有半煲飯，都比下面試多兩啖豉油撈飯焦。不愛加紅椒薑蔥的茶記使得味道頗單調，幸好有有豆豉提味，比排骨滑雞煲仔飯略為香少少甜少少。梅菜

您個四眼收銀佬見我兩隻手抽住野叫我出門口沙塵滾滾曬住太陽熱屎辣辣罰企填張安心表先可以入座，唔可以等我放低野先低先慢慢填？全場得小貓三四隻食客，叫得我出門口就唔會返轉頭，得您一間食肆唔食唔得？附近間間茶記都排長龍所以能夠巧遇老友，算數照幫襯跟老友齊齊嘆個早餐吧！身水身汗火都黎﹗四眼收銀男黑臉無禮貌，永續零服務！職員開飯大過天，食客坐冷板無人理會。見餐牌寫著菠蘿飽、豬扒飽，食完一定飽？炸雞睥我真係從來未食過雞的脾臟，連見都未見過。楊州炒飯？鹽水泥猛？凍檸七，甜甜的汽水有著陣陣檸味增加食慾。沙嗲牛肉出前一丁，香氣獨特似曾相識，極爽彈滑滑不粉，即煮滾熱辣出爐，帶著洋蔥甜味的沙嗲汁，全熟牛肉嚥嚥韌韌。間歇性聞到似漂白水氣味，左望右望無發現，無理由係出前一丁，唔係筷子亦唔係檯面，真係唔清楚。雙太陽蛋，遲遲未到比出前一丁還要耐，成碗麵消滅才斯斯然到達，焦香微脆蛋白，暖暖黏滑蛋黃，美味佳餚。回鍋肉出前一丁，平淡的演繹，給我更多肉就更開心！筍多肉少，筍無渣但偏硬偏老，麵質爽爽沾著少許辛辣油啜得滿意。火腿奄列，蛋皮老到豆皮鞋烚烚乾爭爭，暖暖地求期塞晒入口吞掉，咸咸地火腿味。有即煎的感覺，蛋皮滴著微弱蛋汁還

初步確診腸胃炎，明明無食過野但都由朝疴到晚，邊得黎咁多野疴！平時飲生力清都瀉瀉地，口痕撞罐獅威疴到反肚，強力瀉藥！早午晚宵夜一餐過，想食碗粥加粉麵加小食清清腸胃暖暖個胃。蝦那吃她肚仔好餓！日漸消瘦的節奏。轉眼已夜幕低垂，黃昏 6 點半倒碗麵落肚再開工，辣能減壓能舒緩能給點愉快感！本來人家想食潮和興滷肉撈麵，誰知整間店已被阿伯阿叔攻佔，路過苑記整碗靚牛先！自己入座坐低 10 分鐘無人理，叫阿伯寫單不啋不應行開當睇唔到，永不錄用永久刪除不再幫襯！四眼佬收銀拉底口罩挖鼻屎，再直接找錢比我，您叫我攞定唔攞好，立即狂唧消毒啫喱搓手！腐乳通菜，最愛翠綠水通，熟油香香的，菜甜乳鮮，多汁爽嫩。蠔油菜芯，少少菜甜一般般不夠鮮嫩，免強合格。牛雜伊麵，苑記牛雜永無甩拖！款款入味芬芳，爽爽金錢肚不過腍，彈彈牛腸嫩嫩脂優，綿綿牛膀甘甜美妙，軟軟牛肺不腥臭。完整伊面嚥韌長啜長有，拖著靚湯捲著牛雜，在嘴仔內融合發揮極致！辣椒油香辣兼備刺激暢快，大大啖啜過不停！牛肚牛腩河粉，賣相吸引齊齊整整排得靚靚。爽甜滷香金錢肚，河粉夾肚夾腩齊趙同樣滋味。師傅醒排坑腩我嘆，鬆軟肥美嫩嫩的！沒有投訴的機會。最愛優質幼河粉，綿滑完整拖

平時兵仔我都好鍾意食牛腩河！仲要去親邊度都會加紫菜同埋腩汁。近近地來講，平時食潮記同埋苑記比較多，個人就比較鍾意苑記💛💛。苑記嘅牛腩河真係無得輸，次次去親都食。牛腩非常入味，肥瘦適中，又唔會韌份量仲多到差啲食唔晒。平時會叫雲吞，大大粒，入面啲蝦都好彈牙！特別推薦呢樣！加埋紫菜更加無得輸。同埋河粉相對上薄身，入口唔會有粉感，湯底濃度啱啱好，加埋腩汁就真係成碗都充滿着牛腩嘅香氣。頒發軍階：上將🎖🎖🎖🎖

小弟寫左不少食評，不過就真係好少寫大埔食肆，作為地頭蟲，的確有少少慚愧，於是今次我都寫返次大埔粉麵首選！如果講牛什粉，我會首選苑記，點解呢，因為牛什入味、份量ok、河粉又滑、腩湯好味😋，再加埋佢個超香口既辣椒油，真係冇得輸！好可惜，因年紀開始大，牛什唔可以成日食，所以一個月先會黎食一兩次，滿足一下食牛什既慾望！除左牛什之外，生滾粥、腸粉同雲吞，我都覺得值得一戰，有時整個艇仔粥叉燒腸都幾正架！最近佢地仲加推左小菜，不過就未試過，遲d有機會試過先再寫食評同大家分享下啦！

The placeThis place has existed for many many years, I can't even remember when was my first time here I think the price were only around $20-30 ish?? For one person. My family have been a frequent customer to this one and their other restaurant near Tai Po Centre. We prefer the seating arrangements in this one because they have proper seating as compared to only round table and stools in the other one. Order and waiting timeIt was just around lunchtime 1-2pm, the place was nearly full house, bu

夏天到，如果食飯午後一定飯氣攻心，瞓一個「救命覺」！今日選擇濕濕地牛筋麵淨係得牛筋好似dry dry地，加埋紫菜，外賣46大元打開碗麵，牛筋份量都好多，紫菜量都唔少，收你46都有道理。牛筋似清湯多d，其實我比較喜歡醬炆，不過只要炆得好食，ok👌🏻牛筋有爽口有軟林，恰到好處，而且炆得夠入味，配上爽口的紫菜同生麵，做得頗出色！ 味道亦不過咸，對於我來說，這碗麵確實有點驚喜

呢間餐廳雖然好多爭議，但一入舖頭就見到佢啲電視貼住罷睇失實電視台📺，二來聽見部分員工口吻都尚叫有意識，於是就俾個機會佢。牛腩伊麵 $37 轉伊麵+$8朋友話好少見粉麵店可以轉伊麵，就一於轉去試試。牛腩🐮好有牛味但又唔會好騷，配上伊麵清得來有幾夾。而且肉嘅份量絕對唔少，塊塊都係厚切🥩。牛筋米粉 $37牛筋嘅份量多到嚇死人，炆得非常之淋😋，唔會過鹹又保留住佢嘅原汁原味。另外要提一提係佢嘅湯底，望落清清地但又帶啲肉味，應該就唔係味精湯❌。淨雲吞 $33粒粒都好飽滿，雲吞入邊唔止有一粒蝦🦐，食落去好滿足。我覺得係我食過嘅雲吞入邊算係印象好深。我覺得整體都算唔錯，比我想像中嘅茶記更加有驚喜，如果下次有機會都會再嚟🙂。

Hello! 大家好！魚蛋姐又出動飲飲食食～涼涼地，秋風起。正好係食煲仔飯既吉時！食過煲仔飯之後既夜晚，代表之後每個夜晚帶褸仔變成A MUST 帶 item!相信大家有食過煲仔飯都有以下經驗⋯⋯當你埋位落單後，同你搭檯既人仕柯打既煲仔飯已經黎咗。人家一揭蓋一刻那飯香撲鼻而來，有得睇、有得聞、無得食持續15至30分鐘不等⋯⋯是羨慕、是妒忌，心裡如海浪翻岸一般叫著：快﹏D啦！苦苦的等，終於等到飯來了。又有人來搭檯了，那將又會牽起一場心裡風浪嗎？哈哈。除除下鼓油，等一下。那正好的煲仔飯要開動了！今晚來到苑記。星期三，晚上7：40入座。不用排隊。揀飲擇食既我煲仔飯得兩樣主菜1.牛2.肉餅無錯，係熱到出煙既茶有鮮檸味既凍檸茶，加分兩個煲仔飯落單後即刻計時出品時間為14分鐘和16分鐘建議落豉油焗3-5分鐘另窩蛋揭蓋前兩分鐘加入店員溫馨提示：先將生蛋打落碗檢查係唔係壞蛋友人柯打了臘腸肉餅煲仔飯開心SHARE後，7餸煲仔飯誕生埋單：$170返轉頭再食：肯定會

趁涼涼地走咗去食煲仔飯，叫咗臘腸雞同薑葱魚腩，兩煲飯上檯都焗咗陣先打開，臘腸雞啲飯比較濕，雖然都有飯蕉但唔夠薑葱魚腩的香。以前都有嚟食過，臘腸係一條上，但今年變咗切片，感覺份量少咗 😖薑葱魚焗完之後啲飯都有魚味，飯比較乾身，飯蕉都好食好多 😋😋

因為係前幾日叫food panda外賣 嬲到唔記得影低相叫左牛雜河粉 同 豆腐火腩飯 牛雜河 河粉 脹到 根本唔係粉 用筷子係食唔到 要用spoon ’筆‘黎食 d牛雜又唔新鮮有臭味好了，食左少少 根本食唔落 唸住 食飯算數打開合 豆腐火腩飯 睇落已經勁乾 完全好似冇汁同擺左勁耐 之後放入微波爐叮完俾我咁既樣以為係幻覺 一食落超難食 又冇味， 係有少少汁既 不過落得生粉多 d汁 變左做‘啫唎‘ 難聽d講句真係好似男士既精液 食左1-2啖 覺得勁噁心🤮就冇食覺得勁嬲 著衫由屋企行落去餐廳俾個收銀定係老闆睇一句唔好意思都冇 話換個個俾我， 我點知佢地會係廚房到加我料 所以我放低盒飯就走人我30歲人未食過咁難食既食物 如果俾我屋企隻狗狗 我唸我隻狗都唔會食 覺得根本廚房條友係唔識煮野食 我上youtube睇住整 我唸我都煮得好食過佢 做生意可以做到咁冇良心 真係希望唔會再有好似我咁既受害人 $115蚊 我寧願俾乞衣都唔想幫親佢地

去開大埔買餸 順便食個lunch~~因為唔敢去人多既餐廳 我地比較下幾間茶記 見苑記比較少人同埋闊落 所以就坐低食碗麵🍜見苑記出名食牛雜 所以我地分別嗌左👇🏽牛雜米線($37) 、牛肚米粉($37) 略嫌牛肺得兩舊有d少 但係相對罕有既牛膀有兩舊補番數牛腸唔錯 但有d粉~~牛肚爽口入味 份量都Ok!+$9配飲品 冷熱同價 咁當然要飲凍飲🥤啦~~杯檸茶🍋同奶茶味道都唔錯😋值得一提🌟苑記入面既電視📺有小告示解釋唔播tvb既原因✨✨ 係少數立場清晰既茶記值得加分！

今日去大埔，本來係想去大埔墟街市食嗰間好正嘅上海麵，點知佢哋原來裝修緊，要去到七月上旬先至攪掂。攪到完全失去預算╮(￣▽￣"")╭ 唯有再諗下食乜嘢，經過陳漢記，不過見到太多人所以放棄咗，於是乎諗住是是但但去一間茶餐廳食碗麵算數。見到呢間完全冇興趣入去食，因為見佢門面比較污糟，點知我朋友就話是但啦。餐牌完全就霉到不堪。好彩裏面嘅環境都仲可以，比門面好好多( ´▽` )ﾉ我朋友叫咗沙嗲牛肉公仔麵，併豬仔包同奄列。佢話啲沙嗲冇乜味，不過佢加咗啲胡椒粉，啲胡椒粉味好勁，同其他茶餐廳唔一樣，係用靚嘅胡椒粉。我就叫咗咖喱豬扒公仔麵，併豬仔包，我覺得個咖哩都幾好，唔太辣，豬扒分量亦算多。其實最驚喜嘅係個豬仔飽，因為係即刻整，好新鮮。可以再嚟