英記巷仔雲吞麵

营业中

休息中

我係一個雲吞麵控，心思思想去新蒲崗搵Sindy , 於是拉埋太座落水幫佢增磅。 一坐低唔使講嘢即刻整碗60年代懷舊撈麵，即係豬油豉油撈麵，看似簡單，其實充滿心機及技術，麵條零鹼水，你會見到啲生麵一盤盤層層疊放足三日三夜走鹼，麵質彈牙爽身，豬油香氣滿溢，如果呢種香水就好啦，個人推介有三種食法、首先，梗係齋食，第二個做法 喺個碗度放啲醋同埋辣椒醬混埋一齊跟住沾麵、第三個食法係Sindy姐教路, 用本身送嘅醃蘿蔔夾住面一齊食係另一個味道，斗膽講句絕對百吃不厭😋雲吞七三比例（七成蝦三成豬）食落有陣香味，秘密就係大地魚、大地與自己拆肉自己炸、真材實料（正）

夜媽媽肚餓，又凍凍地，於是決定去食碗雲吞麵🍲 最後我同男朋友兩個要左：🐷懷舊豬油撈面 （配上店家自家製酸醋蘿蔔非常夾）🥠淨雲吞套餐+ 🥬油菜因為時間關係，條街人少少，我就決定坐街邊，空氣又流通，特別有一番風味😌

➤ 懷舊六十年撈麵即係豬油撈麵，不過食落口又唔會成口油，👧🏻👨🏻都覺得好驚喜➤ 雲吞要左淨雲吞，份量好多，粒粒食落去都見到最少有成隻蝦，力推👍🏻🤤➤ 水餃撈粗 (腩汁)腩汁好杰身好掛麵條，味道好濃，麵質冇鹼味，非常爽口彈牙水餃入面滿滿木耳肉碎，好滿足👍🏻

之前成日聽D谷友讚佢几好，又話米之連（不過已經係2016年嘅事），又話佢啖大地魚湯有几正，今日專程揸車過嚟試吓，點知兩個字「把鬼」⋯隨便揾間麵檔，應該都好食過佢⋯ 本來欣賞具有醃蘿蔔任食，但係唔會提供任何碟仔俾你，似乎有啲少家，開始印象已經唔係太好⋯麵嚟到D湯小得可憐，心諗一定好正所以俾咁小，試一啖淡而無味，何來大地魚？賣相真係一D都唔吸引⋯ 云吞D肉死實，丁點香味都冇，麵包身更加又鞋又粗，失敗之作食咗一半已經食唔到落去，唔係單走人⋯

睇嗰幾張相就知道……食到一半嘅時候，先至影相！原本諗住是但入一間雲吞麵檔，根本就冇諗住會食到好嘢……點知，給人很大的驚喜！這是一個舊式的麵檔，但是環境很乾淨……由地下到餐具到辣椒油的器皿，都可以算係一塵不染！而且，店員的服務態度，非常好！殷勤之餘，又會跟你開玩笑！是十分難得的服務。食物方面，點了一個60年代撈麵……簡單來說，就是豬油撈麵……份量大，只要你配合豉油來吃，味道就已經很好！雲吞方面，餡料足夠，算是鮮味！另外我還外賣了一份豬手及一份牛筋，豬手品質較好！這間店的口味，比較濃，如果鍾意食重口味，這個店舖， 很適合你！另外一提，他的腐乳通菜，腐乳完全不鹹的……反而帶少少甜！店內任食的酸蘿蔔及辣椒油，口味都非常好……值得去試吓

兩口子睇完TVB介紹香港舊式雲吞麵，決定走訪各區，跟電視介紹去食晒咁多間。第一間就揀咗英記。今日假期，去到要排隊，不過就唔係等好耐。正正常常一間粉麵店囉！老闆娘同電視一樣，真係好鬼親切㗎，仲會成日問你：「啲嘢好唔好食啊？」又教啲客用酸蘿蔔夾住啲豬油撈麵嚟食⋯⋯我叫咗一個雲吞牛筋麵，老婆就叫咗一個墨魚丸雲吞麵，同一碟韮菜。老闆娘推介我哋食豬手，我怕食唔晒，佢就話叫個細嘅試吓啦！咁反正嚟試食，冇所謂啦。第一碟嚟就係豬手，頂呀！乜細豬手都咁大碟㗎，唔夠膽話係美食，不過就好啱我口味，唔係「林治治」嘅，OK好味😋韭菜隔水隔得好乾淨，抵讃！仲有少少豬油味，睇得出啲韭菜係揀過㗎，唔會好老好多渣😋。兩碗麵都正正常常，牛筋好味！雲吞好味！麵都好味！不過個湯就失望，試唔到大地魚味，同出邊嗰啲普通粉麵檔差不多。不過我哋特登嚟試就係因為個湯，真係扣咗好多分🥺🥺最後豬手食唔晒，坐我對面個女人話幫我哋打包，原來係老闆娘個表妹，仲俾多咗兜汁我地添！坐低聽到好多人嗌水餃，所以最後我都嗌咗一打水餃外賣，不過放咗入雪櫃未食

店鋪裝修簡單，但乾淨衛生，而嘅食物就俾到人一種懷舊嘅感覺英記雲吞麵零味精，湯底由店主仙姐sindy親手用足料大地魚熬製，仲會用剩大地魚肉來煲湯，湯底沒有重重鹼水味，清澈得來卻帶一陣鮮香😍當中雲吞水餃係老闆娘每日自己包雲吞用料會用大地魚腩位，拆肉炸，用鎚仔揼碎並且磨成粉末篩粉後再加手切豬肉與鮮蝦一同包，每粒都鮮味可口蝦肉彈牙新鮮水餃入面嘅木耳肉碎都係自家製嘅，而麵質冇鹼味，非常爽彈牛腩牛筋炆到好腍😍😍牛筋漿住係口嘅感覺真係好正丫而且牛腩汁好香濃😋用嚟嚟加雲吞麵再㫒華😋😋😋

英記在新蒲崗係平民老店，以傳統廣東麵食及平民價錢來吸引此區市民光顧，揾食肥華在此店賣三十多元一個麵餐内有廣式麵食一碗，油菜一碟及飲品一杯嘅日子時曾經專誠光顧此店，當時肥華給此店平價係有傳統雲吞麵檔味道及風味，價錢親民堪稱係一間平，靚，正食店，低佢日日都客似雲來，但當此店獲得米芝蓮食評家垂青，獲贈一粒米芝蓮星後，此店麵食套餐在短時間内，每款都加價十元，而味道就越來越差，令到肥華有好長時間冇光顧此店，8月9日揾食肥華在新蒲崗做完強檢後，忽然想食碗雲吞麵，結果去咗呢間米芝蓮麵店幫趁，濶别多時此店嘅雲吞麵仍保持平平無奇嘅，，唔難食但無驚喜嘅雲吞麵，反之個樽免費小食酸蘿蔔及碟付乳通菜卻非常美味，跟餐個杯凍奶茶，色就有但味道就淡如開水，經此一役肥華在此區要食雲吞麵，又少咗個選擇嘞！

見到好多人話好食，自己親身去試吓！個湯底非常之好！雲吞同水餃都非常出色！非常似幾十年前嗰種味道。鍾意雲吞麵嘅朋友，值得一試！最神奇見到細個食嘅酸蘿蔔，個味道非常之開胃！所有回憶返晒嚟👍

🔹60年代豬油撈麵$32撈麵充滿豬油香味，但並不油膩～麵質屬於彈牙，吃下去沒有絲毫鹼水味！簡單撈上甜豉油同豬油已經好足味！枱上提供醃蘿蔔讓客人任食，酸中帶辣，可以中和鹼水麵的鹼和豬油味～超推薦大家一試這60年代的美食，超香🤤🙌🏻🐷

評分：🌕🌕🌕（3/5 ）總評：以街坊小店既雲吞黎講價錢偏貴新蒲崗呢啲舊區估唔到仲貴過旺角兩餸要$40，味道無網上講咁特別🤔實屬一般貨色，唔需要特意去試留意到廚房姐姐無戴口罩煮食衛生環境一般😢—————————————細評：《鳳城水餃併牛腩粗麵》水餃大大粒好飽滿多料但味道上驚喜不大牛腩部位參差，肉眼睇都見到有幾柴☹️同行男友叫左雲吞撈麵馳名既雲吞size係水餃既一半左右內餡既蝦亦唔算好大隻一般旺角食既雲吞麵仲有誠意過佢😂《醃蘿蔔》口感好爽，味道比較酸食兩三舊就會「那喉」

平日晚上去食麵，都算多人食，而且聽得出好多都係舊街坊舊顧客去食，所以充滿人情味。第二次幫襯，仲記得第一次嚟食嘅時候點咗呢到最出名嘅「六十年代撈麵」，即係豬油撈麵。但可能始終唔係食豬油撈飯大，對豬油無乜情義結，加上一向怕食好油嘅嘢，所以對豬油撈麵無乜特別感覺！今次點咗一碗鳳城水餃麵+腐乳通菜+可樂($47)，同埋一碗雲吞牛筋撈麵($46)！鳳城水餃係呢到熱賣食品之一，雖然只有3粒，但都大大粒！有肉有蝦有木耳，非常足料！好味！腐乳通菜略嫌油膩，但佢嘅腐乳醬係自家調製，咸中帶甜，幾好味幾特別！同樣雲吞只有3粒，少咗啲，但可能因為係雙拼，會少啲。牛筋煮得入味，香滑軟腍，非常出色！好喜歡佢嘅麵，因為佢嘅麵條夠彈牙，鐘意食硬麵嘅人會好滿足！但撈麵就略嫌太油，湯麵會清少少！而枱上有一樽醃蘿蔔，又係自家製，非常出色，配麵食一流！

今日係觀塘工作完，就趁掛8號風球前黎到呢間以六十年代撈麵和巷仔雲吞麵聞名 ，並於2016年上過米芝蓮港澳街頭小食榜既英記雲吞麵店。店內環境乾淨，少見雲吞麵店有呢種質素，仲要呢間已經係60年代的麵店，令人出乎意料。麵店老闆娘做事親力親為，會不斷同食客聊天，而且會極力推薦店內特式食物，勤奮既態度值得加許。-牛筋豬手雙拼牛筋、豬手炆得好入味，大部份牛筋都炆到好軟淋，感覺食落好有骨膠原，但有少部份位置相對硬身、不好咬，而豬手主要食層皮，骨肉比較難分離，對於我這種不食骨的人就只好放棄了。-套餐$47湯，麵，油菜，飲品湯的份量像白飯碗般大，有一點韮菜，味道正常，麵方面我選擇了撈麵，撈麵入面加入了豬油，食落幾順口，配埋自家製醃酸白蘿蔔，有種清新感，好像韓國人食水冷麵的感覺，而醃白蘿蔔是任食的，現在已經很少店舖會這樣提供小食了，所以值得讚揚，如果喜歡吃的話仲可以外賣回家。油菜點了腐乳通菜，份量夠大，不過腐乳醬味道偏甜，而且菜灼得比較淋，失去爽脆感。-淨雲吞大粒，足料，饀為蝦同豬肉，肉味濃，但雲吞皮唔夠唔算爽口。-鳳城水餃除左有蝦、豬肉，仲有木耳、蝦子，味道更豐富，更有鮮味，比雲吞更大粒、更好吃。雖然食

見英記勁多好評推介，今天剛好行開新浦崗就去試下，因為唔肚餓所以只是叫了一碗淨雲吞加汽水，雲吞包得好實淨，咬落覺得太硬，味道太咸，虾和豬肉調味都麻麻，虾唔甜，豬肉唔香欠肉味，湯底亦偏咸，飲左2啖就冇飲，奄羅白味淡，唔酸又唔辣，比較淋，只吃2塊便算，雖然比較失望，但知道此店出名撈麵，可能會再去試撈麵

唔係好肚餓，所以淨係叫左個淨雲吞。啲侍應姐姐幾友善，會問下你加唔加菜，又幾有禮貌。個雲吞就中規中舉，入面啲蝦都爽口，湯底唔會好鹹，食完都唔覺好口渴。仲有個酸蘿蔔，如果就咁食會太酸，配埋麵就應該啱啱好。