茶一 (已結業)

本身行過，見有啲口乾就買杯嘢飲，冇乜期望之下，反而令我喜出望外，好耐未飲過咁出色嘅茶飲店，尤其係我哋香港人，自己開嘅就更加要支持啦。我叫咗個奶蓋烏龍茶，個奶蓋好厚身，一啲都唔hea,而且份量都唔少,飲落去好重奶味,啲泡打得好滑，加上烏龍茶本身就有啲苦澀味，兩者中和之下，好出色，價錢仲好實惠添！亞女就叫咗杯芒果厚奶，入邊係勁多芒果肉，而且好甜，未飲嘅時候一層白一層黃咁層次分明，飲落有啲似楊枝甘露，但係再重奶味啲嘅，亞女勁鍾意，我叫佢唔好加甜，老闆話佢哋冇加甜㗎，佢哋注重健康所以都真係令我幾驚喜，雖然冇加甜，但因為佢個芒果本身甜，所以其實成杯野好夠味好Flash！呢間野會再回購呀

呢日又喺鰂魚🐠涌上堂，咁緊係要喺附近覓食啦。放咗學行下行下就過到去炮台山呢邊，主要係想去油街，沿途經過間飲品舖，實在太吸引我喇，因為有神級冷氣🌬，正啊，而且有大大個易拉架介紹有乜嘢飲，所以我同個frd都一人買咗一杯🥤。我要咗芝士奶蓋黑糖珍珠奶茶($29)，要咗半糖少冰，果然係跟足指示，珍珠大小適中，夠煙韌，黑糖味濃，由於要咗半糖，所以靠啲珍珠吊味啱啱好👍🏻，我好驚太甜🙅🏿‍♀️。而佢嘅奶蓋係偏咸，同我想像中唔同，成杯飲品變咗有唔同層次嘅味道。😂朋友就要咗😇天使(焦糖鮮奶牛乳布丁)($28)，落單時店員話呢杯本身無糖㗎，定Set好咗，所以唔洗揀糖量。呢杯係鮮奶所以係白色㗎🥛，我偷飲咗啖(幾啖)，又幾好飲啵，同樣哋唔會太甜，而且個🍮布丁好夾，焦糖味淡淡哋唔會搶咗個味😍。總括嚟講，兩杯都唔錯，夠大杯，又唔會過甜，而我自己更鐘意天使呢杯👍🏻。其實茶一飲品嘅選擇超多，而我懶得揀見到易拉架有圖嘅又吸引我嘅就叫咗😂哈哈。下次再經過細心研究下先，而且價錢都唔算貴。去開炮台山一帶嘅可以前來一試哦。

係北角放工，又未到食飯時間，同同事行街。呢排天氣真係好熱，行咗陣就已經好熱好口喝，所以想買杯嘢飲解下渴，但又唔想去cafe’,咁啱同事話英皇道有間賣手搖飲品嘅唔錯，於是，就決定去試試！本來想試下紫薯芋圓奶茶，不過好可惜已經賣哂。諗咗一輪，決定要一杯天使！原來係焦糖鮮奶牛乳布丁，好彩焦糖都唔會太甜，加埋落去反而好香，牛乳布丁係嘢飲入面感覺好得意，成杯感覺好特別！同事見我揀天使，於是佢話要試杯魔鬼😂呢杯係鮮奶鮮草凍，呢杯感覺較為清新，仙草感覺上好清熱🤣好啱夏天飲

行過北角發現一間主打厚奶既台式飲料，呢排都好少買野飲呀，但今日都熱，見佢價錢都唔貴，一於同個朋友買返各自買返杯歎下解下暑都好啦！👇📌 芋泥小芋圓厚奶 - $28👉 不得不讚既係份量係超足料，食到底仲有粒粒芋圓，越咬越爽，芋泥加厚厚鮮奶既配搭，令成杯野飲增加左唔少層次感，而且甜而不膩，攪拌既時侯加入左少許砂糖，唔需要額外加入糖漿己經夠哂味！成個杯都好靚，粉紫色既外相，真係經典之作！-📌 草莓珍珠厚奶 - $28👉 紅卜卜既賣相充滿少女情懷，任何女士都為之心動呀！沙冰底加入草莓蓉，仲啖啖草莓肉，口感豐富，鮮奶初初飲落好似港式雙皮奶咁，軟滑無比，Staff推薦少甜就已經夠哂，草莓本身已經帶有甜味，混合珍珠一齊食，真係唔錯，果然係無揀錯呀！

夏日炎炎的天氣下，發現了一間位置十分方便的茶飲店，係炮台山站A出口一出，過完馬路就見到。佢鋪頭有曬易拉架SHOW D飲品款出黎，見到都好似有幾多選擇，冇選擇困難症既我都一時間選擇不了，因為每一款都好像好吸引！有大熱的芝士奶蓋系列、拿鐵系列、養生系列之外，還有許多特色飲品像布丁奶茶，鮮奶鮮草凍，水果茶等等....最後我選擇了「芋泥芋圓厚奶」同「焦糖脆脆奶蓋黑糖珍珠奶茶」首先呢杯芋泥芋圓厚奶，性價比非常之高，因為份量係十足十，當中既芋圓更加係全手工自家製，芋圓既質感你會feel到每一粒都煙靱，唔會痴埋一堆，而且芋泥份量也好充足，如果是芋頭控既你一定會鐘意！記得飲之前先搖一搖，感覺會更佳！另外焦糖脆脆奶蓋黑糖珍珠奶茶，這杯奶茶製作既時候十分認真，先係調教好珍珠奶茶，珍珠份量也不少，然後加入自家奶蓋，最後更用火槍燒個焦糖脆脆出黎！一個價錢就可同時有4個享受，性格比十足！

今日同朋友來天后食飯，經過呢間舖頭，已經被入面的o野飲深深地吸引住，作為奶蓋迷的我，當然是要入來試試。呢度都有好多唔嘢飲揀，包括有拿鐵，健康養生嘅薑茶花茶等，純茶系，鮮奶奶茶系，精選奶茶，奶蓋系列，布丁鮮奶，水果茶等。朋友揀左水果茶系列，水果好新鮮，朋友話幾好飲！奶蓋迷的我當然要揀芝士奶蓋奶茶（特選牛奶）另外加黑糖珍珠，一次滿足左我兩個願望，奶蓋口感香滑，味道濃郁，帶有濃濃嘅芝士奶味道，有微微鹹味，更帶出奶香味！

呢間茶一其實我已經飲過好多次，呢度嘅芋泥芋圓厚奶，真心唔誇張，我覺得係全香港最好飲嘅，第一次飲嘅時候叫走糖，老闆同我講佢哋冇額外加任何嘅糖，每日自己煮芋泥同搓芋圓，賣唔灑第日都吾會重用。佢個牛奶好滑，好濃，好有奶味，然後啲芋泥份量好多，而且好綿，啲芋圓仲會咬到芋頭粒，好煙un,好有口感,所以成杯野好夾，飲完都幾飽㗎！因為好足料。耐吾耐就會走過黎叫番杯，推介親朋友，朋友都話我好介紹，而且佢張收據喺五日內，再次光顧可以減$5！抵啊

行到熱一熱，見到有間台式飲品即刻要買番杯降溫，吾洗等太耐即刻沖到出黎，我最怕就係要排隊。鋪頭有好多特式飲品，但本人中意D比較清吾會太HEAVY既飲品。我簡左蘆薈峄蜜綠茶，再加左白玉。入面好多料，店主比左好多白玉同蘆薈，白玉十分有咬口，好食。由於叫左少甜，店主都話峄蜜會份量會小左所以峄蜜味吾會太濃，但飲落都吾甜加上峄蜜亦都十分重。好解渴！朋友叫左荔枝烏龍茶，幾有驚喜，又有荔枝果肉，咬下咬下吾錯，烏龍茶味都好香，飲完條利都好滑無D苦澀味。其實佢一杯都幾大杯，上面仲PRINT左鋪頭個名。飲完可以當食左個LUNCH。佢仲有其他好特式飲品，好似竽泥/紫薯小竽圓厚奶，仲有最HIT既芝士奶蓋，下次都會想試下呢幾款人氣飲品。

今日喺炮台山做完嘢，天陰陰又落雨 如果呢一刻有一杯嘢飲或者甜品可以安慰下自己就好啦！知道茶一喺炮台山開咗大約半年都仲未試過，好多同事都話幾好飲，就一於試吓佢佢個Menu好多嘢飲，個banner主要係皇牌推介 其實杯杯都好吸引 包括有最近好Hit嘅黑糖珍珠厚奶芋泥小芋圓厚奶 正常$28 加大$33原本我係諗住揀紫薯果杯或者呢杯，最後我都係揀咗芋頭 原本都唔係太有特別期望 但呢個真係比到好驚喜嘅感覺 到而家打返個食評個味道真係一試難忘 飲第一啖，甜度剛剛好，同出面嘅黑糖珍珠厚奶係一樣口感 好濃郁好重嘅奶味 我覺得比老X堂仲濃 係好好飲芋圓真係食得出用咗好多芋頭 一啲都唔硬 仲好qq煙煙銀銀間唔中仲會飲到一堆芋泥 我飲完呢杯野真係飽到唔使食晚餐草莓珍珠厚奶 正常$28加大$33呢杯係我朋友叫嘅，一睇佢嘅外型最驚喜嘅部份係佢珍珠同草莓一樣粉紅色 如果以一間小舖頭來講其實佢真係好有心機 奶質同上面個杯一樣 都係好濃郁同埋比較重奶味 而佢入面嘅士多啤梨蓉係真係有士多啤梨 唔使叫少甜都可以 唔酸既但好香 而珍珠都係QQ彈牙雖然兩杯唔同風格，如果要比較我當然係中意芋頭果杯

同屋企人去北角食飯，第一次見呢間鋪，見banner上飲品好吸引便想試試，試完不得了，紫薯芋圓唔係QQ彈彈像隔夜珍珠，33蚊加大超甜，飲第一啖就feel到唔妥，珍珠一係擺左好耐一係隔夜既，珍珠完全唔係平時珍珠，食落口感像糕又像隔夜珍珠，問店員話距地芋圓珍珠係甘ga因為係hand made 所以唔可以保證芋圓係一模一樣我平時食開既芋圓應該係QQ彈彈，真係目前為止食過最難食既芋圓珍珠！中伏唔會再幫襯！大家慎買

下午5:40 我見到佢新開，諗住試吓，但當時店舖的女孩在廚房裏洗野，門面沒有任何人。所以我大聲講唔該，講左五次，大聲叫我想買野，入邊那女孩也聽不到，最後我等左大概六分鐘就離開了真的很可惜！

今次飲芋頭芋圓奶仲記得我第一次飲呢個嘅時候係超級正，因為戈時啲芋泥係超多，芋圓都比較淋，係我飲過最好飲最出色嘅芋頭奶。但依家水準已經下降曬，有啲可惜！佢依家啲芋泥變到好少，融合埋啲奶， 啜唔到啲芋泥了！希望可以去返以前嘅水準啦！

種類繁多，有幾款都很特別。買了杯咩脆脆黑糖珍珠奶茶，嘅名真係太長，完全記不住，就算講都要睇緊。脆脆即係白糖被火燒焦⋯即係「燒焦了嘅白糖」⋯奶茶好甜⋯珍珠都好甜⋯有點奇怪⋯

I noticed this open for quite some time now and thought to try one of their drinks since I'm already there. I browsed through their extensive drink menu and eventually decided on Passionfruit Green tea with mixed Konjac Jelly ($24). It didn't come off as a surprise that the staff isn't very professional. I was standing in front of the staff herself waiting to get noticed but she's just watching movies on her phone. After some luck, she finally saw me and took my order. When she went inside the k