茶啡檔

营业中

休息中

20170225--星期六，接近5:30PM，想不到茶啡檔的下午茶至5:45PM，二人入內有位。點了:瑞士雞翼撈丁($34)--麵有點淋淋的，撈麵能爽口一點會更口，雞翼有五隻，味道一般。豬扒意大利粉($34)--意粉是家人點的，上桌時眼見豬扒賣相好像比撈丁吸引，家人說跟我交換，我還是吃回丁麵，但也試了豬扒，肉質淋身，煎炸得有點香口，有肉汁，意粉有意度，而且有用醬汁拌勻，味道不錯。咖啡和奶茶--相片中左邊是咖啡，味道香濃，不錯，奶茶香濃細滑，兩杯餐飲也適合慢慢品嚐。埋單:$68--每份茶餐也是$34，合理價錢，味道不過不失。平日經過，在門外看見很多食客，但見價位不算低，一值未有光顧晩市，嚐過下午茶後，也有信心試試晩餐的中式小菜和西餐。餐廳環境頗大，食店算是一間提供中、西食物的茶餐廳，門口招牌T-Cafe也許會引來食客誤解，製造了對食店期望的誤差，可能會對食店帶來不夠中肯的評語吧。

今日路經粉嶺食午飯行行下見到有間cafe ，咁就入去試下啦不過話就話係cafe，入面其實係茶記黎不過既然佢改左個名叫cafe，咁我諗服務同食物質素應該會比一般茶記好，只少我入去之前咁認爲入面睇落都算唔錯，環境同服務不過不失！咁點左西餐2号煙鴨胸茄茸長通咁先黎左個例湯，無論食中同西餐都要配中式例湯感覺超怪⋯咁都算啦，但係個例湯好似開左1比99 ，超淡諗住醉翁之意不在酒，比個機會佢，主菜先最重要主菜煙鴨胸長通粉一黎到見到個貌相，我個人認為唔太吸引，食慾同印象分大減，紅色一大片，其實可以花少少心思加d其他顏色配菜咁先試個鴨胸，味道偏鹹，而且愈食愈鹹，食到第三片開始要不停飲野。而長通粉就好乾、加上完全唔夠蕃茄蓉，搞到成個長通粉得個咸字。而同行朋友食其他餐都好壞各半。埋單50 有d貴

甘就上OPENRICE 搵間CAFE 舒舒服服上網啦, 見依間野有不少好評. 入到去嚇左一跳, 茶記黎既! 明明個名係"CAFE", 甘都入左去, 咪試下LOR. 我儘管試下問阿姐(CAFE 通常都係後生WAITRESS, 依個阿姐叫法, 你明我講咩啦) 有無WIFI, 當然無啦, 我事後都好佩服我勇氣, 甘都問都出. 即係去麥記問有無牛仔河甘解.OK, 叫左個招牌瑞士汁雞翼撈丁, 賣相已經跟個餐牌離天萬丈遠, 喂, 唔好甘過份WOR, 我依一刻重抱住可能好好味呢依一絲希望. 食左一啖後便有後悔聲音, 能傷我最深的人, 係你"撈丁". 個麵已經唔係出前一丁, 成個麵無味, 滾水煮過就算, 麵質偏硬. 瑞士汁雞翼, 你唔玩啦, 人地係甜甜地, 你係咸既? 係咪當我未食過瑞士汁先? 最多叫豉油汁雞翼, 雞翼又唔夠熱. 對唔住, 唔可以話唔好食, 係好撚難食. 我想問下OPENRICE d 好評點得黎? 果D人條舌頭用咩做?10分, 最少我之後都無肚痛.

是日週末，屋企人大家各自有活動，全屋得返我一個，早上睡到自然醒，盡一個做師奶的責任後，打掃完屋企，見差不多下午茶時間，唔想開爐煮食所以，落街食個TEA~~~這間T CAFE 之前來過一次，又係食下午茶，選擇很多，牛油果雞扒飽 其實上次都想點，可是上次有人堅持要試窩夫，結果冇試到這次再點，怎料店員說沒有牛油果，只能配酸瓜，嗯....酸瓜跟雞扒好像不太夾那揀返  脆豬扒飽配薯角($32, 連餐飲)吧~~下午茶餐牌還有這份下單後，不用一會便上菜了~~~脆豬扒飽配薯角整個豬扒飽的厚度十足，切開可以看到還有蕃茄、酸瓜等配菜豬扒夠厚，煎得外面帶微微焦香，又夠JUICY，提醒各位，絕對需要拎定紙巾不過麵包就不是脆身而薯角今天好像不是剛炸好的，有點冧身了，不過不失再配埋杯熱華田雖然只是在茶餐廳食個TEA，不是甚麼貴婦High Tea,但能悠悠閒閒的，不用煩惱家頭細務，樂得自在，一樂也!PS: 晚餐餐牌有咖喱類，竟然有得配印度飽，下次要試下先

晚餐時間經過Tcafe看到人頭湧湧，我也來凑個熱鬧試試。店名TCafe, 但没有cafe的半分雅致悠閒,倒像是茶餐廳。現場所見,大部份客人都是叫中式晚餐,看上去的確是價簾物美,而我不想吃中式,所以唱反調要了個黑椒汁羊架晚餐配意粉,羊架餐即煮要等二十分鐘，上枱時賣相十足,七成熟的羊架,羊味濃郁,肉汁豐富,肉質尚算幼嫩,與黑椒汁互相輝映,十分美味。另外,我們還要了海鮮炒烏冬,但調味很淡,海鮮只一般,所以如果下次再來,如果不叫扒類,相信叫中式晚餐才是明智。

講開粉嶺其實好多好野食架！我老友住粉嶺，所以我周不時入哩探佢順便食下野！基本上全個聯和墟都食個曬了！講開下午茶邊間好食？其實有幾間都不錯！但我首推「T Cafe茶啡檔」因款式勁多！係海聯附近，行2分鐘度，好方便！佢＂特色小食＂和＂下午茶＂menu 款式比一般多！「瑞士雞翼撈丁」+飲品$34！真係好好味架！每次想食其他，腦海不期然出現＂撈丁＂＂撈丁＂＂撈丁＂！ (￣∇￣) ！佢既雞翼好正！炆得好入味！不會太咸！個麵濕隰地（底下有汁的）！好味！（睇見都想食呀！）另外，好友叫佢「迷你公司三文治」+飲品$30！抵到暈！我食左一件！好味！好食又大大件！另外，佢既「牛油果雞扒飽」！都好好味架！

Visited T-cafe a few times, first time in 2008 was the best experience: tasty curries and good meat. Lately the food isn't that good anymore. Everything seems to taste the same, meat is chewy and sinewy. Western style it certainly isn't.Nice people running it, though.

T café位於聯和墟，午市時人頭湧湧，但看看水牌，是中西夾雜，就算格局比較優雅，其實都是一間茶餐廳。午間一個人吃飯，無所謂，找位〝攝〞又容易，只簡單的點了鹽焗雞飯，例湯是木瓜湯，味道還不錯，雞與飯是分開上，其實是鹽水雞先真，但浸得幾嫩滑，再加一杯凍飲，都不過$40，比連鎖快餐店平宜多了。

同以前細細個黎既茶啡檔唔同晒.我諗應該轉左手好耐lu..環境方面，都算企理，去果時５點到，無咩人，靜靜地食個tea真係幾開心架。叫左個下午茶餐－－白菌火腿意粉。嗌杯凍飲唔洗加錢　　整體其實唔錯，汁既份量岩岩好，唔會浸住成碗湯咁，味道我好中意呀，唔會太濃。放係意粉黎講又唔會太傑。　　d送方面。。。um....火腿係夠既...不過菌我淨係搵到一粒　　黎到最重要既靈魂－－意粉喇！好在佢唔係茶餐廳feel既意粉咋！我成日食餐茶餐廳叫意粉，都會比一pat淋晒既意粉我，但呢間竟然唔係，仲要有咬口tim！！軟硬適中，開心到我要上黎打食評呀！哈哈！

無啦啦全屋先後中招,今日好少少,諗住落聯和墟搵下野食,同太座行行下,見呢間都未試過,口碑又好似唔差,無壞吖,好又一餐,唔好又一餐啫.裝潢走美式路線,但牆上掛好多套餐相,又攪到不倫不類,香港餐廳毛病之一.午餐其實分中,西兩種,每種各有四,五款選擇,可以講話幾多,而且都係三十蚊起,唔算太貴,有湯有茶,學生都付擔得起.簡簡單單的,先上兩碗例湯,雖然是老黃瓜煲豬骨,但清清地,我係幾鐘意既.葡國雞 : 雞跟白飯是分開上,白飯另用椰菜伴碟,葡汁可以話係呢道菜既靈魂,既有椰汁香味,又唔太濃冽,而且帶有微辣,雞件唔太大件,食得出係一齊煮,並非求其淋d汁上去就算,再加上雞件雖然係冰鮮貨,但處理得好,食落叫嫩滑.乾燒伊麵 : 呢個就失色好多,雖然洋蔥絲好香,但醬油太甜,而且好油,食多幾啖都覺得"膩".要提一提係黑板上無寫有餐湯同餐飲,我無問佢都唔出聲.每個餐都係三十個大洋,上菜算快手快腳,不過中途見到位六,七十歲既老人家捧住一盆刀叉由後門出黎,好明顯係就清洗工作,雖然行動緩慢,而且仲跌左d落地,但伙記都無'喝'佢,由得佢慢慢黎,真係佩服老人家自食其力,亦都欣賞其他人對佢既包容,人情味此刻盡在不言中.

前幾日同婆婆和妹妹黎呢度食早餐個場都幾旺, 十幾張枱坐差不多坐滿場入面好有美國small town feel加上頭頂轉下轉下ge 風扇.....超舒服.....落完order伙計都幾快手就送左食物上來婆婆叫炸菜肉絲米線我叫左三文魚炒蛋妹妹叫左香草豬肉豬藍妹窩夫婆婆個米線雖然都幾大碗....但係食落就無咩味lor.....失望wow..................但係我個三文魚炒蛋就好正, 好fresh 的感覺唔會太油, d 三文魚唔會太熟, 炒蛋亦唔會太老仲有埋bacon, 又唔會太dry, 肥瘦剛剛好 一個字 正!!!!妹妹個香草豬肉豬藍妹窩夫又係好正!!!!佢個窩夫連婆婆食完都話一流!!!可惜食完先醒起唔記得影相.....$25 連野歛凍熱同價勁抵食!!!

尋晚成10點幾先番到粉嶺，但係又未食晚飯，基本上冇乜選擇。結果發現T Cafe未close，於是即刻入去睇下有乜野食。原來成10點佢重乜都有，結果我食左個咖哩雞飯同飲左凍奶茶。食物不過不失，員工服務OK，都係一個可以再食既餐廳。不過尋晚隔離有兩個男人晌道睇手提TV，重要開到好大聲都幾煩... 不過算啦，佢地都係冇地方去先係咁姐...

同呀DOM食完麵後,仍未夠就無奈地回家了.回家後呀媽話同我去食T,仲指家食呢間TIM.我真係好開心,又可以食LA~去到巳是4:00,人流不多,店內的服務員不是後生的年青人,但真是很有禮貌,值得一讚,我們叫了2個T-SET.焗薯+奶茶($28) ,芝士火腿飛碟+奶茶($24)焗薯香噴噴,有D芝士同,紅色豆好好味,芝士火腿飛碟外面好脆,我食了一口,裹面D芝士好多,流出來,所以食的時候要小心D.奶茶好香滑.夠茶味.唔怪得呀媽指定食呢間LA~果然好介紹~哈

我記得第一次係同我男友黎食晚餐..............叫左好多野食唔哂~佢地個份量唔係細..........一個人只好叫一樣野就夠!下午茶:curry牛腩粗係好好味架~~~正呀!

5.7.2008 (六)第二次黎T-cafe,好懷念肥豬上次食個o個大碌德國腸蛋餐,今次我要食哩個!!$17 一大碌德國腸加炒蛋加多士一塊,碌腸已經足以質飽你.... 炒蛋好味道~德國腸又好味~我仲食唔晒添,雖然無野飲,但我覺得都唔貴呀。肥豬就食咖喱牛腩河粉,好古怪的配搭,河粉都唔o索汁o既............... 亞姐唔記得幫佢杯凍?茶落單飽飽~多謝肥豬!