茶木‧台式休閒餐廳 (上水中心)

营业中

休息中

食評如下個麵淋軟適中，不太淋又不太硬有口感。也不太辣但又有麻香味個餸有牛筋，牛筋算淋。但個牛肉係一般肥牛，略嚴煮得比軟熟另外有個伴餸，個鴨血不過不失。整體黎講個價錢性格比合理，值得一試

好耐冇食茶木，假日都唔洗排隊冇咩人入去用qr code點餐叫左個鹽酥雞扒手作麵，個雞扒好麻麻，入面啲肉係嫩口，但外面個層皮好難食，好多粉，又唔係鹽酥味，冇調味。啲麵都OK有咬口。另外加咗個$22嘅紅油抄手，但係個抄手完全唔合格，入邊啲肉一粒都見唔到。你都茶木一定要試佢嘅蜜糖磚，果然冇失望，今次仲食咗佢嘅士多啤梨蜜糖磚，每次都要將啲麵包點佢嘅士多啤梨雪糕，麵包烤得好脆，正佢杯紅豆薏米水就完全唔得，甜到傻咗

午餐時段唔算太多人等位，等了十分鐘便可入座，環境整潔唔錯！點了香煎沙朗肉燥飯，有幾塊好有牛肉味既香煎牛扒，細細塊但都好多口感，配料有流心既溏心蛋，青瓜及雪菜，而且肉燥飯好大碗另外點了台式麻辣半筋半牛肉手工拌麵，賣相唔錯，牛肉大大嚿而且夠厚身，炆得好腍，而且仲係一層筋一層肉，索曬d紅燒汁好入味，椒麻手工拌麵好煙韌彈牙，加埋香濃既麻辣汁，食完成個口都麻痹了，跟餐配有鴨血，拼素鴨，所以都好夠飽而且跟餐包了飲品，性價比高

食野食到好悶，諗緊茶記，西餐之外仲有咩好食係上水。見幾年無食過茶木又勁耐無食過台灣野就不如食茶木。上水茶木間唔中都排長龍，但幾年前新開張食過覺得好貴分量唔多質量又麻麻。但今日外賣lunch竟然又覺得ok。1.香菇肉燥伴麵 - 肉燥較少同味道較淡。2.黑醋味醂豬軟骨飯 - 分量足，夠晒林，入味。3.紅蔥優格海鮮藜麥飯 - 海鮮唔太新鮮，但乳酪藜麥飯出色。4.青醬奶油雞排九層塔闊條麵 - 不錯但雞排略為細。1. 同2. 係2人外賣自取優惠套餐黎，送一個小食，都幾好低d。

多次光顧、連鎖餐廳食物不錯，地方寬敞，今日點了鴨血麻辣牛腩撈麵，麻辣味適中唔會太辣，適合我唔係好食得辣嘅人😂牛腩好味，每次我都會點黑糖珍珠奶茶。朋友點牛肉麵，佢話每次都會點這個話最好味😋

好耐冇食茶木，都好掛住茶木啲臺式香腸，今次特登揀咗臺式香腸肉燥飯。香腸肉燥飯配料好豐富，有台灣香腸，肉燥，滷蛋，青瓜，酸菜同蒜片。一直好鐘意食茶木啲臺式香腸，啲香腸好juice彈牙，喺香甜啲口味，搭配埋啲蒜片一齊食，好似食啲蒜味香腸，好正。肉燥醬汁有少少濃郁，肉燥都比得幾多，撈埋啲飯一齊食好正，仲比啲青瓜同酸菜可以一齊食，不過青瓜就白左啲，應該比啲沙律醬會好少少。今次仲好好彩，滷蛋竟然喺雙黃蛋，好似一下食到兩個蛋更，好得意！

上水哩兩年大有進步，進駐咗唔少市區常見嘅美食餐廳，而其中一間早期👩🏻‍🦰👱🏻‍♀️👩🏻💄💋港女聚腳打卡舖——— 茶木，就成為咗該區其中一間例牌排隊餐廳！今日小妹就孤身隻影咁，大概早上11:4X，去到餐廳門前，暫時未有排隊跡象，就諗住兜番一兩個圈先再決定入舖時...唔通上天要懲罰我心大心細到其他食肆門八卦？真係轉個圈就要排隊！平日嘅🕐lunch time 都唔好睇好以為唔洗排，好彩最後等咗5分鐘就有位！因為剛剛病好仲要戒口，係唔太開胃情況下，就叫咗個🍝青醬奶油雞排九層塔闊條麵，配埋🌹☕️玫瑰紅茶。諗起5、6年前同一班好姊妹，ex-BF到茶木必會叫個d 🍦🧇雪糕多士打卡影相，順手慶祝埋生日🎂。但而家黎茶木，除左同好友聚舊，住附近嘅我，同時變成忙碌生活嘅歇息地，一唔品嘗清香玫瑰而唔澀嘅熱紅茶，一路靜看舖外每個路人來來往往。而青醬奶油雞排九層塔闊條麵中，香草草青味唔太強，唔喜歡食草腥味嘅人應該嘅鍾意佢陣奶油味添！雞排係先煎後再加入煮好嘅闊條麵撈，所以唔係白烚有番d 味～

如果想食台式餐廳，上水唔係特別多選擇，又唔想行咁遠所以就嚟咗呢間茶木台式休閒餐廳到試吓。嗌左個麻辣撈面，味道都ok，幾香麻辣味，但係個價錢真係有點貴，下次可能會令願行遠少少🙈🙈🙈🙈

曲奇巧克力蜜糖磚塊​黎呢到食必定會想叫既甜品，做緊8週年優惠價$58，正價其實好貴💸唔抵食。每次食都會先拎起球雪糕🍨放係一邊，再將入邊已經切好左一粒粒既🍯蜜糖麵包點埋雪糕一齊食，個口感好正，令人食唔停口。​

😎 又係我上水地膽， 邊間最好食我一定知， 茶木咁多間分店嘢食都係一樣，只係裝修同服務員可以做下比較初初開業好多人 日日都排上30分鐘， 而家疫情我覺得店舖安排得非常之好，人流管制疏落，食客非常安心，人與人之間距離，絕對多過1.5米👍上次試過吐司輕食， 今次試下個火粉，揀咗雙蛋如果有 烚蛋覺得會更好更健康， 個米粉係台灣雪菜肉絲， 米粉就一般有啲爽口， 不過個饅頭呢就真係幾好味少少甜， 呢度嘅豆漿就比較甜所以我揀咗杯熱檸水🍋🎈 餐廳只係得一兩個侍應，所以好繁忙，佢哋嘅服務質素就真係好一般， 起碼要等幾分鐘先有個侍應幫忙

茶木是一間台式餐廳，賣各種台式美食😆，例如310溏心蛋肉燥飯或者紅燒牛肉麵。入面的環境舒適，我通常都是同朋友去，但是也非常適合情侶約會🥰今次是同朋友去食晚餐，當時差唔多7點, 出面都有人排隊，最好去之前訂座，或者早去嘅朋友可以先拿位。🤪🍲310溏心蛋肉燥飯🍲$: 72肉燥飯是我最鍾意的台式料理🥰每次去台式料理的餐廳都會叫。佢地是用一種特別嘅方法去煮溏心蛋，好似是用310呢個數字去煮。D蛋黃味道還可以，唔係太咸🧐我特別鍾意D飯同肉。😋只是有D太多飯唔係幾多肉，所以食到一半都剩白飯。🥸比例唔平衡🧐個D菜就有D怪味，所以最後都無食到😓除左飯之外，佢哋都有面食，我朋友叫咗湯面🥰聽講都好正🤩D湯就好似咸咗D😓佢哋宜家每張枱都有消毒搓手液，方便客人洗手。🤗D枱還算乾淨🤔🍓甜品🍓$: 58 HKD毎次返香港都會同朋友食嘅甜品，我係一個士多啤梨🍓控，所以超鍾意呢個甜品。但是對兩個女仔來講，呢個甜品有D太大，食唔晒😓宜家做緊減價，本身90幾蚊但係而家變咗做58蚊🤩🤩食完又唔會覺得太漏🤤啲麵包外脆內軟真係好好食🥰如果想食得晒個甜品嘅話我覺得要三四個人先食得晒🧐🥸服務🥸啲服務員唔係經常行嚟行去所以要舉手一段

我叫左一個花枝面線既餐首先有三款小食 有菜、糖心蛋、茄子我食曬啲茄子，好入味。糖心蛋味道正常蒸 我冇食 比唔到評價花枝面線，一碗裏面有三條花枝，面線幾好味，同我係台灣食過既味道差唔多另外仲有一碟有啲配菜&二隻雞翼味道方面普普通通 似平啲茶餐廳啲野食味我見餐牌上既係鹽水雞翼，但我碟上果二隻明明似炸雞翼，食落都係炸雞既味我諗緊到底係我唔識分定佢真係轉左炸雞翼呢？不過我都只係疑問，二種雞翼我都食既，所以冇我特別問職員，食飽就算啦，因為食果日係打風，純粹係附近搵野食，食飽就可以總括： 最好味係個面線 以上純粹個人意見

茶木新推出左麻辣撈面，可配蟲草雞或牛筋腩，我同朋友一人叫左一款，試晒😆個餐配一份小吃，我幾鐘意，有一小舊素腐皮卷及一小舊豬紅。個面口感幾好，撈面黎講做得唔錯，有好微好微嘅辣，夏天食是不錯的選擇，幾開胃。雞個湯呢，都ok，有幾條蟲草花嘅，雞都滑。牛筋腩朋友話味道可以不過有d辣，但係d牛筋腩係夠軟身並且入味的。所以完全唔食得辣嘅朋友，考慮清楚先好叫牛筋腩，總括黎講：我覺得可以一試，我下次都會再食😊

今日難得放假，想食甜品慰勞平日辛苦嘅自己，俾自己開心下，於是落左街搵近嘅鋪頭食甜品啦。行行下就去到哩間鋪頭啦。因為得自己一丁友，又未食過哩間餐廳，唔敢叫大多，於是聽左個侍應介紹後，叫左個草莓香草蜜糖磚塊黎食啦，點知食左第一啖，比我想像中好好多拍得著出面甜品店嘅水準，唔係死甜，草莓仲好新鮮添，甜度啱啱好又唔太酸，而且份量又大一個人根本食唔曬，所以我決定下次gathering 會叫埋幾個朋友黎哩間餐廳，咁我地就可以試下其他唔同嘅甜品，大家開心share 下

呢排周圍都有好多餐廳出左抗疫價吸引下d生意 茶木都有外賣自取優惠 見到佢有個$53 鹽酥雞肉燥飯 仲配埋黑糖珍珠奶茶 唔洗加一呀!平時食個lunch都要$70-$80 轉飲黑糖珍珠奶茶又加十幾蚊 今次外賣自取真心抵 wo 一於試下先叫完等左差唔多十分鐘先有得拎 原來佢鹽酥雞係獨立分開包 好貼心呀 咁樣就唔會比d飯整濕整林 仲可以保持到好脆同埋熱個飯份量亦好多 肉燥好夠撈飯 味道唔錯 仲有半隻糖心蛋 至於杯黑糖珍珠奶茶就無咩黑糖味 叫左少甜真係唔夠味 下次要正常得la