茶木‧台式休閒餐廳 (上水中心)

营业中

休息中

同媽咪喺北區行街街，順便睇下有乜新店試試，點之媽咪一早諗好試喱間台式店，原來媽咪都係個貪心鬼😝，鐘意喱度有埋甜品，一條龍甘食😋！既然知道佢個❤️意，一定會滿足下喱位港媽先😂喱度私隱度都幾高，枱與枱之間保持距離餐廳好整潔👍🏻👍🏻第一次飲台式嘅湯，黑糖薑母鴨湯好濃嘅藥膳味道，飲得到有當歸，杞子，黨參嘅滋味，難得係鴨肉都保持嫩滑👍🏻👍🏻，好好飲👍🏻(飲完都覺得好保身☺️)炸雞扒肉燥飯，肉燥入口無肥膩感，雞扒炸得酥脆可口（合格😌)香料雞肉蝴蝶粉，濃濃芝士掛上蝴蝶粉上最後緊係開心時間啦士多啤梨蜜糖磚，睇見過賣樣已經😍😍，士多啤梨又大粒又香甜😋，分開去望下先😍，每粒多士都充滿蜜糖，好香脆，多士邊拌士多啤梨雪糕同食又令一番滋味，好滿足😋

呢間分店由佢開舖到而家,我都經常幫襯,唔係話佢啲嘢特別好食,其實只係方便我自己住附近~因為而家佢哋多咗好多set選擇,唔駛吓吓都散叫~今次嚟食tea,嗌咗個水果茶,抹茶甜品同餃子,價錢當然唔係平啦…味道更加普通個抹茶雪糕簡直甜到一個點,餃子係超市廿蚊貨式嗰款味道囉…我反而想講,嚟呢間食嘢,首先您要沉得住氣同夠耐性,事關呢度啲服務員好hea,您叫一聲唔會有人彩您,叫第三聲先會有人過嚟！同埋佢哋好似出緊法國餐咁,每一樣嘢都會隔好耐先嚟！您會越食越火

Happy Friday 放工後當然約好姊妹來個聚會，我們三個女生聚會目的是聊天和吃甜品。所以環境舒適是首要考慮因素，我們最後決定了上水中心的茶木。等了不用十分鐘便可以入座，我們因爲不是很肚餓所以選了蚵嗲肉碎泡飯和煙三文魚沙律Share。蚵嗲肉碎泡飯原來有芫茜，幸好這個泡飯吃下去沒有芫茜的味道，因為我和朋友都不愛吃。這個飯有很多蚵仔每人大概可以吃到3-4粒，而且每粒蚵仔也很肥美喔😋但這個泡飯就有一點點鹹，如果平日吃得清淡的朋友可能未必很喜歡。至於我們就很滿意這個泡飯，下次會再叫。之後煙三文魚沙律，有5塊大煙三文魚😋蔬菜很甜，沙律醬是芝麻醬。醬汁可以自己落，想健康啲的我們選擇不落醬🤣另外飲品方面我們選了花茶，我飲洛神洋菊茶，另外兩位朋友叫了熱帶水果茶和香草蘋果茶。大家互相試試，熱帶水果茶好飲，水果新鮮所以成杯茶也甜甜的，飲完我們還爭住吃水果🤣至於我的洛神洋菊茶不錯喔，帶微甜其後查了這茶的功效發現有清熱解毒瘦身減肥。哇，下次要再飲。哈哈....最後的香草蘋果茶我和另一位朋友也不太喜歡，這杯比洛神洋菊茶甜而且還有點點藥水味🙈最後當然少不了甜品啦，其實已經吃到七成飽但女生是有另一個胃裝甜品的🤪

中伏之選 $43 下面全部係冰磚 得上面一層幾粒竽圓 店員話下面啲冰打碎左 其實仲係一大舊冰磚 最後換返一款熱嘅！ 如果想食竽圓建議叫返熱嘅 就有紅豆沙底 先感覺自己真係食緊糖水！

黎茶木排隊是常識吧，不過間間排法都唔同，呢間就係門外排隊無得禁飛仔，無得行開排排排，終於到我地。是日點左黑松露手工麵，媽媽係食素，所以配料一律走，所以食起上黎就好清淡 不過就係因為咩都走，所以松露味好出。姐就叫左個炸雞排手工麵，雞排新鮮炸，熱辣辣，味道正常~我就叫左果水餃冬菇手工麵，水餃同一般街外食既差唔多，反而係個冬菇驚喜，有兩大隻仲好淋好入味最後仲叫左糖心蛋~飲品就叫左芒果蘆薈沙冰，桔仔茶同玫瑰咖啡，個人叫既桔仔茶都唔錯，暖粒粒，酸酸甜甜，其實就無試，不予評價。

今天一早匆忙上了深圳開了一個會，又匆匆忙忙趕返來，嘢都未食，好肚餓。在上水落車，食個 tea 先。之前試過來這裡吃午餐，人多到要等位。現在茶市時間，天淵之別，鬼影都唔多個。我真係好肚餓，所以叫咗一杯嘢飲，同三樣嘢食。【黑糖珍珠奶茶 $29】茶味和奶味都夠，黑糖唔太甜。不過啲珍珠太細粒。【馬鈴薯絲炸蝦卷拼金黃鹽酥雞 $45】出到嚟是熱辣辣的薯仔絲包住隻蝦來炸，炸得好香脆，好食啊! 鹽酥雞入晒味，亦炸得鬆化。【台式烤香腸 $65】唔肥膩，薄切易入口，加配生蒜和蔥段一齊食，更加香口。【紅豆抹茶層層疊黑糖磚塊 $78】最期待的終於出場。麵包切成條狀，炸脆，砌成層層疊。上面加一個綠茶雪糕球，然後再淋上紅豆蓉，最後放些士多啤梨整色整水，都靚嘅。如果有人陪我玩層層疊就更好。味道方面，紅豆唔太甜，亦夠香。綠茶雪糕一向是至愛，呢個味道都過得去。可能，真係叫了太多，太飽了。今晚，可以唔使食飯，慳番餐。

今晚我們喺上水站附近做完嘢之後，去咗上水中心睇吓有邊間店好食？行到去「茶木·台式休閒餐廳」見到他們最新推出咗幾款食物，分別係撈起同一人火鍋，加上呢幾日寒流襲港，最啱就係食啲熱辣辣嘅嘢，所以我們就決定入去食晚飯！我們叫咗Fun紛撈喜一上碟嗰陣我們睇到都覺得果然係實物同圖片不符，因圖片影嘅好似好大碟咁，但出到嚟嘅係比較細碟，同相片影嘅有一段距離，雖然色澤賣相都幾色彩繽紛，有「軟滑嘅煙三文魚、唔係好鮮味嘅帶子、爽脆嘅青瓜絲、無乜味嘅松子、「粗嚡」嘅鷄絲同都算煙韌嘅四色麵條」，但份量就真係太少！沙茶牛肉鍋嘅沙茶醬味道過度濃郁，完全掩蓋晒牛肉嘅味道，而且份量亦都比較少！麻油鷄鍋嘅鷄全部都係鷄翼同鷄翼尖，但就無咗鷄中翼嘅位置，所以差唔多係無鷄肉，而且麻油嘅份量超級多，所以感覺極之油膩！茄義起司海鮮鍋係幾款之中叫做好啲，蕃茄湯底都幾濃郁，蝦肉都幾爽甜彈牙，蜆肉都幾鮮甜，舖底嘅蕃薯粉亦都幾煙韌彈牙，但亦都係略嫌份量太少！就係因為幾款食物嘅份量太少同埋味道唔係太好，所以我們到最後就係要叫返一碗Teawood香辣牛肉麵嚟食，因湯底嘅味道相當鮮味濃郁，牛肉係半筋半肉，所以肉質極之鬆軟嫩滑，牛肉味超香濃，麵質

星期六晚上六時多，不用等位，與友人二人同行，可即入座！先來一個蝦沙拉，本來是選三文魚但賣光了唯有轉蝦，沙律醬是麻醬，份量可以自行加。主食選了兩樣，分別是 蚵嗲肉碎泡飯 和 松露野菌奶油培根手作麵泡飯份量挻多，不會很咸手作麵的松露味也挺香， 配合奶油，味道很好！最後，選了蜜糖磚塊作甜品。剛巧看到桌上的宣傳單張，得悉餐廳有5週年優惠，下載餐廳的應用程式，便可以得到優惠券 蜜糖磚塊的優惠券需吃滿150元，便可即時使用，所以可以以優惠價HKD65品嚐到。

約左個fd近近哋喺上水食晚飯想食嗰2間都排晒長龍 我哋分道揚鑣一人排一間結果茶木比較快我哋揀左2個dinner set酥炸蚵嗲！ 外層好香脆，feel到食完會好熱氣🤣裡面嘅蠔仔 好嫩好鮮味地瓜燉嫩牛腩未試過牛腩同蕃薯一齊食，原來都幾好味！牛腩燉到好淋，唔會有渣！不錯的

無嚟茶木一段時間，由之前全部單點，變成晚餐有set，再變成而家有埋多款tea set選擇！Tea set有咸同甜嘅選擇，有輕食同飽肚選擇，再加杯飲品，最貴都只係60至70蚊左右，已經計埋加一服務費！其實幾抵食今日肚餓，所以兩個人嗌咗三個餐有飯有麵有小食，3杯飲品！超抵麵就嗌咗酥炸雞排麵，份量同平時正價相差半件炸雞分量左右，味道正常飯就嗌咗台式香腸飯，呢個飯同餸嘅分量明顯同平時正價相差一半，但以tea嚟講，其實係足夠嘅！味道亦好好味小食就嗌咗個芝士雞翼糖心蛋，個雞翼係無骨嘅，釀咗啲芝士入去，一啖咬落去好有口感，亦好香芝士味，超有驚喜個糖心蛋亦超讚蛋白有啲咸香，蛋黃滑溜黏口！飲品都有幾款經典款式選擇，冷熱都唔駛加錢

茶木我都係食第二次,今次俾我感覺價錢正正常常但野食野就偏細碟😢而我就覺得呢個意粉味道夠濃郁,而我唔中意食豪仔粥既我都覺得佢既豪仔唔會做到有腥味而已都好足料👍👍但等位方面就比較耐半個鐘至45分鐘,建議時間上早啲去就唔洗排咁耐

今日忽發奇想想食茶木，下午時分當然叫了個較為優惠的午餐，一個炸魚配燥肉飯、一個沙冷配牛肉麵，然後加錢叫了杯宇治抹茶奶蓋和茉香奶茶。炸魚已經是幾年前試過，現在都已經忘了是什麼味道，於是喜歡吃魚的我便想試多一次。最初一看，會以為是配上芒果做的汁，吃下去才發現是橙。於我而言，這是一個新的配搭，酸酸甜甜算是開胃，配上飯一起吃剛剛好。本來特意過來是想吃草莓磚塊，但後來看到新出的丹麥花之戀賣相吸引，加上吃完正餐已經有點飽想吃個份量較少的甜品，便點了丹麥花之戀。這個完全是驚喜之作，冰凍的雪糕、香蕉、草莓、菠蘿配上厚多士及熱的鐵板，甜度剛好，而且很適合冬天吃。

我們三位排最前，明明有張四人枱，係要入咗後面兩個兩位先（已經完全不合邏輯二人枱出嘅頻率點都會快過四人枱吧）。再等十分鐘，陸續有兩張二人枱和一張四人枱出返黎，但服務員先招呼後面兩位入座。當時已經燥燥地，都唔緊要。我們坐下後沒有餐牌，服務員居然說：'自己入黎唔係應該自己拎架咩？' 咁請你黎做咩呀，小姐？

星期五諗住商場邊間有位就食,點知間間都好多人等位,好在今日8點幾先食飯,等位都快d~去到上水中心行到尾,橫掂邊度都要排～就試下茶木喇～～無錯～我第一次食茶木。平時無乜特別想去食,但今日見到d特飲就好想飲,見到吐司就好想食,真系大鄉里,我知呢間野開左好耐。我地又想一人叫一碗麵,食飽再食吐司。或者叫個餸再叫麵。或者叫幾個小食同麵⋯⋯總知隔離檯食緊既(吐司)草莓磚塊,我地一陣食飽就要食！真系勁香呀！我系咁偷望偷聞人地個草莓磚塊！冷靜d,我覺得我地今次真系簡左好耐又餓!叫杯沙冰特飲～蝶戀花草莓蘆薈$36上層士多啤梨果蓉沙冰,每啖都充滿士多啤梨味,甜度岩岩好,仲好多蘆薈粒粒~~下層蝶豆花加糖水重手左,飲哂沙冰後好甜要自己加水,本身沒什麼味道的它本來是藍色的,但當遇上酸鹼度,顏色就會改變,如加入鹼性既檸檬汁就會變成紫色,而呢種咁特別既顏色系天然食用色素,含豐富花青素等好處～但都有食用禁忌如孕婦不宜食用等～～!香辣牛肉麵$73,Q彈既麵條與齒頰留香的辣湯真是辣得過癮,5舊肥美大牛肉～比例完美的半筋半肉,一點也不柴口,非常Juicy~紅蘿蔔,白蘿蔔大舊又入味仲好甜～酥炸雞排麵$67(麵條可轉新竹米粉)

今晚媽咪話好耐未食過茶木，就陪佢等下，點知一等就等左30分鐘先入得…等到好肚餓…地爪花枝餅，花枝非常彈牙，旁邊係沙茶醬，但我覺得唔多夠味，若改為沙律醬或甜酸醬會較好吃櫻花蝦奶油津白，好鍾意食上面D櫻花蝦，爽爽聲，哈哈，娃娃菜好香奶油味，不錯花枝墨魚麵，每次黎茶木都是必點，但今次有點遜色，落太多cream，食到好膩，而且亦好咸…鹽酥豬排鹵肉飯，一咬落去D豬排同炸粉散晒，鹵肉飯唔夠多肥豬肉，完全唔香。草莓蜜糖磚，完全食唔到D麵包粒有蜜糖囉…我平時係尖沙咀食茶木係好好食既，但上水呢間真係較差