茶木‧台式休閒餐廳 (上水中心)

营业中

休息中

上水茶木開咗之後長期都排長龍，但我仍然好鐘意幫襯，因為環境好、坐得舒服。飲品種類多，夏天行街行到熱熱地就最岩嚟飲下野。哩到食物質素唔差，環境又好，但就有一個問題，佢係冇套餐架！！！仲聽講話係唯一一間冇下午茶嘅茶木😭😭😭每次都要食物還食物、飲品還飲品咁叫，真係貴咗少少。

吃蠔仔湯飯送蠔殼，仲要服務員態度照舊，價錢和服務不成正比，不是話重新整一碗新，客人就要接受，而且我們仲要不是 貪心的人，只想睇下你們會如何處理這类的投訴，原來只是free多碗就算，失望，投訴你們，只想你們再好些

一早知道上水開了茶木，可是經常大排長龍，嚇退了我這個懶於排隊的典型香港人這天朋友說很想吃茶木的吐司，所以提早來排隊。酥炸豬排肉燥飯 $67每次必點這個豬排肉燥飯，豬排炸到外酥內軟，還保留肉汁，外皮灑上調味粉，鹹鹹的。肉燥真的很配飯，瘦肉跟肥肉的比例大概是8比2，不會覺得膩口。梅菜也是必吃的，我的吃法是跟肉燥混在一起吃，比較有口感，也是可以把爽脆的青瓜配一齊。卤蛋比較乾，不過雞蛋很香。絕對要點來吃！草莓香草磚塊蜜糖吐司 $78草莓很甜，有4大顆。雪糕也是草莓味的。中間是一粒粒正方形的吐司，烤的酥脆，配上冰凍的雪糕跟奶油，很好吃後記: 記得以前在旺角吃這個吐司一定要在點菜時要先下單，因為要等很久很久的。於是在上水茶木，服務生問要先下單嗎的時候，我們當然說是呀！悲劇就這樣發生了。。。沒想到5分鐘後甜品就上桌了，可以主菜還沒上來啊！服務方面: 每次上菜都沒餐具給客人很不好。

茶木我食過幾間分店，上水呢間就第一次，亦係較差的一次😔我地1:35去到博下過咗午餐時間唔使等位，去到真係無人等，鬼咁開心，但原來入面無檯，算啦呢住第一張到我地就等一下吧！終於到我地有位既時候，一坐底個職員就話午餐仲有兩分鐘cut 單。喺其他分店都試過咁上下時間食，但職員好好會喺我等緊位既時間同我講，叫我唸定食咩午餐，上水分店職員就唔識做，同埋佢地員工之間就不停吹水，都唔留意客人需要。😭我通常午餐都會叫紅燒牛肉麵，但轉辣，竟然呢間分店話無得轉，只能提供辣椒油😱😱無得轉就食set lunch 啦，平$10架😅😅好大碟辣椒油雖然係碗迷你版牛肉麵啫，都唔使得一片牛掛，仲要係牛展😔梅子酒槽燜排骨，個汁唔錯，酸酸甜甜幾開胃，可惜排骨就好似牛肉乾咁😅上水分店我唔會再去，因其他分店比佢出色

今日同朋友去食上水茶木，裝修ok，但食物質素差～未夠13:30，午餐套餐冇紅葱醤油燜鴨同三杯燘豬手，order乜冇乜，最後叫左手撕雞午餐配柚子茶～柚子茶大杯，但淡而冇味，好似飲水咁～午餐肉燥飯，飯硬又唔熱，$66加埋一total$73,咁既質素，真係接受唔到～

夜晚21:00去到茶木，都仲要排隊...茶木真得好受歡迎呢...🤔🤔🤔蜂蜜芒果蘆薈原來是沙冰....不過芒果味較重，蜂蜜味反而較少，但不是太甜...對於我來說，是剛剛好呢⋯⋯酥炸雞扒肉燥飯...賣相都唔差，但雞扒個層既炸粉就厚在少少...唔知係味太夜去...所以水準差在少少🤔🤔

環境服務親切，食物……今日五點同先生來個下午茶，唔洗等位夠靜！好の以後會同d friends 黎。。。。。食咗D乜:兩個沙律，—個九層塔蚧蜊&—凍—熱品，(熱)紫薯拿鐵‘新品’都OK

係上水開左間新既茶木其實茶木已經開到周圍都係但唔明點解仍然keep住有人龍同屋企人搵地方食晏12點半早過d學生哥到去到都等左15分鐘到坐低就揀左個lunch set黎食 相對地都幾抵食跟餐有d特飲 唔洗加錢幾好前面個杯係紅豆薏仁水 後面係台式酸梅湯酸梅湯甜甜酸酸既 唔會死甜 都幾開胃！薏仁紅豆水都幾重本 底下有好多薏仁同紅豆唔會太甜 好清涼好好味無幾耐主菜都黎喇呢一set係 皮蛋豆腐(前菜)+柳橙鱸魚扒(主食)+香芋新竹米粉 ($58)前菜普通 但加左個麻醬 幾好味柳橙汁唔會得個酸字 有少少甜咁 配個炸鱸魚會減左個種油膩感 但炸粉太多 好似食唔到魚乜滯新竹米粉芋頭好林 米粉比平時既幼身好鍾意媽咪就嗌左Teawood紅燒牛肉麵($70)牛肉同蘿蔔都炆得好林諗住係集團式既台式牛肉麵 但都比想像中好味雖然都比單嗌抵食 不過新界區既午餐黎講 都算頗費

今晚突然想食茶木，但又好怕要等位，次次經過都排長龍，即管去碰碰運氣，去到門口就可以即刻入座，可能因為已經 21:00 了，諗下食 d 咩先🤔商量一輪後，就點了一個麵兩款小食，開心 share 下先台式滷味拼盤 $71，有雞蛋、腎、豆腐、雞亦、牛展、五花腩，好多款呀，份量剛好，又可以俾我試到唔同小食，啱晒乜都鐘意試 ge 我雞蛋、雞亦同豆腐都入味唔錯，雞亦又唔用過淋，腎夠爽口，五花腩同牛展又夠淋地瓜花枝餅 $65，熱辣辣上枱，花枝餅夠彈牙爽口，而且唔太油膩紅燒牛肉麵 $75，湯底夠濃郁好香，牛肉夠淋，蘿蔔無根索晒湯嘅精華好好味已經好飽喇！今次未能品嚐佢 ge 岀名甜品，有點失望，下次有機會再嚟試吓先

今天可能是星期六，又撞正是食午餐個段時間，所以等待了超過半小時，但是，我個認為是能夠接受得到的！可是，我認為職員說話的聲絲較弱，較難聽見！不過，食物的香味和味道是一流，只是，在食麵類較多湯！大致上都不錯！

星期日，又是隊長長龍的時候。    但今次反而不用排好久，大約20mins。我們被小食深深吸引著，所以今餐是小食大餐：牛，花枝，蝦，蠔，地瓜，沙律，菜曲 ...今次介紹新試的小食吧！卡布奇諾咖啡好香，好滑，不會好濃。肉燥蓋上翡翠曲肉燥好香，而且不會好咸。這道用生菜包住會很好吃，大家不妨試試。馬鈴薯絲炸蝦卷外層是炸薯，味道好似薯條，脆脆的，而且入面是蝦膠和蝦尾，好有口感。塔香魚湯煮蛤蜊本人不太喜歡蛤蜊，但從朋友口中說這道菜不錯，大家可試試。酥炸蚵嗲這個強力推薦大家！ 蠔不醒，外面炸得脆但不焦，食完又不會好飽。以下幾道菜上次介紹過，就不再重覆介紹啦。

茶木的店外總是有長長的隊伍，今天難得早到接近開店時間排頭位，很快便可進內。一貫台式cafe餐牌風格，內裡食物種類不少老公最愛吃牛肉麵，當然要點來試試他點了辣的，我則比較愛紅燒，可能牛肉真的太貴，只有三件，但好腍好化好味😋，不過我本身唔太好呢種帶麻既辣。但好喜歡呢種偏韌有咬口的麵條，但整碗份量真的偏少。整碗牛肉麵吃罷有多，這碗蠔仔湯飯來姍姍來遲，還非常滾熱，相信是即叫即煮。就是它令我們感到驚喜，一看其顏色便看得出好足料，當中最愛是它加了很多土魷粒，令整碗飯生色不少👍🏻👍🏻😋😋湯飯的份量相對比牛肉麵多👍🏻最後當然要食埋甜品啦！記得要早少少點，因需時20分鐘。多士夠酥夠脆，好味令人好有罪惡感🤣不過略嫌士多啤梨太少😝

上水一開茶木嘅時候，個個貪新鮮，日日排長龍，等風氣過左，我特登簡平日去食，唔洗排隊！午餐時間，宜家平日一般都好少要排隊，但都多學生哥，家長去食，又唔會太少人，有時都要等位，但佢鋪位都算大。唔洗等位嘅茶木絕對值得去，平日仲有lunch set 抵到爛，因為單獨叫都偏貴架！上水已經冇咩台灣灣美食，茶木嘅魯肉飯相當好食，又夠味又夠林，台灣腸超香脆，絕對係誠意之作！佢杯珍珠係用黑糖，唔係好甜，又好有奶味，珍珠好多，好有趙頭。如果有SET＄60-70就有得食，如果冇SET 就要＄100-150，不過食物好有水準，平時飲嘅水果茶，超大杯都係三十幾蚊

由於過去幾星期有好多人排隊，我都好久沒有食過茶木。咁難得今日時間剛好排隊人數不多，當然要入去食台灣菜啦！柚子鹽酥炸雞沙拉食這道一定要把麵包脆、柚子配合沙律菜一齊食，酸酸甜甜脆脆，很有趣。柚子令你好開胃，這時，就要試下炸雞—炸粉不多，好脆，不油膩。黑糖芋圓水果仙草喜歡黑糖的人，一定要食這個。糖水好重黑糖味，配合其他材料一齊食，冷冷地，感覺很清新。至於餡籵方面，本人自身不太喜歡，所以不能比意見。紫薯奶蓋好濃紫薯的香味，飲時好似食緊入口即溶的紫薯一樣。而且，Cream很滑，能有效地特出紫薯的味道。地瓜燉嫩牛腩蕃薯和牛腩好軟，好易咬。汁不會好鹹，反而甜甜地，好好味。在這些菜中，本人會推薦紫薯奶蓋，一黎它很特別，在其他店中沒有見過，二黎本人是薯迷，它令本人很難忘，很新奇，很美味！！

入座安排完全錯同埋唔make sense鋪頭入面有五至六張或更多吉枱 但安排入座個位人兄只顧前面第一個等候的客人 若果你不幸前面係五個人 你要等前面五個人拍好枱 入面食完既人咁岩走哂 你先有機會入座 如果一直等唔到佢拍好枱 你就要一直等 一直等 後面兩位既人客等到天黑都唔使入座就算鋪面有廿張二人吉枱 既然咁簡單既入座安排都搞唔掂 唔該用返派飛仔或者打電話訂枱啦 奉勤各位如果你覺得等二個鐘頭食茶木係值得的話 我唔會阻止你排隊 請繼續等啦