茶木‧台式休閒餐廳 (上水中心)

营业中

休息中

星期日走到上水來近近地在火車站附近的上水中心食個下午茶，座位方面舒服闊落，未入座做足防疫工作。👍下午茶餐都有頗多選擇，粉、麵、飯及甜品都有齊。🥢我點了份鹽酥雞排刈包配蚵仔麵線 $53麵線上檯已不熱只是暖暖的，蠔仔有點腥，麵線過火口感糊口，鹽酥雞刈包倒不錯香脆。🥢手工拌麵 $68有麻辣半筋半牛肉，牛根腍滑，鴨血同素鴨略微欠麻辣味，椒麻拌麵口感煙韌有麵香整體不錯。🍹珍珠奶茶一般，奶味重珍珠不夠煙韌無嚼口。☕️薑母茶👍好有香濃薑味感覺驅寒。下午茶承惠每位$68

之前起旺角食過一次覺得都ok，諗住趁今日dayoff試吓上水呢一間，點知真係超級失望嗌左上面呢2個lunch set，點知一黎到（個前菜我食左少少）先唔講個高麗菜切得好求其，根本冇分開高啲菜葉，咬落去勁生，唔講以為自己係倉鼠個雞仲出事，懶係嫩咁，但根本仲係生生地，啲血水流晒出黎浸住啲花生，點食呀大佬個醬又少到撈唔到成個雞，冇醬果啲位變左水煮雞，難食到一個點！碗麵線啲蚵仔好腥，腥到食完同人講野，對方都會聞到果種自己食完真係覺得佢完全唔值$69，有錢嘅可以黎試吓有幾差，真係超級失望，唔會再黎。

三個人食晏。叫咗3 份。其中兩個食咗一半，追问一下侍應，佢話整緊。直至兩位食完，我嗰份仲未到。埋單走人。完全冇当一回事，仲問我邊份未到。一啲都冇內疚。道歉欠奉。以后唔去。

好耐無食茶木 今日lunch過嚟試茶木原來佢有lunch set 㗎喎 $69嘅精選套餐有三款前菜仲有主食再加一個麵或者飯 同埋有嘢飲添喎 好似份量都好多咁我揀咗青蒜照燒沙朗 睇英文先知原來係照燒汁牛扒 本身想食台灣麵跟住佢話冇晒轉左牛肉麵 三款前菜有糖心蛋葉蘿蔔同埋麻醬菜 個賣相都吸引嘅不過啲牛肉份量比較少 同埋碗麵其實都好細碗 食晒全部野都未去到好飽 如果大食嘅男仔黎就應該唔夠飽啦 有同事叫咗個糖醋蝦球 佢話都係我嗰個牛好食啲 原來lunch係要加一嘅$69 +1都成$76咁就唔係太抵啦

個人幾喜歡佢用個火熱住d餸，食到底都唔會凍。呢期新聞講好多素肉，以為淨係超級市場有得賣，原來呢度都有得食。係餐牌見到呢個茄子素肉，一於試下佢。食落口感同平時既肉醬差不多，不過係少左一d動物肉既油香。牛根腩保持一向水準。

香芒百香果大蝦起司手作麵 看到這是新產品二話不說便點來試試。其實利用水果入菜並不是新事物，賣相不錯，手作麵沾滿百香果芝士汁，比我想像的搭配，酸酸甜甜，很開胃。而且他們家的麵是我喜歡的口感，很彈牙｡蝦仁亦爽口，鮮味。 味道: 💛💛💛💛價錢: 💛💛💛💛份量: 💛💛💛💛💛紅豆薏米水只有凍的提供，紅豆薏米煮得剛好，原來加入薑蜜，很貼心，也不會過甜。味道: 💛💛💛💛💛價錢: 💛💛💛💛💛份量: 💛💛💛💛💛

同個friend想平平哋食但係要有質素，不過喺上水呢個食物沙漠都冇咩好選擇，咁就嚟咗茶木啦，集團式管理點都有返咁上下嘅。我哋叫咗兩個晚市套餐，一個就係滷水拼盤，一個就係三杯雞。滷水拼盤都幾大瞓吓所以覺得性價比幾高，相對三杯雞只係得幾舊雞性價比就冇咁高啦。咁個套餐入邊仲可以配飲品，我就加咗錢轉左花茶，另外仲有得配一件蛋糕。所以食完晒都幾夠飽嘅。

經過上水去下午茶,茶木竟然有位,今日想食🍅蕃茄,叫咗一份古早🍅🐮蕃茄牛肉麵,感覺唔夠蕃茄味,差少少.另一份三杯雞,出奇好味,加上少見炸🍠蕃薯條,少見,幾好味較甜,好似🥔薯條好D,可以用唔同醬調味,蕃薯本身較甜,調味較難😆

今日真係好凍，係上水吹到頭都痛埋，咁寒冷既天氣最岩就係食雞煲，所以呢次黎茶木就叫左個麻油雞煲食，服務員會俾舊蠟你煲住佢，保持佢熱，成個煲味道好正，雞肉好入味，肉質又滑，唔會老，個湯底仲可以當湯飲，上面有幾塊薑片，驅寒必備，煲內仲有黑糯米糕同少許粉絲，兩粒豬肉貢丸，對鐘意食麻油雞既朋友黎講性價比都幾高。另外朋友叫左個半牛肚牛筋麵，好足料，牛筋都有好幾件，牛肚就兩大件，鹵得好入味，比起鐘意食牛雜既朋友黎講性價比仲高過紅燒牛肉麵。今次仲叫左杯熱既紫薯奶蓋，第一次飲熱奶蓋，感覺幾特別，不過剛飲時小心燙，真係會燙親條脷，味道唔錯，但我都係鐘意飲凍既奶蓋多d，哈哈

之前來過這間茶木，是吃牛肉麵和甜品，今次轉轉口味，點幾個台風美食，我們一行三人，共點了三款小菜，大家分吃便有三款餸，還可選配蛋糕或沙拉，仲有飲品。鳳梨鮮果甜酸肉就是一般的咕嚕肉，不過除了鳳梨之外還配上火龍果、草莓、藍莓等鮮果，咕嚕肉美味，鮮果亮麗有益。台式滷味拼盤很有台灣風味，就是滷汁比廣東的稍為味淡，有金錢𦟌、金錢肚、雞翼、 雞腎、豆腐各兩件，還有半隻滷蛋。古早味三杯雞的汁料濃厚惹味，只是雞件都是選一些骨多肉少的部位如雞翼尖，雞下髀與雞腳的接駁位等，沒有多少肉。三款小菜都是細細碟，份量不多，僅足夠餸一碗白飯。幸好仲有甜品飲品搭夠。

突然之間好想食台灣野，又好耐冇去茶木，就同老公去食咗一餐豐富嘅晚餐啦我哋揀咗一個鹽酥雞扒肉操飯，一個櫻花蝦芝士忌廉粗麵（新野黎嘅），仲叫咗一個芋圓雪糕甜品雖然好耐冇食，但都冇令我地失望呀，個雞扒飯好有水準，而且份量都足夠，至於新嘅粗麵，都幾有驚喜，櫻花蝦嘅味道非常之出，幾清新，雖然醬汁係忌廉醬，但係都唔會太膩，感覺唔錯最後個甜品，啲芋圓都幾大粒，而且仲有爆谷係上面，口感好豐富，比起食cake開心好多，有興趣都可以試吓啊

真的很想回覆一次，只是不想與沒有見識的人太多的討論。 食物的價格在乎食物好吃與否， 我只可以舉一個例子：如果我收你20蚊，讓大家吃一碗沒味沒餸而店舖沒有服務的白煮粉絲，是不是也便宜？ 望著某些食客只容許自己負評，不容許別人負評，實在哭笑不得！ 說回正題，茶木是一間食物質素很好，味道也可以保持很好的連鎖餐廳，六十幾七十元一個餐貴不貴？ 我只會說這是值得！ 上水這間茶木已經開店一段時間， 人流沒有減少， 永遠在lunch和晚飯時間也有很多人， 對於我這位不喜歡 排隊的人來說， 除非非常特別否則也不會去排隊喎！ 酥炸雞扒肉燥飯， 這個可以說是來到這裏必吃的， 雞扒炸得特別香脆， 而且有一陣鹽酥味。 這裏的肉燥分量總是剛剛好， 不會是吃到一半令到白飯太乾， 也不會是多汁到太誇張。 肉燥飯跟兩隻流心蛋，蛋處理得剛剛好，感覺很多汁~~哈哈！ 這個我相信大家都會識，紅燒牛肉麵， 個湯超級好味，好有牛肉味！ 牛肉又大件又入味又易入口，但我覺得有少少鹹。 坦白講，茶木的甜品也是很不錯，而且很吸眼睛和是打卡熱甜！ 推介給大家！

服務真的是很差，叫人寫野個個都好似日睇唔到咁，落單講得清清楚楚，最後都可以落錯或者冇落到。我未試過係其他茶木等一碗面要接近一個小時，還有call兩次服務員過來問候下我個碗面係邊。野飲真的是很多都不好喝（特別是仙草奶茶和其他關於黑糖、黑炭的飲品）。講真去茶木吃主要係享受個service，野食真的不值這個價，隨便去一間都可以吃到類似的野食。味道真的不能算得上特別好。如果說物有所值，那這間真的沒有。走時買單，服務員都黑著面，就算你忙都好啦，唔該唔好對住班客啦！

喺一個黃雨的下午，我和愛人到了上水探完親戚就去搵啲嘢食，順便避下雨。時間尚早，所以無去食飯，只去了一個台式餐廳食下午茶。餐廳都幾好生意，好彩有張二人檯。抬頭望上去，見啲燈飾都幾靚。我哋叫咗，高山蜜香紅茶奶蓋，兩份飲。茶底係凍烏龍，加咗好多奶，奶味太重掩蓋咗茶味。仲有叫咗，金黃鹽酥雞。炸得香脆惹味，最重要係無骨，啖啖肉，好正!之後係食巧克力曲奇蜜糖磚塊。個賣相好得，好震撼! 味道都唔差。最後，每人食一個芋圓仙草。我食黑糖芒果芋圓仙草，愛人就食黑糖草莓芋圓仙草。兩個都好好食，尤其係喺呢種悶熱又潮濕天氣之下食，有超爽的感覺。

約咗朋友仔食邪惡下午茶，其實都唔算太邪惡架喇，今次只是食咗碗牛肉麵、炸雞扒、兩個吐司和兩個較為邪惡的芋圓仙草。比著以前，我哋仲可以狠啲添。餐廳是台式連鎖店，一啲都唔低檔，食品、飲品都啱晒香港人口味，尤其是甜品類。我哋首先食麵和雞扒。【紅燒牛肉麵 $73】、【香脆大雞扒 $55】嗱，一碗紅燒牛肉麵和一客大雞扒兩個人分，一啲都唔過分吧。大大塊的雞扒炸到香香脆脆，仲切成小塊，方便我哋去分來食。牛肉麵是粗麵，所以口感會充實，麵質就不過硬不過軟，湯底是濃濃的牛肉味。可皆至好味的紅燒牛肉只得嗰三件，唔係好夠我哋分。跟住，我哋開始向甜品發動攻勢。【椰子奶酥吐司 $38】、【芒果香草蜜糖磚 $78】椰子奶酥吐司非常簡單，但又好好食，以椰香取勝。芒果香草蜜糖磚嗰個雪糕球加香草蜜糖真係引死人。唔理，我哋已經豁咗出去。之後再食芋圓仙草，每人一個。兩個芋圓仙草其實差唔多，不過都係無得頂，因為有消暑的涼粉，份量又唔細，夠晒我哋食。【黑糖芒果芋圓仙草 $43】【黑糖草莓芋圓仙草 $43】今次食住咁多先，待續……