茶木‧台式休閒餐廳 (樂富廣場A區)

营业中

休息中

晏晝淨係食茶味雪糕同熱奶茶跟住黎左樂富想試下茶木既生果芋圓甜品同朋友叫左兩個tea set share一個係芝心雞翼拼金黃鹽酥雞雞翼既芝士味香濃而鹽酥雞唔會太醎不過黑糖某芋圓水果仙草就麻麻一黎係我唔中意食薑二黎係芋圓同地瓜圓味道唔出我地揀左杯珍珠奶茶同熱既柚子蜜茶柚子茶正常既珍珠奶茶叫走冰走糖既雖然本身有同我講唔加糖會唔好飲但係比左走冰少糖我同埋佢係有種唔知咩香料味既我唔中意個種味

本來想遊食九龍城，順利去到坤記牛腩，清真牛肉館，可惜未夠一點義香荳品已閂閘，唯有陪太太到街市附近遊蕩，回程時到樂富搭地鐵離開，就選擇茶木為閒食終點站。手工杏仁脆條 - 估唔到份量有咁多，脆條就好似薄薄既曲奇片，杏仁份量足，味道唔會太甜台式酸梅冰 - 連番進擊後大感滿足，飲一杯酸梅冰去除飽滯感覺，飲落清新唔會有酸澀味黑糖芋圓水果仙草 - 女士們無論幾飽都有第二個胃消化甜品，太太當然唔例外，佢話賣相滿分，食物質數正常玫瑰紅茶 - 玫瑰花茶有緩和情緒、補血氣和養顏功效，最適合太太飲用，用紅茶焗乾玫瑰花又可減低花茶偏寒既屬性

和好友多洛菲每次見面吃飯，例牌都會相約在和我倆工作地點就近的樂富區....不過作為美食沙漠的這裡，要揾到間像樣一點的地方落腳，確實是不容易....此刻，唯有便向那堆連鎖食店埋手好了....去過不同地區的"茶木"，但偏偏對我來講最方便就近的這裡，今次還是首訪....這兒食物水準一向蠻穩定，東西不會太難吃亦非太突出，吃後自當無太大驚喜，但求可填飽肚就收貨....午市自選套餐，有前菜、主食、飯麵加上飲品，以六十多大洋的價位而言，已算是甚便宜....前菜食得健康些，魚湯感覺味精味不強還可接受，生菜沒被浸透成太淰，咬下去仍脆；豬手皮爽肉軟熟且夠味，甚好；新竹米粉湯反而更濃更重口味，粉並沒結成一團甚有咬勁頗煙齦的....熱柑桔蜜卻來個反高潮，入上淡mou mou毫無味道，只能當成熱開水去看待....我一向也認為，和好友吹水相聚，嘢食味道不是太重要，能大家聚頭八卦一番吹個不停，反而才是重點....

放工同同事搵地方食下午茶，近近地就黎茶木。兩個女仔最緊要就係要食甜品，所以就叫咗草莓香草蜜糖磚塊 ($78)。一份已經夠兩個女仔share食，所以我地兩個可以邊食野邊傾下計。先講外表，一睇就見到有兩塊厚多士相差九十度咁疊埋一齊，上面鋪上忌廉、雪糕，望落成座山咁。再係表面灑上棉花糖粒和士多啤梨，最後用朱古力醬係表面畫上線條。整體望落，外觀幾靚，值得影幅相打下卡！面對呢件甜品，究竟從何入手呢？我地首先用夾搬起第一塊厚多士連雪糕忌廉山係側邊先，搬開後就會發現多士入面其實係中空的，因為已經被切成一塊塊，每一塊都有蜜糖，甜甜地，而且係暖既。我會鍾意叉起蜜糖磚塊用黎點雪糕同埋忌廉食，冷與暖既衝擊，脆同埋軟既交雜，都讓你既舌頭同埋味覺帶黎享受。呢個係一個下午茶唔錯既選擇！

一直以為茶木好難食既， 原來其實唔錯既， 環境係幾舒適， 好岩同朋友仔食飯傾計食左set lunch 有小食, 主菜加一個麵茄子即煮既, 係四小條茄子,麻醬青瓜雞肉 同埋紅燒牛肉麵, 個麵真係幾啖就食哂， ok ge 碗上有一片牛肉,幾嫩滑。份量真係唔會夠飽, 但食物質素真不錯, set lunch 價錢唔算平 仲要加一, 如果份量多d 就更好台式奶茶味道不俗，記得叫少冰 唔係就會沖淡哂味

今晚和好朋友相聚於樂富，優閒享受談心，免費Wifi好多款式:雞翅，蛋，豆腐等等，好香好入味豬軟骨好厚肉，好香，不太肥膩，麵入口咬住好香滷水味，彈牙爽口先飲果茶，酸酸甜甜，好開胃再飲桂圓紅棗茶，好香好甜，好暖胃

From Teawood茶木 的草莓蜜糖磚塊🥞多人share是十分快樂的💃🏻磚塊十分鬆化，加上蜜糖甜絲絲～仲有冰凍凍雪糕💋～好味指數😋：8/10翻啅指數🙆🏻：7/10人均消費💰：101-199服務態度👨🏼‍🍳：7.5/10乾淨指數🌝：7.5/10------------------------------

約咗舊同事傾蜜計想食下甜品就揀咗去茶木喺我眼中茶木最吸引嘅就係蜜糖磚塊之前喺第二間分店食過草莓味嘅蜜糖磚塊今次就試哩款麵包磚好香脆 微暖配上冰凍雪糕 朱古力醬 同細細粒棉花糖真係好食到停唔到口飲品味道唔錯 水果茶入面有粒粒水果 不過掛住咁大個茶包紙牌賣相爭咗啲凱撒沙律啲材料食落都幾新鮮醬汁份量啱啱好都幾開胃烏賊汁奶油中卷手作麵份量比預期中少咗啲賣相還好 但唔算好吸引手作麵咬落都幾煙韌醬汁夠濃夠入味

今天下午二時碰巧經過樂富茶木發現有下午茶餐，價錢合理，立刻與友人去吃。其實沙田也新開了茶木，可是沒下午茶餐，而普通散點的食物價錢也頗貴，所以未曾去吃。我倆也點了紅燒牛肉麵套餐 ($48)，十分掋食！銅鑼灣和尖沙嘴的茶木我也吃過，牛肉麵質素每次也不錯。因為是下午茶餐，所以只是輕食份量。牛肉，蘿蔔和白蘿蔔也煮得夠稔和入味。可惜麵質過梗，感覺還沒煮熟。湯底也是味精湯，我也避免喝太多。套餐可選珍珠奶茶，為了健康著想 (説什麼屁話呢？) 奶茶要了走甜。因奶和珍珠也有糖份，所以走甜後味道也不會太淡。奶茶夠香滑，而珍珠的份量也頗多。加一後平均 $53 位，絕對掋食！

昨天才第一次去旺角瓊華的茶木，發覺食物好味，環境清優舒服價錢合理。下午茶好抵食，今晚又想再去茶木食吓其他款式，沙拉和糖心旦好味，雞排香脆，牛肉好淋好味，黑糖奶茶是我至愛，昨晚飲左都無失眠唔使怕今晚再來飲

今日約咗朋友傾吓計所以選擇呢間餐廳下晝三點左右唔使等位好少人唔錯唔錯坐到五點都好舒服叫咗兩個下午茶水果茶超好味珍珠奶茶冇味道蛋牛肉吐司唔錯幾好食下次都可以選擇呢度傾吓計食下野價錢合理坐得舒服

無預先安排既晚餐我地選擇左就腳既樂富, 我地唔算好肚餓, 想揀間唔太heavy既食店, 今次就揀左茶木其實之前我只試過佢地既甜品, 今次係第一次試正餐!大家今日都未食菜, 一於先黎一客「牛油果明蝦意式沙律」上菜時另附上一小碟醬汁, 應該係醋沙律菜底亦已加上沙律醬, 所以唔會乾身!牛油果為角切形式, 能同時享受軟滑口感同特別既味道! 蝦夠大隻, 有3,4件除左上述材料, 仲有紅椒,黃椒, 火龍果! 值得一試!排隊等入餐廳期間見到肉燥飯賣相唔錯一於試下佢!係幾款肉燥飯當中, 我地揀左「香煎沙朗肉燥飯」肉燥份量夠多, 唔會偏咸, 實在意外地出色沙朗肉有3塊, 唔會un, 但稍嫌平平無奇, 可以係調味上多下功夫, 另有半隻蛋及青瓜拌碟「綜合鮮果茶」, 話明綜合, 材料一定係多包括青檸, 西瓜肉 , 梅, 橙汁, 茶...酸酸地幾開胃!作為夏天特飲正好!

好耐之前，應該仲係茶木剛開張果期喺銅記食過，果時多人到嘔😫😫今日黎到樂富呢間估唔到唔使等位😌😌～ 叫左兩個dinner set😚~大約價錢都係連加一一百蚊鬆啲，但有飲品、蛋糕/沙律同白飯～所以都幾抵🤓　～----------------------台式滷水拼盤🍖份量幾多，滷水幾夠味～材料有豆腐、牛𦟌、雞翼、腩肉、雞腎同半隻蛋🥚腩肉肥瘦分明，不過瘦位有啲榎，其他都唔差～送飯巧一流😋😋～Rating💁🏻:7/10黑糖薑母鴨🦆因為有個爐仔座住所以唔會凍左，保持住微溫嘅狀態🙆🏻不過黑糖味唔太覺，只係食到甜甜地😛，鴨肉算滑，不過切得細細舊都有幾多骨，唔係咁多野食😶～Rating💁🏻:6.5/10綜合水果茶🍹好明顯比以前嘅份量少咗，雖然都係有好多水果肉🍓🥝🍋，但總係唔知差咁啲咩有點失色😩😩以為係果肉問題但到最尾發現係少左一粒話梅🌚⋯Rating💁🏻:6/10阿里山黑糖烏龍奶蓋🥛有點surprise 個奶蓋係甜嘅🤔可能不嬲飲開咸嘅～黑糖味都係淡，不過烏龍味淡而淳香😬整體都好飲～Rating💁🏻:7/10好味指數😋：7/10翻啅指數🙆🏻：7/10人均消費💰：101-199服務態度👨🏼‍🍳：7.5/10

到樂富與友相聚 , 然後開開心心的去吃午餐 ~台式肉燥麵 : 是乾拌麵的吃法 , 肉燥的味道濃香 , 鹹中帶甜 , 而且肉燥的分量是相當的多 , 足夠撈勻所有麵條來吃 , 吃起上來感覺就像是台式的肉醬意粉 , 麵條粗夾扁 , 口感Q靭 ~草莓香草蜜糖磚塊 : 要吃到適合自己口味的蜜糖磚塊有時確是要說彩頭 , 幸好今次夠好味道 , 磚塊鬆化也夠多蜜糖 , 鮮忌廉 , 雪糕及草莓醬加在一起的甜味剛好 , 磚頭逐一蘸鮮忌廉 , 雪糕及草莓醬來吃 , 外冷內脆 , 脆之中又有些腍腍地 , 咬咬咬是有些煙韌 ~本篇完 ~

幾好食既一個dinner set! 個dinner set包括一個餸一個飯、一杯飲料、一個cake, 幾抵食。樂富既茶木比其他分店少人，所以吾係幾使等位，兩個人亦都可以坐到大大既卡位，十分舒服。佢既上菜速度很快，可能一早整好。牛腩挺嫰，吾會話難咬，有幾塊好滑的牛根，地瓜即是番薯，煎過幾香口。呢個餸整體來說幾好食！cake就要左小茶木劇院，佢上層是朱古力，中間有咖啡味，口感幾夾，至於個blueberry cheesecake就冇咩特別。