茶木‧台式休閒餐廳 (樂富廣場A區)

营业中

休息中

台式菜不外乎魯肉飯，牛肉麵等，茶木的確多款式，甜品更是幾乎必點，今次點了兩款麵類分別是香菇水餃麵同豬軟骨麵，全都不錯，另外加點小吃，忘了名字XX三寶，味道就一般........，飲品方面當然不會差啦，講到明係台式飲品

本身有間新餐廳想試。點知話想食返依間餐廳喎。咁唯有乖乖就範啦。好喇掛同都好耐無食過依度嘅蜜糖磚塊。所以就決定食喇。先叫咗個菇奶油手作麵。仍然都好好味。有松露香味。每條麵都鋪滿汁。夠creamy。入口好滑。啲麵煙煙韌韌好彈牙。好少喺其他地方可以食到咁嘅麵飲桂圓茶。唔算甜。飲落有淡淡嘅桂圓味。略嫌細杯。另外叫咗杯抹茶香蕉latte。What a new combination?!因為兩樣flavour都接受所以一試。點知一放低就好大浸蕉味傳入我的鼻。蕉味好重。蓋過晒抹茶味。有啲唔知係咪玄米定穀物嘅嘢好有頭。唔太甜。飲完都飽咗一半。壓軸就緊係甜品磚啦。都仲係好好味。但感覺細份咗?!啲包烘到脆卜卜。個框框都脆。係最底嗰塊keep住方包咁樣樣雪糕呀綿花糖呀cream呀糖漿呀依啲甜嘢都不能難食。配士多啤梨同磚食一流。建議加多一兩球雪糕總括嚟講係keep到食物味道質素。不過款式唔算太多。份量好似略減。但依然覺得係好好食嘅。不錯不錯

奶蓋紅茶，飲落去奶味佔既份量幾重, 唔會太甜, 有去左台灣既感覺雞翼肉燥飯呢度既肉燥好新鮮, 加上梅菜(好似係) 係幾惹味既一味菜 ! 雞翼亦十分惹味，配上鹵蛋，賣相已經十分吸引！茶木一開頭最出名就係呢個甜品, 維持一貫的水準!

上次在對面米線店出席過活動後, 回程時得知這兒是有間茶木, 剛好早幾天要往UNY購物, 晚餐便留在這裏。香煎沙朗肉燥飯  $65白飯上是香而不膩的肉燥, 瘦肉多所以汁身未夠滑, 不過送來的量是可算多, 好送飯；沙朗牛排的肉是頗腍身, 裁成細細三塊方便吃。酥脆大花枝  $60這個是真的好好吃, 花枝肉厚而咀嚼時不太覺得韌, 炸過後是香香酥酥的, 連九層塔一起吃也好夠味。味道 3.5環境 3.5服務 3衛生 4抵食 3

環境ok，職員服務態度好。食物方面，味道唔錯，價錢方向好貴呀！但大家可以值得一試。今日我叫紅燒牛肉麵好好食，D湯好入味，好正。加上我去到時，唔算好多人，等一陣就有位坐。

茶木都冇一段時間冇食 每次都好多人 今次時間早左到 又冇人就入去懷念一下 叫左一份小食拼盤加小牛排肉燥飯同豬排肉燥飯同台灣既唔同 係冇咁多肥豬肉瘦好多既 我每年都會去台灣所以好清楚 個汁都唔錯 唔算太咸同甜 小牛排又有咬口 唔錯 女友既豬排飯 豬排唔算厚 但炸完都有肉汁 夠鬆軟 敗筆係拼盤 太咸 食完真係要飲水 開頭都得越食越咸 午餐冇野飲跟 要分開叫 唔太化算

等了半小時食晚飯，點了一個紅燒牛肉麵，還不錯，可惜咁大間台灣餐廳，乜嘢調味料都無，包括紅醋，食牛肉麵無醋失色了，而且職員非常之無禮貌，好失望，下次唔會再幫幫陣了。

平日如果相约朋友茶聚，不訪考慮茶木！今日放假，同男友去左樂富，見有teawood,入去一試！柯打左紅燒牛肉面，男友話牛肉無乜，牛筋多ｄ，而且面較硬！我就要左奶油多士，有兩件切成條狀，相當香脆，奶油味香帶甜，配上玫瑰花茶，成就一個悠閒茶點！茶木佈置用心，只是燈光太暗，不宜看書，否則可讓我們再消磨多點時間！最後，希望侍應門多點笑容，放食物輕手點，不致破壞大好興致！！！

話說有人想食茶木甜品8點幾去到樂富呢間茶木，人流唔算太多，重點係吾洗等好耐位我就熱辣辣想食雪糕，女朋友就想要甜點最後叫左D咩? 登登登登...士多啤梨蜜糖磚塊其實個份量頗大..面上是士多啤梨雪糕(Häagen-Dazs?)磚塊內的包包切粒，粒粒都滿佈蜜糖，又香又脆。第1粒覺得甜度剛好，但愈食愈覺得太甜。麵包外圍卻沒有蜜糖漿，但點雪糕食岩岩好。好味，價錢吾平吾貴

樂富商場大裝修之後好好行，格調高左，多左岩心水野睇，不過餐廳選擇方面都係大路野，無咩特色，無咩想食，全層食肆，得呢一間有人排隊，其它地方雖然無人排隊，不過完全提唔起興趣。排下隊都無所謂啦，好彩佢地地方都幾大，好快就有位…坐低見到碟上面放左兩支牙籤，以為比你食完野挑牙，都無為意，坐左一陣，見隔離張新枱set完都無放牙籤，先知原來係人地用完放低，排常倒胃，雖然係食客無公德隨意放低，未必關待應事，但係我睇到就有少少想嘔。睇下菜牌，點左驢魚義式青醬手作麵﹕驢魚細薄一片，份量唔係好夠，手作麵煙韌彈牙有口感，算係幾特別，可惜個青醬一D都唔意式，九層塔分量唔夠味道唔出，色水唔靚，再比佢搞到有少少湯汁咁，少少惡心！梅子豆乳燉肉排﹕豆乳原來係麵鼓，但係同梅子加埋一齊蚊都幾開胃，肉排蚊得夠淋又肥瘦適中，算幾好。Opera:  Well.......French Pastry 唔係佢地強項，不過做得算唔錯，有層次，但係D Cream太實，口感唔好…門口收銀放左D佢地出品既鳳梨酥，食左兩件，皮香酥，但係鳳梨唔甜酸味都唔突出，亦食唔出鳳梨香，所以係唔會買既！

我一向鍾意食台灣野，有時癮到上黎，同朋友會即興weekend 飛台北一轉。即使留係香港，都時不時食台灣野，而茶木就係其中一間我常幫襯既餐廳。今日放假，同朋友去左樂富搵野食，一見到茶木，個癮又出番黎，但由於太經常食既關係，老實講有d悶悶地，見到餐牌上有碟新菜式，叫柑橘鴨胸芥末奶油手作面，所有味道如果拆開黎計，我都想像到係咩味道，但一夾上黎呢，個味道就真係諗唔到。所以我地決定博一鋪，試下佢咩玩法，食落cream感好重，又有少少酸酸地感覺，其實幾開胃，鍾意試新野既朋友可以一試。另外點左酥脆炸花支，係我每次必點食物，無計，鍾意食炸野，又鍾意花支，唔健康都要一試。最後甜品叫左石板雞蜜糖磚塊，茶木招牌甜品，內面鬆脆，外面柔軟，正！

茶木真係一啲都唔陌生，食過好幾次，不過以前覺得味道普通，點知今次同朋友食樂富分店，真係抵讚，好味架喎！唔知係新菜式問題，定係分店問題呢？(利申:食開mk,cwb) 今次首先食個牛肉麵，我勁中意個粗麵，好滑好彈牙，口感十足，牛也煮得很林，我比八分！另外雞扒大份到嚇死人，要自己切，建議店鋪可以食定上台，我同朋友笨手笨腳切到成台都係... 不過雞扒薄薄的，皮十分脆，我都幾中意豬軟骨肉澡飯，呢個我勁中意，好好味，肉澡送飯好正，唔經唔覺成碟比我清哂！飲品點了黑糖奶蓋紅茶，好中意呢個，唔會好甜，淡淡茶香撈埋奶蓋，不得了！玫瑰洛神花茶，酸酸的，飲住食飯很開胃最後甜品係mango toast, 味道上普通，之前食過。不過賣相一流，影相厄like! 多士烘得很脆，都唔錯的。

樂富呢間茶木人流唔算太多，所以坐得好舒服🙂行到熱辣辣又想食雪糕又想飽肚？磚塊吐司幫到你🤗芒果雪糕算係幾幼滑，磚塊內仲有粒粒蜜糖多士，甜甜地烘得好脆身，配埋雪糕同忌廉，好易入口！裝飾有棉花糖，芒果粒同士多啤梨☺️水果都算甜，愈食愈fresh😂食完成個甜品都唔會好膩👍 茶木必食之選 😉 紅茶黑糖奶蓋有厚厚又濃密嘅泡沫，入口香濃而且紅茶味好香👍好好喝喔雞扒好大份😯簿簿一片嘅雞肉，吾會炸到好乾身🙂加埋照燒醬，令炸雞扒無咁寡~不過炸粉就略嫌厚左dd... 豬軟骨肉燥飯好香😝有好多肉燥，岩哂食飯鐘意有汁嘅朋友✌豬軟骨醃得夠入味，而且好腍，吾會好多油！加上粒粒青瓜，好爽口，食落好清新，吾錯嫁☺️ 最後嗌咗個紅燒牛肉麵，雖然湯底有少少偏濃味，但麵條夠煙軔☺️仲好滑身添，質素都吾幾好，牛肉麵有蘿蔔，食落都好入味😋紅燒牛肉都有二三大舊，肥瘦都算均勻，真系好腍，無牙都食到😂玫瑰洛神花茶relax下啦😌香港人放鬆下啦🙃玫瑰有助放鬆緊張嘅情緒，洛神花可以美顏，瘦身，降血壓😌無論男同女都啱飲😇 暖暖的入口酸酸地好開胃，隱若仲會有玫瑰花香😍

茶木最出名係係個甜品但係今次我就去咗茶木到食佢嘅main course 今次我見到有一碟餸叫做阿婆手作蔥油面好似幾特別所以一試 一上檯傳來陣陣香味 直頭香氣四溢面頭鋪滿好多炸咗嘅蔥同蝦米 令整個菜式嘅香氣 更加突出 面為類似河粉嘅質地 不過佢畀河粉為粗和厚 所以口感更加好 唔會溶溶爛爛好有口感又彈牙 加上吸收咗蔥同蝦米嘅香味 所以 令人 一食再食 油面亦唔算太多又唔會太肥膩

關於茶木...前幾次去朗豪坊 ㄧ風堂 見到鄰店Matchtoo 已'摺'咗, 噢~ 我真是太久沒去MK ~再見不到電視上形象串串又高竇但實則很落力的郭小姐在左穿右插上菜的身影了, 原來的鋪位開了新店 - 就是'茶木', 因為它取代了我喜歡的郭大小姐的店所以我不想去~ (別笑我無聊 ), 所以又去了ㄧ風堂。。。 今晚約去樂富的元氣，去到才見圍了板'執笠'了，就兜大圈回地面看看有什麼好吃,。 ㄧ粥麵？...小手猛扯我不讓我入去; 隔鄰的越南店呢？ 又是同ㄧ情形 ！！ 打算去角落的Euro Go Go叫份pizza及意粉， 小手堅持拖我去隔鄰的茶木，我一看, 估計是店門前的凍餅櫃吸引了他, 放滿了精緻的凍餅琳瑯滿目確吸引，但我想用Euro儲值咭的餘額所以半哄半推的帶走他，勉強...真的很勉強拖到入Euro Go Go，坐好了想去買食物，小個子始終想走堅拒合作， 眼神堅定，唉~ 既然如此，我欣賞你的堅持，走吧！    出到空地，小手拉著我去剛才經過的茶木。。。好~ 這麼小都竟然辨認到哪間是哪間，就茶木吧！！ Let's go, Go Go Go~時間尚早, 不用取籌直接有位,