茶木‧台式休閒餐廳 (樂富廣場)

营业中

休息中

其實茶木係香港都開咗咁多年同咁多分店，已經好多人都去過同食過，食評都應該冇咩人會睇我仲係想寫因為唔同分店，個質素真係可以差多遠。第一唔同區價錢係會唔同，就算同區係唔同商場開，個價錢都可以唔一樣。第二同一碗牛肉麵，可以一間可以用帶軟骨部位牛肉去煮超淋，阿婆都食到，另一間又可以用超韌牛展肉，後生仔都唔會咬得開。差就唔提，等各食家自己慢慢摸索，而樂富分店係其中一間能保持質素分店台灣店就緊係食紅燒牛肉麵一來佢用我偏愛嘅粗麵，二來個牛肉煲得夠入味又淋身，三來個蘿蔔又係夠晒味，大滿足午市跟餐有呢個凍紅豆薏仁水，呢個又係必食，紅豆又甜又淋，薏米加薑好夾，夏天飲真係好消暑記得要少冰，如果唔係會太淡味。始終食set係最底。

茶木係我至愛嘅其中一間餐廳❤️見到佢有新出嘅菜式就走去試下😊😊豬三寶拌麵 $68🥘豬三寶有豬耳、豬腸、豬腩肉配料有鴨血，乾豆腐，溏心蛋🍳出奇地好食，每一個身材都好入味，麵身不淋彈牙👍🏻👍🏻👍🏻牛三寶新竹米粉 🐮 $78牛三寶有牛肚、牛腩、牛筋份量多，鍾意食肉嘅人呢個會啱d😆😆另外9週年，原價 $80，特價 $58😍芒果香草蜜糖專塊😍😍芒果味濃，一如概往，大件兼好食！每次去茶木都必點，食完甜品先有滿足感😆

早餐時段，超值！先講價錢：$30 A餐，有炒蛋和台式肉燥米粉。份量中規中矩啦⋯⋯戲肉，在於⋯⋯飲品可選台式珍珠奶茶，凍飲加$3。換言之 $33有齊大大杯珍珠奶茶＋炒蛋＋米粉了！一定夠飽！炒蛋好滑，好重牛油味，怕肥就唔好試。米粉份量唔算好大，肉燥份量OK，味道唔錯。珍珠奶茶一定要嗌少冰，否則你會發現近半杯都係冰。仲有仲有，一定要8點半後先有珍珠供應。如果早過8點半，可以照樣下單但飲品會在8點半先至送到！$33，睇勻全個商場，真係冇得輸！如果怕唔夠飽，$38-$40 可以選豬扒麵或魚丸麵餐，會跟刈包＋蛋/腿/腸任何兩款。刈包本身冇味，似白饅頭咁，但係會好夠食！

唔知係咪人手唔夠, 想落單都叫咗好耐不過上菜好快 5分鐘已經上齊餐飲椒麻伴麵 麵好Q, 椒麻味好香麻辣牛筋就相對失色 欠缺麻辣味套餐加25蚊可以加份小食餐飲可以加錢轉珍珠奶茶不過茶木d珍奶比較甜今次試咗酸梅冰 又幾好淡淡地 好開胃!

本人好少寫食評，但真係伏先會寫食評，希望大家唔會再中伏！本身茶木呢個名就聽得多，估唔到第一次食茶木 ，就中伏，作為台菜黎講，真係唔合格！中午叫左個lunch set 首先，個肉燥飯肉燥偏少 味道很一般其次，另一道菜，雞肉肉質「孩」到阿媽都唔認得前菜同飲品就正正常常啦埋單90幾蚊 另外，一入座，餐抬要叫人抹先有人黎清潔，果時仲要唔算多人，入座率得6成左右，服務完全唔值加一 ！減一就差唔多，難怪午飯時段得6成入座率一句講晒「不推薦 ，無下次」！

首先我好少寫食評 真係質數差我先會寫⋯我第一次黎食茶木 以為有小小名氣質素很食物都有番咁上下，點知換黎失望1）入到去 安排坐位 ，抬面竟然未抹抬 要我叫人先識黎抹，扣分，果時仲唔算人多 ，6成入座率2）叫左個set ，前菜正常 主食肉燥飯 肉燥少得可憐唔至講，味道又一般，失望3）至於另一道菜 雞肉 味道正常，但雞肉肉質「孩」都不得了 ，非常失敗。最後杯野飲就似番樣埋單 90幾蚊 非常不值 特別係要收加一 有服務？譚仔阿姐都好過你地，不會再幫襯。

好少去樂富，第一次食呢間茶木，平時去開東涌果間好好味，因為樂富冇乜野岩食，諗住食呢間穩陣，點知中伏1）入門已一律要人嘟安心出行冇紙仔寫2）帶位的黑口黑面3）叫左個雞排面，點知個湯底係重牛味，我唔食牛餐牌上亦冇寫原來雞排面既湯底竟然係牛味4）雞排係好味的但完全唔夠熱，似一早整定或整左好耐都冇人上菜甘5）個雞排面係粗面底，但碗邊有米粉痴左係度，唔知係洗碗唔乾淨定係甘岩hi 到，唔想深究6）聽到旁邊個師奶湊住個小朋友，問侍應攞茄汁叫佢叫左既薯條，個侍應好”有禮”甘話，「我地冇茄汁架喎，辣椒醬你岩唔岩」，十級冇禮貌兩個人食左$140， 好彩唔貴，冇下次！👎🏻👎🏻

點了伴麵雞絲沙律伴麵好彈牙爽口，微辣，超好食，但份量有點少配菜係素鵝同鴨血，本身唔好鴨血，唔會特別點，但發現都幾好食，大大件，冇碎，又入味。素鵝都好食，有少少汁，好有味。雞絲沙律好足料，好多雞肉，仲要好多都係雞脾肉，好滑，底大係青瓜絲同花生，本身盡量唔食花生，唔係好健康，但撈埋一齊，好夾，好好食，食哂，一粒都冇剩。餐飲點咗梅汁，沒有太甜，恰到好處，但就多冰咗啲，唔知下次有冇得點少冰。整体來說，好味，好滿足。

疫情、限聚、網課⋯⋯好友難得相聚⋯⋯終於有一天可以約齊人了，因為朋友都駕車，選了車位充裕到爆的樂富廣場。茶木下午茶有很多款，麵食、炸物、包點、甜品都有。因為不餓，我選了心太軟+黑糖珍珠奶茶套餐，$43。凍飲不用加錢，埋單不用加一。讚！心太軟熱度適中，雪糕球放在偌大的餐碟上的大對角，不會被熱力溶掉。讚！黑糖珍珠奶茶大大杯，標準份量，淨飲也要$32原價，所以套餐$43非～常～抵～！結帳後記得用T-factory會員app，掃描單上QR Code來儲分（$1一分，600分可換一杯黑糖珍奶，1200分可換小食「寶島三小碟」。

中午經過茶木，見佢個lunch menu好似幾吸引又唔貴，所以決定入去試下。今次入去點左葱油嫩雞地瓜新竹米粉，佢仲有前菜，啲雞好滑好入味，連皮食都唔會覺得好肥，啲米粉都好食，但啲米粉湯覺得偏油，一啖湯都飲唔到

生力麵比一般茶餐廳的一丁麵好吃，豬扒也軟淋，不過早餐敗筆在於飲品。珍珠奶茶沒什麼茶味，即磨咖啡奶量少，曾要求待應姐姐為我加一杯大概一安士的奶仔，可是只敷衍了事 ，叫了3次也沒有奶仔到，只能說服侍不周，沒有下次。

昨日（17/10/2020）來樂富，以往來食飯，一到六時多就要搵定地方，唔係就要等位，昨晚七時多，所有餐廳都可以直入。在餐廳門口貼有台灣烏龍茶春雞的宣傳單張，好吸引，一於要入去試下，入到餐廳內，已見有多枱客進食中，賣相都好吸引。點了春雞，都幾大隻，侍應放下，已聞到有茶香，用刀叉都好容易切開，雞好入味，配料既汁都可不用，雞肉好軟滑，唔錯紅燒牛肉麵，招牌菜，幾乎次次都叫另用積分換了黑糖珍珠奶茶埋單$151

星期六同細妹及佢男朋友，我仔仔一齊行獅子🦁️山⛰️，行完啱啱揾地方食午餐🥣，就選擇左仔仔念念不忘嘅茶木，於是行去位於樂富廣場一樓的茶木．台式休閒餐廳，分別叫咗牛肉肉燥飯，雞扒肉燥飯，仔仔最鐘意肉燥飯，份量對我仔仔來講好似唔系好夠飽，問佢好味嗎？佢話超級好味，但好似唔系好飽，可能系行完山特別餓，對於我哋來講一份食完已經好飽了。對於我鐘意食湯粉的就叫咗一份紅燒牛肉米粉，有少少辣牛肉味道還可以，而米粉就用正中台灣新竹米粉，又細又夠彈，好食，我又叫左一杯去濕薏米紅豆品，飲入口帶有僵的味道，正中臺灣飲品，值得再次光顧。

疫情期間，繼續外賣，今晚係樂富茶木，見到有個外賣套餐，非常吸引，抵食兩個餐，BB乳鴿買一送一於是我就打包返屋企做晚餐，我揀咗一個台灣鳳梨甜酸肉，呢個好適合小朋友食我仔仔最鍾意食嘅入面嗰啲嘅肉，再用嗰啲醬汁撈飯食小朋友可以食好多飯，又叫咗一個台式黑醋豬軟骨，豬軟骨嘅味道同平時出面餐廳食嘅係唔同嘅，咬落去肉質鮮甜爽口又唔會癡牙小朋友都好鍾意食，再叫咗一隻BB乳鴿雖然佢唔係用炸機，但佢食入口係好滑，肉好幼，我哋一家人都好鍾意食，相信日後一定經常光顧。

下午時份，我與妹妹來到住家附近的商場吃個下午茶，順道購買些日用品，最後朋友便挑選了茶木這間咖啡店。四色吐司 四色吐司色彩繽紛，賣相吸引，吐司外型四方，色澤呈現金黃，把其切成四小塊後，頂層再放上紅豆、忌廉、各款水果作點綴，分別使用上芒果、草莓、藍苺、爆谷，上桌可聞到吐司的香濃和紅豆的香甜，氣味清新濃郁，這款是朋友點選的，我沒有品嚐味道方面就不作說明瞭。黑糖珍珠奶茶黑糖珍珠奶茶朋友選擇了熱飲，上桌可見飲品熱騰騰的，珍珠份量亦使用充足，氣味散發著奶茶和黑糖的濃郁醇香，飲品同樣是朋友的，就不作味道說明瞭。TeaWood 三小碟TeaWood 三小碟分別有310 溏心蛋、黑麻醬櫻花蝦秋葵、香辣沙拉醬炸雞這三款食物。溏心蛋蛋黃呈半流心狀態，入口蛋味濃郁，稠密緻滑。秋葵色澤碧綠，口感清脆幼嫩，柔軟香甜，配搭上櫻花蝦的鮮甜濃郁，還有濃厚惹味的黑麻醬，味道更為豐富。炸雞色澤炸至金黃，入口酥脆香濃，嫩滑鮮美，加入香辣沙律醬作調味，味道增添一份辛辣香甜。整體而言，餐廳裝潢以木材為主元素，配搭柔和的燈光，感覺休閒放鬆，環境整齊衛生，食材美觀可口，是與朋友吃下午茶的好地方。