茶木‧台式休閒餐廳 (樂富廣場)

营业中

休息中

行過見到👀好Signature嘅Teawood字眼，今晚嘅晚餐就選擇佢啦Menu📜多選擇，有選擇困難症嘅朋友要小心囉😅影張📸全家福先古早紅燒牛肉🐮拌麵 （$74）麵條夾起嚟，都掛咗牛肉🐮湯汁，入口彈牙煙韌。食落似kiki 麵、老蕭麵嘅台灣麵feel。👍👍 小食仲有麻辣鴨血🦢、素鵝烏賊汁🦑奶油中卷手作麵 （$86）自家製手作麵外表黑蚊蚊唔太好睇，但內裏好有內涵，好好食😋。青蘋果🍏酪梨蜜糖🐝磚塊🆕（$88）原價要$113，依家做緊特價，梗係要試下啦。一拎起第一層，好驚喜😽原來內有乾坤，一粒粒方形嘅甜蜜包包🍞。好睇又好食。有：爆谷🍿、士多啤梨🍓、藍莓🫐、焦糖蕉🍌、雪糕🍨、牛油果🥑脆脆黑糖瀑布珍珠奶茶🍡🧋🧋 （$44）好飲得過分外面嘅脆脆黑糖可以就咁撩嚟食，又可以放返入去飲品度🧋，一齊搞嚟飲上面仲有三粒小丸子🍡，好有咬口。向來都好鍾意teawood嘅餐具，好有工業風🔧，好型㗎！！----------茶木 (樂富分店) 餐廳地址：樂富聯合道198號樂富廣場(A區)1樓1108-1110號舖

茶本都有成廿幾三十間分店，應該有一半以上都幫襯過🤭而樂富呢間真係我最印象深刻嘅！感覺係最舒適最休閑🤗古早紅燒牛肉伴麵：必食之選！茶木紅燒牛肉做得好好味😋食牛嘅一定會點，想點食就視乎當刻想食湯麵定伴麵😆今日天氣涼涼地想食個微辣嘅手工伴麵🤤牛肉好入味夠淋冇得輸💯烏賊汁奶油中卷手作麵：黑色食物多吃對身體好！雖然賣相唔算靚但味道好鬼好喎！墨魚🦑勁彈牙，手作麵有煙韌但唔硬！青蘋果酪梨蜜糖磚塊：呢個人氣甜品好勁！賣相一流！三大塊厚多士加勁cream仲有大大球雪糕添，問你怕唔怕😆呢期做緊茶木十週年價$88咋！唔叫點得😍脆脆黑糖瀑布珍珠奶茶：黑糖+芋圓+脆朱古力+再鋪埋奶蓋！真係甜到入心入肺，不過我鍾意❤️

今日突然間諗起茶木嘅多士 就好想食 咁啱經過樂富 發現原來樂富商場附近都有茶木 即刻同朋友去食。今次嚟到，茶木又多咗好多新嘅菜式，仲有好多晚市套餐，選擇好豐富，。《古早紅燒牛肉拌麵》$74湯麵食得多今次試吓拌麵先！紅燒牛肉好大舊，炆得好林，仲有啲骨膠原嘅筋位，但識落一啲都唔韌，好好食！仲有兩款小食，糖心蛋同埋豬紅、腐皮卷，拌麵雖然望落冇咩汁 ，但食起來好夠味，口感都好好。《阿嬤手作蔥油麵》$74呢個係比較罕見嘅台灣菜式，只有花生同埋大量洋蔥絲，但係識落出奇嘅香，洋蔥絲用秘製醬汁醃過，好好食，我本身都麻麻哋洋蔥，但呢個洋蔥係令我食完再想再食，麵條同樣好有口感，呢款推薦大家試吓。《青蘋果牛油果蜜糖磚塊》$88就係為咗呢個多士而來，一直食開士多啤梨同朱古力味，今次竟然出咗新味，睇到相已經覺得非常吸引，嚟到更加震撼，好多青蘋果忌廉，撈埋香脆嘅磚塊，都幾好味，不過個人都係鍾意舊款式多啲。《脆脆黑糖瀑布珍珠奶茶》$44呢杯好似係茶木新出嘅飲品，瀑布呢兩個字引發左我嘅好奇心，原來係奶蓋，杯面仲有三粒芋圓，杯嘅側邊圍住大量嘅朱古力脆脆，好好食！個奶蓋仲要係好香奶味同埋稠密，好高質！黑糖味都好出，呢杯嘢

是日早餐 -茶木樂富廣場選擇早餐話多唔多話少唔少茶木分店好多都幫襯唔少唯獨從未食過佢早餐比起其他食肆佢早餐份量會輕盈D價錢都會輕盈D早餐通常食唔落太多野所以茶木早餐好岩我胃口D1餐 台式肉鬆吐司配熱即磨咖啡 $32吐司正常水準肉鬆多吐司又脆又熱就已經好滿意咖啡先加分有2塊脆餅隨餐附上連鎖店黎講 好高質好有誠意B餐台式肉燥米粉拼台式醬油粽 配熱即磨咖啡 $37CP值超高應該係全張Menu最划算套餐大件又多 但價錢都唔過$402個人舒舒服服$69 食早餐係個唔錯選擇!

突然間好想食台灣，同朋友走左去食茶木，～紅燒牛頰肉麵個牛唔會好多脂肪，我自己比較喜歡，食落去口感不錯，好軟熟，而麵條我覺得熟得唔夠軟身。～古早紅燒牛肉拌麵麵條拌麵個醬有啲辣，牛肉食落好軟熟。有鴨血，流心蛋，都不錯。～脆脆黑糖瀑布珍珠奶茶 🧋飲落去比我預期無咁甜 ，珍珠食落好有口感。～蜜糖磚塊（青蘋果🍏）每次食茶木必叫，旁邊有水果，香蕉，士多啤梨，藍莓，好新鮮，磚塊食落塊依舊咁脆口再埋雪糕食，好夾呀！

好耐冇食過茶木，幾款超人氣蜜糖磚塊堪稱一時經典，係我每次嘅必食之選～古早紅燒牛肉拌麵紅燒牛肉拌麵，牛肉係分開上，牛肉唔會過硬唔會太冧，食落啱啱好。另外仲有配菜鴨血及腐皮卷，鴨血軟滑，充滿台灣味道。手工拌麵的質地彈牙，而且麻香微微辣，唔食得辣既朋友都食到。成個套餐都好惹味！紅燒牛頰肉麵$80茶木新產品紅燒牛頰肉麵，嚴選嫩滑細緻牛頰肉，煮得夠淋容易咬開。另外採用自家製手作麵，食落口感煙韌有咬口，啖啖香腍味美！ 310 溏心蛋$46黃金時間310秒煮成嘅半熟糖心蛋，流心效果一流，而且醬香十足好入味！ 蜜糖磚塊(青蘋果) $88蜜糖磚塊係我嘅至愛❤️蜜糖多士塊堆成一座小山丘，三個人都食唔晒呀！青蘋果cream配搭焦糖味雪糕🍦+焦糖谷爆谷+鮮果，配料好多所以唔使擔心啲多士會冇味。超級邪惡，啖啖滋味～完全係食到停唔到口！脆脆黑糖瀑布珍珠奶茶$44又係極度邪惡嘅一杯飲品！黑糖珍珠奶茶🧋上面有厚厚一層奶蓋，好似瀑布咁樣湧出嚟！上面仲有煙靭嘅烤芋圓，杯邊仲有脆脆朱古力片同埋朱古力醬，味道好豐富！

接朋友喺樂富收工唔知食咩好，最後揀左茶木，見好耐無食台灣野。晚餐套餐有好多選擇，估唔到佢新menu幾有驚喜🤩紅燒牛頰肉麵｜湯底濃郁，有牛骨香味，牛頰肉好大舊，口感軟嫩，同埋因為中間有筋位，仲有啲彈性，膠質幾重😋麵條有咬口帶有麵粉味👍🏻古早牛紅燒牛肉拌麵｜除左紅燒牛肉，仲有麻辣鴨血、腐皮同半隻溏心蛋😍拌麵麵質彈牙，微辣，好惹味🤤紅燒牛肉同頭先牛肉麵既牛頰肉幾似，都炆得好腍！脆脆黑糖瀑布珍珠奶茶｜呢杯野係極級邪惡，但有齊我鍾意既野，芝士奶蓋、芋圓同珍珠奶茶❤️奶蓋好厚身，帶點芝士鹹味🧀杯邊既脆脆係用Nutella痴住，黑糖珍珠煙韌，好重黑糖味，不過飲完會好飽🤣青蘋果蜜糖磚塊｜黎茶木既必食甜品⭐️⭐️⭐️除左厚吐司仲有好多配料，個焦糖爆谷好好味😂藍色既青蘋果忌廉好靚，配埋雪糕同蜜糖磚塊一齊食超滿足，磚塊依然係外脆內軟充滿蜜糖味😋

以前經常幫襯茶木，除了款式多，仲有我最鍾意嘅蜜糖磚塊，超大份，大滿足！ 後來朋友們都肥咗，就話唔陪我開心share喇！ 今日我又嚟放縱一次。今次二人點咗紅燒牛頰肉麵同古早紅燒牛肉拌麵。 古早紅燒牛肉比較少，只有兩件，不過軟腍入味。附送小食有鴨血同素鴨，拌麵麵條做得煙煙韌韌，仲帶點麻辣香味，好有特色！ 紅燒牛頰肉麵肉質細嫩，湯頭清甜，配搭自家製麵條，經典之作。溏心蛋兩隻對分，甜而不膩，夠滋味啊！飲品揀咗脆脆黑糖瀑布珍珠奶茶，杯邊圍繞住脆脆朱古力，加上火炙奶蓋同芋圓串點綴。 杯底嘅黑珍珠，更添口感。 不過黑糖太甜，下次叫少糖應該會更好。主角係甜品！！ 新出嘅青蘋果酪梨蜜糖磚塊，非常吸睛，用牛油果、藍莓、士多啤梨、焦糖香蕉同爆谷伴碟，單看賣相，已賞心悅目。 青蘋果忌廉軟滑香甜, 蜜糖磚塊外脆內軟，好夾！門口仲有個靚靚打卡位，好似去咗台灣咁添~

印象中我只黎過樂富1-2次，但之前都係經過，今次過黎真係俾我唔少驚喜，原來樂富咁多嘢食😮。不過今次有小朋友，就想搵d甜品食，茶木都係唔錯既選擇。古早紅燒牛肉拌麵($74)個人都幾鐘意食茶木既拌面，呢款都係第一次試。口感唔錯，有點微辣，但麵質依然彈牙，仲有鴨血，牛肉牛筋等等，都算豐富。 紅燒牛頰肉麵($80)呢款寬麵都好好食，佢牛頰肉煮得軟淋，入口即溶，所以小朋友都食好多。整體黎講唔錯。👍蜜糖磚塊(青蘋果) ($88)茶木既蜜糖磚塊好出名，好多人推介。上台見到超大份，多士經過烘烤之後口感微脆，配上雪糕又唔會太甜啱啱好，仲有士多啤梨🍓藍莓🫐香蕉🍌同爆谷點綴，口感更有層次。 脆脆黑糖瀑布珍珠奶茶($44)珍珠幾彈牙，仲有d脆脆黑糖係杯子邊緣，但飲品比想像中甜，建議少甜d。🥰

在周一的晚上，要到樂富的UNY買家居用品, 之後就在附近的茶木吃晚餐, 其實之前已到過茶木的旺角分店, 對這店的台灣菜有信心。店內面積也算大, 環境氣氛是輕鬆隨意的, 帶些休閒感覺。飲品方面, 點了一杯脆脆黑糖瀑布珍珠奶茶, 賣相非常精緻而且IG-able, 在珍珠奶茶上加上芝士奶蓋，杯邊有一圈朱古力脆脆, 在面層再放上一串三粒的芋圓。飲落奶茶夠滑, 香味十足,甜度適中，配合芝士, 在味道和口感上都豐富了, 珍珠也夠煙韌,杯邊的朱古力香脆可口，芋圓十分有咬口。主菜有古早紅燒牛肉拌麵, 用木盤盛上,在賣相上已提升了, 除了最基本的牛肉和麵條，再加上半隻溏心蛋、一塊鴨血和腐皮。牛肉炆得鬆化而不韌，麵條有咬口之餘, 再配合小小麻辣味道,就更加惹味。溏心蛋做到蛋黃成流心狀, 軟滑而蛋香濃，味道出色。鴨血夠滑,腐皮也不錯,整體效果都相當好。甜品環節有青蘋果酪梨蜜糖磚塊, 一看已知是大堆頭製作,色彩繽紛,好明顯是IG-friendly, 主要是由三塊厚多士組成，最頂有雪糕球，緊接著有一層綠色的cream和牛油果, 還有藍莓、士多啤梨、焦糖香蕉和爆穀，內裡的麵包粒好脆，整個甜品在味道上是相當豐富。餐

今日去了樂富，找美食！"茶木"台式餐廳！今日去試我之前好想食的"蜜糖磚"我們點了古早紅燒牛肉拌麵烏賊汁奶油中卷手作麵蜜糖磚塊(青蘋果) 脆脆黑糖瀑布珍珠奶茶古早紅燒牛肉拌麵牛肉好香好軟糯👍🏻👍🏻👍🏻👍🏻👍🏻，不過得兩塊，不夠😝😝拌麵香香的，麵質彈～彈牙爽口仲有一片豬紅和腐皮卷烏賊汁奶油中卷手作麵烏賊汁黑烏烏😝😝，中卷是魷魚，好爽口彈牙！手工麵質地爽滑！脆脆黑糖瀑布珍珠奶茶好邪惡！有芝士奶蓋加珍珠奶茶，外面一圈榛子醬加朱古力脆脆。甜品蜜糖磚塊(青蘋果) 好肥呀！三片厚厚的多士，上面有水果，有一球大大的雪糕。

樂富實在太多野食，最後還是選擇了茶木因為覺得環境相對舒適，價錢也合理，最重要係有小朋友鍾意食的😆🍓草莓香草蜜糖磚塊每次必點甜品，烘烤咗嘅多士再加上雪糕、士多啤梨，好好味😋🍜微辣手工拌面系列麵好彈牙，牛肉好淋，好香口，牛筋好正，再加上麻辣鴨血，像我這種不能吃辣的也能接受這辣度🚗兒童汽車套餐有小朋友最喜歡的薯條、魚蛋、雞翅，再加上肉醬拌麵，對於我家小朋友來說份量是超大的🤣，還搭配埋水果🍉🥤珍珠奶茶➕豆花我家先生和小朋友最喜歡珍珠奶茶，所以必點，珍珠彈牙，茶味甜度適中豆花基本是小朋友食曬，所以未有機會試到距味道🤣

老公今天放假，來了樂富和我吃中午飯。我們去了茶木吃。我叫了一個紅蔥醬燒豬軟骨麵。這個手作麵十分彈牙，豬軟骨煮得十分軟，很易入口，紅蔥令味道更加分，整體來說十分正。老公叫了一個310溏心蛋肉燥飯。溏心蛋煮得剛好，不會過熟，也不會過生，肉燥份量多，很夠拌飯。我們叫的套餐有飲品送，我叫了黑糖冬瓜茶，老公叫了柚子蜜茶，冬瓜茶很好飲，不過太甜，清清的，很有消暑解熱的感覺，柚子蜜茶十分清香，味道也剛好，十分潤喉。

約了朋友到樂富吃下午茶，看見平常很多人的茶木，竟然不用等位！餐廳環境企理，店員服務周到！茶木的食品用具精緻，味道尚算可以，搭配果茶不算太甜，暢談了1小時也沒有店員來騷擾我們！

今日天朗氣清，行街越行就越覺得肚餓，所以開始想搵餐廳食d嘢，所以俾茶木嘅週年甜品回歸吸引咗入去，餐牌上面嘅野食種類都算多，呢個甜品我覺得好好味，希望遲啲可以有更多好似呢個咁色香味俱全嘅甜品回歸。