茶木‧台式休閒餐廳 (iSQUARE國際廣場)

营业中

休息中

茶木的甜品同單點菜式真心不錯，性價比也算不上十分低，但平日食的set lunch認真覺得麻麻地.......份量方面，一個字，好少。 看上去好似好多種類，小食麵食肉食都有，但實際份量真的好少。.蕃薯牛肉的牛筋比肉還多，味道是好的，牛肉肉質唸滑但牛筋有點硬，表示想食牛肉多過牛筋，而且牛筋太多了，以致不太想吃.牛肉麵的牛肉只有一到兩塊牛𦟌，而且都幾薄，麵的口感彈牙但份量真的太少，少到可以用筷子一次過夾起成碗面🙁 連食量不大的我也覺得不夠吃阿.小菜方面，嗯...就是眼前的份量，是冷的，吃完整份午餐還是餓😭

雪糕蜜糖磗真係好好味，同朋友食tea / 糖水必食。 不過因為今日lunch 食得唔飽，所以叫兩個咸點:糖沁蛋 同香烤腸，散叫其實偏貴，不過冇理由tea 食個飯😂😂茶木好似唔係間間都有lunch set /tea set

第一次係茶木食lunch~平日都好鬼多人啊…12.30去到都要等10分鐘左右Lunch set都幾抵食！牛肉麵係我最愛，牛肉好淋好入味，配菜有紅蘿蔔同白蘿蔔，一樣係好淋同入味，用筷子一夾就切得開！麵都做得好好~唔會好硬，不過今次有幾條仲未煮開痴埋一舊，但都無大影響一樣咁好味~紅燒牛肉麵lunch set $77連飲品

又到Happy Friday, 返埋今日又可以休息下，一於約埋同事一齊去食好嘢，去到isquare 樓上的茶木，門口已經有人等緊位，立即攞張飛等，好彩等左五分鐘左右就有位午餐選擇多，有自選套餐，麵餐，我就揀左自選套餐，有三樣前菜，分別係滷水蛋半隻，芽菜，滷水鴨腎，另外主食係醫燒汁沙朗，再加埋碗肉燥飯，餐飲都有好多台式飲品，天氣涼涼地，都係飲杯熱嘅柚子茶。上菜位好近，所以就好快成份午餐送到，醫燒汁沙朗三片，咬落有點韌，味道普通，肉燥飯反而較好，肉燥香，配埋前菜一齊食就好飽同事要個紅燒牛肉麵，主食要酥炸排骨，我試左一小塊酥炸排骨，炸得香脆，又冇骨啖啖肉，好味過我的沙朗，下次我識得點揀柚子茶無驚喜，都係用一大樽柚子蜜沖出來，但又唔想加錢飲其他特飲😂

今天與同事吃飯，一於相約在茶木食下午餐。這裏的午餐$66-$78，有自選套餐、台灣麵食、肉燥飯及手作麵等。午餐自選套餐$66前菜有三種（古早滷水旦，麻油大豆芽，麻油榨菜雞腎）而主食有六款可以選擇（芝麻醬手撕雞、醬焼汁沙朗、黑糖薑母油嫩鴨、黃金酥炸排骨、柑桔炸魚柳、鳳梨豆乳肉排），而飯麵也有四款（當然包括了古早肉燥飯、古早肉燥手作麵）（細碗）可以選。前菜味道ok, 印象唔深，但滷旦十分入味醬燒汁沙朗：有三件西冷扒，切得厚厚的，口感十足，而且肉質軟稔又幾有肉味，加上甜甜地的醬汁，味道幾ok柑桔炸魚柳：份量十足，魚柳大大片，炸得香脆乾身，加上酸甜的柑桔汁，更加開胃。黃金酥炸排骨：炸得香脆金黃，但肉質ok唔乾身，是香口惹味之選。個人更愛肉燥麵多於肉燥飯。肉燥甜甜的，麵條QQ煙韌，口感十足又有麵粉香，而湯底也十分惹味可口，正！若果怕自選套餐的麵條太小，可以點紅焼牛肉麵$76，這兒的牛肉是半筋半肉，炆得軟稔入味，加上清甜的蘿蔔作配菜，同份量唔少的麵條，可以大飽口福。黑糖薑母茶：味道少甜，少少薑的辛但又未致很辣，容易入口又暖身。柚子茶：富柚子味，酸酸甜甜的，但味道唔係好濃。午餐水準唔錯，加上價錢合理

本身已經同朋友每人食咗一碗米線，但係我哋都仲係唔夠飽，就嚟咗呢間iSquare嘅杉木，好快咁樣落咗order。叫咗個麻油雞煲仔再加一個紅豆抹茶層層疊，我個friend主要係食雞煲仔，我就主要食層層疊個雞煲非常之入味，我個friend食到，仲話美食係要慢慢享受嘅，可惜我哋時間太少，要快食，啲雞肉都夠滑，啲汁超濃如果有碗白飯就更加perfect!!紅豆抹茶層層疊，未食嘅時候我個friend都已經話可能會食到好「溜」。結果亦都同佢所講嘅一樣，因為紅豆太甜，不過因為麵包加紅豆可以平衡返甜味，加上我自己本身鍾意食甜，所以我覺得甜少少都冇問題，用麵包Jim紅豆再加埋個抹茶雪糕，真係冇得頂呢度嘅人手應該都唔係好夠，想添水舉手好耐都冇人理，落班就落得快，上菜嘅話都會比較慢少少，要等大概20分鐘。環境係舒適嘅，畢竟都係喺iSquare裏面都唔會差得去邊。都說算抵食嘅，兩個人都係食咗＄160 ,有返咁上下嘅水準，貴少少都無所謂啦，係咪先？

今天中午跟同事去这家isquare的茶木吃饭，点了午餐套餐，有送饮品，就叫了柚子茶。结果喝到半杯时，发现杯底居然有一根五厘米长的头发！！！！！！！这么恶心的店，大家以后都不要去吃！套餐叫的是什么巴蜀松子鸡，鸡肉超级少，鸡皮很厚，很多油，吃起来非常油腻，这种破水准，真是垃圾！朋友叫的是炖肉排，肉排的肉很柴，明显是煮的时间太久，过火了。这么差的餐厅大家都不要去吃了吧，卫生差，味道差，上菜慢！！！！！！！

係Isquare搵食肆，唔算好多選擇，搵咗間最穩陣嘅茶木。3:15入去唔洗等位。今日食排骨新竹米粉，係個排骨d粉厚咗d, 個湯好濃好好飲，唔知用咩做整體都ok嘅， 個蠔仔粥都正。

難得提早收工，偷得浮生半日閒，臨時約左朋友去食tea,因為自己偏好花茶，最後揀左尖沙咀isquare 嘅茶木，下午茶餐，包一件cake 同杯飲品，我㨂左一件藍梅 cheese cake 同蘋果花茶， 件cake唔太甜，但底層鬆餅唔夠鬆脆，蘋果花茶味道清香，配上cheese cake 啱啱好

今日返工好辛苦，所以決定lunch食好野，同事就建議不如去試吓茶木， lunch應該唔需要等好耐，結果我哋一點鐘去到，等左四五張二人枱就到啦，因為喺等位嘅時候已經諗好咗食咩，所以一坐低就可以落order ,慳返好多時間，可能因為lunch嘅關係，要同人地搭枱有啲唔係幾自在。茶木嘅lunch都有好多選擇，價錢都係60幾再加一！佢每個餐都會跟前菜三款，分別係滷水蛋半隻，滷水鴨腎同埋大芽菜，跟住你可以揀一個主菜同埋一個飯或者麵，然後再送一杯野飲。我叫左個芝麻醬手撕雞加古早肉燥手作麵。餐飲方面其實都好多選擇，有凍有熱，都冇必要加錢轉特飲！我就叫咗個凍嘅酸梅冰。嘢食好快送到枱，而且有個托盤裝住全部食物，所以好整齊，唔會同隔離嗰個撈亂。講返個手撕雞，芝麻醬好好味，啲雞好滑，應該都新鮮嘅，食唔到冰鮮味，而且下面仲有啲青瓜絲，凍凍地好開胃。至於個肉燥手作麵就差少少啦！啲麵有少少黐埋一齊，而且個湯底油到死！根本唔想再食落去！酸梅冰反而有質素喎！雖然好似好普通，但係可能因為頭先個麵真係太油啦，有返個酸梅冰平衡返，感覺良好！最重要係凍飲其實都唔使加錢！抵讚！

有一陣子無黎食午餐，估唔到今次黎食有少少改變左就係個套餐小食，以往係有得比你選擇，依加就指定左三隻小食，小食無話唔好食，正常味道，不過係好奇呢個小食會會得閒轉下定定左成三隻呢？如果唔轉真係幾悶!主菜方面就叫左豬手，我一向係豬手愛好者，呢碟豬手有兩隻，肉就唔係非常多，所以唔夠喉。至於粉麵飯我就揀左新竹米粉，最鍾意台灣幼得米粉，夠彈口。飯品就選擇左玫瑰黑糖茶，對我黎講就普普通通，唔係我口味。而今餐我最想講既重點係食完無耐又肚餓，究竟係我問題定分量少左呢…

在isquare睇完戲，都差不多晚上10點了。想食甜品但又唔想行到厚福街甘遠，幸好isquare有茶木呢間餐廳。茶木優勝之處是前菜、小食、飯麵類做得不錯之外，佢的甜品都係會令人一試難忘的。今次試的係草莓味，唔會太甜，而且草莓有少少酸，更覺開胃。撥開草莓雪糕，底下的都是切好的方形麵包粒，粒粒都香脆，而且沾滿糖醬，可以配雪糕食，或就甘食，都好好味。總括而言，我最欣賞係茶木這個蜜糖磚塊甜品，性價比甚高，每次行過佢的餐廳都想食。

晚上跟朋友来这家店吃饭，点了一碗草莓芋圆，结果只有表面非常薄薄的一层材料，剩下的一大碗都是冰块，食材是1/10冰块的分量是9/10，吃过这么多店铺的芋圆，第一次遇到这样的，感觉完全不值它标的价格，有种被欺骗的感觉，而且服务员处理的态度也有点差，一幅不想搭理的样子，告诉我他们店就是这样的....只想说你们家冰块真贵呀..............................！！

After work, Me and my friends went to Teawood for a dinner. It is on the 6F of ISquare at Tsim Sha Tsui, easy to find in the mall.3 seats arranged for us, then they take your orders. I have ordered a 香菇菜餃麵 (67hkd), not too heavy and the noodle is somewhat to the tooth. Then I further order a 草莓黑糖芋圓 (42hkd) (I didnt see this menu before, therefore I ordered to have a taste of it), it consisted of 芋圓 地瓜 蘆薈 薏仁 紅豆 涼粉 珍珠 with ice. The ice is quite big, will prefer smaller size. If you want less sweet

都說香港是星際美食之都啦!今天因要到旅行社開茶會，開完會後已是下午三時多，到了彌敦道i-square的茶木，茶木的名字，很多人都知道，是一間走大眾化路線的食店，專營台灣美食。入内坐低看見週圍環境不錯，簡约裝修，有種窗明几淨的感覺。我要了一份三杯雞温泉起司吐司加黑塘珍珠奶茶，而朋友則要了一個總滙三文治加柚子蜜茶。先說三杯雞起司吐司，麵飽用西多的做法，先炸香後再加上芝士，再外披上温泉蛋加三杯雞，配菜則用生菜及沙律菜相伴，賣相0K，但味比較濃烈，然而口感卻又不錯。至於總滙三文治則其實是三文治内加沙律，但卻奇怪在用的卻不是沙律醬而是用忌廉，就是這樣，食落就有(漏)的感覺，可能用的忌廉量是過量了。而兩杯飲品都偏向較甜，固喜愛清淡的朋友，如果要幫襯就要考慮一下，不過在這樣舒適的還境下，食，可能已不是主角了