茶木‧台式休閒餐廳 (iSQUARE國際廣場)

营业中

休息中

友人好奇怪我從末去過茶木。她的疑惑又不是沒有道理，茶木都算是台灣菜的先頭部隊，進駐香港己多年，為什麼我末試過呢！哈哈....今天終於去了。價格算是平民化，抵食。沙茶牛小排配飯+蛋糕/沙律+飲品只不過是一百多些少。牛小排夠入味又不太油膩，配飯真一流。配菜的洋蔥和紅椒惹味，全部吃清。蛋糕是最新口味的鳯梨酥蛋糕。賣相不錯。面層金黃色的又綿又滑不甜膩，夾雜著菠蘿粒，清新感覺。餅低酥化。平平地想食得飽足這裡是不錯的選擇。

看完戲，同朋友來坐一坐，休息傾吓計下午茶餐一杯凍，一杯熱，黑糖珍珠奶茶，味道不算太甜適中。不過餐廳要求，為了環保，客人要求，才比飲管。但不用飲管飲又真係好唔方便Teawood 鳳梨酥只是叮熱了一點，沒有特別好味鳳梨慕絲蛋糕，幾別緻，不過好似入邊好多cream

今日同知心好友去 iSQUARE 行街，見到TeaWood 裝潢幾吸引，感覺舒服，所以就入去食晚飯。食店是用自助攞飛，方便快捷。食物款式都算多，我們點了紅燒牛肉麵，牛肚牛根麵，櫻花蝦奶油手作麵，再加上溏心蛋,非常豐富。食物價錢公道，適合一般人的荷包。紅燒牛肉麵只是 $77.櫻花蝦培根芥末奶油手作麵，盛惠 $78.紅燒半根半腩牛肚麵 $69.糖心蛋兩隻四件，好味！牛肉麵有水準，肉炆得好腍，易嚼美味。湯汁夠濃，正！櫻花蝦美味香口，奶油夠 creamy.整體表現出色，唔怪之得有甘多分店。

2019年1月19日 (星期六) 6:00pm 20°C 餐廳裝飾以環保木片打造藝術大樹，綠色為主調，帶有綠化氣息；餐桌與餐桌之間的距離則比較貼近，不夠寛敞了。 不銹鋼匙羹、叉子形狀好像地盤的鐵鏟一樣，特別又有趣！ 環境光亮整潔，餐具乾淨。 週末、週日及公眾假期均沒有提供套餐，必須單獨下單。 人數：2 人 HK$288.8 櫻花蝦培根芥末奶油手作麵 - 蝦仔鹹鹹香香，充滿海洋氣味。煙肉呈粒狀，煙煙韌韌又肥美，奶油十分濃郁，配合彈牙的麵條，感覺絕佳。整體來說，奶油與雞蛋混和一起，使麵條帶金黃色，吃起來更軟溜，醬汁更濃郁，適合重口味人士。【推介之選】❤❤❤ 炸雞排肉燥飯 - 雞肉炸得非常脆口，每次咬下去都發出「卜卜」聲，外皮鬆脆，內層鮮嫩。肉燥熱香，醬汁拌勻白飯後更惹味，叫人食指大動。整體來說，賣相與味道也帶來驚喜，美味無窮。【推介之選】❤❤❤ 凍薄荷珍珠奶茶 + 熱香芋奶茶 - 兩杯味道偏淡，奶味蓋過茶味，欠香濃 ~~《 餐 牌 》：【 溫 馨 提 示】：❶ 用餐時間為90分鐘❷ 星期一至五提供晚市套餐❸ 星期六、日及公眾假期不提供晚市套餐❹ 加一服務費❺ 結帳付款須自行到收銀處

很喜歡茶木這種小清新的裝修，這間分店的採光很好，看著心情也很好。餐單的設計是櫻花主題，有夢幻又浪漫的感覺。平時在茶木吃的多數是午市套餐，這次因為是假日所以只能散叫。猶豫了很久最後選擇了一個麵和一個飯。紅燒半根半腩牛肉麵看到新品便試試。一上菜就見到大量的芫茜，才想起忘記走青，因為我實在不喜歡所以全部挑開了。撥開「青」霧後終於見到重點，有牛肚，牛頸，牛腩，紅蘿蔔，白蘿蔔。除了牛肚較硬之外其他都不錯，可惜整個麵都很油，吃到一半便吃不下了。意式辣茄醬牛肉絲燉飯鍋等了很久終於到了，對酸酸辣辣的食物很是期待。顏色很吸引，食落也開胃，雖然對個人來說有點過辣及過酸，但還可以接受。總結裝修比食物味道好，食物味道一般，平日的午市套餐比較劃算。雖然差不多滿座但基本上不用等位，店員服務態度也不錯，亦會主動添水。整體尚可。

同家人去開呢頭，搵啲嘢食下，已經好肚餓啦。假日兩點幾仲係幾乎全店滿座，好彩早一步先黎攞位。眼見都幾多位下，卡位都多。叫咗幾樣，本身4個人諗住三個再一個小食，原來都幾唔夠飽。慢煮梅子豬腳，我家大人食得好滋味，有小小梅味，酸酸甜甜，而且又煮得夠林，食得好好味，直頭追黎食。台式肉燥麵，味道還好，另外有碗湯。紅燒牛肉麵，牛肉煮得好淋，其他配料係大大舊，不過未係好入味。湯係濃，偏咸，粗麵都不錯，掛湯都幾好。酥炸豬排肉燥飯，72元，豬排皮幾厚，肉唔多。肉燥好味，略重味啲。蚵嗲肉碎泡飯，幾夠味，料都多同足。整體偏貴，一份未必夠飽，要叫小食。味道略重。服務一般，過左好耐催單，個店員又唔望人又唔應機，唔知點。

曾經好多人同我講話茶木好難食，千祈唔好去，好在我吳係用耳仔做人既人，如果吳係自己感受過係吳代表係真😂徐非間鋪頭係門口比我望到覺得好污糟，我已經吳想入就另作別論，今日我自己親自體驗一下係米D人講到甘難食😂😂😂餐牌好多啱我口味既食物，太多頁所以我無影底😂😂先來一個水蜜桃🍑🌹🌼茶——————-呢到既花茶，糖水同茶分上，加吳加甜，由我話事good😄(好多地方🌹茶已加左甜落去比你🙅‍♂️🙅‍♂️）小食什錦三小碟———-1-青瓜豬耳配麻辣汁辣味不太辣，大眾化口味，青瓜豬耳爽口好味道👍👍✌️✌️2-流❤️蛋——-又係不得不吃👍👍👍👍👍3-豆腐乾——-食落似豆腐乾，但𥚃面似🐟餅😂😂又係好食👍👍👍👍👍小食台式烤腸———大蔥➕蒜片配答一齊食👍👍👍👍👍服務又係超級好👍👍👍👍👍點解有人話吳好我親身的體驗———掂掂掂👍👍👍👍

平日到茶木都是吃 他們的招牌牛肉麵，然而今日想轉一轉口味。他們的午市自選套餐A都幾抵食。只要$69便可自選一款前菜、主菜及飯或麵，還包括一杯餐飲。今天我選擇了古早滷水旦、西紅柿燉牛腹腩、古早肉燥手作麵及黑糖薑母茶.這古早滷水旦是半件，雖然旦的質地有點兒硬身，但總算滷得入味。西紅柿燉牛腹腩份量唔少。牛腹腩由於同西紅柿一起炆燉的關係，肉質極之軟腍，一咬即化，完全不用花力氣去咀嚼。牛腹腩既入味又濕潤，滿有肉香，真好吃。古早肉燥手作麵麵條Q彈，而且肉燥味道香甜，加上惹味湯底，真的越吃越想吃。或許我太愛那QQ的口感吧！黑糖薑母茶的味道比較溫和。薑母的辛味因香甜的黑糖而變得溫醇。薑母茶薑味淡雅輕甜，倒是平易近人。這樣的台式午餐倒也豐富，而且所費不多，總是恰意。難怪在午餐時間常常有水洩不通了。

茶木係我經常食ge餐廳，價錢合理環境都舒適！餐牌設計得好可愛好少女😍鹽酥雞麵啲鹽酥雞炸得好趣，鹹鹹地雞肉都算滑同埋juicy。麵係我鍾意嘅闊麵，咬起嚟好有咬口，湯底又濃郁，重口味ge人一定鍾意。不過杯珍珠奶茶相比起嚟就較為失色。芝心雞翼肉燥飯，肉燥好淋好入味，雞翼就正正常常。食完正餐嚟到茶木又點可以唔食甜品呢🙊爆谷芋圓雪糕，芋圓雖然有兩隻顏色，但係其實大家味道都係一樣😅一啖雪糕加爆谷，配搭幾得意。

茶木呢間大型連鎖店好出名同吐好多人都食過，不過又唔係全部嘢都ok嘅，今晚去食晚飯試咗4樣嘢，酥炸蚵嗲，鳳梨慕絲蛋糕，寶島三小碟，紅燒半根半腩牛肚面，第一樣即係台式煎蠔餅，同一般蠔餅好唔同，佢係將啲蛋漿炸起，主要得蠔同蛋無其他配料，味道ok,個鳳梨慕絲蛋糕其實叫呢個因為無晒藍莓芝士蛋糕，唔好食都預左，但估唔到有驚喜，好好味入面仲要有鳳梨果肉，同鳳梨味好重，寶島小食青瓜豬耳有啲辣，流心蛋唔錯，炸魚腐幾好味好有台灣小食風味，最失敗嘅紅燒牛根腩牛肚面，湯底好油，無牛肉湯味，份量好少唔值，佢呢個系列唔推介

人在尖沙咀，想搵間唔係好貴既餐廳食個飯都有D難。反正喺iSQUARE，就決定食茶木。開放式餐廳環境舒適，都有多卡位，應該係方便傾計。跟朋友點了卡邦尼奶油手作麵及酥炸雞扒麵。卡邦尼奶油手作麵用上台灣的麵條 X 西式的煮法，味道不錯。麵條都沾滿了卡邦尼醬，醬汁味道適中，不會很咸。還配上櫻花蝦，口感豐富。酥炸雞扒麵(冇影雞扒)，但雞扒外脆內軟，雞肉嫩滑。雞扒表面還有椒鹽，好味道！麵嘅湯牛肉湯底，有台灣牛肉麵的味道。飯後甜品：黑糖草莓芋圓仙草，黑糖不算很多，味道偏淡，看上去以為好大碗，但仙草下是一大碗冰，有點失望。

本身約咗男朋友行完尖沙咀之後，去咖啡弄食飯，因為我好掛住佢嘅水果茶同甜品👉🏻👈🏻點知去到先發現竟然冇開門😫原來當日大廈停水🙈咁我地唯有即刻轉plan B，去iSQUARE食茶木啦。八點左右去到茶木，要等3張2人枱，大約十五分鐘左右就可以入座。紅燒牛肉麵 $77湯底好濃，麵條彈牙爽口，牛肉份量都幾多，大大舊啖啖肉，同埋好夠火喉，入味又鬆化，連舊紅蘿蔔都入哂味。沙茶麻糬牛肉涮涮鍋 $88有金菇，蜂巢豆腐，豬血糕，貢丸同牛肉，仲有一堆生蒜同芫荽喺面。沙茶湯底香濃，係湯底咸咗少少。草梅香草蜜糖磚塊 $79好耐冇食過蜜糖磚塊喇🤤🤤🤤今次再食依然覺得好好好好味。磚塊沾上蜜糖香甜脆口，配上士多啤梨雪糕酸酸甜甜，我地好快就清哂全碟😋熱水果茶味道普普通通。

工作日在尖沙咀附近办事，下午茶时间的时候国际广场里面的几家店相比而言还是人没那么多，环境也不错的。茶木之前拔草过金巴利道附近的一家分店，比较失望吧，国际广场店就好很多了。店内环境不错，装修算是比较的清新舒服，座位也挺宽敞的。中午点了两份午市套餐陪上饮品，甜品的。红烧牛肉面感觉一般般吧，牛腩肉燥饭味道不错。鸡排的味道有点怪怪的，有一股酸味儿。薏米水，蛋糕，果汁等口味也挺好。总体而言挺好的一家店，解决常餐的地方吧。

好耐冇食過茶木喇，今晚見到有小丸子主題餐，好得意喎，就食茶木啦！唔，睇完個餐牌，又覺得小丸子餐好貴喎，所以都係點返牛肉麵。👉🏼teawood 紅燒牛肉麵牛肉大大件，好味，麵條係粗粗嘅，好入味，仲有大件紅蘿蔔同白蘿蔔，份量都唔少。👉🏼醬油豬軟骨麵有幾件大大豬軟骨，啲軟骨唔止係淋，係差不多溶咁濟，又可以大大啖咬，超正👍🏼👍🏼👉🏼起司竹炭吐司佢係呢餐飯嘅主角，個樣靚之餘，有流心嘅芝士係大賣點。切咗一刀，啲芝士湧出來呀，好吸引呀！個竹炭toast幾脆幾好吃，點吓啲芝士，冇想中咁好味，芝士味淡，但食食吓又ok, 適合唔鍾意濃味嘅朋友。

茶木在10月推出小丸子聯乘，供應一系列小丸子食品，甜品及飲品。銅鑼灣世貿，旺角瓊華及九龍灣Mega Box 有茶木小丸子主題餐廳，可惜這天在尖沙咀I square, 只好點小丸子食品。點了Beli Bala 小食併盤，併盤內有炸蝦兩隻，雞翼兩隻，台式香腸一條，小丸子盒子內有花枝丸，並帶有水果火龍果及西瓜。併盤小吃是大路之選，但份量少，感覺不太抵食。飲品小丸子的是西瓜柳丁汁，其實不是果汁，是沙冰。爺爺的是抹茶歐蕾，這杯是綠茶Latte ，好喝。重點是杯子可以帶走，小丸子迷萬勿錯過！另外，我們點了紅燒牛腩麵及酥炸排骨麵，這次師傅似乎稍失水㔼，牛腩麵的麵煮得太冧，麵條都短而碎，我們要求更換，幸好店員都肯安排更換。更換後的麵條終於正常。店內較多內地客光顧，服務員基本都忙不可開交，如需協助，需內心等候。