茶木‧台式休閒餐廳 (iSQUARE國際廣場)

营业中

休息中

剛剛在尖沙咀做完body message,成個人舒服哂!這時候正好係下午茶時段，於是看看附近有乜地方去食下嘢上下網先。來到 I square 六樓茶木餐廳居然沒人排隊，便毫不猶豫地入內幫襯。 這間食肆是以台式食物和甜品為主，價錢亦合理所以大受年青一代歡迎;往往午餐時候大排長龍的。朋友見到餐牌上的三杯雞温泉蛋起司吐司幾特別，於是選擇了它配黑糖珍珠熱奶茶。而我亦點選一份總匯三文治配熱柚子蜜茶。 三杯雞温泉蛋起司吐司 台式三杯雞加上温泉蛋再配以吐司這個創新配搭頗特別，味道很夾很好食。 總匯三文治 以火腿和蛋白碎混合鮮忌廉的配搭雖然普通，但吃落很清新毫不滯口;有意外的驚喜。

喺尖沙咀食嘢乜都貴，想食得好啲，坐得舒服啲，茶木就係我其中嘅選擇。黎得茶木，就當然要食佢最出名嘅蜜糖吐司。士多啤梨雪糕蜜糖吐司就係我嘅最愛。非常厚身嘅麵包，裏面搽咗蜜糖，再將佢切左粒粒，再配上雪糕，一冷一熱，入口有種溶化嘅感覺，好正！旁邊嘅都有少少忌廉俾你點嚟食，仲有新鮮嘅士多啤梨，係一個非常唔錯嘅甜品。不過一個人食就太流，適合兩至三個人一齊分享。另外都叫咗杯芒果沙冰，味道較甜，有小小似許留山的芒果飲料。

今日6點半拎飛，等左一陣都有位，環境算舒服。見到MENU 都好強選擇低發現價錢都唔平，但生日無咩所謂啦。有一張係可以加錢變成set可以加＄30轉成套餐，有主菜，白飯，沙律或蛋糕同飲品一杯。叫左一份台式滷味拼盤，古早味三杯雞，墨汁奶油章魚手作麵。飲品叫左芒菓蜂蜜蘆薈，我就無揀沙律反而要左蛋糕，蛋糕有大約6款選擇，原本想揀芒果但無哂叫要左紅桑子開心果蛋糕。首先個拼盤都唔錯，但個五花腩真係好乾好硬～真係唔太好～三杯雞有個爐熱住，愈食愈好食，大家可以等個爐熱哂先食品香味更濃。章魚手作麵個人覺得最好食，奶油味唔太重反而提升左麵的質感但章魚但比較”UN”扣少少分。飲品唔太甜，蛋糕都是有驚喜。底部有nuts中和甜膩感。

茶木的分店越開越多，但他每間店舖的受歡迎程度有增無減。我猜一來是香港人對台灣美食的熱愛實在太澎湃，二來是此店的甜品亦十分吸引！紅燒牛肉麵台灣的牛肉麵店數目多得很，分分鐘比7-11的數量更多，無非因為台灣人很喜愛，香港人亦不例外，故此麵很受歡迎。單點要差不多七十元。但仍有很多食客垂青。坦白說此店的牛肉麵並非十分出色，有點不過不失，紅蘿蔔令湯頭清甜，牛展炆得很林很入味，但稱為「紅燒」實在辣度不足香口不足，但於香港可一嚐台北牛肉麵的感覺已令很多香港食客覺得很滿足了！酥炸排骨麵排骨（即我們的豬排）實在鬆脆香口，而且份量十足，有足足2塊。性價比很吸引！難怪亦很受歡迎～芋圓什果涼粉新甜品的靈感亦取自台北美食吧？吃上來感覺亦不俗，２個人分享亦已足夠了～

放工時,睇到TEAWOOD下午茶有套餐SET,我叫左個鹽酥雞扒肉燥飯.都係50幾蚊，都算抵食,個豬扒同我係台灣食的味道冇咩差別,好香好脆. 個肉燥飯亦係咁好食, 下午茶咁嘅價錢算係已經好高質. 環境同以前冇咩差別,一樣咁舒服整潔.

之前係茶木都是飲野，未吃過麵餐，不過7:30睇戲，只有1個鐘頭吃飯，就選左茶木了，近近地又快趣解決~等了5分鐘左右就入座，侍應講明用餐時間90分鐘.........繁忙時間用餐，又撘枱，環境好吵。同老公分別點了紅燒牛肉麵，醬燒豬軟骨麵，台式炸香腸，宇治抹茶奶蓋。個人覺得豬軟骨比牛肉好吃，湯底略咸，麵條略硬，好多都係2條麵黏埋一起，有點失色。香腸吃落係甜的,我中意同蒜頭or 蔥一起吃，味道變得好香哦~宇治抹茶奶蓋，中規中矩啦~

今天跟三位朋友去了喝下午茶，他們叫了蜜糖磚塊和各種不同飲料包括牛蒡茶什麼的，我不太喜歡吃甜的，來台灣店當然要叫台灣的紅燒牛肉麵啦，也叫了咖啡。紅燒牛肉麵頂呱呱，牛肉的選擇、調味和烹調，是我在香港吃的最好吃的。值得5星。蜜糖磚塊聽朋友說也很好。咖啡還可以。埋單3百幾。

茶木相信唔少人都食過，但唔知大家有無試過佢地既Tea Set呢？第1次見到呢個下午茶餐簡直雙眼發光了通常下午茶餐都係輕食，但茶木有照顧到我呢D遲收工又未食晏既人士，有飯有面食，如果友人唔太餓又可以叫輕食，幾好今日試左呢個牛肉吐司，個飽好似西多咁炸過嫁加埋上面D牛肉同溫泉蛋⋯好邪惡飲品方面就叫左黑糖珍珠奶茶。呢個味道就一般，個人覺得似布甸奶茶多D我見隔離枱個芋圓睇落都幾好飲，下次等我試埋個甜品再同大家分享下先

今次 o黎係因為食完飯想食 dessert依度 last order 係 10 點我 o地大約係 9 點 20 分, 未到 9 點半就落 order點知依樣賣哂 o個樣賣哂好心明知乜都冇就一早講 la入到 o黎坐低哂先出聲本身甜品都已經冇乜 choices奶凍賣哂 = 有兩款甜品冇連芋圓都話冇!!! 基本上已經冇甜品可以揀就連飲品有 d 都話賣哂最後揀冇可揀食 o左個 toast乾爭爭, 味道一般薄荷可可係唯一好少少 ge o野...有個心太軟冇影, 又係核核突突似女朋友整比男朋友 o甘但係係整得失敗 o個隻 wor蛋糕依個定價唔使 o係度食 la

一班人去Isquare 睇戲，我提議不如睇戲之前係茶木食晚餐啦以前就已經好鐘意去茶木，Isquare 呢間座位又幾好坐，雖然入座時間得90分鐘，但食物上菜都算上得快，睇戲前食個飯就岩晒啦佢有dinner set, 不過跟飲品要加$30, 我覺得分開散叫其實價錢唔差太遠。我同寶寶都點左食香辣牛肉麵，辣就唔算好辣，但牛肉夠晒淋，個紅蘿蔔反而係最入味喎朋友仔就最鐘意食豬軟骨麵啦，佢係似台灣麵既刀削麵麵底，粗身d 但又軟硬適中，不錯不錯。有人就點肉燥飯，佢覺得台灣腸份量十足，岩晒佢口味！另外仲點左個set, 要左肉排，酸酸甜甜，送飯唔錯架。即係呢，我食台灣野最鐘意食大雞排，茶木既大雞排$57, 真係大大塊，係即炸，餐廳算幾抵食架，可惜佢無辣粉，否則會加分！食野又點可以唔配飲品呢，我就最鐘意綜合水果茶！朋友就鐘意飲熱既，我覺得佢好足料，但熱飲真係太細壺囉珍珠奶茶呢，寶寶覺得佢茶味合理，珍珠夠qq 套餐仲包左個甜品，我太飽無食lu.

久違的台灣風味茶木最出名係雪糕多士，開頭無咩好感，但當食左第一次就完全顛覆左我既諗法，尤其係肉燥飯，其實以前仙綜林係我最愛既台灣野，但好似已經執哂茶木係新派台灣野，其肉燥飯同雞扒面係代表之一，肉燥完全覆蓋d飯，完全唔驚佢唔夠肉燥撈飯，台腸腸香口惹味沙朗肉即係牛，係餐牌特別指明，好貼心珍珠奶茶用黑糖以為好怪，點知唔飲甜野既男朋友都飲哂食完兩個飯同飲兩杯野飲已經好飽，最唔好既係嗌主菜冇得用優惠價叫飲品，散叫一杯$30有d貴

放假的日子無聊得很，決定出尖沙咀一遊，後來即興的去看了電影。電影完結後出來已是晚上六時多，決定近地就此用餐。看見其他餐廳都很多人在等候，相比之下茶木的等候時間似乎較快，便決定吃茶木，不到5分鐘便能入座。是次選擇了墨汁意粉，吃起這類食物都較尷尬，因為總會把牙齒弄得黑黑的，但還是想嘗試一下呢。吃上十分有味，但不個中間紅色的絲是什麼來的呢。但是魷魚方面便沒有什麼味道，較淡吧。最後隨便點了杯飲品便結束晚餐，回家去了。

甜品相信冇女仔唔鍾意食個朋友鍾意嚟呢度食所以就陪佢一坐低原來發現有幾種味道有朱古力芒果等等不過朋友鍾意食士多啤梨所以點士多啤梨甜品係三層多士鋪上左忌廉同埋雪糕加上做新鮮士多啤梨同埋士多啤梨醬仲有細細粒嘅棉花糖做點綴咬落去口感好豐富又凍又熱有脆有軟入面仲有少少蜜糖漿值得一試

星期日午飯時間來到i-sqaure揾嘢食，見到茶木唔駛排隊，梗係狗衝啦， 事關呢間野其他分店日日大排長龍。 入內，侍應安排坐卡位，餐牌選擇甚多，特別係台式飲品， 不過都係點了最基本的黑糖珍珠奶茶，另外點了滷肉蛋飯，雞扒麵和草莓香草蜜糖磚塊。不夠五分鐘便上菜。滷肉蛋飯。味道中規中矩, 其實滷肉飯係穩陣之選，好難整得唔好食，但又好難整得好突出。溏心蛋蛋黃比較熟。珍珠奶茶唔錯，甜度適中，黑糖乃健康之選。雞扒麵，雞扒新鮮炸起，炸漿夠薄，雞扒仍有肉汁，由於炸漿夠薄，所以啖啖肉。麵亦煮得適中，夠爽口，而且湯底濃味得來唔鹹。最後是這裡最出名的甜品， 不過等候時間亦都夠耐，由於差不多食完主菜才點，所以差不多齋等了25分鐘。不過等得耐也值得， 多士配上蜜糖及士多啤利雪糕真係無得輸，食完想再食， 只是有點熱氣。

雖然我不甚喜歡名牌連鎖店,但無處不在的商場內、倩影永遠都好像留在眼前,這天又是一位人士開餐,孤零零之下,不愛麥記、不要Starbucks,不如乾脆台灣風？「茶木」可算較早比人認識,看過水牌行步朝向六樓推進．．．店子雖然不高檔,但準備功夫已從擺枱整齊度可見一斑、管理人員可算一讚,黒油雞翼麵HK$69.可以算我較為喜歡的一碗手工麵,湯底濃而不腻、不過今會這間分店未免有點偏咸,所以較微扣上少少分,雞翼滷得非常入味、略嫌麵條份量較少,多番兩、三、四、五條較為理想'至於麵質一如以往煙韌富彈性,不錯~一杯暖暖玄米抹茶拿鐵在手溫柔軟綿,玄米感覺上只附作裝飾、攪兩攪味道作用也不大見突出,不過那份軟綿滑滑忌廉確實豐富了我的嘴巴,至少在這孤零零的一餐午飯上、其實連鎖經營猶如7-11般便利,在香港某某商場總會看到其影子,驚喜度早早已消失、不過「穩定」無衰出品應可令食客放定個心。走出店外坐定定等著「蝦子餅」前來,手持單據當然是要他付啦!