茶舍 (淘大商場2期)

营业中

休息中

由朋友介紹 緊係唔好錯過見茶舍都新開好多分店對佢幾有信心就同朋友試下啦但唔知晚餐時段係咪多人落單淨叫二人餐都等左一段時間至少30分鐘起跳先有前菜食真係餓死上菜時間有待改善當日叫左二人餐前菜：餐湯及沙律各二扒飯(可轉意粉或薯菜)上餐個鐵板都熱辣辣，即時落汁小心辣手個扒雖然有筋但唔難切唔難食叫5成熟以下就好因為太熟煎煎下都老唯一詫異係條翠肉瓜以為食落奇奇怪怪 但食落又幾夾幾好食建議煎耐少少好啲芝士焗西蘭花本人最愛所以特別讚好焗得幾冧身同埋芝士都落得幾重手面頭焗個層芝士少少脆口中意食既一定要食面頭個層千島海鮮pizza最好一到餐就食左先因為攤凍左就唔新鮮 變左少少硬但無阻佢既好味道啲配菜擺位可以更好

肉醬芝士薯條必點的一個！ ！薯條裹著超多肉醬 還夾雜著起司每一口都能吃到滿滿肉醬！牛肋骨滑蛋包飯餐廳環境舒適～蛋很滑有蛋味亦炒到很嫩，蛋給得一點也不吝嗇，牛肋骨很足料鬆軟，飯底整個份量很多 。咖喱牛腩焗飯絕對係一個令人滿足嘅選擇。牛腩煮得軟嫩入味，每一塊都好容易咬斷。咖喱味濃郁香辣，但唔會太辣，味道非常正宗。焗飯底層係一層軟綿嘅飯粒，炒飯底，雞蛋又係豪不吝嗇地放，每一匙也有蛋！上面再加埋香噴噴嘅咖喱牛腩，組合得恰到好處。飯粒吸咗咖喱嘅味道，每一口飯都有一種濃郁嘅香氣同味道。碟飯另有三舊薯仔🥔

小犬帶來的八號風球，享受了半日風假，就搞到放唔到工，成七點半先收工，好肚餓，先食個晚飯再回家去。同事話去Donki買野，咁就去淘大食啦，揀左食茶舍，呢間餐廳人氣滿滿，幾點黎到都坐滿人㗎😆一坐落就快快用枱上個qr code落單先，介面都有少少複雜，睇睇先。⭐沙律落完主菜再加個至尊套餐，咁就有沙律、餐湯同甜品，都幾抵呀～沙律菜新鮮，麻醬同咩都夾㗎。⭐濃蝦湯餐湯是濃蝦湯，正常西湯味。⭐咖喱吉列豬扒蛋包焗飯自己點左蛋包飯，意外地多飯😳一睇就覺得食唔哂添…個蛋幾嫩滑，配上珍珍米好好食，豬扒香脆，咖喱汁偏甜少少，但都有香料香㗎。⭐咖喱牛腩焗飯同事都係揀咖喱，不過就係焗飯。有幾大件牛腩同薯仔，調味同蛋包個咖喱有啲唔同喎，佢呢款帶少少辣。不過焗飯真係要小心食，超勁熱好燙口😆⭐央走茶走就飲得多，試下央走，同事仲揀左多奶多甜，哈哈，佢話真係好甜，喂喂，你自己揀㗎嘛👍⭐凍杏霜自己點了凍杏霜走甜，走左甜就啱啱好，微微嘅甜度帶有杏仁香👍⭐芝士蛋糕跟餐蛋糕有原味、朱古力同柚子三種口味，要左後兩款。朱古力都幾香濃，但就偏硬少少。柚子香甜不膩，勁正，推介揀呢款😋飯好大盤食唔晒呀，超飽，再加上蛋糕，真係超滿足。

門口出面有位坐同可以免費飲凍檸水，試左一啖，有糖架喎，而且個水味好麻麻，好彩我係食完嘢出嚟先試下佢啖檸水，如果未入之前已經試左，我係唔會走入去。🤣🤣🤣🤣點左熱茶走同黑松露蠔仔意大利飯。個茶走茶味同煉奶味配得岩岩好，不過個點app set得怪怪地，竟然俾人選多奶少奶多糖少糖，明明茶走個奶同糖係冇得額外分開嘅。🤣🤣 我諗唔會有人專登攞呢點嚟投訴掛?? 但以防萬一，如果我係老闆，我會盡快靜雞雞改返好佢費事俾人話。🤓🤓個黑松露蠔仔飯都幾好味，配得幾夾，但唔知係咪但早入去食，我食剩左啲，同時遺忘左數下蠔仔多唔多。😞😞😞可能"舞"肺後遺症成日失憶真係救唔返。淨係記得好好食，夠飽，但唔記得個蠔有幾多。但62蚊有飯有嘢飲嚟講，我覺得好君真，好過某啲餐廳又要貴過佢，又要唔夠飽又要唔係咁好食，諗起就傷心。最後總結，呢間餐廳係值得去食嘅，但個水有怪味呢點就唔知啦。有啲餐廳個水有怪味左成大半年先冇左，所以只能踫運氣啦。

首先食唔出係炒飯底 似白飯加啲蛋落去焗 二來味道唔夠冇咩味 最後要講豬扒 一塊煎豬扒擺落去焗就算 完全唔係焗豬扒飯應有嘅淋身 大家樂大快活都唔會焗豬同蔥油豬扒飯用同一款豬扒黎整 兩個字總結難食

今晚約左位舊同事出嚟吹水，揀咗淘大花園呢間冰室，事關佢食物種類好多元化，港式焗飯到西式意粉pizza都有，最重要係價錢該就算貴lunch 少少都超親民！白切肉燒肉汁滑蛋包飯 $58睇到幅相都見到白切肉煎得個樣都ok，keep到少少脆，但醃得稍為重手左，飯太硬唔夠淋而且豉油太多係底，滑蛋就真心做得出色總結：你冇睇錯我$60食到個dinner , 佢而家呢個年代除咗食米線之外竟然都仲有咁平嘅晚餐，同午餐價錢差唔多，如果佢係調味同煲飯落多啲水就完美了地址：九龍灣牛頭角道77號淘大商場2期地下G242-245號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️⭐️

平日見好多人排隊.諗住今日未有咁多人既入去食.點左7成熟安格斯牛扒,但等左30分鐘出黎既係咁既薄片牛扒.仲要散件一樣.......沙冰係正常水準.但個牛扒真係好似人地拎去炒牛柳絲果隻既LEVEL.如果佢係普通70$左右既LUNCH可能我都會收貨算.但依件晚餐150$俾一件咁既垃圾出黎.我會建議唔好係到鋸扒.直昇機級數既伏

今天公司放半天假，放工十二點多來到了淘大，因為家人剛巧在家，於是便打算買外賣回家跟他們一起吃。經過這間新開了一陣子類似冰室的餐廳，有不少人在排隊等候，我望了望餐牌有不少選擇，而且價錢也不貴，就決定試一試。是次與家人一共點了三款主食。首先是我最愛的焗豬扒飯，菠蘿鮮茄三層芝士焗豬扒飯。焗飯鋪滿焦香芝士，番茄菠蘿份量很多。飯底粒粒分明，不會過淋過濕潤 (我不太喜歡那些飯底弄得好似意大利飯的口感)。番茄汁是比較偏向酸的那種，正合我口味，吃起來不會太有負擔感👍🏻 (太甜的受不了)。豬扒大塊且不肥膩，肉質不嚡身，軟腍度適中，但如果煎得再焦香點就更好了。第二款點的是白汁魚柳焗飯。魚柳厚身大條，肉質嫩滑，白汁配上芝士，非常邪惡，不過略嫌魚柳有點鹹。最後一款是軟殼蟹白酒海鮮天使麵。原隻軟殼蟹外皮酥脆，有蜆和魷魚、配有煙肉和香茹等，份量十足！天使麵彈牙不乾身，加上淡淡的白酒味，味道不錯😋。總括來說，這間餐廳的食物質素不差，份量十足且價錢相宜，不失為一個外賣的好選擇！如果網上下單外賣自取的話，有85折優惠，這樣性價比就更高了🤓 一於下次再試其他食物！

淘大一帶有好多嘢食，呢間經過好多次，聽個名以為係賣茶飲XD 都係第一次去食，初初以為唔平，因為門面靚，睇落乾淨又光猛，原來價錢咁平實貼地。芝士肉醬薯條 $42唔太油膩，同埋好在份量、肉醬同芝士適中，如果唔係一定又食唔晒!! 加$12就有星級套餐（沙律及餐湯），加$28就係至尊套餐（沙律、餐湯及蛋糕）咁唔算貴當然加埋~ 裝沙律個碗都幾特別，設計圓碌碌咁，連個底都係圓滑唔可以平放~ 第一次見!!南瓜野菌皇烤雞意大利飯 $62一食就係甜+南瓜味，好大碟好多料。賣相都靚嘅。蒲燒鰻魚滑蛋包飯 $64估唔到平民價錢都食到大大條鰻魚! 又一賣相夠晒靚嘅晚餐! 都重cream..餐飲叫左熱咖啡 & 熱華田正常發揮~甜品我食柚子蛋糕，都好香柚子味埋單都係$208 ，食完好飽好飽好飽...!!

今日去九龍灣德福商場行街，行到肚餓諗住喺德福食野果陣，見到德福商場好多間食肆都好大排長龍🥲急中生智，朋友話去一街之隔既淘太碰下運氣😆行入淘太，好快就見到呢間叫茶舍既餐廳，舖位面積好大，門口有少少坐位供排隊用，仲有檸檬水免費享用😍好貼心🤩🤩等咗一陣間就有位啦！午餐選擇好多！一般既飯類麵類都有，見到好多人食海鮮湯飯同蛋包飯，我諗一定係呢度既皇牌🤡🤡好抵既叫個主食係仲可以加$28 升級做至尊套餐，有沙律、前菜仲有甜品😊😊食茶記都可以食得好豐富好滿足😍😍😍我地叫咗一客軟殼蟹白酒天使麵和一客濃蝦湯海鮮湯飯，兩客都轉咗食至尊套餐😃😃軟殼蟹白酒天使麵- 軟殼蟹炸得好靚🤭🤭🤭 大大隻放喺啲天使麵上，仲有其他海鮮做配料，好正好豐富😻😻濃蝦湯海鮮湯飯- 嘩！ 我朋友大讚呢客湯飯，我試咗啲，果海鮮湯無落味精，原汁原味😻😻😻😻茶舍 (淘大商場2期) (九龍灣)九龍灣牛頭角道77號淘大商場2期地下G242-245號舖

好耐冇去過淘大，原來多左咁多食肆，晚飯見到茶舍個餐牌咁吸引，人客見到都坐滿左九成，就決定比次機會佢。見到用qr code落單其實都幾方便同快捷，menu勁多選擇，好多樣野都想食。最後叫左個芝士焗波士頓龍蝦海鮮意大利飯，龍蝦🦞都唔失禮，海鮮有青口、蜆、魷魚等等，芝士配意大利飯真係好夾，濕濕地得黎但又唔會好漏，好好味。見到隔籬枱既蒜香雞中翼炸得幾香脆，於是就叫埋，果然係即叫即炸，非常香口。飲品方便叫左個凍奶茶，茶味夠香，奶味夠濃，非常香滑。用餐期間，見到都非常多人叫外賣，可見都幾受歡迎。價錢唔算太貴，但味道我認為可以媲美西餐廳，平民價錢高級食材，下次想試埋佢既扒餐。

朋友係九龍灣收工帶我食呢間高質茶餐廳🍴一打開餐牌已經嚇親因為超多款式揀，廚房師傅好似中日西餐都識煮😂嗌左個焗咖喱牛腩飯配熱檸水，朋友話熱檸水養身健康😂個咖喱牛腩飯超出色，有我最鍾意嘅巴馬臣芝士鋪係面，原塊烤芝士食超幸福，大量咖喱汁味道香濃惹味，牛筋煮得非常之稔，近乎入口即融，牛腩肉質鬆化易咬口，吸收咖喱汁好味道，輕食點左煙三文魚沙律，有驚喜，酸甜汁伴新鮮生菜同蕃茄仔，夠清新，仲有煙三文魚簡直無得彈，加埋千島海鮮薄餅，包魷魚青口洋蔥等，千島醬汁juicy，讚下佢個麵包邊係薄皮香脆可口，下次嚟一定會試埋佢其他野，附近嘅打工仔每日lunch嚟食都一定食唔厭😂😂

今日同朋友嚟到淘大食午餐，呢度餐廳選擇眾多。見到茶舍環境闊落，價錢合理，食物選擇都多，同朋友揀咗喺呢度用餐。入座之後掃qr code自助落單。午餐套餐約$50起，係港式茶餐廳 mix 西餐 mix 日本菜嘅選擇，選擇眾多。最後同朋友叫咗兩個午市套餐同一個甜品。.軟殼蟹白酒海鮮天使麵（$72）一上枱我同朋友都震驚咗，意粉大大碟，軟殼蟹成隻上，外皮炸到酥脆，仲有墨魚、蜆肉作為配菜，呢個價錢有咁嘅份量，性價比高！重點味道都好食，用咗蒜蓉、白酒、洋蔥、九層塔作為調味，食落有好香嘅香料味，以九層塔香味尤其突出，好食！.三層芝士焗牛脷飯（$62）又係一上枱令人震驚，份量超級大份，焗飯上面有牛脷、芝士、茄汁、蕃茄、菠蘿等配料，牛脷大約有6-7小塊，肉質軟緻，配蕃茄醬，食落酸酸甜甜好開胃！不過飯量好多，我同朋友兩個女仔完全食唔晒，希望餐廳有少飯呢個選擇，咁就無咁浪費。.鮮芒果冰沙（+$21）跟餐叫咗個特飲，賣相吸引，飲落有好香嘅芒果味，無藥水味，仲有食到少少果肉👍🏻.意大利粟子法式布朗（$26）最後當然唔少得甜品，甜品有三層，賣相吸引，味道都好食，甜度適中，有微微嘅粟子香味

今日放工嗰陣，同男朋友去咗九龍灣淘大食嘢， 見到有間新開既fusion 菜， 一於試試餐牌超多花款， 想食邊類型都得入到去嗰陣，個氣氛好乾淨同埋好舒服， 同已經滿哂座， 好受歡迎首先，我叫咗個焗咖喱雞扒飯。咁個咖喱味道真係好吸引，令人唔禁食口水。而且，個雞扒好多汁肉嫩，每啖都係一種享受。然後，我試咗茶舍嘅冬蔭公雞肉pizza。咁個味道真係好特別，甜甜辣辣， 香辣口味好開胃。餅底脆脆嘅，同個拉絲芝士一齊食。 真係好完美。最後，我試咗茶舍嘅香草鮮野菌忌廉天使麵。呢碟麵食好creamy多汁，每一款都好正好食。好滑順嘅麵條配上新鮮嘅野菌同香草嘅香味，真係令人讚不絕口。總括嚟講，呢餐味道好好食，仲食得好飽。而且，佢哋嘅位置喺九龍灣淘大，真係一個值得嚟試又方便嘅好地方

呢間茶餐廳係淘大開左一排，幾乎每次路過都見到門口有好多人等位！！今日難得唔使等位就緊係即刻入嚟試下啦！！呢度係自己掃QR Code落單嘅~相當方便！！話說呢度雖然貌似茶餐廳，以為就食下Ｄ粥粉麵飯咁，但原來連西餐都有得食！！包羅萬有！！今次就試下佢個「美國牛柳餐」。牛柳叫左7成熟，配黑椒汁！！率先送上嘅係沙律同餐湯~沙律新鮮，蕃茄仔都甜~餐湯質地較稀～但味道不俗！！等左一陣，牛柳終於上場啦！香噴噴！熱辣辣！大大份！引來唔少鄰座嘅目光！！七成牛柳，外脆內軟，肉質尚算鮮嫩，切落有些微血水出～易入口！份量真係好大！！一個人食真係食唔哂～配一杯冰凍金桔青檸特調！少少酸MayMay~中和番牛柳嘅油膩感！！