茶舍 (淘大商場2期)

营业中

休息中

在九龍灣行街行到好肚餓，剛好下午茶時間，見到這裡好多人排隊，原來是等下午茶位，多人的地方一定是好野✌，我地又排埋一份。一路排隊一路睇餐牌，好多野都想食，於是兩個人打算食三個下午茶，試多D款。一坐低即刻掃碼店餐，首先黑松露炒蛋牛角包必食，加兩隻柚子炸雞翼，非常好食，炒蛋好香滑，黑松露味濃郁，牛角包鬆軟，雞翼炸得外脆內多汁，柚子味酸酸甜甜，食到手指都損埋。😂😂炸大雞腿沙律，雞腿炸得脆卜卜，皮都食得，配少少沙律，無甘肥膩，再加配火腿炒蛋丹麥包，原味的炒蛋好香，丹麥包超正。第三份是鮮茄午餐肉通粉，真是有新鮮番茄🍅，午餐肉大大舊，通粉索曬番茄湯的味道，好好食。👍👍這裡的服務很好，效率超高，落單後一陣就有得食，價錢💰好平好超值，性價比最高，難怪全場滿座，外面仲有人排隊😅。

近來走訪不同商場，去看各處的聖誕佈置，這晚去到九龍灣，也順道吃過晚飯才回家。這天晚上選擇了淘大商場的茶舍。掃描餐桌上的二維碼即可落單，方便快捷。先嚐軟殼蟹白酒蒜香天使麵。軟殼蟹香脆，配合鮮甜的蜆肉，以及草菇等等配菜，味道非常豐富。天使麵質感可口，份量充足。原條魚柳包賣相吸引，魚柳外脆內軟，而且夠大份，充分滿足口感。麵包方面，選取了脆豬，加倍香脆。配搭薯條，持續了香脆的主題。餐飲是熱華田，特別選擇了多奶，入口更見細滑。另外一杯是熱檸茶。以甜品意大利栗子法式布朗尼，完結這晚的一餐。

今日約朋友上佢屋企玩，順道行下淘大商場。逛完街，朋友話先買個飯，然後返去煲劇😁，於是帶我去。店舖門面光亮，玻璃外牆設計，令視覺上更明亮開揚。室內裝修同樣光亮整潔，坐位闊落，更感舒服。晚市餐牌有套餐、單點、小食等。價錢親民，店員服務態度好好👍。香濃茄汁鮮蝦蜆扁意粉 $68.-茄汁味香濃，蝦肉爽口彈牙😍，蜆肉份量多，細細粒但肉身飽滿又清甜。意紛軟硬度啱啱好，掛上茄汁後，口感柔韌又香甜😋。跟熱好立克，落足料，味道香濃又甜度適中。蒲燒鰻魚炒珍珠飯 $68.-鰻魚切細後混入飯一齊炒，飯粒炒至粒粒分明，每粒飯的色澤及味道都均勻地吸收咗鰻魚汁，味道甜甜香香又軟熟😍。鰻魚粒軟腍香甜，有啖啖肉的口感。跟熱奶茶紅茶味香濃又唔澀，口感順滑。白汁魚柳焗飯 $60.-面層芝士好香濃，下面鋪滿魚柳，肉質軟滑多汁，炒飯底蛋味香零舍好食，混埋creamy又充滿芝士香味的白汁一齊，好好味🥰。

今晚想同大家分享下我喺街坊嘅小店食嘅經歷。嚟到呢間無招牌嘅茶餐廳，老板揮汗如雨咁炒緊餐，真係夠曬勁！我叫咗份叉燒蛋包飯，先講下叉燒啦，火候控制得宜，外皮蜜汁焦香，內裡肉質腍身，仲有嗰種嚼勁，啖啖肉咁慶幸住。將箸一插落滑蛋入面，蛋皮即刻瀉出啲金黃色蛋汁，濕潤咗啲白飯，咬落去有咗蛋香返力。😚店仔邊度都係擠滿咗人，呢度啲人都唔係嚟打卡嘅，佢哋純粹就係嚟填肚。嗰碟點心，我睇咗下叫做鹹水角，幾得意嘅就係，皮脆肉嫩，啖啖都有驚喜，啲餡料鹹香得嚟唔膩口，真係食一啖記住三日。🥟最後，喺點心仔旁邊，仲有杯絲襪奶茶，茶香濃咖咁送上，啱晒啲飲茶習慣。話晒，飲杯熱茶咪正啱沖走下飯後嗰點點油膩感。絲襪奶茶唔使太多形容，你哋知香港嘅奶茶點啦，就係咁啱啱好，一啖暖哂心。🍵真係不妨帶埋親朋好友來呢度嚟個簡單而温暖嘅飯局，度過一個愉快晚上。這家味道、氣氛、服務都算是老字號水準，希望你哋都可以嚟試下。

呢間茶舍見過有其他分店，但食都真係第1次，估吾到真係又平又抵食，食物種類又多，全部都係即叫即整，真心好食，又平，又不用加一，超，抵，今日去買外賣，點左個黑松露野菌蠔仔意大利飯，先64元咋，晚市嚟講，真正，份量好多，黑松露好香，而且蠔仔都好多，飯軟硬適中，又creamy好正，好味，超底食呀。又嗌左咖哩牛腩焗飯，都係64元。好開心，又係咁平又抵食。牛腩有好多件，焗嘅關係令牛很入味，咖啡味濃，喜歡佢咖哩辣辣，最後嗌多碟雞翼，好像4隻3十多元左右，超好食丫，佢全部都即叫即做，雖然要等下，不過都值得嘅，咁真心又平又好食，難怪都好好生意啊😊😄。

香港美食離不開茶餐廳，因為選擇多元化，價格相宜大份，所以深受大家歡迎😎。這次去了家新式的茶餐廳，位於淘大花園的店，環境裝修時尚，還有聖誕節裝飾。下午茶價格便宜點，而且有港式美食西多士🤭，還有芝士蛋糕🙈。-▪︎茶走｜熱杏霜 HKD$0下午茶餐是有熱飲附送的，個人挺喜歡飲熱的，因為味道濃郁點。茶走色澤會深色一點，茶味甘香濃郁口感順滑。杏霜可選擇多奶，感覺味道香滑，這個味道挺特別。-▪︎煉奶一口西多士 HKD$32金黃色的賣相挺吸引，一份五件有西多士。堆砌成小山丘的造型，灑下糖霜挺有冬日感😆。熱辣辣吃的口感酥脆，質感鬆軟香甜。個人挺喜歡配煉奶吃，感覺較香口惹味。-▪︎Hi Tea 百搭自選 HKD$42這個是粉麵配小吃的茶餐，粉麵也有數款選擇的。點了迷你鮮茄湯通粉配吉列豬扒，鮮茄湯酸酸的挺開，味道挺濃郁的。吉列豬扒外脆內軟，配沙律細吃較惹味。-▪︎特價常餐 HKD$42常餐的選擇也有幾個配搭的，選擇了沙嗲牛肉公仔麵，另加了$2轉多士及太陽蛋。沙嗲牛肉味道濃郁，肉質鮮嫰大件。喜歡多士選烘底，因為口感香脆一些☺️。-▪︎原味芝士蛋糕｜柚子芝士蛋糕 HKD$21茶餐廳也有芝士蛋糕，所以決定一試欵。原味芝士味道

港式餐廳真係唔食一排就已經好掛住，茶舍係近期興起嘅港式餐廳中我比較鍾意嘅一間。佢嘅食物配搭會新穎一啲，而且質素一般都不俗。咁啱今日中午想食，又唔想等位，於是就叫咗外賣。餐牌款式好多佢嘅三文魚炒飯一流，大家可以見到張相入邊食材非常之足料。三文魚雖然係整碎咗，但係個口感都食得出，而且再加埋一啲蟹子喺上面，仲有其他配料，好香。佢每粒飯都粒粒分明，但係又唔會油包飯，好欣賞今次仲專登試埋佢嘅焗意粉，因為係焗所以等嘅時間都相對耐少少。佢嘅焗意粉真係好好食。主要係因為佢裏面嘅意粉焗完之後都仲係好有水份，唔會乾爭爭。上面嘅醬汁又好夠。一個人都可以食晒成兜。另外我叫咗佢嘅水果茶同埋檸檬茶。水果茶入邊啲料嘅份量都幾多，而且外賣卻俾咗樽裝我，夠曬方便我仲加配咗幾件cheese cake，最欣賞嘅係原味，芝士嘅濃度似紐約cheese cake，但係個質感又比較濕潤有少少日式feel，整體配搭好唔錯。另一件柚子味嘅芝士蛋糕，柚子味道都好突出。

今次我去咗淘大花園附近的餐廳食咗一餐午餐，簡單易豪華的三道美味的菜餚：蒜蓉汁香草雞扒滑蛋包飯，芝士焗波士頓龍蝦海鮮意大利飯，以及熱奶茶。首先，蒜蓉汁香草雞扒滑蛋包飯給我留下了深刻的印象。雞扒煎得金黃酥脆，肉質鮮嫩多汁。蒜蓉汁的香氣融合了蒜香和微辣的味道，給這道菜增添了獨特的風味。滑蛋包裹在飯飽滿飽的包飯上，吃起來口感豐富，令人食指大動。其次，芝士焗波士頓龍蝦海鮮意大利飯給我帶來了一場味覺的享受。這道菜以新鮮的龍蝦和海鮮為主要材料，搭配濃鬱的意大利飯和溶化的芝士，每一口都充滿了濃鬱的海鮮風味和奶香芝士的香氣。焗烤的過程讓食材更加入味，讓整個菜餚更加美味。最後，熱奶茶是這頓美食之旅的完美結尾。這杯熱奶茶香氣濃鬱，口感順滑。濃濃的茶香和香濃的。

今次就嚟咗茶舍食下午茶，茶舍嘅早餐同下午茶都幾好食，擺盤幾靚，都好足料，只係服務態度就唔係太好，未食完碗野就比佢無聲無息咁收起咗😆-今次就食咗hi tea set，嗌咗迷你卡邦尼意粉配魚柳，焗卡邦尼意粉落咗好多芝士，算幾足料，好適合鍾意食芝士嘅朋友，魚柳就普普通通幾好食，不過熱華田就略嫌有啲淡。

大陸歌，喇叭質素差，頭都痛埋。嘢食一般，不過都衰過平時一般嘅茶餐廳，而且出餐比較慢。同職員反映咗之後，佢有較低音量，不過轉個頭之後某啲大陸歌嘅聲音特別大。可能成班員工都係大陸阿姐。

20:12落單一個焗豬排飯同埋凍檸茶，凍檸茶好快有，但個焗豬扒飯等左好耐都未有，忍唔住催左2次單，最後21:00先有得食都知焗野係要耐啲，平時出去其他餐廳都要等15-20分鐘，但係等成40幾分鐘焗個飯！？廚房焗爐壞咗？定係廚師啱啱走咗去摘蕃茄？由頭到尾都冇人解釋過點解要等咁耐！如果個焗豬扒飯好好食都算，但個味道真係一般過一般，完全唔值得浪費咁多時間等個飯，早知要浪費咁多時間，絕對唔會係到食，老實說好多普通茶餐廳都好食過佢，寧願去其他餐廳食🙄叫其他野食可能唔洗等咁耐，但基於呢次好差嘅用餐體驗，絕對唔會再有下次，亦唔推薦其他人去食

事關一個懶散既下午，本人剛剛係淘大MCL出黎，睇完Captain Marvel 2感覺掉左$65同青春一齊掉左落咸水海。拒絕肉類既我諗住食個海鮮午餐等心情好番啲，於轉角位置見到呢間Hi Tea，竟然平凡的路邊餐廳有龍蝦🦞餐食，果斷一頭撞入店內明明下午茶時段，餐廳依然爆滿，令人滿心期待，一坐低立即以QR code 落單，搵黎搵去都唔見有店外海報既龍蝦餐，當終於亂翻出龍蝦餐，未未㩒到個按鈕就竟然彈出之後返回主目錄再按，依然不斷彈出此畫面，本來心情不悅變得更為火滾，只好直接叫店員落單，半咸淡廣東話姐姐話食咩？「麻煩要門口外poster果個龍蝦湯海鮮湯飯，凍0水」，輕鬆落單後攞起單據一睇，搞笑，本身$138既餐變左做「濃蝦湯海鮮湯飯」，立即平左一半。好在發現得早味道的確係唔錯，龍蝦肉都可以有2隻手指咁粗，幾彈牙下，加埋蝦頭既蝦膏表現相當滿意個飯亦毫不遜色，蝦湯味道剛剛好，沒有死咸，墨魚圈有煎過，煙煙韌韌，蜆的種量不少但蜆肉失蹤了6成，食到最後都沒有在湯底找到😵青口沒什麼味但湯底搭救，飯粒粒粒分明相當美味既一餐，如果唔係一開始落單古靈精怪左d，都稱得上好唔錯既飲食體驗，建議完善一下個QR cod

而家周圍都開咗好多新派茶餐廳，選擇相對傳統茶餐廳來講都好多，除咗有傳統嘅茶餐之外，仲有一啲西式意粉意大利飯，味道來講都唔錯。呢一間嘅份量好大，一個女仔食會食唔晒，雖然係叫佢外賣，但係見到佢個舖頭嘅位置都好闊落應該都坐得ok舒服黑松露蠔仔意大利燴飯估唔到茶餐廳都有咁西式嘅嘢可以食，味道來講黑松露味幾重，反而有啲偏濕同埋淋，我自己就比較偏愛一啲粒粒分明嘅飯。蠔仔嘅數量都幾多，而且算係肥美飽滿，鮮味都夠重。鰻魚炒飯鰻魚嘅份量幾多，而且唔係切碎晒撈喺入邊，你係大大嚿咁擺喺上面，我自己比較鍾意咁樣嘅設計，一啖啖肉比較滿足。木魚花添加左成個飯嘅風味，炒得幾乾身可以做到粒粒分明嘅效果。味道來講都幾好鰻魚蛋包飯同樣都係關於鰻魚嘅菜式，鰻魚嘅份量好多，而且選擇嘅係鰻魚嘅中段位置，以60幾蚊嘅價錢來講相當之抵食。蛋嘅質素以茶餐廳來講可以接受，而且同樣份量好多，當然如果想識到日式蛋包飯嗰種好嫩滑嘅感覺爭少少啦。

晚上不想煮飯，朋友話呢間茶餐廳味道不錯，於是嗌了蒲燒鰻魚滑蛋包飯和黑松露野菌蠔仔義大利飯，拎返屋企食。蒲燒鰻魚滑蛋包飯：鰻魚厚身，滑蛋嫩滑大塊，配上鰻魚汁，柴魚片，十足日式風味，口感豐富，味道絕佳。黑松露野菌蠔仔義大利飯：黑松露味道濃郁，配有菌類、蠔仔，芫荽，搭配新奇，味道也不錯。跟餐的朱古力奶味道濃厚，好喝。

今日係特別學校假期，小朋友鍾意去日本大型超級市場買零食，我哋就去九龍灣食完午餐，再去買零食。九龍灣有好多餐廳選擇，我哋行行吓，見到呢間好似好多食物選擇，快快手食完又可以去行街，所以入去幫襯。餐廳裝修清新簡潔，好多綠色怖置，感覺舒服，唔算太擠逼。我叫咗一個魚籽三文魚蛋炒飯，小朋友叫日式蒲燒鰻魚炒飯，佢再加一杯棉花糖朱古力。魚籽三文魚蛋炒飯熱熱的，即叫即炒，魚籽咬落脆卜卜，口感很好。三文魚都好香口，咸咸地，好味。小朋友都好滿意日式蒲燒鰻魚炒飯，上面有飛飛下既章魚片，好攪笑。鰻魚彈牙，小朋友最欣賞個汁，佢話撈飯食一流。最後再嘆一嘆杯棉花糖朱古力，好大粒棉花糖，小朋友好開心呢。😋Yummy Yummy: 8/10😋