茶茶居 (已結業)

已有ㄧ段日子沒來, 今天再來試試其他點心。 見其店內外環境皆沒甚改變, 我便不拍照了。 午市時段也頗多客人。 甫魚滑燒賣 : 賣相一般, 有蟹子。 蝦肉算新鮮。 豉汁鳳爪 : 大大隻的鳳爪, 味道是可以的, 不太過咸或辣, 亦不會有太多醬汁。 干炒牛河 : 以小鑊呈上, 賣相不錯。 干炒牛河是有鑊氣的, 炒得也香口, 牛肉算腍。 但整份牛河來說, 份量略為少了點。 貼心是隨上的辣椒/芥辣醬。 义燒餐包 : 餡料不多, 味道一般。此店侍應服務態度是可以的, 就是數量不足。 如想簡簡單單的找個地方與朋友飲茶和聊天, 這裏是可以的。

原本打算趕快吃個飯，於是來到了美食廣場，但被餐廳外面廣告牌上的花膠及鵝掌吸引，眼見無人等候二人枱，所以決定一試，怎料這便是伏的開始。原本下一張就是我，但是不斷來了一些四人組合的食客，餐廳就不斷將二人桌併成四人，我就一直被遺忘，可惜我沒有當機立斷離開，結果越陷越深。終於等到就座的一刻 ，發現桌上的碟子油淋淋，最無奈的是，花膠跟鵝掌竟然只在晚市供應，只怪我沒有細看廣告牌上的小字，但我又再次錯失離開的機會，繼續點餐。上菜了！這個乾巴巴的多士我只吃到油億味，完全感覺不到蝦蟹肉。。。沒有咖喱味的土魷！這個下午茶餐是因為侍應給了我外賣的菜單，讓我以為只有那些選擇而點的。蒸飯乾得可憐，排骨真的只有骨👍鍋上的牛柏葉是最好的點心，因為夠熱！蝦餃的大忌，皮全黏筷子上！這次進餐的經驗讓我上了寶貴的一課，當遇到不適合自己一定要果斷離開，否則沒人會可憐您的～

設計新穎唔係一般酒樓點心的格局 ，有足夠的枱多數四人枱大枱比較少，地方闊落。餐具設計很有個性及體面。茶壺裡的不是只放茶葉，是有茶包的茶葉倒出來不會茶葉四散，有茶香點心可要柯打2件最適合我哩啲孤獨老人😍 芋頭絲南瓜糕十分出色，必定要食燒賣啲蝦好大隻好爽口，真係即時蒸出嚟，所以要等小小時間。有下午茶特價套餐，但係我成五點幾先去到，所以已經過時。整體相環境食物都好好!!! 美中不足就係蒸籠太舊，同埋上枱的時候，應該執番正啲點心，唔係跌到去龍邊都照上，畀人客覺得唔衛生。可能下午茶時間睇唔到點沙河粉製作。

颱風夜諗唔到食乜好，嚟咗太古食餐飯。難得星期五晚上仍然有好多空位，於是入黎呢間試試。隻碟同啲設計都幾靚幾特別⋯Menu上都有不少的選擇，不過就冇一般茶樓咁多樣嘢揀，但都已經夠啦。由於都唔係太肚餓嘅原因，都只係叫咗幾樣嘢食姐⋯檸香叉燒酥 $20好香叉燒味，但係叫得檸香，唔知係唔係應該有檸檬味呢？不過anyway ，係幾好食的！古法馬拉糕$22同一般嘅馬拉糕味道相差無幾，由於太耐無食的關係， 十分懷念！蠔皇鮮竹卷$20朋友想食，味道不過不失，吸哂啲醬汁的味道⋯蜜汁叉燒腸粉 $26份量都幾多，叉燒份量亦都足夠，不錯。菠蘿咕嚕肉 $68由於都係太耐冇食咕嚕肉的關係， 十分懷念呢個味道，叫咗一碟嚟食，有得送飯仲更加好可能由於打風的關係，成晚都唔算太Full，同埋佢哋都唔會催我哋快啲食完快啲走

星期日中午時份，去揾飲茶地方，一定要等位等好耐啦，今天去咗太古城Treats 果間茶茶居飲茶，兩人取飛仔等五張枱，約十五分鐘就安排到！店員帶我們入座，以二人對面座位為多，點餐，點了個午市自樂餐，有三款選擇，不同點心配搭！選了，娥姐素粉果、南瓜芋絲卷、素雞絲春卷，煎馬蹄羔、排骨蒸沙河粉、白勺菜心！另加一碟滑旦鮮蝦腸！滑旦鮮蝦腸，好滑溜，鮮蝦應是急凍的，但也有甜味！排骨蒸河粉，好大碟喎，河粉輭滑，排骨味道鮮甜、好吃呀！碟白灼菜心比較味淡，點些鼔油才覺有味！馬蹄羔好多馬蹄，好味！春卷太油膩了，不好吃！粉果，全素的，沙葛，芹菜，和紅蘿卜做饀料，皮很薄，味道有水準！南瓜芋絲羔，南瓜比芋𢇁好吃！這𥚃坐得舒服，價錢不貴，二人埋單約$140.

今午約了友人飲茶。 既然只有我們二人, 所以選擇了這茶茶居。 這茶居的點心真的是"一盅兩件", 大多數的點心是一籠内只有兩件。 那也不錯, 如果只有一丶二個人來飲茶, 便可多試幾款食物。這裏的廚房是半開放形式, 只用一道玻璃隔開, 坐在玻璃外的客人可見茶居員工在廚房內的情況。 沙河粉是他們自家製, 我們可在外面看到員工每天在內製造, 感覺新鮮。 既然是自家製, 又是賣點, 那就要試一試。 比想像中份量還大。 排骨份量也不少, 多肉, 味道清清的。 沙河粉一定要與醬汁混在一起吃才有味道, 只可惜沙河粉不夠爽滑。蟹肉蝦多士來到時已涼了。 雖然蝦膠頗多, 但吃不到蟹味。雞扎足料, 腐皮包着豬皮丶雞肉丶魚肚丶豬肚。 可惜的是, 又是不夠熱。 茶水只是每位$10, 在這區內說已是十分平宜。

久仰大名 分店愈開愈多一直沒機會去試某天經過 看見除了它們的主打green tea 口味之外 還新推了季節限定的白桃口味兩者都是我的摯愛為一次過滿足味蕾選了雙拼賣相十分吸引除了有兩球雪糕外 還有紅豆蓉和麻芝一放入口 綠茶味十分凊新帶來綠茶淡淡的香味可比美日本吃的雪糕到了白桃味 有點失望味道太甜 也不像是全白挑的味道好像加了點人工色素的味道是因為白桃成本太貴的關係嗎其他配料不過𣎴失吧可是價值70大元 不建議去試還是試回它們的signature green tea ice cream 好了 試一次夠了

自茶茶居開業以來，太古城飲茶又多了一個好選擇，家中老少都鍾意，每當無法決定午餐選項，就會來此光顧。是日又來飲午茶，小小餐廳客滿為患，服務依然算熱情快速，符合美心中菜一貫標準。荷葉飯內含蝦仁與肉丁，非糯米飯，質感較為鬆軟。荷葉香突出，飯粒吸飽醬汁與蝦味，非常鮮香。叉燒酥外層酥化，內餡混入香檸，頗為特別，多了幾分清新感。不過口味偏甜，與傳統叉燒酥味道不同，未必人人習慣。淮山海螺豬腱湯，味道不錯，鮮中帶有干淮山燉湯慣有的微酸。杯內還有兩塊淮山，一塊迷你螺頭同細塊瘦肉，以顯示真材實料。海皇腸粉類似春風得意腸，內裹脆脆同蝦仁，口感層次分明，腸粉滑，內餡脆而蝦仁爽，頗為經典炒牛河是必點菜式。沙河粉據說店內現場製作，非常滑，炒得噴香乾身，鑊氣十足！每一啖都吃到軟滑河粉、青蔥香、脆豆芽和清甜洋蔥！馬蹄糕一向是我的至愛，但凡飲茶見到必點。這家馬蹄糕都算清甜可口，馬蹄味明顯，唯獨質感略軟，欠缺彈性。馬拉糕鬆軟細膩，略有黑糖味，質感尚可。另點了筍尖蝦餃，鮮中帶脆，唯獨覺得有些許油，叉燒餐包不過不失，小朋友至愛。素菜包內餡為小青菜，沒有剁得過碎，保留了菜葉的爽脆感，頗為加分。還有鹹水角，也是每回必點，中規中矩

I like this teahouse serving dim sum with 2 pcs only. that's suitable for small group. good taste. optimum size. easy to get a table during lunch hour.

卫生越来越差，服务越来越差，来食噶人基本都系街坊，大家都是为了就脚，但系冇理由虾饺烧卖的笼里面全部痴住d包及发糕什么的，系唔系无洗d笼啊，睇见都冇晒胃口啊，点可以噶啊

我在晚上8:15 ,進入這間餐廳，他們仍然叫我進入去，豈料當餐點之時，有10件點心，竟有五樣都沒有，味道也不10分好，真難明白，若是大部份食物已經售罄話，為何仍然叫客人入去，整個經驗，極之差！抱歉各位，以後千萬不要去這間餐廳進食！

又一次....... 同上次一樣，要求牛筋腩湯河多葱被拒。我自傋葱花好唔好？葱花值幾多錢？你可以收我錢，但唔應該拒絕我，亦唔應該同我講話葱花要成本blah blah blah. 以後唔來嚟。

今日同男朋友放假，兩個人想去飲茶，但因為普遍既茶樓叫點心個份量都比較多，所以我哋今次咁岩經過太古城竟然見到food court入面有呢一間，就決定入嚟試下，全部都好精緻，啱晒我哋兩小口。我哋兩個人都叫咗差唔多九個點心，埋單都係二百幾蚊咋，抵食其他全部味道都ok喎，不過小妹最欣賞就係個蟹多士，非常好味，必食推介地方又坐得闊落，又夠乾淨，如果以人少少來講，叫唔到太多點心的話，呢間都不失為係一個幾好嘅選擇，我哋食到三點幾四點都仲見到呢間野好多人

太古城中心有個幾精緻的food court, 今日食lunch我地一行四人，分頭行事咁搵位，最後竟然茶茶居跑出。 呢間茶茶居就係food court 其中一間食肆，同其他food court食肆唔同係佢有獨有的座位，有侍應招呼，所以要拎飛等位同計茶錢。佢同其他茶樓唔同之處係有一人點心餐（午市自樂餐），點心有齊蒸同炸又飯又菜，唔洗同朋友爭點心，可以自私食，啱晒我地呢d心思思樣樣都想試又怕唔夠飽的女士。我揀左第一個餐， 有蝦餃，牛肉賣，叉燒酥同蟹肉蝦多士點心夠晒熱又好味新鮮，唔似蒸左好耐，蝦餃大粒，表又簿。 蟹肉蝦多士好脆卜卜，叉燒酥又夠鬆化！點心質素唔錯。牛筋腩蒸沙河粉既牛腩炆得好淋又入味，完全唔韌，碗沙河粉夠大碗，食到個肚漲卜卜。美中不足係河粉好黏口，如果河粉滑捋捋咁就prefect 了！

可能天氣凍卡路里消耗得特別快，肚都快餓d 要去搵食😏 今晚想食中菜，就諗起茶茶居。茶茶居裝潢設計走新派劃菜路線，門口一排開放式廚房，可以見到師傅們專心製作點心。而且好企理，自自然然吸引我們一班食客品茗。 今晚叫了二人餐，點了兩個小菜， 大人小朋友都愛的菠蘿咕嚕肉和紅燒豆腐。 份量不少， 咕嚕肉比較肥，不過大小適中，好適合女士嘴型，可以一口食晒。 紅燒豆腐特別要提伴碟的菜芯，又腍又甜又冇渣，好好味。加埋個例湯，淮山杞子係瘦肉，味道有少少偏鹹，不過用料豐富。呢度的侍應服務態度都好親切，有顧客倒瀉水會即刻打掃，發現餐檯腳吾貼地面會立即找東西「sip」好。服務態度好！