茶軒台灣料理珍珠奶茶 (已結業)

2人,叫了沙爹肥牛米線($44) & 蚵仔面線($28)& 珍珠士多啤梨奶($25)...貴而難食,唔會返轉頭.

係呢間食過1次,d野食都ok,,,係貴左d~!

係附近睇戲,趕時間,見得呢間茶軒台灣料理有位開餐,咪同女友入去坐,未見過間食肆咁CHEAP,d梳化聚哂底,"林bet bet",d waiter 叫極都唔應,黑口黑面,唔願做,d野又難食,冷氣又不夠,真係無諗個銅鑼灣有咁差的餐廳,累我比女友詐哂形,真係貼錢買難受.

日前, 因同學將流放祖國一個月, 於是偕另幾位同學待他放工, 就隨意挑間食店餞行.一行5人先到, 被安排座落門口前一桌面尚未清理的位置, 檯面有漬, 感覺已不太好.待同學間, 聊上良久, 還未有人送上茶水半杯, 至同學要求, 侍應方不太耐煩地遞上6杯水.同學一飲, 指是水喉水, 我呷了口, 果然是水喉水.不過, 飲品最便宜的都索價20塊錢, 基於人人赤貧, 還是灌水喉水罷.沒有點所謂的超值套餐, 因為太不超值, 只是各自為政, 但都叫有飯有麵.先上的是肉噪飯.當時, 侍應並無揚聲, 就不太禮貌地隨手卸低, 態度較茶餐廳的更差. 食物味道嘛, 是有些不知何來的苦澀味.亦點了風沙雞翼飯. 初以為風沙是蒜蓉之類, 但上桌後乍看原來確如其名, 沾滿泥沙, 其實就是炸粉, 沾得雞翼受輻射般.另外, 排骨飯的份量真細少, 相信胃口再小的都不夠.其他的麵食, 沒特別留意.埋單每位30零, 全無服務, 卻無恥地收加一.之後去Mcdonald's, 食新地飲氣水.待他歸來, 那餐洗塵的好難更差.

尋晚去飲野之前去食飯,我朋友堅持要黎茶軒,大家都無所謂所以就係度開飯;四個人要左個2人餐再另外叫了個肉燥飯;2人餐揀左:1.三杯雞,2.醉雞,3.茄子煲,4,燙青菜,5.小籠包;仲有個棷子雞湯;每人再另叫飲品;個茄子煲好油,見到成層油係面,食左一件,麻麻地;醉雞未放入口已聞到好勁既酒味,幾好食;無食三杯雞;個菜係棷菜,我唔係咁中意食~不過唔油;我同朋友share一個肉燥飯,我好中意食,因為佢有少少汁,又唔係好多肉,好味好味;我要左熱珍珠奶茶(每次食台灣野都係叫呢樣),之後有一個朋友遲黎, 佢叫左個排骨米粉,試左個排骨,好香口,好食呀~~ P.S.有個好似馬國明既waiter 幫我地落單,好搞笑,佢唔駛用筆記住架,我地叫咁多樣野都無錯到,hahaha^^

因為落大雨﹐所以同老婆來呢度食。Order左蠔仔湯飯﹐醬燒排骨菜飯&鹵雞翼拼豆腐。蠔仔湯飯來先﹐老婆話味道幾好﹐唔係好鹹。但係個醬燒排骨菜飯就好細碗﹐排骨四舊﹐菜飯好細碗。反而個鹵雞翼拼豆腐最尾來係最好。好熱兼味道剛剛好﹐值得一試。

有日一枝弓依度醫肚，誠如其他食客所講，依度服務真係有問題。首先門口從來都無人招呼，要自己撞入去搵侍應招呼，佢又成日趕頭趕命，見到一班人入，求其指兩張空，就叫客自己搞掂，真係完全大牌檔格局。如果係無諮客，咁門口個櫃檯係要做乜架呢？落單方面，侍應睇係將執放首位，所以一日仲有未執，佢係唔會幫人寫的。不過公道講，佢做算係勤快的，唯一唔明係唔知點解全店員工都係黑口黑面，好似個個都俾人鬧完咁，令人見到有唔愉快。至於食物方面，總係令人有種粗製濫造感覺，竹筒飯不過係將飯放入一個竹筒形器皿內，口感完全唔似係蒸過。珍珠奶茶只飲得出係開粉水，論整體質素完全及唔上佢其他分店。埋單時見顧客自己行埋去收銀員到找數，完全好似FOOD COURT咁，基本上依度係無乜服務可言。

晏就0係銅鑼灣﹐又係頭痕唔知食乜野好既時候﹐經過JP﹐男朋友話不如食呢間野﹐咁就去左勒。下午茶有幾樣野揀啦,都係D麵之類既野啦。我要左個鹵水拼拌跟金桔錄茶﹐男朋友就叫左蚵仔麵線跟胚牙奶茶。先講個蚵仔麵線。。。一黎到﹐我個感覺係\"嘩。。。。乜咁細既﹗﹗﹖﹖\"淨係得一豌仔。。。買成三十幾蚊﹗﹖有D塭笨喎~~味道麻麻﹐男朋友都話唔好味﹗至於個鹵水拼拌﹐叫做OK啦﹐咪又係\"丁die碟\"咁囉。有牛展﹐蛋﹐豬耳同埋豆腐。爭D唔記得講D野飲。。。嘩。。。我0個杯金桔錄茶甜到丫~~簡直就係0係度飲糖水﹗﹗我飲左兩啖就罷飲啦﹗﹗。。>__<\"\"一句講晒﹐唔抵﹗唔好食﹗唔會再黎﹗﹗唔怪得知成間鋪頭都無乜幾多檯人啦﹗﹗﹗

肉醬茄子菜飯set lunch同飯分開上, 兩樣都係好細碟, 對我係女仔講, 就係好啦. 中規中矩味道, 唔太出色, 亦唔係唔好味. 只係餐飲出事! 蜂蜜綠茶, 好甜, 蜜糖味蓋晒d茶味. 呢度係賣台式飲, 點會反而係杯飲品唔好味ga!?

同男朋友,同埋2個朋友睇完戲食野,10點幾周圍ge食肆都重好多人等位,茶軒有位,2話不說入左去。我覺得佢d服務好有問題law,冇"校"率。叫落單,等左好耐,等野食,又要耐好耐,最後連埋單都耐law。叫佢埋單,佢搞1大輪野先幫你跟。另外,當我地食緊野個時要我地幫佢將d筷子,匙更放係個個兜度,我覺得1次半次冇所謂,但佢分開幾次law。食物方面,普通。我叫左個台灣牛肉菜飯,份量岩岩好,食完夠飽,但講味道就一般。有待服務改善。

兩個人Order了一個Set Lunch 加小食. 前菜: 什菇- 蒜頭味略為重!鱆魚雞粒竹筒飯: 雞粒好滑, 如果鱆魚份量再加一點會更好! 粒粒大雲吞: 雲吞皮較厚, 餡料麻麻. 杏仁珍珠奶茶: 好香杏仁味!

This resturant's service is reli rediculous!Some waiters and waitresses don't treat us as Customers.When they had done something wrong, they won't appologize! I always can't get their attention to order food or even ask for the bill!How rediculous it is?! But i still have to give them 10 % service charge. Giving them service charge is not a matter, but it's not worth!Honestly, i don't think the food is special, and the price is just fair.With this kind of service, I'm sure i won't go there anymo

我係8月9日夜晚8點至8點9係依間茶軒食左我一生之中最慶兼最o嘴的一餐。一開始冇人幫我地搵位，搞到要自已搵，跟著就點菜啦，我明明叫佢比兩杯滾水我，但係應完我就冇行動，d食物都要等一段時間先泥，依d係小事。驚嚇既野就開始勒，有4位客人坐係隔離台，一位性王，既帶d口音中年女侍應，佢都係serve我果台，佢幫果幾位人客抹台，點知就自己唔小心打瀉左支醋落張疏化度，第一時間唔係同d客人道歉，而係係度發脾氣，埋怨d客人說：「都叫你地唔好坐依度ga la。」我地聽完嚇到O晒嘴。跟著佢將支醋罷過落泥我果張台既調味架度，仲要自己係度發洩，大力咁搖個架。大佬呀，我件衫白色架，容乜易又瀉多次呀。我同隔離位師奶已經好不滿，好勒到我果台埋單勒，由於我同個fd冇碎紙，叫佢埋單順便唱散，點知佢既態度仲好似比氣我受咁，雖然埋單幾廿蚊je，唔係咁既態度呀?話晒都比加一呀。我作出既要求好合理，唔過份呀。我始終係客，駛唔駛比d咁既面色我睇呀?以上一連串事件，令我十萬分氣憤，我叫左另一位侍應叫左經理出泥，佢問我發生咩事，我就一五一十講晒比佢聽，佢聽完就走左，最後一位唔係著制服既女士出泥找錢比我地，但係全程任何一位侍應及經理都

我一向都有呢間食開，對上一次食就真係覺得好唔掂，個位又熱，伙記好似當睇你唔到，我叫之都唔俾位，紙巾都冇張，叫佢俾杯茶都好唔想，仲好似俾面色我睇咁。至於食物：其實佢水準都係不過失，唔會有好大驚喜，係一般台灣食物，都可以接受，我最鍾意食係台灣牛肉飯、魯肉飯、肉燥飯、香珍珠、薄荷珍珠奶茶都幾好味。

尋晚同個朋友去飲野，個伙計帶o左我o地去坐一個熱到死o既位，未飲野已經成身汗。我o地要求調位，個四眼仔伙計話我o地落o左單唔轉得。但係真係熱到死，我o地堅持要調，最後，佢話等D野上齊先調得。原本有張TABLE擺o左個「留座」牌，比我o地上齊野之後調。過o左一陣，又比人坐o左。我同個大粒老闆娘投訴，佢就係識得講唔好意思。而個四眼仔伙計就扮晒聽唔到。嘩﹗呢D咩服務態度。原本想搵個地方舒舒服服飲o下野，傾o下計。結果係入o左個焗爐，成肚氣。