茶餐廳2.0 (已結業)

由於疫情關係，政府都唔畀堂食，見到都好多人喺呢間買外賣， 即刻睇下有冇平靚正嘅餐或優惠先！！主餐牌嘢食有折，另外仲有個抗疫餐牌，睇返價錢都真係好抵！！其實佢出名仲有呢個雞蛋仔甜品， 但外賣得， 相信都唔會有堂食咁好食，只好留待疫情後啦！！另外，都仲有賣佢哋自家製嘅凍肉， 仲配埋汁添！ 啱哂想自己煮又廚藝唔叻嘅家庭！！豉椒味菜炒牛肉飯（$38）～ 個汁非常惹味，而且牛肉嘅份量都算幾大，絕對對得起呢個價錢！！ 抵食又好食！！星洲炒米（$56）～ 叫得做茶餐廳， 當然要點茶餐廳必有嘅星洲炒米啦！！味道微辣，炒得夠乾身， 當中配菜都幾多！！👍🏻

今日午餐去咗大埔超級城買外賣，見到呢間做疫情價外賣有折，所以就幫襯左。我哋兩個人，叫咗兩個餐。第一個係白汁野菌意大利飯，$88 ，另外如果加$10的話，就會有埋羅宋湯同埋飲品；另外一個就叫咗常餐，叫咗個鮮茄牛腩米粉，配埋多士、再加埋暗烈，然之後再加杯熱奶茶。價錢係$50。佢個白汁野菌意大利飯，返到屋企打開嘅時候，一打開盒，已經非常香，意大利飯粒粒分明，唔會黐埋一舊，而且有好香濃的黑松露味道，成盒飯都好creamy。再之後就係佢個羅宋湯，唔會飲落有好多茄膏味，反而青青甜甜，有蕃茄味，再加埋雜菜，少少辣，不錯。佢個鮮茄牛腩米粉，牛腩非常好食，肥膏再加埋肉，食落去滑得來又有肉感，不錯。再加埋牛油多士同埋Omelette，整體不錯。特別欣賞嘅就係佢個Omelette裏面除咗有火腿絲之外，仲有鮑魚絲，果然係升級版的👍凍好立克唔算太甜，而且都幾濃郁。

呢日收工同屋企人喺屋企附近食飯， 呢間餐廳嘅選擇都頗多， 中式小菜，西式意粉和扒類都有。香煎特級t骨扒(13-14oz)話說我都好耐冇食過t骨扒， 見到呢度嘅餐牌有， 所以就以話不說就柯打咗， 叫咗五成熟， 配沙律薯菜， 薯菜係雜菜沙律配日式麻醬和粗薯條， 牛扒都幾大塊， 生熟程度都掌握得幾好， 欲得幾冧有牛味， 近骨附近嘅肉特別香。煙三文魚忌廉意粉意粉嗰個醬汁夠creamy， 因為用咗三色椒嚟炒嘅關係忌廉汁有三色椒嘅香味， 煙三文魚幾香唔會過鹹。牛油芝士焗大蝦 (烏冬底)牛油芝士汁夠香牛油味， 醬汁有點似喺酒樓食嘅芝士焗龍蝦的醬汁， 有六隻大蝦，大蝦經過走油， 蝦肉夠紮實有咬口。士多啤梨沙冰/ 台式桃膠四季春茶(西柚)餐廳近期做緊優惠， 惠顧滿250蚊會送一杯士多啤梨沙冰或芒果沙冰， 味道都唔錯。餐廳做promotion飲品係桃膠， 其他餐廳比較少見， 所以屋企人叫咗一杯試一試， 茶味夠濃， 仲有杞子 ，幾適合女士飲用。香蕉雪糕雞蛋仔雞蛋仔即叫即做， 所以雞蛋仔能夠做到外脆內軟。

諗起茶餐廳嘅食物，不外乎係多士、奶茶等等不過今日嚟食嘅呢間茶餐廳，食品種類豐富，同我一般所見到嘅茶餐廳好唔同餐廳佈置簡潔，同西餐廳差唔多，完全冇污糟嘅感覺餐牌選擇好多，中式西式嘅食物都有，最特別係見到有即叫即整嘅雞蛋仔，同埋珍珠奶茶等較特別嘅食物美國西冷扒跟薯菜因為唔想食得太生，所以叫咗七成熟牛扒比較厚身，食落肉汁較豐富，感覺佢嘅調味唔太多，只係靠少少醬汁提升味道，所以可以食到牛肉本身嘅肉香味香煎特級T骨扒跟薯菜呢個T骨扒就叫咗五成熟，相對西冷扒，T骨就較薄身，肉質軟淋，不過同樣都係肉味香濃，係一個好有水準嘅牛扒兩款西餐都有跟湯，我哋揀咗羅宋湯呢度嘅羅宋湯落咗少少辣椒仔，飲落微辣牛油芝士焗大蝦（配烏冬及飯）開頭以為佢只係有烏冬底，原來仲有多個白飯，所以唔怕食唔飽牛油芝士嘅味道好香濃，烏冬本身又比較索味，所以啖啖都食到芝士嘅香味大蝦嘅份量比想像中多，簡單用叉挑起就可以食到蝦肉食唔曬嘅醬汁仲可以用嚟撈白飯，同樣咁滋味莓莓仲夏原來惠顧滿$250就可以免費揀一杯特飲，除咗呢杯仲有一款芒果味嘅特飲可以揀呢款特飲幾得意，加咗莓汁同冰打成嘅沙冰，炎炎夏日飲一杯真係非常清爽珍珠鮮奶除咗上面個優惠，原來

黎到茶餐廳，睇來睇去，都係想食中菜，唔洗轉場，原來呢度都有，仲有蒸魚食添～2人餐包冇味精南瓜豬骨湯，清炒時菜，兩個小菜、兩個香白飯，熱飲加$5就有，不過特飲仲抵，買一送一。加左$30要左個豉汁豆腐蒸倉魚，都幾大條幾抵食。同中餐館有得比嘅賣相，大量蔥花下係新鮮多肉嘅倉魚，倉魚下面嘅滑豆腐吸收左鮮魚同豉汁，又幾香滑～泰式醬雞中翼唔係話好正宗，但係好味嘅。雞翼皮脆肉嫩，泰式酸甜汁同彩椒粒有味道同口感層次，賣相亦靚。新出台式四季春百香果，裡面有桃膠同杞子，冰凍解渴兼養顏。另一杯個名同樣都好靚嘅雪泡奇緣，即係榛子咖啡，甜度適中，鮮奶泡泡、咖啡同榛子味均勻入口，跟餐兩杯夾埋都係加三十蚊就有非常唔錯嘅價位。雪糕鮮果雞蛋仔做甜品做ending，即製嘅所以要預15分鐘，食落有d似waffle，但係鮮果好似少左d🤔。

由新開嘅時候已經成日幫襯，當時啲員工都好親切，食物質素都算幾好雖然價錢比較偏貴，加上係黃店所以都有成日去食...但係近呢一月去食...食物質素已經一次比一次差，再加上每次見到有個戴眼鏡肥肥哋紮辮嘅職員係好冇禮貌，叫親佢都淨係識嘅人等陣，但係當然佢最後係冇過嚟幫你落單，最後都係我自己再叫其他人落單啦！近來又會落漏單...啲人態度又差，可以介食了。

佢開業都有一段時間，於是走去試下喇。晚餐唔多啱心水，咁就揀散叫，加十蚊有餐湯同熱飲。見到有‘黑松露野菌意大利飯’，唔使再唸，即叫。😒黑松露野菌意大利飯未有湯就先嚟個飯。碟飯一放上枱，一啲啲黑松露味都聞唔到，當然連樣都唔見。我唔期待有好多，因為少少已經好香，好味。但唔係一啲都冇，只係野菌意大利飯。飯嘅硬度正常嘅，意大利飯嘛，但可唔可以俾多啲啲醬汁😒好乾呀....🥤凍檸賓加五蚊有凍檸賓，正常水準

兩公婆食早餐坐得舒舒服服，叫左個豬扒出前一丁同蕃茄牛腩湯米粉食左老公一件仔豬扒，估唔到唔「銀」又ok 喎我個蕃茄牛腩湯米粉賣相唔多靚，食落還可以啦！佢每粒牛腩都好大粒野飲就一般般！不過不失

📍 茶餐廳2.0 (大埔) 高質推介，呢間餐廳一直有聽過但都冇時間去食，今次終於搵到時間同屋企人去食，一入門口就令我眼前一亮，餐廳名係茶餐廳自然會下意識以為港式裝潢為主，但不論係裝潢風格同餐牌都好fusion既感覺 推介👍🏼：-德國鹹豬手🦐$108-外表酥脆但入面竟然仲有肉汁美國安格斯肉眼扒$188 ，牛肉份量好夠，Juice同夠嫩卡邦尼意粉$58 好香既巴瑪臣芝士味，調味不過不失不得不提既係服務態度，店員會介紹唔同食物既特色同埋好有耐性，另外環境好舒適👍🏼.味道👅：8.5/10服務💁🏻‍♀️：8/10環境🌾：8/10晚餐消費：$340地點：大埔安邦路9號大埔超級城A區地下012A舖

今日同老婆係超級城食早餐 🥣茶餐廳2.0選擇都幾多，早餐仲有九折添 🤩🤩入門口即刻為我哋探熱而且枱都相隔1.5食得放心👍👍店員好好笑容 感覺很親民呢 🌹🌹好耐冇食辛辣麵呀 二話不說點咗沙爹牛肉辛辣麵 很足料，湯底濃郁 配多士 蛋同腸仔加埋杯凍奶茶就正啦😁😁老婆食厚切豬扒出前一丁，賣相都好靚，偷咗一嚿嚟食 又淋又惹味，見到午餐同晚餐 選擇同樣多喎 🤤🤤一於嚟試埋其他先題外話，呢度都好好坐，座位寬敞仲好開陽添一坐住窗邊位感覺好relax😍

之前電視睇到茶餐廳2.0老闆的訪問，老闆真係好好，好照顧員工，今日決定過嚟支持一下😄😄探熱座位相隔1.5全部做到，店員感覺很用心，服務真心好！講返食物價錢平靚正，出前一丁厚煎豬扒，唔錯，唔會過淋，唔會鞋，湯底唔係清湯，飲得出鮮甜😆餐廳好環保，走飲筒👍👍坐喺窗邊位感覺好開陽，卡位坐得舒服竟然有辛辣麵🤩🤩啱晒重口味嘅我，沙嗲牛肉辛辣麵超級惹味，湯底濃郁，佢多士腸煎蛋🍳份量非常足一定夠飽💪💪牛油多士脆卜卜，最愛反蛋剛好熟少少流心效果，腸仔唔會用平時嘅廚師腸，食得出是高檔貨😆😆縱觀食物服務一流，原來夜晚仲有好多選擇仲有外買抗役餐，外買平台送餐都仲得😛

午餐點咗邪惡的五香肉丁炒飯，這炒飯的靈魂～肉丁、葱花、蛋缺一不可，再加上生菜絲，每口飯都充滿誘惑，一口一口食唔停。雞翼喇沙配金邊粉，配搭豆腐卜、鮮菇、芽菜，淡淡的咖喱椰子香味，加上炸蒜辣椒，帶點娘惹風味。

一份煉奶花生醬多士，竟然令我如此失望。有圖為證連一個基本要求，花生醬同煉奶要覆蓋多士表面都做唔到，簡直係失敗！咁失敗嫁茶餐廳架，雖然係疫情猖獗姐，都唔使做到咁樣完全冇香港茶餐廳嘅水平水平。

去一田買嘢，買完嘢就醫肚仔.....😬羅宋湯——-濃郁足料紫薯忌廉湯——紫🍠清甜芒果🥭奶昔——濃郁芒果🥭香滑香甜😊😊雪泡奇緣——-一杯好味道的棒子咖啡😋豉汁蒸紅鮋🐟——-蒸魚時間一定要很準確，快一點慢一點都會令魚🐟的肉質改變，所以廚師👨‍🍳的蒸魚時間技術相當好.魚肉新鮮又滑溜😋石鍋日式雞🐔扒烏冬——香噴噴，熱辣辣，雞扒，味道確實做得不錯，烏冬軟滑有口感⋯⋯特級羊扒伴豬扒——羊扒肉嫩軟熟，豬扒也做得不錯😊😊雞蛋仔配雪糕🍮🍦——-朱古力味雞蛋仔，香脆軟熟，一啖雪糕🍦，一口雞蛋仔，滋味➕好味😋座位環境舒適，服務也不錯😋👍😊

今天近近地去左大中依間cafe2.0食晚餐，之前都有黎過食早餐，以為係普通茶記，點知原來晚市有好吾錯嘅西餐食😍..佢個餐湯好特別，我都係第一次聽，係紫薯忌廉湯，睇落有d似紫米露🙈飲落有好濃郁嘅紫薯味，好得意，都幾好味..我朋友叫左石燒德國鹹豬手，個外皮香脆，肉又吾會太乾身，加上佢嘅薯條，竟然係我最鍾意嘅厚切薯條😍正呀🤤..我叫左佢嘅紐西蘭西冷，塊牛扒好大塊！熟度岩岩好五成，好juicy，加上佢個黑淑汁，好食😋.我地加少少錢叫左兩杯特飲，一杯乳酸梳打，一杯黑糖仙草奶茶，冇諗過一間茶餐廳可以又做西餐，仲有台式飲品😍仲要好好飲！佢個黑糖仙草奶茶，奶味好濃，黑糖都炒得好好，同我係台灣食陳三鼎嘅味道差吾多😍.最後仲送左個雞蛋仔雪糕比我地，佢個雞蛋仔外脆內軟，加埋個雪糕，完美地結束左今日嘅晚餐😋