茶餐廳2.0 (已結業)

夜晚搵食，經過一間餐廳見到佢竟然有超級無敵抗疫價「7折」享用德國咸豬手， 聽店員講，每日都有唔同嘅菜式做7折，真係非常之吸引！！ 只要加十蚊就可以有埋餐湯同飲品！！餐牌上正價價錢都係非常合理！！南瓜忌廉湯～ 餐湯唔係一般嘅紅湯或者白湯， 感覺都幾有heart, 而且好creamy 飲品杯都印上自己嘅logo，唔係一般茶餐廳用嘅冰杯同熱飲杯。紐西蘭A級西冷~ 一上枱已經聞到濃烈嘅牛香， 可以話一路切一路流口水.... 叫咗七成熟， 都冇overcooked，果然好功夫！！德國咸豬手 ～特惠咗嘅豬手嘅質量同正價的完全冇分別，店員都好貼心咁 問我想用鐵板上還是普通碟上， 而我最鍾意就係鐵板淋汁落去果啲「滋……滋……」嘅聲音，當然會選擇鐵板喇！ 切開豬手發覺真係 ……好厚肉！！！！ 而且味道調教得剛剛好而且肉質外脆內嫩晚市過咗六點之後，張單過200蚊，仲會有迷你嘅甜品送 ，係雞蛋仔同埋雪糕， 份量啱啱好簡直大滿足！！

去一田shopping, 見時間仲早, 附近食個quick lunch, 同係A區嘅茶餐廳2.0 menu選擇多, 除左傳統茶餐廳食物更有特色小食雞蛋仔/ 黑糖鮮奶等等, 落地玻璃座位都OK好坐的.>鹽燒牛脷雜菌意大利飯 (HKD88)*推介😋*雖然lunch menu選擇多又抵食, 都想揭一揭本menu, 見到廚師精選中式西式有十二款選擇, 仲有我最鐘意嘅risotto添. 燒牛脷厚薄適中, 三塊都好大塊, 脆口有醎香; 意大利🇮🇹飯份量比一般西餐廳為大! 濃濃忌廉, 細細拉絲芝士, 認真的garnish+ 大量菇同切條燈籠椒成碟好好味😋.>巴基斯坦🇵🇰咖哩羊仔柳 (HKD88)非常入味嘅羊仔柳, 肉質一啲都唔韌, 細細粒易入口, 可以配飯/意粉/薯菜/法包, 我地揀嘅法包係搽哂牛油烘脆的👍🏻👍🏻👍🏻, dip汁勁正👍🏻👍🏻👍🏻, 汁底見到大量令味道更豐富嘅食材例如蕃茄, 菜, 薯仔... 未食過巴基斯坦🇵🇰style咖哩原來咁有風味.>宇治抹茶奶昔 (HKD35>HKD25)抹茶味道好濃, 甜度適中, 足料好飲.>黑糖鮮奶 (HKD18

抗疫已經一個多月，同阿女留在家悶得發慌，要出去逛逛！阿女看見這間餐廳有雞蛋仔，就嚷著要吃！進入餐廳前客人必須量度體溫，又有消毒搓手液提供給客人，十分欣賞Cafe 2.0這麼注意衞生！坐下之後，用了十分鐘才能夠點餐，原因是太多不同選擇，中式西式巴基斯坦咖喱也有。最後，我們點了西式。羅宋湯：很多雜菜，帶一點辣，十分野味！龍蝦汁海鮮天使麵香濃又creamy的龍蝦汁，配上鮮味又豐富的海鮮（大蝦、墨魚仔，蜆、青口、帶子），另外天使麵軟硬度適中，阿女吃了大半碟！黑松露野菌帶子意大利飯在香港比較難找到好吃的意大利飯，Cafe 2.0這個相當好，飯雖然creamy，但不會太軟身，而且有很多帶子和野菌，黑松露味道亦剛剛好，好吃！芒果奶昔阿女最愛這個creamy又濃奶味的芒果奶昔！我點的食物是西式，但飲品點了茶走-傳統港式奶茶，雖然有點格格不入，但我真的很喜歡茶走呀！兩母女已經吃得很飽，但阿女還是點了雞蛋仔配雪糕和棉花糖！不錯的雞蛋仔外脆內軟啊！實在是太豐富的一頓午餐！

今日專程入大埔探阿姨，因為真係好耐冇見阿姨了， 佢乖乖在家沒有外出拜年，所以我就入去大埔接佢去茶餐廳食扒。估唔到茶餐廳2.0 ， 有扒食又有小菜食， 今日我都係陪阿姨食扒 😀😀，我叫了一份晚餐是紐西蘭A級西冷(黑椒汁)配薯菜，飲羅宋湯，我加錢轉了一杯凍黑糖珍珠鮮奶， 而我姨就係叫了2.0海陸空什扒餐配薯菜加凍檸茶和飲羅宋湯。我份西冷超厚肉又大件好juice, 阿姨份什扒有蝦，有豬扒和雞扒都好豐富，同樣地我地都超鍾意佢的粗薯條。 呢到羅宋湯小小辣好開胃， 我杯黑塘珍珠鮮奶都唔錯。呢到晚餐食滿200會送迷你雪糕雞蛋仔，食完我地唔夠皮， 我另加一份自選配料的雞蛋仔， 咁樣加來食真係好滿足超開心。

今日同媽咪一齊食飯，佢話想食雞蛋仔，即刻諗起呢間餐廳，除左堂食仲有外賣雞蛋仔，就帶左媽咪去食呢間雖然叫茶餐廳，但鋪頭地方幾闊落坐位與坐位之間有一定距離，唔洗搭枱不特止，隔離枱唔會聽到我地傾咩，坐得都舒服😌餐牌選擇都真係幾多😍😍😍中式飯好似京都骨又有，西式意粉燴飯又有，日式石燒飯都有飲品有港式茶餐廳經典款，仲有台式奶茶，日式奶昔依家特飲做緊買一送一，好抵👍🏻同媽咪一人揀左一杯奶昔點左兩個主菜，餐湯有中西湯揀我地揀左紅腰豆忌廉湯未聽過用紅腰豆煮忌廉湯，配搭幾新穎幾特別色水好靚已經令人食指大動😋入口味道先係忌廉香味，奶香幾重然後有淡淡豆香，要選下呢個配搭既idea👍🏻主菜我叫左 烤春雞伴炸蝦🍤烤雞比想像中大隻，而且外皮烤得好靚好均勻切開外皮好脆，鐘意佢薄薄地，皮下脂肪唔多食落唔會成口油，配埋雞肉黎食都唔會guilty雞肉比想像中滑嫩尤其雞髀位😋一啲都唔柴但未到非常Juicy要讚個醬汁，我揀左燒汁，以為普通茶餐廳醬汁黎到係好香既香草醬，而且夠咸，配比較plain既雞肉岩晒👍🏻炸蝦同薯條🍟都熱辣辣，唔會油淋淋，好食！媽咪叫左 美國西冷牛扒牛扒勁大一塊！黑椒汁係perfect match黑椒咪好香

呢間餐廳開左好耐但次次食飯都醒唔起佢😅今次糾結好耐, 是但啦入去試下啦~<鹽燒牛脷雜菌意大利飯>意大利飯偏硬, 煮耐少少會好啲🤏🏻味道呢冇咩味🙈牛舌好大舊, 肥啲既位置好食啲, 咬落多油香, 但大部分都比較瘦, 脷苔非常明顯(密集恐懼症注意⚠️) 牛舌調味唔均勻, 張相最出面個塊好夠味, 入面個兩塊牛舌要自力更生了😐<龍蝦汁海鮮天使麵>正正常常~ 汁正常,麵正常,幾多配料😉汁會有少少粉感🤏🏻<富士蘋果呍呢拿奶昔>冇咩呍呢拿味之餘, 唔係幾似奶昔...即係係蘋果汁🧃不過都好味既👍🏻<乳酸梳打>正常~ 但又唔係好梳打喎😂<贈送甜品>點算?! 佢係今餐既MVP😂 雞蛋仔好熱好脆, 配呍呢拿雪糕🍦唔會唔正啦~------------------------------朋友話睇過食評, 再睇埋隔離枱, 呢間既中餐應該比西餐出色得多💁🏻‍♀️大家可以參考下~

經過大埔見到呢間餐廳，有個特色甜品，就係因為咁所以被吸引咗入去！ 宜家抗疫期間，大家都好concern 出去公眾地方食飯，但餐廳都做得好好，逢係有客人入去，都先要量體溫， 員工都帶曬口罩同手套， 可以講係做足防疫措施！讚呀！參考有非常多嘅選擇中式西式都有，而我揀咗西式+甜品！叫main course加十蚊就可以有埋餐湯同埋飲品， 食西餐當然要全set上啦！！都唔會吝嗇十蚊喇～杜洛黑豚扒（$78）～ 豚肉其實煮得好，一啲都唔會比其他肉類比下去，香軟口感，加上香濃燒汁，yummy!! 而且選配嘅意粉口感得宜，唔會太硬或太淋。黑椒石燒紐西蘭牛扒（$118）～ 本身店員問我哋要幾多成熟，我哋話要七成，店員解釋由於係石板上， 所以建議我哋要五成，以免overcooked， 好彩我哋有聽到店員建議，如果唔係就真係會過熟喇！飲品方面都叫咗一啲傳統嘅茶餐廳飲品， 抗疫期間，當然要飲檸檬嘢啦！！蘋果金寶雞蛋仔（$38）～重點嚟啦！！甜品呀！！ 由於係即叫即整，所以都等咗一段小時間 ，但係絕對值得，蘋果香甜細膩，雪糕香滑無比，雞蛋仔香脆可口， 三個唔同嘅口感夾埋一齊嚟食，絕對係絕配！！不枉餐廳以呢個甜品味

見門面幾好，裝修不錯，入去試試，叫左個午餐SET lunch 黑椒牛扒飯要成＄70 ，凍飲加$3，凍飲用熱飲杯，加凍之後可想有幾少，在大埔來說係貴左點，隔離枱遲過我入座位位都有餐湯，問侍應竟然答14:30後不送餐湯，再問多個人先話比返你。只想講餐湯值幾多錢？下午茶餐不送是理所當然，$70個餐2點半後就沒有，什麼説法？做生意不是這樣的，一個餐湯已看見這間餐廳的手法，食物還可接受，不過不失！希望老闆看到，檢討一下！

又係醫肚嘅時候，今晚決定出街食，位於大埔中心的茶餐廳2.0之前喺出面食過佢嘅分店都唔錯，就去大埔分店試吓。餐廳落地玻璃可以直接望到出面，仲有卡位四人枱等座位選擇，環境空間好大、感覺舒適。餐牌厚厚的，入面嘅食物圖片非常吸引，而且多款選擇。最後我哋揀咗西式晚餐，加拿大西冷牛扒及香草燒羊扒套餐，餐湯仲有中西式選擇，我們各叫了一款。平時屋企少湯水，呢度嘅紅蘿蔔湯都幾鮮甜，仲有大大嚿紅蘿蔔。我朋友係牛魔王，西冷牛扒都幾大塊，叫了七成熟，牛肉都幾軟口，而且味道濃郁，配白飯黑椒汁一齊食更加滋味。我的就是香草燒羊扒，羊排一份有三條，食落去一啲都唔騷，肉質仲頗為鮮嫩，今次我就點了意粉 🍝。仲有得飲黑糖珍珠鮮奶，可以比我咬下啲Q彈珍珠，而且鮮奶香醇，朋友也叫了一杯熱的。最後美味的牛乳蛋糕甜品為呢一餐豐盛的晚餐畫上句號，整體來說食物質素不錯，值得再試。

大埔墟附近很少食肆坐港鐵接駁巴士K12便可免費到大埔超級城逛街還有大量食肆選擇被門外的雞蛋仔香味吸引了左邊有外賣處可買走雞蛋仔及飲品右邊則是它的餐廳，頗新穎七點十五分左右，人流不多但到八時，幾乎全場滿座卡座的沙發很新很好坐，有彈力又乾淨點餐後，先來兩個跟餐的餐湯左邊是中湯—青紅蘿蔔湯右邊是西湯—羅宋湯熱騰騰，味道濃郁2.0海陸空什扒餐 - $98海陸空包括有雞扒、豬扒、越南大頭蝦和火腿，份量十足以鐵板上，熱氣逼人，淋上燒汁，馬上咋的一聲薯條是真薯仔的粗切條，炸得外脆內軟配菜方面有洋蔥、西蘭花和椰菜扒餐可以自由選配薯菜、意粉或飯的美國西冷扒10OZ配黑椒汁 - $118這是是日晚餐的一款，用碟上西冷扒很大塊，好像不只10OZ肉質細嫩，脂肪較少，有嚼勁煎得鎖住了牛肉汁，牛肉味極濃郁配菜方面剛有些不同，使用沙津配芝麻醬日本南瓜焦糖奶昔 - $38日本的南瓜蓉特別的甜加上焦糖糖漿和牛奶非常適合小朋友喝兩杯奶昔上都加上忌廉現時正在做推廣，特飲買一送一富士蘋果雲呢拿奶昔 - $38朋友說配搭平衡得剛好，蘋果味的甜度淡淡，沒有搶到雲呢拿的味道意大利芝士蛋糕 - $25頗香的咖啡味，還有士多啤梨裝飾，

茶餐廳就係茶餐廳，見到一間茶餐廳叫自己做茶餐廳2.0， 裝修彷彿都以西式感覺為主 ，忍唔住又去一探究竟！見到Menu中式西式都齊備，廚師好似咩都識咁樣，有冇咁犀利呀？叫得茶餐廳，直覺都會係中式嘢食會比較穩妥，所以今次都係叫咗中式，睇下佢係唔合格先。見到有個餐，幾個小菜任揀兩款，已經配埋例湯、基本飲品、炒菜、白飯，索價只係1 6 8，抵呀！例湯～ 天氣咁凍，飲碗熱湯，真係令人舒暢。蒸紅袖魚～ 魚有一隻筷子咁長， 蒸到啱啱好，唔會過熟。肉鬆炒四季豆～ 由於四季豆要走油，好多地方都做到油冧冧，但係呢度做得幾乾身，而且份量、味道都恰到好處。炒青菜～ 以為份量唔會好多，畢竟係配搭嘅嘢， 但實際上分量都非常合理 ，出街食飯，點都要有碟菜較為健康，非常欣賞寫呢個餐牌嘅人，考慮到顧客的健康。而飲品我哋都選擇咗基本飲品，冇乜特別，但係凍飲杯同熱飲杯，就係非一般茶餐廳嘅模樣。最後當然以甜品做結尾， 呢個甜品唔係中式甜品，亦都唔係西式甜品 ，我可以形容呢個甜品為「港式甜品」， 佢竟然係雞蛋仔上面加上cream、生果同埋雪糕， 淨係雞蛋仔呢個元素，已經令我深深愛上。

百貨公司大減價，血拼完畢，當然要補充體力啦。大埔超級城地下新開了茶餐廳2.0。叫得茶餐廳，港式風味走唔甩，平民價格。晚市有超抵食的小菜套餐，常餐和石燒系列都係推介之選。甜品以雞蛋仔最為吸引。今晚點了兩個石燒系列，挪威鮮三文魚柳$88和德國咸豬手$108。石燒系列全部都係用燒都熱辣辣的鐵板上菜，把燒汁淋在原隻德國豬手上，立即滋滋作響，鐵板魔力十足。豬手肉厚，外層非常脆皮，內裡肉質保持鮮嫩，咸度適中。粗薯條在鐵板保溫下，食到尾仍脆口。挪威鮮三文魚柳，肉質嫩滑，上到鐵板啱啱好，一點腥味都無。甜品當然係香蕉千層雞蛋仔 $38雞蛋仔即叫即做，熱辣辣出爐，蛋漿調教得啱啱好，脆口兼蛋味濃郁，配上香滑嘅雲尼拿雪糕，估唔到佢同香蕉、雞蛋仔係咁夾，滿足晒視覺同味覺。北海道牛乳蛋糕$30 ，奶味濃厚，性價比十足，屬驚喜之選。雪泡變奏(跟餐$20）茶餐廳點少得足料羅宋湯。

一個星期總有一日返娘家食飯，不過，A爸同A媽真係好極端，A爸就好鍾意食唐餐，但A媽就話平時屋企都煮唐餐啦，所以佢話出街就梗係唔好食中菜啦。今日去到大埔嘅茶餐廳2.0，款式夠多，優錢夠經濟實惠，佢兩個都好滿意。鹹魚雞粒豆腐煲A爸揀嘅套餐包飯同湯，加$20仲有炒菜。呢個鹹魚雞粒豆腐煲嘅鹹香味十足，雞肉好嫩滑，而豆腐索晒鹹魚嘅香味，好滑溜。用嚟送飯一流。蕃茄海鮮天使麵A媽就叫咗蕃茄海鮮天使麵，海鮮有青口，帶子同墨魚仔，天使麵份量唔少，掛上蕃茄醬，酸酸甜甜，好好味。全日特色早餐特色早餐有豬肉腸、炒蛋、炒菌、蕃茄、煙肉、焗豆、火腿同牛角包，略嫌份量少咗啲，但女仔嚟講都夠飽。珍珠奶茶呢度嘅名物唔少得港式代表雞蛋仔，而台式代表又點少得珍珠奶茶？茶底夠香，而珍珠唔會死甜，唔錯。

上網查完先知原來呢間Cafe2.0有分店前身係Olive. Cafe (唔知佢哋有冇關係🧐)餐廳提供早午晚餐早餐去仲會到11:30am!! 非常適合我哋晏起身嘅呢一輩🤣午餐好多選擇 價錢平民於下午茶時段叫午餐仲可以獲得正價減$10👍🏻除此之外下午茶餐亦可加$10就有迷你雪糕雞蛋仔😛😛晚市食滿$100再like埋Facebook更加可以免費獲贈雞蛋仔一客！雞蛋仔即叫即整 都好多人食😛.今次我哋試咗兩個下午茶餐分別係芝士熱狗同埋奶油脆豬份量絕對比想像中大好多！熱狗嘅芝士係用芝士碎兩種口味嘅芝士再加半熟嘅口感同司華力腸好夾！薯條不過不失🍟.個奶油脆豬真係相當大份所選取嘅麵包口感好軟熟唔會太乾身不過如果可以即叫即整整熱啲就好😢2份大大份下午茶都只係$60😱📍 茶餐廳2.0 (大埔)大埔安邦路9號大埔超級城A區地下012A舖

咁多間茶記任你揀有咩條件先至係最緊要呢，，當然係有良心啦，呢間cafe 2.0仲要唔只有良心，仲要係好好食。今日晏晝喺大埔中心想搵個下午茶食，即刻就諗起呢度。朋友話有少少肚餓所以叫咗個午餐。今日試呢個巴基斯坦咖哩雞翼飯，真係好有誠意。個咖哩汁唔太辣但係整得好好，好多唔同嘅香料喺入面。唯一美中不足嘅係雞翼得四隻，要多兩隻先夠飽。而我就叫咗呢個下午茶，芝士焗熱狗，熱狗加咗芝士醬同埋沙律醬先落去焗，即刻覺得冇咁頹。薯條係粗薯條，炸得好夠味。加埋杯凍飲真係沖得幾好，茶底夠香。下次再食過。