茶餐廳2.0 (已結業)

做餐廳食物質素固然重要，但服務態度差，就影響哂客人心情，看見餐牌介紹，唸住一試，誰不知一坐下，一個亜叔級類似高級員工又似老細嘅人，行過嚟好大力咁掟本餐牌喺我哋面前，可能真係夠EQ控制倒脾氣,即刻起身離場,但唸番轉頭，吾係話要唱衰你地，但打開門做生意咁有性格點做？呢個亞叔係度對你地好負面 檢討吓！做生意應該要重視客人，唔該⋯

疫情期間 晚市禁堂食 除咗𝚌𝚘𝚘𝚔 𝚏𝚛𝚘𝚖 𝚑𝚘𝚖𝚎 有時怕悶都忍唔住買外賣返屋企 前晚買咗幾個套餐返去 有齊餐湯野飲唔使諗 岩哂有選擇困難症既我地😆宜家外賣自取仲有折 真係好抵食🔺馬來咖喱牛筋腩飯咖喱牛腩份量都幾多 有埋最鐘意既薯仔🥔 薯仔仲要係焗過 咖喱汁有椰香 微辣帶甜 食落幾香濃 絕對係白飯小偷 牛筋腩軟稔 肉質唔錯 有牛味 薯仔都好入味😋🔺芝士焗肉醬意粉意粉即叫即焗 拎到番屋企仲熱辣辣 意粉份量幾多 麵質好滑 面頭有一大塊芝士 撈埋意粉可以拉到絲🍝 好好食 個番茄醬好新鮮好濃郁🍅 肉醬都好多 每條意粉都掛哂醬汁 仲有香葉 質素拍得住好多西餐廳 🔺日式和風肥牛飯唔想幫襯某日式連鎖店既日牛飯 轉為試下其他餐廳 (努力搵替代品中) 肥牛份量多 薄切 不過醬汁較濃郁 味道偏重 唔似日式 反而幾中式 但個味都唔差 個汁好岩撈飯食 幾惹味～仲包埋中湯/西湯 我就要左中湯 雖然係外賣 但唔馬虎 當晚既中湯係紅蘿蔔 青蘿蔔豬骨湯 個湯好清甜 而且好多料 熱飲唔需要加錢 凍飲加$3 都好合理 飲品味道正常 凍檸茶唔澀唔苦 茶餐廳2.0 晚市套餐價錢合理 有快餐 扒餐 中式小菜 好岩放工唔想煮

#cassiegotsuenwan-之前疫情好啲嘅時候，有去過一間好抵食嘅茶餐廳，就係叫做「茶餐廳2.0」，絕對係「升級版」嘅茶餐廳。愉景新城裹面嘅裝修好乾淨，價錢好大眾化，提供包羅萬有的菜式，中、西式都有，算係西式西餐廳。😋-瘦編同朋友就叫左平時去西餐廳好鐘意叫嘅石燒系列，揀左徳國咸豬手同紐西蘭西冷扒，加$10就有餐湯同飲㕜唔。個咸豬手新鮮炸起，皮脆肉嫩，鹹香惹味，勁正！另外個西冷扒好大塊，勁抵食，肉質好juicy唔會有陣雪藏味，好難食，推介！👍🏿-另外套餐加$10就會包埋餐湯同飲品，飲品有得揀台式飲品，叫左杯黑糖珍珠鮮奶，水準同出面台式飲品店有得揮！最近茶餐廳2.0仲開始推出「即食料理」、「半製成自煮餐」「快速小菜飯餐外賣」，每間分店提供不同款式外賣優惠套餐，務必做到出餐「快」、賣相「靚」、味道「正」！新上架「新鮮蔬菜和凍肉外購」優惠，凍肉已醃製好，只需5-10分鐘便可熱辣辣上枱；為保持均衡營養，每天會提供新鮮蔬菜包發售。大家都可以支持下💪🏿-味道評分▶️🌕🌕🌕🌕🌑 (4)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ 茶餐廳2.0 (荃灣)📍 荃灣青山道398號愉

最近香港六時後沒有堂食服務很多餐廳也轉型轉攻外賣市場這間之前也吃過堂食，味道不錯，價錢又便宜現在晚市快餐及小菜套餐外賣自取可享八折晚市套餐可享九折，西式扒餐則無折叫了三道2.0小菜套餐，各自配白飯及飲品人均只需$58，非常划算外賣的餐盒很保溫，容量頗大，超過半小時還熱騰騰擺袋亦很講究，完全沒有打翻任何醬汁菠蘿生炒骨 - $54.4 (原價$68)生炒排骨色澤鮮紅，味道掛汁入味口感酸酸甜甜的，非常開胃排骨外皮焦香酥脆，入面卻很嫩滑西蘭花炒大蝦仁 - $54.4 (原價$68)爽脆鮮甜的西蘭花，沒有草青味入口幼滑，不粗糙多粒脆嫩的蝦仁，香脆可口，口感甘甜沙薑雞(半隻) - $62.4 (原價$78)沙薑溫平的辛香味，不搶去雞肉的鮮香，平衡油脂的膩滯雞皮清爽幼滑，肉質細嫩可口，食而不膩，骨脆而香飲品分別叫了熱朱古力、熱奶茶及凍檸茶凍飲只需加$3

因為第二波疫情又來，我哋就索性叫外賣，避開人群聚集，喺愉景新城叫咗呢間餐廳，叫咗茄汁焗豬扒意粉，呢個餐嘅意粉焗出嚟好食過一般連鎖茶餐廳，豬扒冧身，配茄汁一流，估唔到呢個外賣咁有驚喜！外賣仲有八折添

荃灣愉景新城商場內有一間食店名為茶餐廳2.0, 吃過後我明白到名字的由來了。有著茶餐廳的包羅萬有食譜，快靚正的精神，而多了的是高質餐廳的貼心服務環境寬敞，卡位和圓檯都有今晚一於中西合璧白汁忌廉意大利粉意粉忌廉汁底不算濃，但吃下口原來已完美滲入了意粉層內。健康的三色椒配上數片三文魚， 感覺清新，健康必選另外點了兩個中式小菜套餐避風塘炒蝦蝦新鮮，經脆炸過的蝦配上蒜酥、胡椒粉等調味，鹹香夠味，不需剝殼即可痛快品嚐。 此菜口感豐富 ，不只是味覺，連嗅覺都一併被滿足。黑椒茄子牛仔骨茄子上檯時仍熱騰騰，很夠鑊氣。茄子軟身，最擔心牛仔骨肉質太韌，但此出品非常鬆軟，口感也入味， 廚師一定花了不小心機在事前準備呢！凍青檸水解小小辣最適合不過。

羅宋湯偏鹹同辣，酸酸地好醒胃，中湯係紅羅白、冬瓜同木瓜，好清甜。蒜香扒大蝦卡邦尼音粉原隻大蝦鋪滿蒜蓉，鮮甜爽口。意粉略嫌乾身黏口，好重芝士但味道偏淡。德國鹹豬手 配薯菜黑椒汁外皮炸到脆卜卜，肉質瘦而不乾，食落爽口，鹹香惹味。如果都係覺得乾身，淋上黑椒汁食一樣咁好味。黑糖珍珠奶茶珍珠同奶茶比例好啱，珍珠大大粒又Q彈，奶味十足好香甜。百香果四季春桃膠四季春茶底茶味突出，配上百香果酸酸嘅味道好清新，仲有粒粒嘅桃膠好滋潤，啱晒咁熱嘅天氣飲。心太軟配雪糕新鮮焗起嘅心太軟仲熱熱地，配上凍冰冰嘅雪糕，一冷一熱嘅衝擊，香甜鬆軟嘅心太軟雖然冇流心嘅效果，但都好好食。

午餐黎左愉景新城的茶餐廳食野，平日呢個場好靜，近乎每間餐廳都唔使等。入到茶餐廳，店員剛好做消毒工作，店內餐具都用膠袋覆蓋，枱同枱之間亦有膠板欄著，感覺不錯。點了一份午餐A，餐飲轉了特飲。是日A餐係炭烤帆立貝雞扒雜菜沙律伴多士，滿滿一碟份量很多啊！雞扒煎得很香口，帆立貝彈牙，加上甜甜的燒汁很好味。看餐版以為係菜沙律，原來係雜果沙律，有紅蘿蔔，青瓜，蘋果，椰果等混合，加上大量香甜的沙律醬，比跟飯更飽肚。還附上塗滿牛油的厚多士一塊，脆口好吃，呢一份餐飽到不得了，哈哈。餐飲轉了凍頂烏龍茶桃膠，見店員落力sell呢個新系列就試下佢。個烏龍茶茶底好香呀，雖然問過店員話無得走甜，但實際黎到一點都不甜，加了桃膠同杞子有咬口得黎又感覺健康啲，好飲。好想食甜食加單要份雞蛋仔，本來想點香蕉口味，但問下店員香蕉口味有無雪糕跟，佢話無……咁就要雪糕鮮果雞蛋仔。雞蛋仔上加了大量甜忌廉，放了數顆士多啤梨同藍莓，還有一點啫喱糖，賣相還不錯。雪糕球是雲呢拿味，雞蛋仔滿是蛋香，整體加在一起是超級甜，真係只適合嚐甜人仕，哈哈。吃了充滿糖份的一餐，好滿足啊！

朋友曾經提過呢間茶餐廳幾好食，咁我今日喺愉景新城，咁岩係午餐時間，就行過去試吓。餐廳好似幾注重衛生喎，因為餐具用膠袋嵌住晒，再睇吓餐具本身同四周環境，又似乎一般般咋喎😳叫咗「馬來咖喱牛筋腩飯」午餐，好快就嚟到。「牛筋腩飯」我諗住係牛筋加牛腩，但係成碗裏邊只有一嚿牛腩，五、六嚿牛筋，全部細細嚿，味道可以。咖喱汁好少，唔係好夠撈飯😳。洋蔥生到帶微辣，好彩我唔怕食生洋蔥🤣，洋蔥越生體積越大，點解會煮得咁生呢🤔。薯仔就有好多件。奶茶唔香又唔滑😳總體非常一般；可能朋友老點😅，亦可能我食唔中佢啲好嘢。

行完IKEA突然想据扒🥩本身想落金鳳...但上網睇到茶餐廳2.0做緊石燒系列特價(第二份半價😱), 梗係即刻衝住嚟啦🤩🤩$108澳洲西冷牛扒(10oz) - 鐵板換成石板熱力強仲更持久添！叫5成熟因為自己掛住飲湯而煎耐咗😅下次要叫3成熟先啱啱好！事關呢度個羅宋湯好正，又大碗！味道令我諗起銅鑼灣金雀(懷念中)味道極濃郁仲真材實料添！一食就知道塊扒絕冇"乸"過👍🏽外面煎得好香而且肉味濃🤤$108德國咸豬手好鬼大隻😍皮脆肉嫩呢4個字當之無愧！半價即係$54！抵食到爆炸😆😆店員介紹我地試新出嘅桃膠特飲🍹清涼又有益！我地揀咗水梨四季春茶！士多啤梨凍頂烏龍茶！勁多桃膠😍唔太甜啱我晒我口味🥳最後叫埋甜品😗茶餐廳有雞蛋仔，仲要即叫即整，點會唔好味😆香蕉千層雞蛋仔配上厚厚忌廉同雪糕，完美❤️

餐廳裝修新淨，環境寬敞，是新派的茶餐廳，有卡位，有圓枱，亦都有長枱。餐廳侍應非常親切，十分加分。我們2個人分別點了以下菜式：韓式泡菜牛肉飯$88牛肉飯放在韓式石鍋中，熱辣辣，牛肉十分嫩滑，配上泡菜和蔬菜，少少辣，好開胃！柚子蜜梳打 跟餐加$11唔太甜，食辣野配梳打一流啊！沙樂美雜扒配薯菜（豬扒，牛扒，雞扒，司莘力腸和火腿）首先要讚這家的蒜蓉汁，有好香的蒜蓉味，非常有驚喜，另外牛扒豬扒和雞扒都十分入味，肉質好滑，唔會乾唔會柴，加上司華力腸、煙肉和薯條，童年的回憶返哂嚟！凍檸茶 跟餐加$3羅宋湯 跟餐附送的羅宋湯用料非常捉夠，每一啖都有唔同嘅蔬菜，也是另外一個驚喜！最後非常值得一讚的是每分餐都是大大份，性價比極高，好抵食呀~

由於本身想食嗰間餐廳執咗笠 唯有食佢隔離呢間餐廳啦 喺門口見到午餐都有自己想食嘅野 就入咗去食啦😺入門口之前 店員已經提醒我地要小心地滑 一踩入去 嘩 滑到可以溜冰呀 真係有啲擔心衞生同安全🤧 因為係食lunch嘅黃金時間 餐廳都坐滿人 咁我同友人就快快手叫咗兩個餐 而上菜速度都算幾快🤭墨西哥燴牛脷飯 望落就唔見好多牛脷 比較多配菜 不過𢳂到底就發現牛脷同配菜一樣咁多 牛脷就切得比較細舊 但食落都幾易咬 唔會太韌 個汁就甜甜地 配落個牛脷度都可以接受嘅 個人覺得如果切塊 唔係切粒會吸引好多😮鮮茄焗豬扒飯 差不多每間餐廳有呢個飯都會叫嚟試吓 個炒底啲確做得唔錯 可惜番茄汁冇乜味 豬扒又冇咩特別 整體就不過不失啦😬其實食物質素都okay嘅 不過應該唔會再特登行過嚟食喇 因為地理位置真係有啲遠😂

為咗餵阿女飲奶，入咗去，又唔太肚餓，諗住叫少少下午茶，，點知瀨野！叫個芝士薯條飲個 凍檸茶 。 頂！ 個薯條係幼薯條而且又乾又只係暖 ，啲芝士硬 嘅 兼一「pat」撻落啲薯條度，個感覺 衰過麥當勞！ 杯凍檸茶比平常茶餐廳少一半 都唔緊要。。茶膽無茶味好似飲糖水咁，因為杯細 冰少 。。杯野唔算凍🙄 係 係 係常溫檸茶呀！！哩間叫 茶餐廳既真係影衰茶餐廳！

和朋友行完南豐紗廠，順便過來愉景新城食野，朋友想食西式野我就想食中式野，最後揀左茶餐廳2.0就最啱，餐牌菜式睇落樣樣有都幾多選擇。餐廳環境乾淨，卡位闊落坐得舒服。埋單二百幾蚊唔貴，價錢算係經濟味道亦都唔錯。羅宋湯 $10湯味濃郁大碗足料，好多雜菜煮得好淋，紅蘿蔔、西芹、椰菜、牛腩都見，酸酸甜甜開胃好飲。蒜香大蝦卡邦尼意大利粉 $75意粉軟硬適中份量多而且好掛汁，大蝦爽口彈牙有大篤蒜蓉好有蒜香味，仲有好多其他配料三色椒絲和菇菌，口感豐富。沙爹石窩粉絲鮮蝦煲 $88有大碗白飯跟，石窩熱辣辣滾住食，鮮蝦多隻好香口，粉絲索滿沙爹汁好惹味，仲有菠蘿粒食落開胃。黑糖椰果鮮奶 $14奶味香濃且滑，好香黑糖味，味道比較甜，下次要少甜，杯底勁多Ｑ彈口感的椰果好有嚼口。雙重朱古力 $19朱古力味唔算好濃，杯面有球朱古力雪糕，飲下食下啖雪糕都好正。朱古力心太軟配雪糕 $32朱古力蛋糕配上雲呢拿雪糕，冷熱交雜，作為飯後甜品非常滿足。

環境：👍👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸📸Encore:90%📝進入前要度體溫📝免加一➖➖➖➖➖➖➖➖➖➖➖➖➖➖➖位於愉景新城嘅茶餐廳2.0雖然係商場最尾尾嘅隱蔽位置但平。靚。正嘅餐廳「為食兵團」都會搵佢出黎，Share 比大家😈.🔸餐牌款式夠多，無論係西式，咖哩，石鍋定意粉樣樣都有，價錢仲好貼地添👍晚市仲推出小炒套餐$78~$88就有一set，包埋飲品同餐湯🙆‍♀️.🔸沙嗲石鍋粉絲鮮蝦煲 $88以石鍋承載粉絲，Keep住暖笠笠💕鍋中加左吾少材料，如蒜粒，辣椒，莞茜，菠蘿再伴上沙嗲湯汁粉絲吸滿精華，食落鮮甜帶香，非常入味🙆‍♀️一絲絲嘅粉絲，口感煙韌帶彈性惹味之餘，仲好送飯架🥳煲入面仲有好多隻鮮蝦，爽口彈牙～一set附送埋例湯可揀中湯或西湯架😋🔸德國脆皮咸豬手飯 $88全場最多人嗌嘅就係呢個豬手飯😂成個拳頭咁大嘅豬手咸豬手金香酥脆，入口輕脆有聲雖然由外表睇上去好似有d 乾身但實際上內裡非常嫩滑，帶豐富肉汁，外酥內嫩架配上黑椒醬汁，更加惹味💕.🔸飲品晚市套餐，包埋一杯熱飲，凍飲加$3奶茶味道吾錯，入口順滑，奶味香濃🥳.🔸朱古力心太軟配雪糕 $32飯後食埋個甜品，先係最