茶餐廳2.0 (已結業)

首先價錢是大眾的但食物質素極差 叫海南雞飯 可以全部都係雞骨 而且端上白飯來的時候 店員還把手指插在裏面端上來 差點掂到白飯 甚至可能掂到白飯之後 食完的食物碟 可以很久也不來收 但當時店舖內很多人都沒有野做 不是很忙 但全部都企着聊天 不肯去收 碗筷極不乾淨 甚至有污跡 其實始終最介意都是端上白飯的時候 手指插喺裏面 很多店員都是站着聊天 不肯去收拾東西 地下有污跡也不拖地 整體來說 服務差 環境差 店員態度非常之差 永久不會再來 寧願食快餐店也不會再食 還開在商場裏面 連大排檔都乾淨過佢哋 店員都好過佢哋我很少去打食評 因為我嘅標準非常之低 這是我人生第一次去打食評 去說這間店舖 如果有負分的話 我一定給負分

我哋今次嚟試吓依間茶餐廳 佢哋原來有好多菜式可以揀🤩有大排檔炒菜、西式扒餐、家常菜、台式飲品等 今日嘅中湯係合掌瓜甘荀湯 而西湯係帶啲辣味嘅羅送湯香煎澳洲牛柳跟薯菜 配黑椒汁 成份扒都係百零蚊左右 真係估唔到有兩塊咁大嘅牛柳 雖然食款扒唔係用鐵板上 但係牛柳嘅質素無變 可以食到啖啖肉🥳🥳🥳 薯菜炸得好脆口好脆卜卜蒜蓉牛油黃金蝦見到佢哋嘅晚市套餐有幾款都好吸引 選擇困難嘅我好辛苦先揀咗依個黃金蝦😅😅一上枱我已經好驚訝蝦嘅份量竟然有咁多隻👏🏻👏🏻食嘅時候咬開啲蝦爆哂汁爆哂膏 超級大驚喜👍🏻👍🏻菜心芒椰派對依杯飲品芒果味超級濃 上層啲芒果多到瀉出嚟😮😮😮消暑一流

今晚自己一個dinner，又想食西餐意粉甜品，自己一個食又唔想等位唔想太貴唔想等野食等太耐…..快靚正檻欖蒜片鮮蝦意粉，新鮮大隻嘅蝦好爽口，玻璃般反光，相比起食環境食服務嘅西餐廳，用料實際好多～意粉蒜味夠胡椒粉都慳返唔洗落～+$10轉餐湯同飲品夠抵，可惜羅宋湯太辣，下次可能要中西合璧，叫中湯先得。登登登登！朱古力心太軟加雪糕，老實講真係抵食過甜品店，一冷一熱，兩種唔同嘅甜味，半溶嘅朱古力醬同熱烘烘嘅蛋糕，呢個價位滿意～

今日經過愉景新城見到間餐廳叫「茶餐廳2.0」覺得好特別，所以即入去試吓。餐廳食物選擇十分之豐富，除了有多款午市套餐之外，還有小菜套餐、喇沙套餐、中式粉麵飯、焗飯意粉和廚師精選等等。對於有選擇困難症嘅我，確實有啲麻煩，不過比我見到至愛嘅牛脷，所以立刻叫咗鹽燒牛脷雜菌意大利飯。羅宋湯湯夠濃郁，酸、辣度適中，而且有多款雜菜，依個羅宋湯絕對合格。鹽燒牛脷雜菌意大利飯牛脷夠大塊同厚切，外層燒到有少少鬆脆，內裏柔嫩，而且牛味濃郁，對於牛脷控嘅我絕對沒有失望。雜菌意大利飯嘅份量都唔少。咖啡咖啡係即磨，咖啡味濃郁，勝過不少茶餐廳。從餐廳嘅裝修和食物嘅質素來看，我相信2.0嘅意思就係茶餐廳嘅進化版。

🍜喇沙香茅豬扒米線：豬扒好大塊，夠兩個人食。叻沙湯底唔會好辣，椰汁味可以重啲。下午茶時段再減$10。🌭香濃芝士熱狗包配薯條：熱狗包係自家製的，甜甜地。芝士配千島醬冇得輸。熱狗包份量好大夠兩個人食。🥚迷你雞蛋仔雪糕：茶餐加$10就可以用到，雞蛋仔好香，可惜凍咗唔脆。建議唔好跟餐，叫整塊雞蛋仔會新鮮製作，而且只係$15。🥤黑糖珍珠奶茶、黑糖仙草奶茶：奶茶味唔夠。味道：🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅速度：🔅🔅（5🔅為滿分）

用餐環境差、衛生環境差、服務一般、重點防疫措施嚴重不足、坐滿哂人極度迫冇分枱，餐牌寫有好多嘢食但叫落樣樣都話冇，食下午茶叫咗好普通嘅雞扒撈丁同雪菜烏冬都可以等超過20分鐘先有得食，份量少之餘味道亦好一般，雞扒薄蔥油又唔夠，面又少，食到好乾咁。雪菜烏冬普通味道冇乜好評價，最後食完嘢問店員拎杯水，店員轉頭就唔記得咗客人坐咩位，仲大叫問邊個拎水要出聲，係咪金魚記憶，呢頭問你拎完水嗰頭大叫問邊個拎水，即係呢食餐飯都樣樣做到咁差真係好少見，結論真係完全諗唔明點解可以咁多Like

系荃灣掃完貨後，就順便係個邊搵食啦。身上所剩無幾就揾間平靚正食。打開菜單有扒鋸，小菜，又有台式飲品和西式甜品等等。百香里忌廉汁比目魚扒，忌廉汁意粉份量很足夠，而且魚扒煎得很軟熟，魚骨同魚肉較易分開，魚骨少得黎又容易搵出黎。沙嗲肥牛炒河，好有港式味道沙嗲牛河，牛河大多數都很油膩，但呢度食到甜得黎又唔會太溜。沙嗲醬均勻地沾上每一條幼滑的河粉。加埋金菇和黃椒帶出多重味道。黑糖仙草鮮奶， 鮮奶香滑及充滿黑糖香氣，味道不太甜，仙草爽滑，整個飲品口感豐富，味道唔錯。

茶餐廳可以話係香港嘅非物質文化荃灣愉景新城嘅茶餐廳2.0會有咩分別？店主強化了香港中西文化交融的特色除了平日食到的港式常餐 小炒 焗飯更加入街頭小食雞蛋仔 流行飲料 ADB等打破現有茶餐廳形象 創造cafe 2.0.黑松露大蝦珍珠帶子炒意粉🍝與普通西餐不同 採用港式烹調方法炒意粉令麵條更加入味 海鮮保持爽口黑松露平均分佈在意粉上 又唔會太油膩加入紅黃椒一起炒 帶有微微鑊氣 賣相不錯.香煎西冷牛扒🥩切開牛扒時真的有點驚喜 呈粉嫩顏色保留了肉汁 重牛味 而且幼嫩中帶少許咬口設黑椒/蒜蓉汁選擇 另配白飯/意粉/薯菜茶餐廳價錢食到cafe質素 真係好抵食！.雞蛋仔配雪糕🧇排隊時 已經留意到門外的麵包&雞蛋仔爐忍唔住叫了客雞蛋仔做飯後甜品(自選配料)本打算加士多啤梨🍓可惜冇哂水果結果店員幫我DIY了雲呢拿雪糕x朱古力豆色彩繽紛 淋上焦糖漿 引來不少小孩目光這家的雞蛋仔是實心派 外脆内鬆軟有點像吃雞蛋糕 每一啖都帶有蛋香味.宇治抹茶芝士蛋糕🍰作為一個茶控 看到甜品櫃有抹茶 就想試吓抹茶味濃 同時沒有搶去芝士的風頭口感幾幼滑 加上黑糖漿 味道相當豐富.黑糖珍珠鮮奶🧋估唔到連台飲都有 充分表現多國飲食

這間位於愉景新城的茶餐廳2.0，晚市有多款中菜、扒餐及意粉等等，價錢都是六十多元起。節瓜紅蘿蔔湯中湯完全零味精，有些豬骨等，味道清甜。豉汁蒸鯇魚蒸魚是魚腩部位，火喉控制極佳，鯇魚非常新鮮，而且魚肉嫩滑鮮甜，加上豉汁十分惹味，用來送飯一流，另外跟餐加$20有一大碟的菜心，菜心少油很健康，而且翠綠又嫩。香煎澳洲牛柳配薯菜及黑椒汁牛柳點了七成熟，煎至兩邊帶焦香，牛肉味濃郁，肉質嫩腍且有肉汁，黑椒汁惹味，炸薯角香脆，另外還有些西蘭花等配菜。跟餐還送上的Brownie，中間一些果仁碎，朱古力味濃。另外還點了兩件芝士蛋糕，原味芝士味濃郁，而宇治抹茶帶點茶香。最後飲返杯熱咖啡平衡一下。

茶餐廳是一個好地方，主打港式食品。因朋友的關係，今天帶朋友到公司樓下的餐廳一起吃晚餐雜扒薯菜海陸空實在很盛大喔。在香港，不難在西餐廳中看到不同的扒類伴以薯菜，店子的美味薯條非常有口感，也不錯。海陸空有包括豬扒、牛扒和煙肉，熱辣辣上枱，配飯、薯菜或意粉，選黑椒汁蒜汁呢。重量級之雜扒及薯菜，無論是那一個扒，味道也不錯。一邊吃東西，一邊聊天，不妨來懷舊享用雜扒！煙三文魚蟹籽雜菜沙律大大份，很有西式， 棒，煙燻三文魚是許多歐式餐點常見的開胃小點，搭著蟹籽雜菜沙律，實在是輕食首選，朋友吃了也說不錯，本來沒有胃口也吃了很多。多士也很好吃呢，大大的一塊亦厚呢香蕉千層雞旦仔文青專屬的甜點來了！店子集結了兩個好吃的美食，推出甜點呢，看到很多人亦有點。相信千層感覺的雞蛋仔還是第一次吃到，感覺棒～香港地道的街頭小食外脆內軟的雞旦仔。芝士焗粟米魚柳平日在家間中都會吃魚柳來做粟米斑塊。近來少吃這焗飯多汁味道好吃魚柳飯～

喺愉景新城覓食，想簡單快趣食一餐，記得有呢間茶餐廳，印象中幾好味，咁冇乜考慮之下就去開餐😆叫咗$68嘅午市套餐「韭王叉燒蝦仁炒蛋」，包絲苗白飯/餐湯/咖啡或茶，再加$32嘅「朱古力心太軟配雪糕🍦」😋有「木瓜湯」同「羅宋湯」可以揀，要咗「羅宋湯」，幾好飲😋。「韭王叉燒蝦仁🍤炒蛋🥚」嘅蝦仁🍤肉質結實，感覺新鮮；雞蛋🥚炒得好滑；原來呢間係「少鹽少糖餐廳」👍，所以呢個餸都幾清淡，可以食到食物嘅原味😋；仲有，份量真係頗多😊。「心太軟」好甜，食到人好開心😁。「熱奶茶」幾香幾滑😋

啱啱喺愉景新城759對面嘅茶餐廳2.0食飯, 飯後竟然驚喜地有得食餐廳自家製嘅桂花糕, 味道清新, 又唔會太甜, 餐廳實在太有心了, 讚一下先^^.🍴三色芝士焗肉醬意粉 (HKD68)推介! 肉醬同芝士份量十足, 焗起芝士全部拉絲ga! 每叉一下意粉就一定有啖芝士肉醬, 意粉🍝保持到應有嘅口感唔會焗到乾爭爭.🍴鹽燒牛脷雜菌意大利飯 (HKD88)兩塊牛脷非常厚切. 而且煎得口感外膽肉軟, 味道濃得黎唔會一味得個咸字. 菇類份量多, 每啖意大利飯都有輕拉絲嘅效果.🍴餐湯(+HKD10)必飲店家羅宋湯!! 因為夠辣又足料, 加10蚊有湯之餘drink menu上嘅手調飲品仲會減返around 10蚊, 所以好抵飲. #珍奶控 🍴一人一杯台式drink先: 黑糖珍珠奶茶 (HKD12), 黑糖仙草鮮奶 (HKD14) 完全唔會超甜, 黑糖甜度恰到好處, 我杯鮮草鮮奶<熱>仲要有打dd綿密奶泡, 好飲!🍴香蕉🍌千層雞蛋仔 (HKD48)聽到嘟嘟聲就知雞蛋仔完成了！li個香蕉千層有用香蕉片加cream疊起, 造形靚靚, 雞蛋仔仲要係粒粒搣開內脆內軟, 4人一枱開心share就pe

話說今日同個朋友約咗喺愉景新城食午餐，朋友想飲茶記既凍檸茶，印以就去咗茶餐廳2.0啦餐廳都好大間，好彩我地未到12:00就到唔使等位，但到中途開始食飯時間就坐無虛席啦😝正宗既凍檸茶&凍奶茶🥤茶味濃郁👍🏻午餐-梅菜蒸鯇魚飯勁大件鯇魚囉，$68真係唔貴，淨係食魚都飽啦，鯇魚新鮮，蒸既時間剛好，加多d豉油就perfect，我鐘意多豉油🤭🤭餐湯有中西揀 ，羅宋湯用料豐富，啖啖蔬菜👍🏻呢塊豬鞍超勁大呀，$98咋，真係好抵食肉質超淋易咬，仲要好juice，絕對可以比美高級西餐廳水準，配埋熱辣辣既黑椒汁送飯一流😝臨走既時候仲見到有麵包同撻賣，下次食下午茶又有多間選擇啦🥰🥰

之前光顧過兩次，每次來點餐，總有一兩項餐牌上的食物沒有供應，感覺已經很差了。今次第三次來，嬲到我拍枱走人。我想叫常餐，冇！於是又要花時間再看餐牌。最終選好了，又到老婆的瑞士雞髀冇！真係勁嬲！我第一次聽到茶餐連常餐都售罄，多荒謬！茶餐廳的精髓就是多選擇，但如果餐廳廚房不能同時提供這麼多選擇，就不要叫自己做「茶餐廳」，也不要把這麼多食物種類放在餐牌內，客人選好了又沒供應，浪費時間！附圖是上一次光顧的照片，這間餐廳我已經永久blacklist！

假期前夕，來到愉景新城，食咩好？行行吓見到茶餐廳2.0，朋友話呢間唔錯，小菜選擇多，飲品亦有其他茶餐廳没有的特色，咁仲等咩呢？即刻『閃』入。我叫咗『涼瓜炆倉魚』套餐，朋友就揀咗佢鍾意的『金沙鮮魷』套餐，雖然食嘅係中餐，但餐湯亦可選擇中湯或西湯，咁就一中一西吧。羅宋湯好濃郁，好少少辣，好開胃; 中湯就清清哋，好滋潤，各有特色，各取所需。魚餐嘅倉魚中等Size，新鮮味美，而涼瓜微苦，甘甘哋，喜歡但略嫌少D; 而鮮魷亦好味，可以話係我食過最好食之一。『芒椰派對』和『莓莓仲夏』呢D好少可以喺茶餐廳飲到嘅嘢呢度都有，跟餐價减10蚊，抵飲。