茶餐廳2.0 (已結業)

收工同朋友去左荃灣行IKEA 諗住買D 家品，行完之後佢話想食茶記，諗起隔離愉景新城有間茶餐廳2.0 ，所以就行左過去食。仲記得之前呢度嘅晚市好旺埸，但而家真係差左好多。呢度嘅食物款式依然好多，今次就食中式嘅小菜，小菜我地叫左3個，分別係西蘭花炒帶子、一品八珍豆腐煲同蝦干土魷蒸肉餅，再加一個炒油麥菜，價錢加埋都係$300 左右，相當超值。西蘭花炒帶子帶子幾大隻，不過可惜唔太夠味，西蘭花就炒得唔錯，幾有酒樓嘅味道。一品八珍豆腐煲熱辣辣，入面仲有唔少海鮮，成個煲都好入味，冬天勁正。蝦干土魷蒸肉餅用黎送飯一流，肉餅蒸得岩岩好，咬起來鮮嫩多汁非常有口感。清炒油麥菜份量都唔少，炒得好 翠 綠得黎又入味。跟餐送嘅中湯係合掌瓜湯。黑糖仙草鮮奶同黑糖鮮奶黑糖味幾重，維持一貫水準。

愉景新城shopping 2點後有些餓，行經茶餐廳2.0，見座位寬闊、乾淨企理，價錢抵食。我們點左海南雞喇沙米線$45(因Tea減$10)配檸檬茶，雞肉嫩滑，米線滑，份量十足，喇沙椰味香，很好吃😋真抵食。馬來咖喱牛筋腩飯$60配熱咖啡，牛腩夠腍夠入味，牛筋夠腍滑，咖喱味香，真不錯👍鮮茄焗豬扒飯$53，豬扒好淋、新鮮蕃茄味甜，炒飯底夠爽口。總結：味道不錯、選擇多，分量足，價錢合理。地址；荃灣青山道398號愉景新城第二層2029號舖

呢日喺愉景新城搵嘢食，見到呢間茶餐廳，記得之前好似食過，幾抵食，咁就入去開餐😊叫咗$58嘅 Set Lunch「香煎鴛鴦扒飯（豬扒及雞扒）配黑椒汁」，跟餐包咖啡或茶，叫咗「熱檸水」，再加$32嘅「朱古力心太軟配雪糕」😋好快「鴛鴦扒飯」就嚟到，豬扒同雞扒都係大大塊，豬扒醃得幾入味煎得幾香，雞扒就連塊皮都竟然脆脆地，非常香口，兼肉質軟熟，配微辣嘅黑椒汁送飯幾惹味😋。「心太軟」暖暖地配凍冰冰嘅雪糕食，一暖一凍幾醒神😋

去開宜家傢俬過嚟食少少野，找到依家食評比較多嘅茶餐廳食個下午茶。下午茶餐a-g, 勁多款揀。叫咗一份西多士加熱檸蜜, 西多一上枱感覺係勁厚，但花生醬可以再多少少。熱檸蜜唔使加錢，抵！另一份薑蔥雞扒撈丁加熱奶茶，薑蔥好香雞扒好脆，但比較油膩，最驚喜有一碗紫菜湯附上。熱奶茶OK好飲。共$86又好食又抵。如果在小油啲就好啦。相信早餐同晚餐應該都唔太差。好似話招牌菜係雞蛋仔加雪糕，幾樣topic都適合小朋友，不過太多嘢食唔晒下次再試。

茶餐廳2.0真係性價比高嘅新式港式茶餐廳好選擇～繁忙時間有時都需要排隊，不過通常好快就可以入座。今次lunch，叫咗一個2.0迷你雜扒餐$62，入面有豬扒、雞扒、腸仔同埋煙肉，我就揀咗黑椒汁配飯，份量好大一定夠飽而且好夠鑊氣～另一個午餐就揀咗合時臘味炒飯$62，又係超大碟呀，女仔真係會食唔晒炒飯入邊有臘腸臘肉等等配料，冬天食一流。嘢飲方面加錢轉飲特飲，叫咗一杯榛子咖啡，榛子味香濃咖啡順滑。另外一杯叫咗香芒四季春茶桃膠，好少見有桃膠嘅飲品，真係非常有特色～

呢度好似出名食雞蛋仔但我揀完一輪其實都好多款式又面啦飯啦炸肶雞翼乜都有但最後都係叫左個cake set當日係朱古力芝士蛋糕都算唔錯我覺得有少少似元氣裡面個芝士蛋糕下次再試下其他咸食先

呢個商場平日都唔算太多人，但午餐時間估佢唔到真係好多人，見到佢餐牌咁多選擇就明白點解咁多人食lunch ! Lunch time 我都要等位呀！不過店內座位比較迫有少許唔舒服，唯有快啲醫肚就走！即刻叫個日式照燒雞扒飯，味道都幾好，不過食完即刻走啦！

依間茶餐廳我已經encore第二次了 天氣凍冰冰就揀咗個冬日2.0暖粒粒煲之香噴噴酸菜魚煲🤩🤩香噴噴酸菜魚酸菜魚嘅辣度可以自己揀 入面成煲都係酸菜、芽菜、瓜等配料 有好多好多配料食 滿足鐘意食酸菜嘅人簡直一流🤤🤤嫌唔夠 仲可以加碼酸菜 佢哋依款暖笠笠煲嘅食法係似打邊爐除咗主菜酸菜魚 仲加咁3個配菜 分別係肥牛、魷魚同枝竹 枝竹就唔駛講啦 打邊爐必點配菜😏早少少放落去索湯汁 枝竹吸收哂酸菜魚嘅香辣味 簡直無得彈😍😍😍魷魚好爽脆 咬落走索索聲 黑糖仙草鮮奶雖係茶餐廳 但台式特調飲品一啲都唔輸蝕 黑糖嘅香味好出 加埋鮮奶唔會太甜👍🏻👍🏻👍🏻🥳

今日同男朋友入去食lunch，一坐低就叫侍應比兩杯水我哋丶之後就開始揀嘢食啦！跟住叫咗一個咖喱牛腩飯+泡菜肥牛辛辣麵，今日係平日星期一，2:00左右因為限聚令每張枱其實都唔算太full，跟住開始等嘢食嚟，應該個姐姐唔記得咗幫我哋攞兩杯水，我哋再同佢講一次！眼見其實地方唔係大客人唔係多，樓面都見到六七個，但係唔明佢哋望緊啲咩人又唔係多，其實我每次都係叫同一個阿姐拎水費事唔同嘅人講重複左，我哋對面一對情侶坐低佢即刻比兩杯水佢，我真係忍唔到有少少嬲同個阿姐講我唔該你可唔可以真係比兩杯水我哋。佢係真係見到我嬲佢先即刻走去攞跟住咖喱牛腩飯到咗，唔錯個咖喱OK嘅，啲牛腩都幾林牛筋好食，但係隻匙羹超級污糟囉好油，跟住男朋友嘅泡菜肥牛辛辣麵⋯⋯一見到兩個對望，個賣相真係麻麻地！果然不負眾望辛辣麵都可以煮到難食過屋企自己煮，肥牛最恐怖好大浸雪藏味道，究竟有幾耐冇人叫過？泡菜味係一啲都冇㗎食咗落去辛辣麵不像辛辣麵泡菜湯底不像泡菜湯底，$46叫個咁嘅面都仲要諗住佢係公仔麵穩陣㗎啦。點知食食吓收銀嗰個哥哥大大聲聲講快啲比外賣32號啦個客人發緊脾氣啊，然後全場焦點梗係望出去睇吓係咩人啦，其實咁樣令到人哋好尷尬，

番工得一個鐘meal break 要快靚正，非茶餐廳莫屬位於荃灣愉景新城內的茶餐廳叫了一個焗飯和口水雞飯食物質素和速度都好好👍🏻「秘製口水雞飯」$48大讚👍🏻雞夠滑又夠辣🤩🤩送飯一流！ 食過返尋味！ 🤤呢個價錢呢個質素真係唔話得👍🏻「芝士粟米焗魚柳飯」$58濃濃的芝士係上蓋令到每一口飯都有芝士香味仲有拉絲效果！ 正👍🏻至於魚柳就好嫩好脆，都好讚👍🏻但如果粟米多d就好啦😣但凍飲唔係好值得加錢加$3凍檸茶但個大細竟然同熱檸水一樣

最近天氣涼浸浸，即刻想食臘味🤣🤣愉景新城這家茶餐廳2.0 經常都有新菜式推出，臘味炒芥蘭飯，特意過來食㗎🥰🥰座位好大、乾淨企理，店員嘅服務真係一流👍👍臘味香呀，肥瘦適中，芥蘭翠綠，夠晒火候！冬天食真係的確很適合🥳🥳另外點了 鮮茄焗豬扒飯😛飯底夠乾身，用上新鮮蕃茄，酸甜適中！豬扒好淋，而且份量仲好多添，越食越有胃口😍😍店員特別提返，即叫即做，需要等久一點，很好👍特別一提呢度嘅凍奶茶真係好飲，茶味夠，奶嘅份量剛剛好👍👍只是一間食極吾厌的茶餐廳，每次都有咁多不同菜式選擇，繼續支持🤣🤣

✿╮❤╭✿✿雜感女生   好味日記✿˚*•✰。茶餐廳2.0．中西合BIG好滋味。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤和朋友去荃灣shopping又經過愉景新城一於試試當區茶記：茶餐廳2.0    茶記是香港的味道什麼口味都可以找到中西合BIG，有容乃大多元化又發揚了港式口味DNA就好似茶餐廳2.0 極具食力！ 我們點了中西合BIG的晚餐鐵板香煎安格斯牛柳和小炒腰果西芹大蝦仁  餐湯自選中西款，我們都好羅宋湯於是，被味道香濃的、滿滿的羅宋湯所征服原因好簡單：足料，濃郁，好吃連湯內的牛肉都入味三分極之香林一整碗乾杯不是難事！飲勝！  中式小炒：腰果西芹大蝦仁迷人的蒜香親吻著腰果爽口的西芹和大蝦仁非常好吃重點是：大蝦仁果然夠大加上有質素的白飯確是一道出色的港式小炒 西式鐵板：香煎安格斯牛柳牛柳可以選擇鐵板上或碟上我們當然是選鐵板 熱滋滋的牛柳香氣份量巨型，香軟林滑五成熟剛剛好，再配以惹味的蒜汁實在令人回味  跟餐可選薯條、意粉或飯自然是薯條，在鐵板上再煎香點簡單又香脆！ 拿拿拿，飽

茶餐廳就當然大家都一定有細接觸而且都成日食。因為佢就係代表着香港嘅特色所以無論係舊式茶餐廳又好或者新式嘅茶餐廳都好多一定有好多元素保留左落嚟。不過隨着而家越來越多選擇之下每一間餐廳當然要加入好多新嘅元素令到茶餐廳除咗有傳統嘢食之外亦都融合咗其他地方嘅美食。就好似我要推介嘅燒春雞， 雖然佢係一個西式嘅主菜但係旁邊嘅薯菜絕對係代表着香港鐵板嘅一個特色😍 春雞即係代表着年幼嘅雞所以肉質絕對會俾我哋正常食到嘅雞肉或者雞柳或者雞扒都要亂好多👍🏼👍🏼配合埋燒汁就令到知味道大大提升！特別要稱讚薯條！ 新鮮熱辣脆卜卜絕對係最有新鮮度嘅代表，長方形嘅厚度亦都令到口感好啲， 最重要都係每一條都表現得好平均唔會突然有一條好硬//有一條好淋😁然之後就要介紹重量級人馬法蘭克福珍寶腸熱狗配芝士蓋！ 我相信呢一個size絕對係我人生入面見過其中一個好大都好長嘅熱狗，直頭可以當佢鋸扒咁樣去食，如大家所見珍寶腸絕對唔係浪得虛名😌再加上邪惡嘅芝士融合埋啱啱整好嘅熱狗包三位一體咬落去除咗成個咀都被填滿之外就淨係感受到新鮮味道👍🏼👍🏼👍🏼至於飲品就融合咗台灣嘅元素所以即管睇吓一間茶餐廳點樣可以做出台灣嘅味道所以就叫咗仙草奶茶

茶餐廳2.0，有中式有西式，仲有得食即叫即製雞蛋仔，店內充滿香噴噴的味道。芝士焗肉醬意粉（$58）套餐價錢，包一杯餐飲及餐湯，傳統西湯我較喜歡紅湯（羅宋湯），味道香濃又多配料，牛肉好足料！肉醬意粉的芝士拉絲好香好吸引。小菜套餐亦有好多選擇，主要中式鑊氣小菜，亦有海鮮食。XO醬豉汁蒸白鱔（$98）香、濃、鮮，伴白飯一流！美國安格斯肉眼扒（$128）足10安士，好有份量，而且有肉味有驚喜喔！另外呢度下午茶有喇沙，晚市有海南雞、口水雞，咁多選擇，要食多幾次至滿足呢！

之前食過黃大仙嗰間茶餐廳2.0，覺得幾唔錯，喺荃灣見到原來愉景新城都有分店，所以就試吓，果然唔令人失望～食物款式選擇好多，無論西式嘅扒餐定係中式嘅小菜都有。我就叫咗一個奇味雞煲$118半隻，其實佢即是打邊爐嗰種雞煲，連gas爐一齊上大大煲咁，非常足料雞肉超多，而且醬汁香濃又唔辣，啱晒食唔到辣嘅我～食完啲雞其實仲可以叫火鍋配料打邊爐嘅，每款都係$28或者$38，不過我就唔打邊爐了下次先。另外仲叫咗個晚市套餐，韭黃叉燒白飯魚炒蛋$78，套餐包左白飯同中湯，雞蛋炒得非常嫩滑，叉燒都唔少，味道相當唔錯！仲叫咗一杯特飲，桃膠百香果烏龍，入面有杞子同埋桃膠，好滋補咁呀～最後仲叫咗個飯後甜品，雪糕鮮果雞蛋仔$58，雞蛋仔即叫即整，熱辣辣脆卜卜配上凍冰冰嘅雲呢拿雪糕🍦實在太美味了～下次再嚟試吓西式扒餐先！