影片
以上资料只供参考，请与餐厅确认详情
前排突然好想食酸菜鱼，原本谂住揾间川菜馆，点知行过荷里活冰室，见到佢menu竟然有酸菜鱼！😲 一间茶记有咁特别既菜式，真系好吸引，于是我同朋友即刻入去试试，睇下呢间茶记点样将酸菜鱼整出新火花！🍲.招牌酸菜鱼 $99招牌酸菜鱼一上枱，已经闻到阵阵酸辣香气，汤底呈金黄色，望落就知好有料！😍 汤头酸度同辣度岩岩好，酸菜既酸香同辣椒既微辣交织，饮一口暖胃又开胃，味道浓郁但吾会过咸，仲带点清爽既回甘。鱼肉超多，片片都厚实鲜嫩，入口滑溜，咬落去完全无腥味，仲有阵阵汤汁既鲜味渗出，超满足！🥰 配料方面有芽菜、腐竹、木耳同莲藕，芽菜爽脆、腐竹软滑吸汤、木耳弹牙、莲藕带点粉糯，每款配料都吸晒汤底精华，层次好丰富。而米线Q弹有嚼劲，挂汤能力一流，每条米线都浸满酸辣汤汁，食落每啖都系精华！份量仲好大碗，2-3人share都绝对够！套餐仲包埋热饮，转左冻奶茶（+$3），奶茶香滑浓郁，茶味同奶味平衡得好好，饮落去同酸菜鱼既刺激口感形成完美对比！🥤.姜粒菜圃炒饭 $58姜粒菜圃炒饭真是一个惊喜发现，吾系间间茶记都有呢款炒饭！😎 炒饭粒粒分明，干爽吾油腻，入口即化又带点锅气。姜粒既清香同微微辣味系灵魂，咬落去带点脆口既质感，配上菜圃既咸香同微脆，味道层次即刻提升！蛋花软滑，菜心粒爽脆，两者点缀炒饭，增加左口感既丰富度。整体炒饭好香口，比一般炒饭有性格得多，食完一啖即刻想再食下一啖！😋 加配左杯冻柠檬（+$6），酸甜清新，柠檬既清香同炒饭既浓香好match，解腻之余仲令人胃口大开！🍋.炸鸡中翼 $30炸鸡中翼系茶记小食既经典之选！外皮炸得金黄香脆😍 鸡翼皮薄而脆，带点咸香同微辣，味道惹味但吾会抢左鸡肉本身既鲜味。.丹麦多士 $12外层金黄酥脆，内里软绵绵，带点奶香同蛋香，简单得黎好满足！入口即化，奶香同酥皮完美融合，甜度岩岩好😍
继续阅读
下午茶有包有粉面有炸物可以点卡邦尼烟肉意粉配老火汤自行中西乱搭老火汤料足 够味但卡邦尼意粉有点怪没有太多汁菇似用水烚过意粉像汤意般腍下次来这些茶餐厅还是吃西多类比较稳阵
继续阅读
如果要拣系香港我最enjoy既野，就系平时我做完运动之后去叹嘅一个港式早餐，好钟意香港早餐嘅配搭，有我最钟意食嘅面包之外，仲有一个汤粉，成件事好实在又够饱😍而今日喺屯门做完运动先知道原来呢一度有个食坊系有唔同嘅嘢食选择，而呢一间冰室原来都有唔少地方有分店个㖞。佢哋嘅早餐时间好friendly，去到11点45分，仲等我一开始担心赶唔切11点前去到食，但好彩佢哋嘅早餐时段系咁长，有时放假迟咗起身都唔怕食唔到早餐啦。🐒叉烧意粉💰$40👉🏻乌冬+$6👉🏻煎双蛋+牛油餐包👉🏻冻咖啡+$3佢哋嘅乌冬系稻庭乌冬，所以见到之后就转左食乌冬😛食落好烟靭，而且份量真系好足，因为佢系一整个乌冬 。🐒吉列鱼柳💰$48👉🏻炒滑蛋+牛油餐包👉🏻热柠水佢哋份鱼柳都真系好大份，怪唔之得店员都推介我哋食，好似all day Breakfast一样都会有啲沙律菜，配埋炒蛋/煎蛋，都真系好均衡营养
继续阅读
咁岩屯门揾朋友，咁岩见到呢间怀旧冰室🍧佢装修好有经典金曲舞厅💃🏻，meun仲有劲多选择，所有经典菜式都有，价钱仲好平民😊位置又多，地方干净又卫生▫️烟熏芝士西多士无谂过西多士都咁用心🧡，西多士都整左几个唔同口味。呢个夹心系芝士，食落超软熟，面包又唔会炸到好干身。▪️吉列鱼柳配沙律薯条呢个系下午茶必点，鱼柳劲大块，而且鱼肉都好juice😋▫️厦门炒米新鲜热辣出炉，米粉湿度炒得岩岩好，材料仲好丰富▪️避风塘鸡翼好少会有呢个风味，佢香口得黎带点微辣，好好味👍🏻
继续阅读
屯门的亲友经常带我哋去不同地方食嘢今次去介绍了一间茶餐厅味道贴地之余亦都有好多选择🥰（5⭐️最高）黑椒蜂蜜脆牛柳粒（5⭐️）又香又滑的牛柳粒配上脆炸的薯仔粒😝，加了小小黑椒蜜糖， 一起炒。真系无得输👍🏻。滑蛋虾球饭（5⭐️）加入小小韭王，配合爽口弹牙的虾仁。画画的茨汁，小朋友就最钟意💓。蜜汁叉烧汤意粉配火腿奄列丹麦奶油多士（5⭐️）半肥瘦叉烧入口香嫩幼滑😘，意粉硬到适中。加上浓浓的牛油香味的丹麦多士及幼滑火腿奄列，简直是绝配👍🏻。
继续阅读